އިޒްރޭލު ސިފައިންގެ ހަމަލާއެއްގައި ފަލަސްތީނުގެ ކުއްޖަކު މަރުވެއްޖެ

އިޒްރޭލު ސިފައިންތަކެއްގެ ތެރެއިން ފަލަސްތީނު ކުއްޖަކު ބިން މައްޗަށް ވެއްޓިފައި.-- ފޮޓޯ: ރޮއިޓާޒް

އިޒްރޭލު ސިފައިންތަކެއްގެ ތެރެއިން ފަލަސްތީނު ކުއްޖަކު ބިން މައްޗަށް ވެއްޓިފައި.-- ފޮޓޯ: ރޮއިޓާޒް

އިޒްރޭލު ސިފައިންނާއި ފަލަސްތީނު ރައްޔިތުންނާ ދެމެދު ހުޅަނގު އައްސޭރިގައި ހިނގި ކުރިމަތިލުމެއްގައި އުމުރުން 16 އަހަރުގެ ފަލަސްތީނު ކުއްޖެއްގެ ގަޔަށް ބަޑި ޖަހައި މަރާލައިފި އެވެ.

އެ ކުއްޖާ މަރުވަފައި ވާއިރު، ފަލަސްތީނު މީހަކު ދިން ބަޑީގެ ހަމަލާއެއްގައި މި ހަފްތާގައި ޒަހަމްވި އިޒްރޭލުގެ 19 އަހަރުގެ ޒުވާނަކު ވެސް ވަނީ ފަރުވާދެމުން ދަނިކޮށް މަރުވެފަ އެވެ.

ރޭގެ ކުރިމަތިލުންތަކުގައި ބުރަކައްޓަށް ވަޒަން އެރި އިތުރު ފަލަސްތީން ކުއްޖަކަށް ދަނީ ހޮސްޕިޓަލުގައި ފަރުވާ ދެމުންނެވެ.

Advertisement

ގާޒާއިން އަންނަނީ ކޮންމެ ރެޔަކު ވެސް އިޒްރޭލަށް ގިނަ ރޮކެޓު ހަމަލާތަކެއް ދެމުންނެވެ. ރައްދުގައި އިޒްރޭލުން ދަނީ ގާޒާ ކޮންޓްރޯލް ކުރާ ހަމާސް ގްރޫޕުގެ ޓާގެޓުތަކަށް ހަމަލާދެމުންނެވެ.

ހަމަލާ ބަދަލު ކުރަން ފަށާފައި މި ވަނީ ގިނަ މަސްތަކަކަށް ފަހު ގުދުސްގައި ހަމަނުޖެހުން ހިނގަން ފެށި ފަހުންނެވެ. އެގޮތުން އިރުމަތީ ގުދުސްގައި ފަލަސްތީނުގެ އެތައް ސަތޭކަ މީހުންނާއި އިޒްރޭލު ފުލުހުންނާ ކުރިމަތިލުންތައް ދަނީ ހިނގަމުންނެވެ.

ރިޕޯޓުތައް ބުނާ ގޮތުން ގުދުސްގައި ރޯދަ މަހުގެ ކޮންމެ ރެޔަކު ވެސް ހަމަނުޖެހުން ހިނގަ އެވެ. މައްސަލަ ބޮޑުވެފައި ވަނީ އަގްސާ މިސްކިތުގައި ފަލަސްތީނު މީހުން އަޅުކަން ކުރަން އިޒްރޭލުން ހުރަސް އަޅާތީ އެވެ.

ނަމަވެސް އިޒްރޭލުގެ ބޮޑު ވަޒީރު ބެންޖަމިން ނަތަންޔާހޫ ވިދާޅުވެފައި ވަނީ ގުދުސްގައި އަޅުކަން ކުރުމުގެ މިނިވަންކަމަށް ހުރަސް ނާޅާނެ ކަމަށެވެ. ފިޔަވަޅުތައް އަޅަނީ ކޮވިޑާ ގުޅިގެން ރައްކާތެރިކަން އިސްކުރުމުގެ ގޮތުން ކަމަށް އިޒްރޭލުން ބުނެ އެވެ.

ގުދުސްއަކީ މުސްލިމުންނާއި، ޔަހޫދީންނާއި، ނަސާރާއީންނަށް ވެސް މާތްވެގެންވާ ބިމެކެވެ. އެ ތަނުގައިވާ މުސްލިމުންގެ ތަރިކައިގެ ބެލެނިވެރި ފަރާތް ކަމުގައިވާ އުރުދުންއިން ވަނީ އިޒްރޭލުގެ އަމަލުތައް ކުށްވެރިކޮށްފަ އެވެ.

ގުދުސް މައްސަލާގައި އިޒްރޭލާއި ފަލަސްތީނާ ދެމެދު އަބަދުވެސް ހަމަނުޖެހުން ހިނގަ އެވެ. އެގޮތުން 2014 ވަނަ އަހަރު 50 ދުވަހުގެ ހަނގުރާމައެއް ވެސް ކުރި އެވެ. މި ފަހަރުގެ ހަމަނުޖެހުންތައް ފެށުމާއެކު އެމެރިކާއިން ވަނީ ސުލްހައަށް އިސްކަން ދިނުމަށް ގޮވާލާފަ އެވެ.

އޭގެ އިތުރުން އިޒްރޭލުން ވެރިވެގަނެފައިވާ ފަލަސްތީނުގެ އިރުމަތީ ގުދުސްގެ ސަރަހައްދެއްގައި ޔަހޫދީން އާބާދު ކުރުމާ ދެކޮޅަށް ވެސް މިހާރު ދަނީ ހަމަނުޖެހުން ހިނގަމުންނެވެ.

ފަލަސްތީނުގެ ބައެއްގެ ގޮތުގައި އޮތް އިރުމަތީ ގުދުސްއަށް އިޒްރޭލުން ވެރިވެގަތީ 1967 ގައި ހިންގި ހަނގުރާމައަކަށް ފަހު އެވެ. ގިނަ ގައުމުތަކާއި އދ. އިން ވެސް އިޒްރޭލުން އެތަނަށް ވެރިވެގަނެފައި އޮތް އޮތުން ބަލައެއް ނުގަނެ އެވެ.

އިޒްރޭލުން ދެކޭ ގޮތުގައި މުޅި ގުދުސްއަކީ ޔަހޫދީންގެ ވެރިރަށެވެ. ނަމަވެސް ފަލަސްތީނުން ބޭނުންވަނީ އިރުމަތީ ގުދުސްއަކީ ފަލަސްތީނު ދައުލަތުގެ ވެރިރަށުގެ ގޮތަށް ހެދުމަށެވެ.

މިހާރު ޔަހޫދީން އާބާދު ކުރަމުންދާ އިރުމަތީ ގުދުސްގެ ޝެއިހް ޖައްރާގައި 3،000 އަށް ވުރެ ގިނަ ފަލަސްތީނު ރައްޔިތުން ދިރިއުޅެ އެވެ. ނަމަވެސް އިޒްރޭލުގެ ކޯޓުތަކުން އަންނަނީ އެ މީހުން ގެތަކުން ނިކުތުމަށް އަންގަމުންނެވެ.

އެ ތަނުގައި ޔަހޫދީން އާބާދު ކުރުމުގެ މަސައްކަތް ފެށީ 2001 ގައެވެ. އިޒްރޭލުން ބޭނުންވަނީ ގުދުސްގެ އާބާދީގެ 70 ޕަސަންޓަކީ ޔަހޫދީންނަށް ހެދުމަށެވެ. އަދި އާބާދީގައި ފަލަސްތީނު ރައްޔިތުންގެ ނިސްބަތް އެންމެ ގިނަވެގެން 30 ޕަސަންޓަށް ކުޑަ ކުރުމަށެވެ.

ކޮމެންޓް

ފަހުގެ ޚަބަރު

ސްޕޭސްއެކްސްއަށް ފަންޑިން ހުއްޓުވުމުގެ އިންޒާރު

ޔޫކްރެއިންގައި ބޭނުންކުރާ ސްޓާޝީލްޑްގެ ޚިދުމަތަށް ބަދަލުތަކެއް އައި މައްސަލައިގައި، ސްޕޭސްއެކްސްއަށް ދޭ ފަންޑިން ހުއްޓާލާނެ ކަމުގެ އިންޒާރު އެމެރިކާގެ ކޮންގްރެސް މެންބަރު ޖިމް ހައިމްސް ދެއްވައިފިއެވެ. އޭނާ އެދިވަޑައިގަންނަވަނީ މި ބަދަލުތަކަކީ ކުންފުނިން އަމިއްލައަށް ނިންމި ނިންމުމެއްތޯ ނުވަތަ ސަރުކާރުގެ އެންގުމަކަށް ކުރި ކަމެއްތޯ ސާފުކޮށްދިނުމަށެވެ. ސަރުކާރުގެ ފުރިހަމަ ކޮންޓްރޯލް ނެތް ނިޒާމުތަކަށް ފައިސާ ދޫނުކުރާނެ ކަމަށް ވިދާޅުވެ، މިކަމާ ގުޅޭގޮތުން އީލޮން މަސްކާ ބައްދަލުކުރުމަށްވެސް ހައިމްސް ވަނީ އެދިވަޑައިގެންފައެވެ.

ރަޝިޔާ އާއެކު މަޝްވަރާއަށް ތައްޔާރު: ޔޫރަޕުގެ ލީޑަރުން

ޔޫކްރެއިން ހަނގުރާމަ ހުއްޓާލުމަށް ރަޝިޔާއާއެކު މަޝްވަރާކުރުމަށް ތައްޔާރަށް ތިބިކަން ޔޫރަޕުގެ ލީޑަރުން ހާމަކޮށްފައިވާއިރު، މި މަޝްވަރާތަކުގައި ވިލާތުގެ ބައިވެރިވުން ހިމެނުމަށް އެމެރިކާއިން ދަނީ ބާރުއަޅަމުންނެވެ. ރަޝިޔާގެ ރައީސް ޕޫޓިން ވަނީ ވިލާތުގެ ގައުމުތަކުގެ ސިޔާސަތުތައް ސާފުކުރުމަށްޓަކައި މޮސްކޯއަށް ޒިޔާރަތްކުރުމަށް އެ ގައުމުތަކަށް ދައުވަތު ދެއްވާފައެވެ.

އެންތްރޮޕިކް 1.76 ޓްރިލިއަން ޑޮލަރުގެ ކުންފުންޏަކަށް

އޭއައި ކުންފުނި އެންތްރޮޕިކް ހިއްސާގެ ބާޒާރަށް ނުކުތުމާއެކު، އެ ކުންފުނީގެ އަގު 1.76 ޓްރިލިއަން ޑޮލަރަށް އަރައި ދުނިޔޭގެ އެންމެ އަގުބޮޑު ކުންފުނިތަކުގެ ތެރޭގައި ހިމެނިއްޖެއެވެ. ހިއްސާގެ އަގަށް އައި ކުރިއެރުމާއެކު އޭއައި ދާއިރާއަށް އޮތް ބޮޑު ޝައުގުވެރިކަން ހާމަވީ ނަމަވެސް، މިއީ އިގްތިސާދީ "ބަބުލް" އެއްގެ ގޮތުގައި ބައެއް މާހިރުން ސިފަކުރެއެވެ. ކްލޯޑް ޗެޓްބޮޓް އުފެއްދި މި ކުންފުނިން އެންމެ ބޮޑު އިސްކަމެއް ދެނީ އޭއައިގެ ރައްކާތެރިކަމަށެވެ.

ވެން ގޯގެ ކުރެހުމެއް 190 މިލިއަން ޑޮލަރަށް ވިއްކާލައިފި

ވިންސެންޓް ވެން ގޯގެ "ޗެސްޓްނަޓް ޓްރީޒް އިން ބްލޮސަމް" ކުރެހުން 190.4 މިލިއަން ޑޮލަރަށް ވިއްކާލައި، ދުނިޔޭގެ އާ ރެކޯޑެއް ގާއިމުކޮށްފިއެވެ. މި ކުރެހުން ނީލަމުގައި ވިއްކާލާފައިވަނީ، ނާޒީންގެ ދުވަސްވަރު މަޖުބޫރުވެގެން މި ކުރެހުން ވިއްކާލަން ޖެހުނު އާއިލާއާއި މިހާރުގެ މިލްކުވެރިންގެ މެދުގައި އުފެދުނު ގާނޫނީ މައްސަލައަށް ހައްލެއް ހޯދުމަށްފަހުގައެވެ.

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

Newsletter

Get the latest news delivered straight to your inbox