ޖައްވުގައި 160 ދުވަހަށް ފަހު އެނބުރި ދުނިޔެއަށް

ސްޕޭސް އެކްސްގެ ޖައްވީ އުޅަނދުގައި އެނބުރި ދުނިޔެއަށް އަންނަން ހަ ގަޑިއިރާ ބައި ހޭދަވާނެ.-- ފޮޓޯ: އޭއެފްޕީ / ނާސާ

ސްޕޭސް އެކްސްގެ ޖައްވީ އުޅަނދުގައި އެނބުރި ދުނިޔެއަށް އަންނަން ހަ ގަޑިއިރާ ބައި ހޭދަވާނެ.-- ފޮޓޯ: އޭއެފްޕީ / ނާސާ

ޖައްވުގައި 160 ދުވަސް ހޭދަ ކުރި ހަތަރު އެސްޓްރޮނޮޓުން އިންޓަނޭޝަނަލް ސްޕޭސް ސްޓޭޝަން (އައިއެސްއެސް) ދޫކޮށް ސްޕޭސް އެކްސްގެ ޖައްވީ އުޅަނދެއްގައި ދުނިޔެއަށް އައުމުގެ ދަތުރު ފަށައިފި އެވެ.

އެ އުޅަނދު ދުނިޔެއަށް ތިރި ކުރާނީ އެމެރިކާގެ ފްލޯރިޑާގެ އައްސޭރި ފަށާ ދިމާލުން ކަނޑަށެވެ. ސްޕޭސް އެކްސްގެ "ކްރޫ ޑްރެގަން" ކެޕްސޫލް އައިއެސްއެސް އިން ނައްޓާލީ ރޭގެ ވަގުތެއްގަ އެވެ.

ހަތަރު އެސްޓްރޮނޮޓުން ދުނިޔެއަށް އައުމުގެ ދަތުރަށް ހަ ގަޑިއިރާ ބައި ހޭދަވާނެ އެވެ. ނާސާއިން ވަނީ ކްރޫ ޑްރެގަން ދަތުރު ފެށި މަންޒަރު ފެންނަ ވީޑިއޯއެއް އާއްމުކޮށްފަ އެވެ.

Advertisement

އެ ވީޑިއޯއިން ފެންނަނީ އައިއެސްއެސް އިން ނައްޓާލުމަށް ފަހު އަނދިރީގެ ތެރެއިން އެ އުޅަނދު ދަތުރު ކުރާ މަންޒަރެވެ. ނާސާއިން ބުނީ އުޅަނދުގައި އެކަށީގެންވާ އަލިކަން ހުންނާނެ ކަމަށާއި އޭތި ދުނިޔެއަށް ތިރި ކުރާ ސަރަހައްދުގެ މޫސުން ވެސް ރަނގަޅު ކަމަށެވެ.

ފްލޯރިޑާ ކައިރިން ކަނޑަށް އުޅަނދު ތިރި ކުރުމާއެކު ސްޕޭސް އެކްސްގެ ބޯޓުތައް 10 މިނެޓުގެ ތެރޭގައި އެ ސަރަހައްދަށް ގޮސް އެސްޓްރޮނޮޓުން ނަގާނެ އެވެ.

އައިއެސްއެސްގައި ތިބި އެ ހަތަރު އެސްޓްރޮނޮޓުން ދުނިޔެއަށް އައުމުގެ ދަތުރު ފެށުމުން މިހާރު އެ ތަނުގައި ތިބީ ހަތް އެސްޓްރޮނޮޓުންނެވެ. އޭގެ ތެރެއިން ހަތަރު މީހުންނަކީ މިދިޔަ ހަފްތާގައި ސްޕޭސް އެކްސްގެ އެހެން އުޅަނދެއްގައި ޖައްވަށް ދިޔަ މީހުންނެވެ.

މިހާރު ދުނިޔެއަށް ދަތުރު ކުރަމުންދާ އެސްޓްރޮނޮޓުން، އެމެރިކާގެ މައިކަލް ހޮޕްކިންސް އާއި ވިކްޓާ ގްލޮވާ އަދި ޝެނަން ވޯކާ އަދި ޖަޕާނުގެ ސޮއިޗީ ނޮގޫޗީ ޖައްވަށް ދިޔެއީ މިދިޔަ ނޮވެމްބަރު މަހު އެވެ.

ކޮމެންޓް

ފަހުގެ ޚަބަރު

ސްޕޭސްއެކްސްއަށް ފަންޑިން ހުއްޓުވުމުގެ އިންޒާރު

ޔޫކްރެއިންގައި ބޭނުންކުރާ ސްޓާޝީލްޑްގެ ޚިދުމަތަށް ބަދަލުތަކެއް އައި މައްސަލައިގައި، ސްޕޭސްއެކްސްއަށް ދޭ ފަންޑިން ހުއްޓާލާނެ ކަމުގެ އިންޒާރު އެމެރިކާގެ ކޮންގްރެސް މެންބަރު ޖިމް ހައިމްސް ދެއްވައިފިއެވެ. އޭނާ އެދިވަޑައިގަންނަވަނީ މި ބަދަލުތަކަކީ ކުންފުނިން އަމިއްލައަށް ނިންމި ނިންމުމެއްތޯ ނުވަތަ ސަރުކާރުގެ އެންގުމަކަށް ކުރި ކަމެއްތޯ ސާފުކޮށްދިނުމަށެވެ. ސަރުކާރުގެ ފުރިހަމަ ކޮންޓްރޯލް ނެތް ނިޒާމުތަކަށް ފައިސާ ދޫނުކުރާނެ ކަމަށް ވިދާޅުވެ، މިކަމާ ގުޅޭގޮތުން އީލޮން މަސްކާ ބައްދަލުކުރުމަށްވެސް ހައިމްސް ވަނީ އެދިވަޑައިގެންފައެވެ.

ރަޝިޔާ އާއެކު މަޝްވަރާއަށް ތައްޔާރު: ޔޫރަޕުގެ ލީޑަރުން

ޔޫކްރެއިން ހަނގުރާމަ ހުއްޓާލުމަށް ރަޝިޔާއާއެކު މަޝްވަރާކުރުމަށް ތައްޔާރަށް ތިބިކަން ޔޫރަޕުގެ ލީޑަރުން ހާމަކޮށްފައިވާއިރު، މި މަޝްވަރާތަކުގައި ވިލާތުގެ ބައިވެރިވުން ހިމެނުމަށް އެމެރިކާއިން ދަނީ ބާރުއަޅަމުންނެވެ. ރަޝިޔާގެ ރައީސް ޕޫޓިން ވަނީ ވިލާތުގެ ގައުމުތަކުގެ ސިޔާސަތުތައް ސާފުކުރުމަށްޓަކައި މޮސްކޯއަށް ޒިޔާރަތްކުރުމަށް އެ ގައުމުތަކަށް ދައުވަތު ދެއްވާފައެވެ.

އެންތްރޮޕިކް 1.76 ޓްރިލިއަން ޑޮލަރުގެ ކުންފުންޏަކަށް

އޭއައި ކުންފުނި އެންތްރޮޕިކް ހިއްސާގެ ބާޒާރަށް ނުކުތުމާއެކު، އެ ކުންފުނީގެ އަގު 1.76 ޓްރިލިއަން ޑޮލަރަށް އަރައި ދުނިޔޭގެ އެންމެ އަގުބޮޑު ކުންފުނިތަކުގެ ތެރޭގައި ހިމެނިއްޖެއެވެ. ހިއްސާގެ އަގަށް އައި ކުރިއެރުމާއެކު އޭއައި ދާއިރާއަށް އޮތް ބޮޑު ޝައުގުވެރިކަން ހާމަވީ ނަމަވެސް، މިއީ އިގްތިސާދީ "ބަބުލް" އެއްގެ ގޮތުގައި ބައެއް މާހިރުން ސިފަކުރެއެވެ. ކްލޯޑް ޗެޓްބޮޓް އުފެއްދި މި ކުންފުނިން އެންމެ ބޮޑު އިސްކަމެއް ދެނީ އޭއައިގެ ރައްކާތެރިކަމަށެވެ.

ވެން ގޯގެ ކުރެހުމެއް 190 މިލިއަން ޑޮލަރަށް ވިއްކާލައިފި

ވިންސެންޓް ވެން ގޯގެ "ޗެސްޓްނަޓް ޓްރީޒް އިން ބްލޮސަމް" ކުރެހުން 190.4 މިލިއަން ޑޮލަރަށް ވިއްކާލައި، ދުނިޔޭގެ އާ ރެކޯޑެއް ގާއިމުކޮށްފިއެވެ. މި ކުރެހުން ނީލަމުގައި ވިއްކާލާފައިވަނީ، ނާޒީންގެ ދުވަސްވަރު މަޖުބޫރުވެގެން މި ކުރެހުން ވިއްކާލަން ޖެހުނު އާއިލާއާއި މިހާރުގެ މިލްކުވެރިންގެ މެދުގައި އުފެދުނު ގާނޫނީ މައްސަލައަށް ހައްލެއް ހޯދުމަށްފަހުގައެވެ.

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

Newsletter

Get the latest news delivered straight to your inbox