އިނގިރޭސިން އިންޓަވިއު ނުދެވޭތީ ލީޑްސް ކޯޗު ބިއެލްސާ މާފަށް އެދިއްޖެ

Apr 30, 2021, 5:05 AM
މަޝްހޫރު ކޯޗު ބިއެލްސާ.

މަޝްހޫރު ކޯޗު ބިއެލްސާ.

ލީޑްސް (އޭޕްރީލް 30) - އޭނާ އަށް އިނގިރޭސިން އިންޓަވިއުތައް ނުދެވޭތީ އެކަމާ މާފަށް އެދޭ ކަމަށް ލީޑްސް ޔުނައިޓެޑްގެ މަޝްހޫރު ކޯޗު މާސެލޯ ބިއެލްސާ ބުނެފި އެވެ.

ބިއެލްސާ ވަނީ މީގެ ކުރިން މަދު ފަހަރަކު އިނގިރޭސިން އިންޓަވިއުތަކެއް ދީފަ އެވެ. އެކަމަކު އޭނާ ވާހަކަ ދައްކާ މާނައިގައި މީޑިއާ އިން އޭނާގެ ވާހަކަތައް ނުގެނެސްދޭ ކަމަށް ބުނެ، ފަހުން ސްޕެނިޝް ބަހުން އިންޓަވިއުތަކުގައި ވާހަކަ ދައްކަން ފެށީ އަދި އެ ވާހަކަތައް އިނގިރޭސި ބަހަށް ޓްރާންސްލޭޓް ކުރަން މީހެއް ބެހެއްޓި އެވެ.

ލީޑްސްގެ ކޯޗުކަމާ 2018 ވަނަ އަހަރު ހަވާލުވިއިރު ވެސް ބިއެލްސާ ވަނީ އޭނާގެ ހުރިހާ އިންޓަވިއުއެއް ގެންދާނީ ސްޕެނިޝް ބަހުން ކަމަށް ބުނެ އެގްރީމެންޓްގައި ވެސް އެގޮތަށް ހިމަނައިފަ އެވެ. އެންމެ ރަނގަޅަށް ސްޕެނިޝް އިން ވެސް ވާހަކަ ނުދެއްކޭތީ އެއީ ވެސް ބިއެލްސާ އަށް އޮތް ބޮލުގެ ރިހުމެކެވެ.

އުމުރުން 65 އަހަރުގެ ބިއެލްސާ ބުނީ އޭނާގެ ވާހަކަތައް އަޑުއަހާ މީހުންގެ ކިބައިން މާފަށް އެެދެން ބޭނުންވަނީ އިނގިރޭސި ޕްރިމިއާ ލީގުގައި އެހެން ހުރިހާ ކޯޗުންގެ ވާހަކަތައް އަޑު އަހާލެވޭހާ ފަސޭހައިން އޭނާގެ ވާހަކަތައް ނީވޭނެތީ އެވެ.

"އަހަރެން ރަނގަޅަށް އިނގިރޭސި ދަސްނުކުރެވޭތީ އެކަމަށް ވެސް މާފަށް އެދެން. އިނގިރޭސި ފުޓްބޯޅައިގައި އަހަރެންގެ އެންމެ ބޮޑު ދެރައަކީ އަހަންނަށް އިނގިރޭސި ވާހަކަ ދައްކަން އެހާ ރަނގަޅަށް ނޭނގުން،" 16 އަހަރަށް ފަހު ލީޑްސް ޕްރިމިއާ ލީގަށް ކޮލިފައިކޮށްދީ ރަނގަޅު ނަތީޖާތަކެއް ނެރެމުން އަންނަ ބިއެލްސާ ބުންޏެވެ.

ބިއެލްސާ ބުނީ އޭނާ ދައްކާ ބައެއް ވާހަކަތައް ނަގައިގަންނަން ކުޅުންތެރިންނަށް އަދިވެސް ކޮންމެވެސް ވަރަކަށް އުނދަގޫވާ ކަމަށާއި އެކަމަކު އެންމެ ފުރަތަމަ ދުވަހާ އަޅާކިޔާއިރު މިހާރު ވަރަށް ބޮޑުތަނުން ކުރިއެރުން ލިބިފައިވާ ކަމަށެވެ.

ދާދި ފަހުން ލީޑްސްގެ ރަސްމީ ވެބްސައިޓްގެ ވީޑިއޯ ޝޯ އަކަށް އެ ކްލަބްގެ ރައީސް އިޓަލީގެ އަންދްރެއާ ރަޑްރިޒާނީ ވިދާޅުވީ އާންމުންގެ ކުރިމަތީގައި އިނގިރޭސިން ވާހަކަ ދައްކަން ބިއެލްސާ ދެކޮޅު ހަދާ ސަބަބަކީ އޭނާ ބޭނުންކުރާ ބަސްތަކުން އެހެން މާނަ ނަގައިގެން މީޑިއާގައި ބޭނުންކުރާތީ އެވެ.

ހައި ޕްރެސިން އެޓޭކިން ފުޓްބޯޅަ ކުޅުވުމުގައި މަޝްހޫރު ބިއެލްސާ ވަނީ އާޖެންޓީނާ، ޗިލީ، އެތުލެޓިކް ބިލްބާއޯ އަދި އޮލިމްޕިކް މާސޭ އަށް ކޯޗުކޮށްދީފަ އެވެ. ފާހަގަކޮށްލެވޭ މާބޮޑު ކާމިޔާބެއް ލިބިފައި ނެތަސް އޭނާ އަކީ ޓެކްޓިކަލީ ތަފާތު މޮޅު ކޯޗެއް ކަމަށް ގިނަ ބަޔަކު އެއްބަސްވެ އެވެ. މެންޗެސްޓާ ސިޓީގެ ޕެޕް ގާޑިއޯލާ އާއި ޕީއެސްޖީގެ މައުރޯސިއޯ ޕޮޗެޓީނޯ އަދި އެތުލެޓިކޯ މެޑްރިޑުގެ ޑިއެގޯ ސިމިއޯނީ އަކީ ބިއެލްސާ އަށް ވަރަށް ތާއީދުކުރާ އަދި އޭނާގެ ކިބައިން ފިލާވަޅު ނަގާފައިވާ ކޯޗުންނެވެ.

މި ސީޒަނުގައި ލީޑްސް ގޮވައިގެން ޕްރިމިއާ ލީގުގައި ރަނގަޅު ނަތީޖާތަކެއް ނެރެމުން އަންނަ ބިއެލްސާ ކޮންމެ ފަހަރަކު ވެސް ލީޑްސްއާ އެކު ކޮންޓްރެކްޓް އާ ކުރަނީ ކޮންމެ ސީޒަނެއް ނިމުމުން އިތުރު އެއް އަހަރަށެވެ. ލީޑްސް އިން ވަނީ އަންނަ ސީޒަނުގައި ވެސް ބިއެލްސާ ބަހައްޓަން އޭނާ އަށް ކޮންޓްރެކްޓެއް ދީފަ އެވެ. ބިއެލްސާ ގޮތެއް ނިންމާނީ މި ސީޒަން ނިމުމުންނެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox