މާލީ ހާލަތު ދަށްއިރު ބަދަލު ދޭތީ ހުށަހެޅި މައްސަލައަށް ބަހުސް ކުރަން ބޭނުމެއް ނުވި

ފަރެސްމާތޮޑާ ދާއިރާގެ އިދިކޮޅު މެމްބަރު ހުސެއިން މުހައްމަދު ލަތީފު މަޖިލީހުގެ ޖަލްސާއެއްގައި ވާހަކަ ދައްކަވަނީ. -ފޮޓޯ: މަޖިލިސް

ފަރެސްމާތޮޑާ ދާއިރާގެ އިދިކޮޅު މެމްބަރު ހުސެއިން މުހައްމަދު ލަތީފު މަޖިލީހުގެ ޖަލްސާއެއްގައި ވާހަކަ ދައްކަވަނީ. -ފޮޓޯ: މަޖިލިސް

ކޮވިޑް-19އާ ގުޅިގެން އިގުތިސޯދު ހީނަރުވެ، ދައުލަތުގެ މާލިއްޔަތު އިންތިހާއަށް ދަށްވެފައިވާ ދަނޑިވަޅެއްގައި ވެސް، އެކި ފަރާތްތަކަށް ބޮޑެތި އަދަދުތަކުން ދައުލަތުން ބަދަލުދޭކަމަށް ބުނެ އެކަން ހުއްޓުވައި ދިނުމަށް ގޮވާލައި އިދިކޮޅުން މިއަދު ރައްޔިތުންގެ މަޖިލީހަށް ހުށަހެޅި ކުއްލި މައްސަލަ ބަލައި ނުގަނެ ބޭރުކޮށްލައިފި އެވެ.

ފަރެސްމާތޮޑާ ދާއިރާގެ އިދިކޮޅު މެމްބަރު ހުސެއިން މުހައްމަދު ލަތީފު އެ މައްސަލަ ހުށަހަޅުއްވަމުން ވިދާޅުވީ ރާއްޖޭގެ އިގްތިސޯދު ވެއްޓިފައިވާ ފުން ވަޅުގަނޑުން އަދިވެސް އަރައި ނުގަނެވި މާލީ ހާލަތަށް ބޮޑެތި ގޮންޖެހުންތަކެއް ކުރިމަތިވެފައިވާ ކަމަށެވެ.

ނަމަވެސް، ސަރުކާރުން ދަނީ "ފައިސާ ޗާޕްކޮށް" ސަރުކާރާ ގުޅުން އޮންނަ ފަރާތްތަކަށް ބޮޑެތި އަދަދުތަކުން ފައިސާ ބަހަމުން ކަމަށް އޭނާ ވިދާޅުވި އެވެ.

ހުސެއިން އެ އިޝާރާތް ކުރެއްވީ ދައުލަތުގެ ކޭޝް ފްލޯ މެނޭޖުކުރުމަށްޓަކައި މަރުކަޒީ ބޭންކުން ސަރުކާރަށް ނަގާފައިވާ 4.4 ބިލިއަން ރުފިޔާގެ އޯވާޑްރާފްޓް ފެސިލިޓީގެ މުއްދަތު އަންނަ އަހަރަށް އިތުރުކޮށް ދިނުމަށް މަޖިލީހުން ނިންމި ނިންމުމަށެވެ.

އޭގެ ފަހުން މަޖިލީހުގެ ކުރީގެ މެންބަރު އިބްރާހިމް އިސްމާއިލްގެ މަންދު ކޮލެޖް ހިންގި އިމާރާތް ކުއްލި ގޮތަކަށް އަތުލުމުގެ ސަބަބުން ލިބުނު ގެއްލުމުގެ ބަދަލުގެ ގޮތުގައި 15 މިލިއަން ރުފިޔާ ދިނުމަށް ދައުލަތުން ސިވިލް ކޯޓުގައި ވަނީ އެއްބަސްވެފަ އެވެ.

ހުސެއިން މިއަދު ވިދާޅުވި ގޮތުގައި ދައުލަތުން މިލިއަނުން ބަދަލު ދެމުންދަނީ ކޯޓުގެ ހުކުމެއް ނެތި އަދި ކޯޓުން ބޭރުގައި ހަދާ ސެޓެލްމަންޓް އެގްރީމަންޓްތަކުގެ ތެރެއިން ކަމަށެވެ.

އަދި އެކަން ހިނގަމުންދާއިރު، އާންމުންގެ ތެރެއިން ގިނަ ބަޔެއްގެ ވަޒީފާއާ ގެދޮރު ގެއްލި މަސްވެރިން ބާނާ މަސް ނުކުރި ހަމަ އަގު ވެސް ނުލިބި އާއިލާތައް ބިކަވަމުންދާކަން އޭނާ ފާހަގަކުރެއްވި އެވެ.

އިތުރަށް ވިދާޅުވީ ރައްޔިތުން އެފަދަ ނިކަމެތި ހާލަތެއްގައި ތިބި އިރު، ދައުލަތުގެ ފައިސާ ހަރަދު ކުރަން ޖެހޭނީ ގައުމު ތަރައްގީކޮށް ރައްޔިތުންގެ ދިރިއުޅުމުގެ ހާލަތު ރަަނގަޅު ކުުރަން ކަމަށެވެ.

ނަމަވެސް، ހުސެއިން ހުށަހެޅުއްވި ކުއްލި މައްސަލަ ބަލައިގަތުމަށް ނެގުނު ވޯޓުގައި އެ ގޮތަށް ފެންނަ ގޮތަށް ވޯޓު ދެއްވީ އެންމެ ފަސް މެމްބަރުންނެވެ.

މަޖިލިސް ކޮންޓްރޯލްކުރާ އެމްޑީޕީގެ މެމްބަރުންގެ ތެރެއިން އެ ވޯޓުގައި ބައިވެރިވެޑައިގެންނެވި 29 މެމްބަރުން އެ ކުއްލި މައްސަލައަށް ބަހުސް ކުރަން ނުފެންނަކަމަށް ވޯޓު ދެއްވުމުން އެ މައްސަލަ ވަނީ ބަލައިނުގަނެ ބޭރުވެފަ އެވެ.

ކޮމެންޓް

ފަހުގެ ޚަބަރު

ލޯ ޑިގްރީ އިމްތިހާނަށް މާލެ އަންނާކަށް ނުޖެހޭނެ: ބާ ކައުންސިލް

ލޯ ޑިގްރީގެ އިމްތިހާނުތައް ހެދުމަށް މާލެއަށް ނުވަތަ ވަކި ހާއްސަ ރަށަކަށް ހާޒިރުވުން ލާޒިމު ނޫން ކަމަށާއި، ދަރިވަރުން ދިރިއުޅޭ ރަށެއްގެ ސްކޫލް ނުވަތަ ކައުންސިލް މެދުވެރިކޮށް އިމްތިހާނު ހެދޭނެ މަގު ބާ ކައުންސިލުން ފަހިކޮށްދީފިއެވެ. އަންނަ އަހަރުން ފެށިގެން އަމަލުކުރާ މި އުސޫލުގެ ދަށުން އިމްތިހާނު ހަދާ ގޮތަށް ބަދަލު އައި ނަމަވެސް، ކޯހުގެ މަންހަޖާއި ކިޔަވައިދޭ މުއްދަތަށް އެއްވެސް ބަދަލެއް ނާންނާނެއެވެ.

ތަރައްގީގެ އެއްވެސް ކަމެއް ކުރުމަށް ލާރިއެއް ނެތް: ޝާކިރު

އަންނަ އަހަރުގެ ބަޖެޓުގައި ރިކަރަންޓް ހަރަދަށް ކެނޑުމަށްފަހު ތަރައްގީގެ މަޝްރޫއުތަކަށް ފައިސާ ނެތް ކަމަށް ވިދާޅުވެ މެންބަރު އަހުމަދު ޝާކިރު ކަންބޮޑުވުން ފާޅުކުރައްވައިފިއެވެ. އޭނާ ވިދާޅުވީ ދައުލަތުގެ އާމްދަނީގެ ބޮޑުބައެއް ހަރަދުވަނީ ރިކަރަންޓް ކަންކަމަށް ކަމަށާއި، މަޝްރޫއުތައް ހިންގަން ޖެހެނީ އިތުރަށް ދަރަނި ނަގައިގެން ކަމަށެވެ. މީގެ އިތުރުން ސަރުކާރު ކުންފުނިތަކުން ބޮޑެތި ގެއްލުންވަމުންދާ ދިއުމަށްވެސް އޭނާ ވަނީ ފާޑުވިދާޅުވެފައެވެ.

"ސިޓިޒަންސް ކޮމްޕްލެއިންޓްސް" ލައުންޖުތަކެއް ގާއިމުކޮށްފި

ރައްޔިތުންގެ ޝަކުވާތަކާއި ކަންބޮޑުވުންތައް ސަރުކާރަށް ހުށަހެޅުމަށްޓަކައި މާލެ އާއި ހުޅުމާލޭގައި "ސިޓިޒަންސް ކޮމްޕްލެއިންޓްސް" ބިއުރޯގެ ދެ ލައުންޖެއް މިއަދު ވަނީ ހުޅުވައިފައެވެ. ސަރުކާރު ބަންދު ނޫން ކޮންމެ ދުވަހަކު ޚިދުމަތް ދޭ މި އޮފީސްތަކަކީ ރައީސުލްޖުމްހޫރިއްޔާގެ އޮފީހުގެ ދަށުން ހިންގާ، ރައްޔިތުންގެ މައްސަލަތަކަށް ހައްލު ހޯދައިދިނުމަށް ގާއިމުކުރި ތަންތަނެވެ.

ރިއަލް އެސްޓޭޓު ބިލު މަޖިލީހަށް ބަލައިގަނެފި

މި ބިލު ބަލައިގަންނަން ވޯޓު ދިނީ 42 މެންބަރުން. ބިލާ ދެކޮޅަށް ވޯޓު ދެއްވީ އެމްޑީޕީގެ 13 މެންބަރުން. މި ބިލު ދިރާސާކުރާނީ ގައުމީ ތަރައްގީ އާއި ތަރިކައިގެ ކޮމިޓީން. މިއީ ގާނޫނުއަސާސީގެ ހިމާޔަތްތައް ނައްތާލައި، ތާއަބަދަށް ނުވަތަ ހުސްނުވާ ގޮތަށް ބޭރު މީހުންނަށް ބިން މިލްކުކުރެވޭނެ ގޮތް ހެދުމަށް އިންތިޒާމުތަކެއް ހިމަނާފައިވާ ބިލެއް

ބޮޑެތި ޖޫރިމަނާތަކެއް ހިމަނާފައިވާ އަބުރުގެ ބިލު ކޮމިޓީއަށް

ސޯޝަލް މީޑިއާގައި މީހެއްގެ އަބުރާ ބެހޭ ފަދަ ޕޯސްޓެއް ހިއްސާކޮށްފިނަމަ 5 ލައްކަ ރުފިޔާއާ ހަމައަށް ޖޫރިމަނާ ކުރެވޭ ގޮތަށް ހުށަހެޅި އަބުރުގެ ބިލު މަޖިލީހަށް ބަލައިގަނެ ކޮމިޓީއަށް ފޮނުވައިފިއެވެ. މި ބިލުގައި ބަހާއި، ފޮޓޯއާއި، އިޝާރާތް އަދި ފިލްމު ފަދަ ވަސީލަތްތައް މެދުވެރިކޮށް އަބުރާ ބެހުމުގެ ދައުވާ ކުރެވޭނެ ގޮތްތައް ބަޔާންކޮށްފައިވެއެވެ.

މަރުގެ އަދަބު ތަންފީޒު ކުރާ ބިލު ބަލައިގެންފި

ދަންޖައްސައިގެން މަރުގެ އަދަބު ތަންފީޒުކުރާ ގޮތަށް ސަރުކާރުން ހުށަހެޅި ބިލު ރައްޔިތުންގެ މަޖިލީހަށް މިއަދު ބަލައިގެންފިއެވެ. މި ބިލުގައި މަރުގެ އަދަބު ތަންފީޒުކުރާނެ ގޮތާއި، އެކަން ހިންގާނެ ޕެނަލެއް އެކުލަވާލުމުގެ އިތުރުން، ބަލިވެއިނުމާއި ދަރިފުޅަށް ދެ އަހަރު ފުރުން ފަދަ އަދަބު ތަންފީޒުނުކުރެވޭނެ ހާލަތްތައް ބަޔާންކޮށްފައިވެއެވެ.

ތިން ކުންފުންޏެއްގެ މަނީ އެކްސްޗޭންޖު ލައިސަންސް ބާތިލްކޮށްފި

މަނީ ޗޭންޖިން ގަވާއިދާ ތަކުރާރުކޮށް ހިލާފުވި ތިން ކުންފުންޏެއްގެ ލައިސަންސް އެމްއެމްއޭ އިން ބާތިލުކޮށް، އެ ކުންފުނިތައް ބޮޑެތި އަދަދުތަކުން ޖޫރިމަނާކޮށްފިއެވެ. މި ފިޔަވަޅަކީ ބޭރު ފައިސާގެ ބާޒާރު ކޮންޓްރޯލްކޮށް، ގަވާއިދާ ހިލާފު މުއާމަލާތްތައް ހުއްޓުވުމަށް އެމްއެމްއޭ އިން ކުރަމުންދާ މަސައްކަތުގެ ތެރެއިން އެޅި ފިޔަވަޅެކެވެ.

Newsletter

Get the latest news delivered straight to your inbox