29 އަހަރުގެ މޭސަން އަށް ޓޮޓެންހަމް ހެޑްކޯޗުގެ ޒިންމާ

Apr 20, 2021, 9:49 PM
ޓޮޓެންހަމްގެ ކޯޗަކަށް ހަމަޖެއްސި މޭސަން އެ ކްލަބްގެ ޕްރެކްޓިހުގެ ތެރެއިން.-- ފޮޓޯ: އޭއެފްޕީ

ޓޮޓެންހަމްގެ ކޯޗަކަށް ހަމަޖެއްސި މޭސަން އެ ކްލަބްގެ ޕްރެކްޓިހުގެ ތެރެއިން.-- ފޮޓޯ: އޭއެފްޕީ

ލަންޑަން (އޭޕްރީލް 21) - މަޝްހޫރު ކޯޗު ހޯސޭ މޮރީނިއޯ ވަކިކުރުމަށް ފަހު މި ސީޒަނުގެ ނިޔަލަށް ޓޮޓެންހަމްގެ ހެޑްކޯޗުގެ ޒިންމާ ކުރީގެ ކުޅުންތެރިޔާ އުމުރުން 29 އަހަރުގެ ރަޔާން މޭސަންއާ ޓޮޓެންހަމުން ހަވާލުކޮށްފި އެވެ.

ޓޮޓެންހަމަށް ކުރިން ކުޅުނު މޭސަން ފުޓްބޯޅައިން ރިޓަޔާކުރީ 2018 ވަނަ އަހަރު އެވެ. އޭނާ ރިޓަޔާކުރަން މަޖުބޫރުވީ 2017 ވަނަ އަހަރުގެ ޖެނުއަރީ މަހު ޗެލްސީއާ ދެކޮޅަށް ހަލް ސިޓީ ކުޅުނު މެޗެއްގެ ތެެރެއިންނެވެ. އޭރު ހަލް އަށް ކުޅެމުން ދިޔަ މޭސަންގެ ބޮލަށް ލިބުނު އަނިޔާގެ ސަބަބުން އޮޕަރޭޝަނެއްކޮށް އަލުން ކުޅުމަށް އެނބުރި އަންނަން ކުރި މަސައްކަތް ކާމިޔާބުނުވީ އަލުން ކުޅެން ފަށައިގެން ދެން އޭނާގެ ބޮލަށް ލިބޭ ގެއްލުމެއްގެ ސަބަބުން ފުރާނަ ގެއްލުމުގެ ފުރުސަތު ބޮޑުކަމަށް ޑޮކްޓަރު ބުނުމުންނެވެ.

ރިޓަޔާކުރުމަށް ފަހު ޓޮޓެންހަމްގެ އެކަޑަމީގައި މަސައްކަތްކުރަމުން އަންނަ މޭސަން ހެޑް ކޯޗުގެ ޒިންމާއާ ހަވާލުވުމަށް ފަހު ފުރަތަމަ މެޗުގައި މާދަމާރޭ ސައުތެމްޓަންއާ އަމިއްލަ ދަނޑުގައި ބައްދަލުކުރާނެ އެެވެ.

"އަހަރެންގެ އުމުރުުން 29 އަހަރުގެ ތެރެއިން 20 އަހަރު ހޭދަކުރީ މި ކްލަބްގައި. މިއީ އަހަރެންގެ ލެޔާ ގުޅިފައިވާ ކްލަބެއް. އަހަރެން ފަހުރުވެރިކަމާ އެކު މި ވަޒީފާ އަދާކުރާނަން،" މޭސަން ބުންޏެވެ.

މޭސަން އަށް އެހީތެރިވާނީ ކުރިން ޓޮޓެންހަމްގެ ކެޕްޓަން ބޭންޑް އެޅި ލެޑްލީ ކިންގް އާއި ކްރިސް ޕަވެލް އަދި ނައިޖެލް ގިބްސް އެވެ.

ޓޮޓެންހަމްގެ ކޯޗުކަމުން މޮރީނިއޯ ވަކިވި އެންމެ ބޮޑު ސަބަބަކީ މައްސަލަ ބޮޑުވެފައިވާ ސުޕަ ލީގުގައި ޓޮޓެންހަމުން ބައިވެރިވުމުން އެކަމާ ހިތްހަމަނުޖެހިގެން ކަމަށް މީޑީއާ ރިޕޯޓްތައް ބުނެ އެވެ. ޓޮޓެންހަމްގެ ޗެއާމަން ޑެނިއަލް ލެވީ ވިދާޅުވީ މޭސަން އަށް މި ސީޒަނުގެ ނިޔަލަށް ކޯޗުކަން ދިނީ ވަރަށް ބޮޑަށް ބެލުމަށް ފަހު ވަރަށް ބޮޑު އިތުބާރެއް އޮތުމުން ކަމަށެވެ.

އިނގިރޭސި ޕްރިމިއާ ލީގުގެ ހަތް ވަަނައިގައި މި ވަގުތު އޮތް ޓޮޓެންހަމް އަންނަ އާދިއްތަ ދުވަހު އިނގިރޭސި ލީގު ކަޕް ފައިނަލުގައި މެންޗެސްޓާ ސިޓީއާ ބައްދަލުކުރާނެ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox