އދ. ގެ 76 ވަނަ އާންމު މަޖިލީހުގެ ރައީސް ހޮވުމަށް ބާއްވާ އިންތިހާބު އަންނަ ޖޫން މަހުގެ ތެރޭގައި ބޭއްވުމަށް ނިންމައިފި އެވެ.
މި އިންތިހާބުގައި ވާދަ ކުރައްވާނީ ރާއްޖޭގެ ފޮރިން މިނިސްޓަރު އަބްދުﷲ ޝާހިދާއި އަފްގާނިސްތާނުގެ ކުރީގެ ފޮރިން މިނިސްޓަރު ޑރ. ޒަލްމާއި ރަސޫލެވެ. The election of my successor, as the President of the 76. session of the UN General Assembly, will take place in the General Assembly Hall on 7 June 2021.
More about the two candidates running for President from the Group of Asia-Pacific States is at:https://t.co/QpUyFtefZt pic.twitter.com/Rq9M2uDFD6
ޑރ. ރަސޫލަކީ 2010 އިން 2013 އަފްގާނިސްތާނުގެ ފޮރިން މިނިސްޓަރުކަން ކުރައްވާފައިވާ ތަޖުރިބާކާރު ބޭފުޅެކެވެ. އަފްގާނިސްތާނާއި ބައިނަލްއަގުވާމީ ދުނިޔެއާ އޮންނަ ގުޅުން ވަރުގަދަކުރުމަށް ޑރ. ރަސޫލް ވަނީ ގިނަ މަސައްކަތްތަކެއް ކުރައްވައިފަ އެވެ. އޭގެ ކުރިން ނެޝަނަލް ސެކިޔުރިޓީ އެޑްވައިޒަރުގެ މަގާމުގެ އިތުރުން ސިވިލް އޭވިއޭޝަން މިނިސްޓަރުކަން ވެސް ޑރ. ރަސޫލް ވަނީ އަދާކުރައްވައިފަ އެވެ.
އދ. އާންމު މަޖިލީހުގެ ރައީސުން އިންތިހާބު ކުރަނީ ރޮޓޭޝަނުގެ އުސޫލުންނެވެ. މިގޮތުން، އިންތިހާބުކުރަނީ ކޮންމެ އަހަރަކުވެސް އެފްރިކާ، އޭޝިއާ ޕެސިފިކް، އިރުމަތީ ޔޫރަޕު، ލެޓިން އެމެރިކާ، ކެރީބިއަންގެ އިތުރުން ހުޅަނގު ޔޫރަޕުގެ ގައުމުތަކުގެ ބޭފުޅެކެވެ.
މިފަހަރު ފުރުސަތު ލިބުނީ އޭޝިއާ ޕެސިފިކް ގައުމުތަކަށެވެ.
ޑރ. ރަސޫލް
މި ސަރަހައްދަށް ބަލާއިރު، މީގެ ކުރިން އިންޑިއާ، ސްރީލަންކާ، ބަންގްލަދޭޝްގެ އިތުރުން އަފްޣާނިސްތާނުން ވަނީ އދ.ގެ އާއްމު މަޖިލީހުގެ ރައީސްކަން ކޮށްފައި އެވެ.
އިންތިހާބުގެ ކުރިން ކެންޑިޑޭޓުން އެބޭފުޅުންގެ "ވިޝަން ސްޓޭޓްމަންޓް" ނުވަތަ ތަސައްވަރު އދ. ގެ އާންމު މަޖިލީހަށް ހުށަހަޅަންޖެހެ އެވެ. އަދި މެންބަރު ގައުމުތަކާއެކު ނުރަސްމީ ވާހަކަތައް ދައްކަވަންޖެހިވަޑައިގަންނަވަ އެވެ.
އދ. އާންމު މަޖިލީހުގައި މެންބަރު ހުރިހާ 193 ގައުމު ބައިވެރިވެ އެވެ. މި މަޖިލީހަކީ އދ. ސިޔާސަތުތައް މައިގަނޑު ގޮތެއްގައި ކަނޑައަޅާ ފަރާތެވެ. އަދި މި މަޖިލީހުގައި މެންބަރު ހުރިހާ ގައުމެއްގެ މަސްލަހަތު ހިމާޔަތް ކުރުމަށް ވެސް މަސައްކަތް ކުރާނެ އެވެ.
