މެދުއިރުމަތީގެ ސުފުރާމަތިން ފެންނަ ކެއުންތަކަށް ހާއްސަކޮށްގެން ޖެން ހޮޓެލްގެ މި އަހަރުގެ އިފްތާރް މެނޫ ތައާރަފުކޮށްފި އެވެ.
މި އަހަރު ޖެންގެ ރޯދަ ވީއްލުމެއް ލިބެނީ ބޮލަކަށް 450 ރުފިޔާގެ ރޭޓުންނެވެ. އެހެން އަހަރުތަކާ ހިލާފަށް މި އަހަރު އަގުތައް ހެޔޮކުރީ ކޮވިޑް-19 ގެ ބަލިމަޑުކަމުން ދިމާވެފައިވާ ދަތި ހާލަތުގެ ސަބަބުން ކަމަށް ޖެން ހޮޓަލުން ބުނެ އެވެ.
މެދުއިރުމަތީގެ ރަހަތަކުގެ އިތުރުން އާންމުކޮށް ރޯދަ ވީއްލާ ވަގުތު ދިވެހި ސުފުރާމަތިން ފެންނަ ކެއުންތަކާއި ދިވެހިންނަށް މަގުބޫލު އިންޓަނޭޝަނަލް ކެއުންތައް ވެސް ޖެންގެ މެނޫގައި މިފަހަރުގެ ހިމެނެ އެވެ.
ދުރާލާ ބުކިން ހައްދައިގެންނާއި ވޯކް-އިން ކަސްޓަމަރުންނަށް ވެސް އެ ހޮޓަލުން ހިދުމަތް ދޭނެ ކަމަށް އިފްތާރް ޖެންގެ މާކެޓިން އެންޑް ކޮމިއުނިކޭޝަންސް މެނޭޖަރު ނީނާ މުހައްމަދު ވިދާޅުވި އެވެ.
އަދި މިއީ އަހަރަކަށް ފަހު ދެ އަހަރެއްހާ ދުވަހަށް ފަހު އާއިލާ އާއި އެކުވެރިންނާ އެކު ބޭރުން ރޯދަ ވީއްލަން ލިބޭ ފުރަތަމަ ފަހަރު ކަމަށް ވުމުން، ކެއުމުގެ ކަންކަން ވީހާ ބޮޑަކަށް ހާއްސަ ކުރެވޭތޯ މަސައްކަތްކޮށްފައި ވާނެ ކަަމަށް ވެސް ނީނާ ވިދާޅުވި އެވެ.
ޖެންގެ ރޯދަ ވީއްލުން އޮންނާނީ އެ ހޮޓެލުގެ ލައިމް ރެސްޓޯރަންޓުގަ އެވެ.
