ބާޒާރުމަތީގައި މޭވާ އާއި ތަރުކާރީ ތިޔާގިވެ އަގުތައް ދަށަށް

ދަތުރުވެރިންގެ މާރުކޭޓު: ރާއްޖޭގައި ހައްދާ ގިނަ ބާވަތްތަކުން މާރުކޭޓް އޮތީ ތިޔާގިވެފައި. -- ފޮޓޯ: ހުސެއިން ވަހީދު/ އަދަދު

ދަތުރުވެރިންގެ މާރުކޭޓު: ރާއްޖޭގައި ހައްދާ ގިނަ ބާވަތްތަކުން މާރުކޭޓް އޮތީ ތިޔާގިވެފައި. -- ފޮޓޯ: ހުސެއިން ވަހީދު/ އަދަދު

ރޯދަމަހަށް ހާއްސަކޮށްގެން ރަށްރަށުން މާލެ ގެނައި މޭވާ އާއި ތަރުކާރީގެ ބާވަތްތަކުން މާރުކޭޓު ފުރާލައި އަގުތައް ދަށްވާން ފަށައިފި އެވެ.

ދަނޑުވެރި ރަށްތަކުގެ ބާވަތްތަކުން މާރުކޭޓުގެ ގޮޅިތައް ވަރަށް ތިޔާގި އެވެ. އާއްމުކޮށް ބޭނުންވާ މޭވާ އާއި ތަރުކާރީގެ ހުރިހާ ބާވަތެއް ވެސް މާރުކޭޓުން ލިބެން އެބަހުއްޓެވެ. ރޯދަ މަހާ ދިމާކޮށް އާއްމުކޮށް ތަކެތީގެ އަގު ބޮޑުވިޔަސް މާރުކޭޓުގެ އަގުތައް އިއްޔެ ހުރީ ދަށްވެފަ އެވެ.

މާރުކޭޓުގެ ގޮޅިއެއް ހިންގާ މީހަކު ބުނީ އަގުތައް ދަސްވީ ރޯދައަށް ފައްކާކުރި ބާވަތްތައް ބާޒާރަށް ލިބުމުން ކަމަށެވެ. އެހެން ރޯދަމަސްތަކާ ހިލާފަށް އއ. ތޮއްޑު އާއި ތ. ކަނޑޫދު އާއި ބ. ގޮއިދު އާއި ކާށިދޫ ފަދަ ރަށްތަކުން ތަރުކާރީ އާއި މޭވާގެ ގިނަ ބާވަތްތަކެއް ލިބިފައިވާ ކަމަށް އޭނާ ވިދާޅުވި އެވެ.

ކުރިން ތަކެތީގެ އަގު ބޮޑުވަނީ، އޭނާ ބުނިގޮތުގައި، ރޯދައަށް ހާއްސަކޮށްގެން ރަށްރަށުން މާލެ ގެންނަން ޖެހޭ މުދާ ލިބުން ލަސްވުމުންނެވެ.

މާރުކޭޓު ގޮޅިއެއްގައި މިރުސް ވިއްކަން ބަހައްޓާފައި: މިރުގެ އަގު އާދަޔާހިލާފަށް ވަނީ ހެޔޮވެފައި.

ބާޒާރުގައި އިއްޔެ އެންމެ އަގު ހެޔޮ އެއް ބާވަތަކީ އަގު ބޮޑުކަމުން ކުރިން 100 ގްރާމުން ފުއްދާލާ ކަނޑޫދޫ މިރުހެވެ. ކުރިން ކިލޯއެއްގެ އަގު 450ރ. އަށް ވުރެން ވެސް މަތިވި އެވެ. އެކަމަކު މިރުގެ އަގު ވެއްޓި ބައެއް ގޮޅިތަކުގައި މިރުސް ކިލޯއެއް 75ރ. އަށް ވެސް ލިބެން ހުއްޓެވެ. އާއްމުކޮށް އުޅެނީ ކިލޯއެއް 100ރ. އިން ދަށުގަ އެވެ.

މީގެ އިތުރުން އަގު ހެޔޮ ބާވަތްތަކުގެ ތެރޭގައި، ފަނި ގިރަން ބޭނުންކުރާ ކަރާ، ޕެޝަންފުރުޓް، ހިމެނެ އެވެ. ފަޅޮލާއި ދޮންކޭލުގެ އަގު ވެސް ވަނީ ތިރިވެފަ އެވެ.

މާރުކޭޓުގެ އިއްޔެ ބައެއް އަގުތައް

  • ގިތެޔޮ މިރުސް ކިލޯއެއް 100ރ އިން ދަށުގައި. - ކުރިން 450ރ.
  • ކުރުނބާ (ވަކިން) 30ރ. - ކުރިން 35ރ.
  • ޕެޝަން ފުރުޓް ކިލޯއެއް 60ރ. - ކުރިން 65ރ.
  • ފަޅޯ ކިލޯއެއް 40ރ. - ކުރިން 55ރ.

މިއީ ގޮޅިތަކުގެ އެންމެ ހެޔޮ އަގެވެ.

ބައެއް ބާވަތްތަކުން އަގު ހެޔޮވީ ނަމަވެސް، އަދިވެސް ބާޒާރު މަތީގައި ބައެއް ތަކެތީގެ އަގުތައް ހުރީ ވަރަށް މަތީގަ އެވެ. އޭގެ ތެރޭގައި އަނބާއި ކިއުކަމްބާ ހިމެނެ އެވެ.

ބަޒާރުމަތީގައި އަނބު ކިލޯއެއް 160ރ. އަށް ހުރި ނަމަވެސް ގިނަ ގޮޅިތަކުން ވިއްކަނީ ހަ އަނބު ނުވަތަ ހަތް އަނބު 100ރ. މަގުންނެވެ. ކިލޯ އިން ވެސް ނުވިއްކަ އެވެ.

މާރުކޭޓް ގޮޅިއެއްގައި ވިއްކަން ބަހައްޓާފައި ހުރި ތަރުކާރީ އާއި މޭވާ: ގިނަ ބާވަތްތަކުގެ އަގުތައް ވަނީ އެއްވަރެއްގައި ވަނީ ހިފެހެއްޓިފައި.

ވިޔަފާރިވެރިއަކު ބުނީ އަނބު ސަޕްލައި ދަށްވެގެން އުޅެނީ ސީޒަން ނިމެން ކައިރިވެފައި އޮތުމުން ކަމަށެވެ. އަދި ބާޒާރުމަތީގައި ބޭރު އަނބު ލިބެން ހުއްޓަސް ދިވެހި އަނބަށް ޑިމާންޑު އޮންނަ ވަރަށް ނޯންނަ ކަމަށް އޭނާ ބުންޏެވެ.

އެހެނިހެން ބައެއް ބާވަތްތަކަށް ބަލާއިރު ސަޓަނި ހަދަން ބޭނުންކުރާ އެކި ބާވަތްތަކުގެ ފަތާއި ފަލަމަޑީގެ ބާވަތްތަކުގެ އަގުތަކަށް މާ ބޮޑު ބަދަލެއް ނާދެ އެވެ. އަދި ކާއްޓާއި ގަބުޅި ފަދަ ތަކެތީގެ އަގަށް ވެސް ބަދަލެއް ނައިސް، ހުރީ އެއް ވަރެއްގައި ހިފެހެއްޓިފަ އެވެ.

ގިނަ ވިޔަފާރިވެރިން ބުނީ މިހާރު ލިބިފައިވާ ސަޕްލައި އަދި އަންނަން ހުރި ސަޕްލައިއަށް ބަލާއިރު ރޯދަ މަހުގެ ނިޔަލަށް އަގު ހިފެހެއްޓޭނެ ކަމަށް ބެލެވޭ ކަމަށެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

ގޫގަލް ޕިކްސެލް އަށް އުރީދޫ 5ޖީ

ގޫގުލް ޕިކްސެލް ފޯނުތަކަށް ރާއްޖޭގައި 5ޖީގެ ޚިދުމަތް ފޯރުކޮށްދޭ ފުރަތަމަ ނެޓްވޯކަކަށް އުރީދޫ މޯލްޑިވްސް ވެއްޖެއެވެ. ނޮވެންބަރު މަހުގެ ސޮފްޓްވެއާ އަޕްޑޭޓާއެކު ޕިކްސެލްގެ އެކި މޮޑެލްތަކަށް 5ޖީ އާއި ވީއޯއެލްޓީއީގެ ޚިދުމަތް މިހާރު ލިބޭނެއެވެ.

ޓޫރިޒަމް ފަހަތަށް، މާލީ ދާއިރާ އާއި އިމާރާތް ކުރުން ކުރިއަށް

މާލީ ދާއިރާ އާއި އިމާރާތްކުރުމުގެ ދާއިރާއަށް އައި ބޮޑު ކުރިއެރުމާއެކު، ރާއްޖޭގެ އިގުތިސޯދު ވަނީ ހަތަރެއް ޕަސެންޓަށް ކުރިއަރާފަ. ޓޫރިޒަމްގެ އިތުރުން މަސްވެރިކަމުގެ ދާއިރާވެސް ވަނީ މި މުއްދަތުގައި ވަރަށް ބޮޑަށް ދަށަށް ގޮސްފަ.

ޑީއެމްއާރްއާރްގައި ޕްލާސްޓިކް ބޭނުން ނުކުރުމަށް ދިރާގު އިލްތިމާސް

މި މަހުގެ 20 ގައި ބާއްވާ "ދިރާގު މޯލްޑިވްސް ރޯޑް ރޭސް" ގައި އެއްފަހަރު ބޭނުންކޮށްފައި އުކާލާ ޕްލާސްޓިކް ބޭނުން ނުކުރުމަށް ދިރާގުން އިލްތިމާސްކޮށްފިއެވެ. ތިމާވެށި ހިމާޔަތްކުރުމުގެ މަގުސަދުގައި ކުރިއަށްގެންދާ މި ހަރަކާތުގައި ފެން ފޯރުކޮށްދޭނީ ކަރުދާސް ތަށީގައި ކަމަށާއި، ދުވުންތެރިން އަމިއްލަ ފުޅި ގެންގުޅުމަށް އެ ކުންފުނިން ބާރުއަޅައެވެ. މި އިސްނެގުމުގެ ސަބަބުން ކޮންމެ އަހަރަކު ގާތްގަނޑަކަށް 18،000 ޕްލާސްޓިކް ފުޅި މަދުކުރެވޭނެ ކަމަށް ދިރާގުން ލަފާކުރެއެވެ.

ކުޑަ ސަރަހައްދަކުން އުދުއްސާލެވޭ އާދަޔާ ހިލާފު ބޯޓެއް

އެމެރިކާގެ އިލެކްޓްރާ ކުންފުނިން ދަނީ ރަންވޭއެއް ނެތް ކުޑަ ސަރަހައްދުތަކުން އުދުއްސާލެވޭ ފަދަ ހައިބްރިޑް-އިލެކްޓްރިކް މަތިންދާބޯޓެއް އުފައްދަމުންނެވެ. މި ބޯޓުގެ ސަބަބުން ކައިރި މަންޒިލްތަކަށް ކުރާ ދަތުރުތަކުގެ ޚަރަދު ކުޑަވެ، އެއާޕޯޓުތަކަށް ބަރޯސާނުވެ ސީދާ އެއް ތަނުން އަނެއް ތަނަށް އަވަހަށް ދަތުރުކުރުމުގެ ފުރުސަތު ލިބިގެންދާނެއެވެ.

އިސްލާމިކް ބޭންކިންގެ ކްރެޑިޓް ކާޑު ޕޯޓްފޯލިއޯ ތައާރަފުކޮށްފި

މޯލްޑިވްސް އިސްލާމިކް ބޭންކް (އެމްއައިބީ) އިން ޝަރީއާގެ ހަމަތަކަށް ފެތޭ ގޮތަށް ފަރުދުންނާއި ވިޔަފާރިތަކަށް ހާއްސަ ހަތަރު ކެޓަގަރީއެއްގެ އައު ކްރެޑިޓް ކާޑު ޕޯޓްފޯލިއޯއެއް ވަނީ ތައާރަފުކޮށްފައި. މި ކާޑުތަކަށް 12,000ރ. އާއި 300,000ރ. އާ ދެމެދުގެ ކްރެޑިޓް ލިމިޓެއް ކަނޑައަޅާފައި.

ސިނެޓެކްސްގެ ވެބްސައިޓް އަލުން ފަރުމާކޮށްފި

ދިވެހި ތިން ޒުވާނުން އުފެއްދި "ސިނެޓެކްސް" ކުންފުނިން ބައިނަލްއަގުވާމީ ބާޒާރަށް އަމާޒުކޮށް އެ ކުންފުނީގެ ވެބްސައިޓް އަލުން ފަރުމާކޮށްފިއެވެ. މި ކުންފުނީގެ މައިގަނޑު މަގުސަދަކީ ދިވެހިބަހާ އެއްގޮތަށް ޑިޖިޓަލް ވަސީލަތްތައް މަދު ބަސްތަކަށް އޭއައި މޮޑެލްތަކާއި ސައިބަރ ސެކިއުރިޓީ ހައްލުތައް ފޯރުކޮށްދިނުމެވެ. އެގޮތުން 'ތާނަ އޭއައި' މެދުވެރިކޮށް ލިބޭ ހިދުމަތްތައް ފުޅާކޮށް، ކުރިއަށް އޮތް "ސްލަޝް 2026" ކޮންފަރެންސްގައި ދުނިޔޭގެ ފެންވަރުގައި މި ޓެކްނޮލޮޖީ ތައާރަފުކުރުމަށް އެ ކުންފުނިން ދަނީ ތައްޔާރުވަމުންނެވެ.

Newsletter

Get the latest news delivered straight to your inbox