ދިވެހި ފިލްމީ ދުނިޔޭގެ އަލީ ސީޒަން މިފަހަރު ބުނަނީ "ލޯބިވެވިއްޖެ" ކަމަށެވެ! އެހެން އޭނާ ބުނަނީ ހިތްގައިމު ލަވަ ރޯލަކާ ވެސް އެކު އެވެ.
ވިއްސަށްވުރެ ގިނަ އަހަރު ފިލްމީ ދުނިޔޭގައި ދިވެހިން މުނިފޫހިފިލުވައިދެމުން އަންނަ ސީޒަންގެ "އެސް ޕްރޮޑަކްޝަން"ގެ ކުރިއަށް އޮތް ފިލްމަކީ "ލޯބިވެވިއްޖެ" އެވެ. އެ ރިލީޒް ކުރަން ތައްޔާރުވަމުންދާއިރު ރޭ ވަނީ ފިލްމްގެ އޯޑިއޯ އަލްބަމް ނެރެފަ އެވެ.
އެސް ޕްރޮޑަކްޝަންގެ ސައުންޑްކްލައުޑަށް ފިލްމްގެ ލަވަތައް ރިލީޒްކުރިއިރު އަލްބަމްގައި ޖުމްލަ ނުވަ ލަވަ ހިމެނެ އެވެ. އޭގެ ތެރެއިން ހާއްސަ ލަވައެއް ވެސް އެބަ އޮތެވެ. އެއީ އަވަށްޓެރި ލަންކާގައި ދިރިއުޅުމެންދާ ދިވެހިންގެ ވަރަށް މަގުބޫލު ހަންނާނު މޫސާދީދީ ކިޔާފައިވާ ލަވަ އެވެ.
"މިސްވެޔޭ،" ލަންކާއިން ހަންނާން، ދިވެހިންނަށް ކިޔައިދިނީ މި ލަވަ އެވެ.
އޭގެ އިތުރުން ވެސް ހިތްގައިމު ގިނަ އަޑުތަކެއް މި އަލްބަމްއިން އިވިގެންދެ އެވެ. އެގޮތުން ތޭރަވާ، އަޝްފާ، ރާފިއަތު، ކުޑަ އިއްބެ، އައްމަޑޭ، މުމްތާޒު، ޖަލާލު އަދި މުއައްޒިން ފާހަގަކޮށްލެވެ އެވެ.
ސައުންޑްކްލައުޑުން ލަވަތައް އަޑުއަހާލާށެވެ.
https://soundcloud.com/user-886258273-766415720/loabi-vevijje-heelumey-hiyfurey#t=0:01
ސީޒަން ޑައިރެކްޓްކޮށް އެކްޓްކޮށްފައިވާ "ލޯބިވެވިއްޖެ"ގައި ދޮން އައްޔަ، ފުބޫ، ނިމާލް، އައްޒަ އަދި ރިޝްފާ ފެނިގެންދާނެ އެވެ. ފިލްމް ރިލީޒް ކުރާނެ ތާރީހެއް އަދި ނެތެވެ.
