ޒަވާޖީ ގުޅުމަކުން ގުޅިގެން ތިބި އާއިޝަތު ރިޝްމީ އާއި ރަވީ ފާރޫގުގެ އެކްޓިންގެ ހުނަރުވެރިކަމާ މެދު ދެ ވަނަ ވިސްނުމަކަށް ދާނެ ބަޔަކު ނުތިބޭނެ އެވެ. އެ ދެ މީހުންނަށް ޝައުގުވެރިވާ މީހުންނަށް މިއީ ރަނގަޅު ހަބަރެކެވެ.
ދިވެހި ފިލްމީ ސިނަމާއަށް ހަމައަށް ބެލުންތެރިންނަށް ކަމުދާނެ އެންމެ ގިނަ ފިލްމު ގެނެސްދޭ "ޑާކްރެއިން"އިން މިހާރު ގެންދަނީ ލިޔުންތެރިންނާއި އެކްޓަރުންނަށް ގިނަ ފުރުސަތުތަކެއް ހޯދައިދިނުމުގެ ގޮތުން އެންތޮލޮޖީ ފިލްމްތަކެއް ގެނެސްދެމުންނެވެ.
ކުރު ފިލްމްތަކެއްގެ މައްޗަށް ހިމެނޭ "ޑާކްރެއިން"ގެ މި ކުޑަ ދަށުން އަންނަ އެންމެ ފަހުގެ އުފެއްދުމަކީ "ގުޅުން" އެވެ. މީ ފިލްމުން ރިޝްމީ އާއި ރަވީގެ އިތުރުން ފުބޫ އާއި އަލަށް ވިދަމުން އަންނަ، ޝަމާނާ އާއި ރަޝްފާ ފެނިގެންދާނެ އެވެ.
"ގުޅުން"ގެ ޓްރެއިލާ މިހާރު ވަނީ ދޫކޮށްލާފަ އެވެ. ބަލާލާށެވެ.
https://www.youtube.com/watch?v=0KKR_RlHp7o&t=40s
ފަސް މީހެއްގެ ވަށައިގެން ހިނގާ ކަންތަކެއް ދައްކުވައިދޭ ވިއްސަކަށް މިނެޓުގެ މި ފިލްމް ލިޔެ ޑައިރެކްޓްކޮށްފައިވަނީ އާއިޝަތު ފުއާދު ތައުފީގެވެ.
ރިޝްމީ އާއި ރަވީގެ އެކްޓިން "ޑާކްރެއިން"އިން ގެނެސްދޭއިރު މިފަހުން ރިޝްމީ ވަނީ އޭނާގެ ކުޅަދާނަކަން ވެބް ސީރީޒް "އެހެނަސް"ގައި ވެސް ދައްކާލާފަ އެވެ. ރަވީ ޑައިރެކްޓްކުރި އެ ސީރީޒްގެ ހާއްސަ ފެނިލުމަކުން އޭނާ ވެސް ފެނުނެވެ.
އެ ދެ މީހުންގެ ފިލްމް، "ވިޝްކާ"އަކީ ވެސް ފާހަގަކޮށްލެވޭ މަސައްކަތެކެވެ.
"ޑާކްރެއިން"އިން މީގެ ކުރިން ވެސް ވަނީ ކުރު ފިލްމްތަކެއް އެމީހުންގެ ޔޫޓިއުބް ޗެނަލުން ގެނެސްދީފަ އެވެ. އެގޮތުން "ދައުވަތު" އަދި "އަނގުރު" ފޭނުންނަށް ކަމުދިޔަ އެވެ.
"އިބްތިޔާޒު"ގެ ނަމުގައި އެންތޮލޮޖީ ކުޑައިގެ ދަށުން ކުރު ފިލްމެއް ގެންނަން ވެސް އެމީހުން ދަނީ މަސައްކަތް ކުރަމުންނެވެ.
