އެޕްސްޓީން ފައިލްސް: ވަހީދު ގެންދެވީ ރާއްޖޭގެ މުހިންމު ކަންކަން އެޕްސްޓީންއާ ހިއްސާކޮށް ލަފާ ހޯދަމުން

އެޕްސްޓީން ފައިލްސް: ވަހީދު ގެންދެވީ ރާއްޖޭގެ މުހިންމު ކަންކަން އެޕްސްޓީންއާ ހިއްސާކޮށް ލަފާ ހޯދަމުން

ކުރީގެ ރައީސް މުހައްމަދު ވަހީދު ހަސަން މަނިކު ދިވެހިރާއްޖޭގައި ވެރިކަން ކުރެއްވިއިރު، ގައުމުގައި ހިނގި މުހިންމު ކަންކަން ސެކްސް ޓްރެފިކަރު ޖެފްރީ އެޕްސްޓީންއާ ހިއްސާކޮށް، އެކަންކަމުގައި އޭނާގެ ލަފާ ހޯދަމުންދިޔަކަން ހާމަވެއްޖެ އެވެ.

އެމެރިކާގެ ސެނެޓުން ފާސްކޮށް އެންމެ ފަހުން އާންމުކުރި "އެޕްސްޓީން ފައިލްސް" އިން ހާމަވި ބައެއް ކަންކަމުގެ ތެރޭގައި، ރިސޯޓުތައް ތަރައްގީ ކުރުމާއި ސިޔާސީ ކަންކަމުގައި އަމަލު ކުރަންވީ ގޮތުގެ ލަފާ އެޕްސްޓީންގެ ފަރާތުން ހޯދަން ވަހީދު ވަނީ މަސައްކަތް ކުރައްވައިފަ އެވެ.

އެޕްސްޓީން އަދި އޭނާގެ ގާތް މީހުންނާ ވަހީދު އަދި އޭނާގެ އާއިލާގެ ބައެއް މެންބަރުން ބައްދަލު ކުރިކަން ވެސް އެ ފައިލްތަކުން ވަނީ އެނގިފަ އެވެ. ކުރިން އާންމު ކުރި ބައެއް ފައިލްތަކުން ވެސް އެކަން ހާމަވި އެވެ.

Advertisement

އެގޮތުން ވަހީދުގެ ދަރިފުޅު، ޖެފްރީ ސާލިމް ވަހީދު އާއެކު ނިއުޔޯކުގައި ހުންނަ އެޕްސްޓީންގެ ގޭގައި 2014 ގައި ބައްދަލުކުރި ކަމާއި އޭގެ އިތުރުން ވެސް އެތައް ފަހަރެއްގެ މަތިން ވަހީދު، އެޕްސްޓީން އާއި ބައްދަލުކުރިކަން ފައިލްތަކުން ހާމަވެ އެވެ.

މީގެ އިތުރުން، 2013 ގައި ވަހީދު އަށް އެންމެ ފަސް ޕަސެންޓު ވޯޓު ލިބުނު ރިޔާސީ އިންތިހާބުގެ ކެމްޕޭނު ރޭވުމަށް އެޕްސްޓީންގެ އެހީއަށް ވަހީދު އެދުމުން، ކެމްޕޭން ރާވާނެ ގޮތުގެ ޕްރޮޕޯސަލްތަކާއި އިތުރު ވާހަކަތައް އެޕްސްޓީންގެ ގާތް ބަޔަކު ވަހީދުއާ ވަނީ ބަދަލުކޮށްފަ އެވެ.

އޭރު ރާއްޖޭގައި ހިނގަމުން ދިޔަ ސިޔާސީ އެކި ކަންކަމުގެ އަދާހަމަ މެދުކެނޑުމެއްނެތި ވަހީދު ދިޔައީ އެޕްސްޓީން އަށް ދެމުންނެވެ. ހާއްސަކޮށް ކުރީގެ ރައީސް މުހައްމަދު ނަޝީދުގެ އަމަލުތައް ހިއްސާކޮށް ނަޝީދު އާ ދެކޮޅަށް ސިޔާސީ ގޮތުން ކަން ކުރާނެ ގޮތުގެ ހިޔާލާއި ލަފަޔަށް ވަހީދު ވަނީ އެޕްސްޓީންގެ ކިބައިން އެދިފަ އެވެ.

ޅ. އިންނަރެހާ އާއި ރ. ފުއްގިރި ހިމެނޭހެން އިތުރު ރަށްތަކެއް އެޕްސްޓީން އަށް ވިއްކާލުމަށް އަދި އިންނަރެހާ މަޝްރޫއުގައި އެޕްސްޓީން އަށް ކުރެވޭނެ ކަންކަމާމެދު މަޝްވަރާކުރަން ބޭނުންވާ ކަމަށް އެޕްސްޓެއިނަށް ވަހީދު ފޮނުވި މެއިލްއެއްގައި ބުނެފައިވެ އެވެ.

އެޕްސްޓީންގެ އެހީގައި ފުއްގިރީގައި މަހުޖަނުންނަށް ހާއްސަ ރަށެއް ހަދަން ވިސްނާފައިވާ ކަމަށް ވެސް ވަހީދު ބުނެފައިވެ އެވެ. މީގެ އިތުރުން، ވަހީދު ވެރިކަމުން ފޭބުމަށްފަހު އޭނާގެ ވެރިކަމާއި ގުޅޭ ގޮތުން ލިޔަން ބޭނުންވި ފޮތެއް ޗާޕުކުރަން އެހީއަށް ވެސް އެޕްސްޓީންގެ ކިބައިން ވަހީދު އެދިފައިވެ އެވެ.

މީގެ ކުރިން މިދިޔަ އަހަރުގެ އޮގަސްޓު މަހު ލީކުވި އިޒްރޭލުގެ ބޮޑުވަޒީރުކަން 1999 އިން 2001 އަށް ކުރި އިހުދު ބަރާކްގެ އީމެއިލްތަކާއި ނޮވެމްބަރު މަހު އެމެރިކާ ކޮންގްރެސްގެ ހައުސް އިންސައިޓް ކޮމިޓީން އާންމުކުރި 20،000 ފައިލްތަކުން ވަހީދު، އެޕްސްޓީން އާއެކު ބޭއްވި ގުޅުމުގެ ބައެއް ތަފުސީލުތައް ހާމަވި އެވެ.

އަލަށް އާންމުކުރި ލިޔެކިޔުންތަކުގައި ވަހީދުއާ ގުޅޭ، ނުވަތަ އޭނާގެ ނަން ހިމެނިފައިވާ 649 ޑޮކިއުމެންޓެއް އެބަ އޮތެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox