ރައީސްގެ ދިއްދޫ ދަތުރު: ޝުއޫރު ފާޅުކޮށްފާނެތީ ފުލުހުން އިންޒާރު ދެނީ

ރައީސް މުއިއްޒު ދިއްދޫއަށް ވަޑައިގަންނަވާތީ ޝުއޫރު ފާޅުކޮށްފާނެތީ ފުލުހުން ހުރަސްއެޅުން -

ރައީސް މުއިއްޒު ދިއްދޫއަށް ވަޑައިގަންނަވާތީ ޝުއޫރު ފާޅުކޮށްފާނެތީ ފުލުހުން ހުރަސްއެޅުން -

ރައީސް ޑރ. މުހައްމަދު މުއިއްޒު ހއ. ދިއްދޫއަށް މާދަން ވަޑައިގަންނަވާތީ، ޝުއޫރު ފާޅު ކުރަން އެ ރަށު ގެއެއްގައި ބެނާތަކެއް ހަދަމުން ދަނިކޮށް ފުލުހުން އެތަނަށް މިއަދު ވަދެ އިންޒާރު ދީފި އެވެ.

އޭގެ އިތުރުން، ދިއްދޫގައި އިދިކޮޅު އެމްޑީޕީ ތަމުސީލު ކުރާ އިސް ދެ މީހަކު ރޭގެ ވަގުތެއްގައި ފުލުސް އޮފީހަށް ވެސް ހާޒިރު ކުރި އެވެ. އަދި ރައީސް މުއިއްޒުގެ "ދަތުރަށް ހުރަސްއެޅޭ" ފަދަ ކަމެއް ނުކުރަން ރަށު ކައުންސިލުން ވެސް ވަނީ އެމްޑީޕީ މެންބަރުންނަށް އަންގައިފަ އެވެ.

ދިއްދޫ އެމްޑީޕީގެ ހިންގާ ކޮމިޓީގެ މެންބަރު މަހްމޫދު ޝަފީގު (މަންޑޭ) ބުނީ އެ މީހުންގެ ޝުއޫރުތައް ލިޔެފައިވާ ބެނާތައް ހަދަން ތިބި ގެއަށް ފުލުހުން އައިސް އެތަނުގައި ކުރަމުންދާ ކަންކަމާ ގުޅޭ ގޮތުން ސުވާލުކޮށް، އިންޒާރު ދީފައިވާ ކަމަށެވެ.

"އަޅުގަނޑުމެން މިއަދު ޝުއޫރުތައް ބެނާގައި ލިޔަމުން މިދިޔައީ. އަޅުގަނޑުމެން މަސައްކަތް ކުރަމުންދިޔަ ތަނަށް ފުލުހުން އައީ. ކީއްކުރަން ކުރާ ކަމެއްހޭ އެހީމަ ބުނިން ރައީސް މާދަމާ އަންނާތީ ޝުއޫރު ފާޅުކުރަންށޭ މިއުޅެނީ. ކޮންތަންތާކުތޯ އެއްޗެހި ދަމަނީ އަހައި، ބިރު ދައްކާ ޒާތަކަށް، ހުރަސް އަޅާ ޒާތަކަށް އެމީހުންގެ ވާހަކަ ހުރީ. އިންޒާރު ދީފައި ދިޔައީ،" އޭނާ ބުންޏެވެ.

ފުލުހުން ވަނީ ރޭ އެމްޑީޕީގައި އިސްކޮށް އުޅޭ މީހުން ދިއްދޫ ފުލުހަށް ގެންގޮސް ޝުއޫރުފަޅު ކުރުމާ ގުޅޭ ގޮތުން ސުވާލު ވެސް ކޮށްފަ އެވެ. މިގޮތުން ރައީސްގެ "ދަތުރަށް ހުރަސް އެޅޭ ގޮތަށް" ޝުއޫރު ފާޅު ކުރާނަމަ، އެކަން ހުއްޓުވާނެ ކަމަށް ވެސް ފުލުހުން އިންޒާރުދީފައިވެ އެވެ.

މިކަމާ ގުޅިގެން ފުލުހުންގެ ބަހެއް ހޯދުމަށް ތަކުރާރުކޮށް އެދުމުން ވެސް މިހާތަނަށް އެއްވެސް އެއްޗެއް ބުނެފައެއް ނުވެ އެވެ.

މަހްމޫދު ބުނީ ރައީސް ވަޑައިގަންނަވާތީ ރަށު ރައްޔިތުންގެ ޝުއޫރު ފާޅު ކުރުމަށް ކުރަމުންދާ މަސައްކަތަށް ހުރަސް އެޅޭ ގޮތަށް ފުލުހުންގެ އަމަލުތައް ބަހައްޓައި އިންޒާރު ދިން ނަމަވެސް، މާދަމާ ޝުއޫރު ފާޅުކުރަން ގިނަ ބަޔަކު ނުކުންނާނެ ކަމަށެވެ.

ދިއްދޫ ރައްޔިތުން ސަރުކާރާ މެދު ހިތްހަމަނުޖެހިފައި ތިބީ އެއް އަހަރު ސަރުކާރަށް ވެގެންދިޔައިރު އެ ރަށަށްވީ އެއްވެސް ވައުދެއް ފުއްދައި ނުދީ، މަޖިލިސް އިންތިހާބުގެ ކެމްޕެއިނުގައި ވީ ވައުދާ ހިލާފަށް އެ ރަށުގައި މަސައްކަތް ކުރަމުންދިޔަ ފެނަކައިގެ 60 މުވައްޒަފުން ވަކި ކުރުމުންނެވެ.

ރައީސް މުއިއްޒު ހއ. އަތޮޅަށް ކުރައްވާ ދަތުރެއްގައި ފުރާވަޑައިގަތުމަށް ހަމަޖެހިފައި ވަނީ މާދަމާ އެވެ. އެ ދަތުރުގައި އެ އަތޮޅު ދިއްދޫ އާއި ބާރަށުގެ އިތުރުން އެހެން ރަށްތަކަށް ވެސް އެމަނިކުފާނު ވަޑައިގަންނަވާނެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox