ރައީސް ޑރ. މުހައްމަދު މުއިއްޒުގެ އަނބިކަނބަލުން ސާޖިދާ މުހައްމަދު ރަސްމީ ދަތުރެއްގައި ޓެންޒޭނިޔާއަށް ރޭ ފުރާވަޑައިގެންފި އެވެ.
މިއީ 'މޭކް ފައުންޑޭޝަން އެފްރިކާ އޭޝިއާ ލޫމިނަރީ" ގެ 11 ވަނަ އަހަރީ ކޮންފަރެސްގައި ބައިވެރިވެވަޑައިގަންނަވަން ކުރައްވާ ދަތުރެކެވެ. ފަސްޓް ލޭޑީންގެ ޕެނަލެއްގައި އަދި މޭކް ފައުންޑޭޝަންގެ ބައްދަލުވުމެއްގައި ވެސް މެޑަމް ސާޖިދާ ވާހަކަދައްކަވާނެ ކަމަށް ރައީސް އޮފީހުން ބުންޏެވެ.
"އޮކްޓޯބަރު 29 އިން 30 އަށް ކުރިއަށްދާ މި ކޮންފަރެންސްގެ 11 ވަނަ ބައްދަލުވުމުގައި އަންހެނުން ބާރުވެރިކުރުވުމާއި ބަލިތައް މެނޭޖްކުރުމާއި އެފްރިކާ އާއި އޭޝިއާގެ އެކި ކަންކޮޅުތަކުގައި ފެންވަރު ރަނގަޅު ސިއްހީ ހިދުމަތްތައް ފުޅާކުރުން ފަދަ މައުލޫތަކާ ގުޅޭ މުހިންމު މަޝްވަރާތައް ކުރިއަށްދާނެ،" ރައީސް އޮފީހުން ބުންޏެވެ.
ރައީސް މުއިއްޒު ތުރުކީ އަށާއި ޗައިނާ އަދި އިންޑިއާއަށް ކުރެއްވި ރަސްމީ ދަތުރުތަކުގައި އަނބިކަނބަލުން ސާޖިދާ ވެސް ބައިވެރިވެވަޑައިގެންފައިވެ އެވެ.
