ހުޅުމާލެ, ދިޔަނެރު އަދި ތިލަފުށި ހިއްކަނީ 3.9 ބިލިއަން ރުފިޔާއަށް، ފައިސާ ހޯދަނީ ދެ ބިމެއް ވިއްކައިގެން

ހުޅުމާލެ, ދިޔަނެރު އަދި ތިލަފުށި ހިއްކަނީ 3.9 ބިލިއަން ރުފިޔާއަށް، ފައިސާ ހޯދަނީ ދެ ބިމެއް ވިއްކައިގެން

ހުޅުމާލޭން ގޯތި ދިނުމަށް ބޭނުންވާ ބިމާއި ސަފާރީ ބަނދަރު ހަދާ ދިޔަނެރު ފަޅު އަދި ތިލަފުށިން ބައެއް ހިއްކުމުގެ މަސައްކަތް ލަންކާގެ ކެޕިޓަލް މެރިން އެންޑް ސިވިލް ކޮންސްޓްރަކްޝަން ކޮމްޕަނީ (ސީއެމްސީ) އާ ހަވާލުކުރީ 259 މިލިއަން ޑޮލަރު (3.98 ބިލިއަން ރުފިޔާ) އަށް ކަމަށް އާބަންކޯ އިން ބުނެފި އެވެ.

މި ތިން ފަޅު ހިއްކުމުގެ މަސައްކަތް ސީއެމްސީއާ ހަވާލުކުރީ މިދިޔަ ހަފްތާގެ ހޯމަ ދުވަހެވެ. މީގެ ތެރެއިން ހުޅުމާލެ ދެ ވަނަ ފިޔަވަހީގެ ފަޅު ހިއްކަނީ މާލެ މީހުންނަށް ގޯތި ދިނުމަށެވެ.

ދިޔަނެރު ފަޅު ހިއްކަނީ އެ ފަޅުގައި ތަރައްގީކުރަން މި ސަރުކާރުން ނިންމާފައިވާ ސަފާރީ ބަނދަރު ތަރައްގީ ކުރުމަށެވެ. އަދި ތިލަފުށިން ހިއްކަނީ، ތިލަފުށި މާސްޓާ ޕްލޭނުގެ ދަށުން ހިއްކަން ނިންމާފައިވާ ސަރަހައްދުން ބަޔެކެވެ.

މި މަޝްރޫއުގެ ދަށުން ހުޅުމާލެ ފޭސް ތިނަކުން ގޯތި ދިނުމަށް 62.6 ހެކަޓްރު ބިން ހިއްކާނެ އެވެ. އަދި ސަފާރީ ބަނދަރު ތަރައްގީކުރުމަށް ދިޔަނެރުން 24.6 ހެކްޓަރުގެ ބިން ހިއްކާއިރު ތިލަފުށި ޑީ އޭރިއާއިން 9.6 ހެކްޓަރުގެ ބިން ހިއްކުމަށް ވަނީ ހަމަޖެހިފަ އެވެ.

އެ ތިން ފަޅުގެ ހިއްކުމުގެ މަސައްކަތް ސީއެމްސީން ކުރަނީ ބޮސްކާލިސް އާ ހަވާލުކޮށްގެންނެވެ.

މި ނޫހަށް މައުލޫމާތު ދެމުން އާބަންކޯގެ އޮފިޝަލަކު މިއަދު ވިދާޅުވީ މީގެ ތެރެއިން ހުޅުމާލެ ފަޅު ހިއްކުމުގެ މަސައްކަތް ސީއެމްސީ އާ ހަވާލުކުރީ ތިން އަހަރު ތެރޭ މަސައްކަތް އެއްކޮށް ނިންމާ ގޮތައް ކަމަށެވެ.

އަދި ވިދާޅުވީ މި މަޝްރޫއުގައި ހިމެނެނީ ހުޅުމާލެ ބިން ހިއްކުން އެކަނި ނޫން ކަމަށާއި ބިން ހިއްކުމުގެ އިތުރުން ރިވެޓްމަންޓް ޖެހުމާއި، ހުޅުމާލެ ފޭސް 3 ގެ މަގު ހެދުމާއި ، ފާލަން ހެދުމާއި، ޖެޓީ ހެދުން ހިމެނޭ ކަމަށް ވިދާޅުވި އެވެ.

އޮފިޝަލު ވިދާޅުވީ މި މަސައްކަތްތައް އެކުންފުންޏާ ހަވާލުކުރީ 259 މިލިއަން ޑޮލަރަށް ކަމަށެވެ. އަދި މަޝްރޫއުގެ ބަދަލުގައި ސީއެމްސީއަށް އެއްވެސް ބިމެއް ދޭން އެއްބަސްވެފައި ނުވާ ކަމަށާއި މަޝްރޫއުގެ އަގު އަދާ ކުރަން ރާވާފައިވަނީ ހުޅުމާލެ އާއި ތިލަފުށިން ދެ ބިމެއް ވިއްކައިގެން ކަމަށް ވިދާޅުވި އެވެ.

އެގޮތުން ހުޅުމާލޭގެ 10 ހެކްޓަރުގެ ބިން އަދި ތިލަފުށިން 9.6 ހެކްޓަރުގެ ބިން ވިއްކާނެ ކަމަށްވެސް ވިދާޅުވި އެވެ.

ކޮމެންޓް

ފަހުގެ ޚަބަރު

ސިމްޑީގެ ވިޔަފާރި ހާދާލަށް ފުޅާކުރަނީ

ސިމްޑީ ގްރޫޕްގެ ވިޔަފާރި ހދ. އަތޮޅުގައި ފުޅާކުރުމަށްޓަކައި ކުޅުދުއްފުށީގެ "މިތުރު" ކުންފުންޏާއެކު ސަބް-ޑިސްޓްރިބިއުޝަން އެއްބަސްވުމެއްގައި މިއަދު ވަނީ ސޮއިކޮށްފައެވެ. މި ޕާޓްނަޝިޕްގެ ސަބަބުން ސިމްޑީން އެތެރެކުރާ ބައިނަލްއަގުވާމީ މަގުބޫލު ބްރޭންޑްތަކުގެ މުދާ އެ އަތޮޅުގެ ރީޓެއިލް ފިހާރަތަކަށާއި އާންމުންނަށް ފަސޭހަކަމާއެކު ލިބޭނެ އިންތިޒާމު ހަމަޖެހިގެންދާނެއެވެ.

ވިލާ ކޮލެޖާއި މާރޕް ގުޅިގެން މެންޓަރޝިޕް ޕްރޮގްރާމެއް

ވިލާ ކޮލެޖާއި މާރޕް ގުޅިގެން ވަޒީފާ އަދާކުރާ ފަރާތްތަކަށް ޚާއްޞަ މެންޓަރޝިޕް ޕްރޮގްރާމެއް ފަށާފައިވަނީ ދިވެހި ލީޑަރުން ބިނާކޮށް ސީނިއަރ މެނޭޖްމަންޓް މަޤާމުތަކަށް މީހުން ތައްޔާރުކުރުމަށެވެ. މި ޕްރޮގްރާމުގެ ދަށުން ތަޖުރިބާކާރުންގެ އެހީތެރިކަމާއެކު ގްރެޖުއޭޓުންނަށް ޢަމަލީ ހުނަރުތައް ދަސްކޮށްދީ، މަތީ ތަޢުލީމާއި އިންޑަސްޓްރީއާ ދެމެދު އޮތް ގުޅުން ވަރުގަދަކުރުމަށް ވަނީ އަމާޒު ހިފާފައެވެ.

ޓްރީ ޓޮޕް ހިތާނީ ކޭމްޕުގެ ރަޖިސްޓްރޭޝަން ހުޅުވާލައިފި

ޓްރީ ޓޮޕް ހޮސްޕިޓަލުގެ މިއަހަރުގެ ފުރަތަމަ ހިތާނީ ކޭމްޕުގައި ބައިވެރިވުމަށް ރަޖިސްޓަރީވުމުގެ ފުރުސަތު ޑިސެމްބަރު 17 ގެ ނިޔަލަށް ވަނީ ހުޅުވާލާފައެވެ. ތަޖުރިބާކާރު ޑޮކްޓަރުންގެ ޓީމަކުން ކުރިއަށްގެންދާ މި ކޭމްޕުގެ ހިތާނުކުރުމުގެ އޮޕަރޭޝަންތައް ކުރިއަށްދާނީ ޑިސެމްބަރު 12 އިން ޖެނުއަރީ 11 ގެ ނިޔަލަށެވެ. މި ޕެކޭޖުގެ ދަށުން ކޮންސަލްޓޭޝަނާއި، ލެބޯޓަރީ ޓެސްޓުތަކުގެ އިތުރުން އޮޕަރޭޝަނަށްފަހު ބޭނުންވާ ފަރުވާގެ ހިދުމަތްތައް ލިބިގެންދާނެއެވެ.

ޓޯޓަލް ފިޒިއޯއިން އެލައިޑްގެ ހިދުމަތް ގަބޫލުކުރަން ފަށައިފި

ފިޒިއޮތެރަޕީގެ ޚިދުމަތްދޭ "ޓޯޓަލް ފިޒިއޯ" ކްލިނިކުން ބަލިމީހުންނަށް ލުއިފަސޭހަކޮށްދިނުމުގެ ގޮތުން އެލައިޑް އިންޝުއަރެންސް ގަބޫލުކުރަން ފަށައިފިއެވެ. ޒަމާނީ ވަސީލަތްތަކާއެކު ފަރުވާދޭ މި ކްލިނިކުން މިހާރުވެސް ޕޮލިސް، އެމްއެންޑީއެފް އަދި ސޮލަރެލް އިންޝުއަރެންސްގެ ޚިދުމަތް ލިބޭއިރު، އިތުރު އިންޝުއަރެންސްތައް މެދުވެރިކޮށް ޚިދުމަތް ލިބޭނެ އިންތިޒާމު ހަމަޖެއްސުމަށް ދަނީ މަސައްކަތް ކުރަމުންނެވެ.

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

Newsletter

Get the latest news delivered straight to your inbox