އަބުރުގެ ނަމުގައި ބިރުދައްކައި ނޫސްވެރިންގެ އަނގައިގައި ޓޭޕު އެޅުމަކީ ރައްޔިތުން ބަލައިގަންނާނެ ކަމެއް ނޫން: ޣަފޫރު

ރައްޔިތުންގެ މަޖިލީހުގެ ޖަލްސާއެއްގައި ހަނިމާދޫ ދާއިރާގެ މެންބަރު، އަބްދުލްޣަފޫރު މޫސާ ވާހަކަދައްކަވަނީ -- ފޮޓޯ: ރައްޔިތުންގެ މަޖިލިސް

ރައްޔިތުންގެ މަޖިލީހުގެ ޖަލްސާއެއްގައި ހަނިމާދޫ ދާއިރާގެ މެންބަރު، އަބްދުލްޣަފޫރު މޫސާ ވާހަކަދައްކަވަނީ -- ފޮޓޯ: ރައްޔިތުންގެ މަޖިލިސް

އަބުރުގެ ގަނޫނެއް ހަދައިގެން ދިވެހިންނަށް ބިރުދައްކައި ނޫސްވެރިންގެ އަނގައިގައި ޓޭޕު އަޅަން މަސައްކަތްކުރި ނަމަވެސް، އެކަން ނުކުރެވޭނެ ކަމަށާއި އެއީ ރައްޔިތުން ބަލައިގަންނާނެ ކަމެއް ނޫން ކަމަށް ހަަނިމާދޫ ދާއިރާގެ މަޖިލިސް މެންބަރު، އަބްދުލްޣަފޫރު މޫސާ ވިދާޅުވެއްޖެ އެވެ.

ރައްޔިތުންގެ މަޖިލީހަށް ސަރުކާރުގެ ފަރާތުން ހުށަހަޅައިފައިވާ އަބުރުގެ ބިލަށް ބަހުސްކުރައްވަމުން ޣަފޫރު ވިދާޅުވީ އެމީހެއްގެ އަބުރު ރައްކާތެރި ކުރުމަކީ އެމީހަކަށް އޮތް ދީނީ އަދި ގާނޫނީ ޒިންމާއެއް ކަމަށެވެ. އެކަން ނުކޮށް ތިމާ ހިތުހުރި ކަމެއް ހިތުހުރި ގޮތަކަށް ކުރަމުން ގެންދިޔައީމާ އެ ވާހަކަ މީހުން ދައްކާނެ ކަމަށް ޣަފޫރު ވިދާޅުވި އެވެ.

"އެ މީހާގެ އަމިއްލަ ނަފުސުން އެ މީހާގެ އަބުރަށް އަރައިގަތީމާ ރައްޔިތުން އެ ވާހަކަދައްކާނެ އިއްޒަތްތެރި ރައީސް، އެއީ އިންސާނީ ތަބީއީ ގޮތުން ގަބޫލުކުރާ ހަގީގަތެއް އިއްޒަތްތެރި ރައީސް، އެއްވެސް މީހަކު އެއްވެސް ކަމެއް ނުކޮށް ހުއްޓަކައި، އެއްވެސް މީހަކު އެއްވެސްކަހަލަ ކަމެއް ނުކޮށް ހުއްޓަކައި އެ މީހަކާ ގުޅޭގޮތުން ގޯސް ވާހަކައެއް މީހުން ނުދައްކާނެ،" ޣަފޫރު ވިދާޅުވި އެވެ.

"ވައްކަމާއި ކޮރަޕްޝަނާއި މި ކަންކަންކޮށް ހައްދަުފަހަނަ އެޅީމާ ވެސް ދިވެހިރައްޔިތުން ތިބެންވީތޯ އެ ވާހަކަ ނުދައްކާ؟"

ޣަފޫރު ވިދާޅުވީ މި ސަރުކާރަށް ދިން ވަރަށް ފާއިތުވި އެއްވެސް ސަރުކާރަކަށް ބަޖެޓުގެ ގޮތުގައި ފައިސާ ނުލިބޭ ކަމަށެވެ. ނަމަވެސް، ރާއްޖޭގެ ރަށްރަށުގައި ހިނގަނީ ކޮން މަޝްރޫއުއެއްތޯ އޭނާ ސުވާލު އުފެއްދެވި އެވެ.

ދިވެހިންގެ ފައިސާއިން ކުރާ ހަރަދާއި އެ ފައިސާއިން ކުރަނީ ކޮން ކަމެއްކަން ރައްޔިތުންނަށް އެނގެން ޖެހޭނެކަމަށް ޣަފޫރު ވިދާޅުވި އެވެ. އެކަންކަން ރައްޔިތުންނަށް ނޭނގޭ ނަމަ، އެކަމުގައި ރައްޔިތުންގެ ބަސް އިއްވާނެކަމަށް އޭނާ ވިދާޅުވި އެވެ.

"ބަސް ބުނަންޖެހޭ ތަނުގައި ބަސް ބުނާނެ އިއްޒަތްތެރި ރައީސް، ޖަލުތައް ފުރާލަންޏާ ޖަލުތައް ފުރާލަންވީ ރައްޔިތުން ތިބީކީއެއް ފަހަތަށް ޖެހޭގޮތަކަށް ނޫން އިއްޒަތްތެރި ރައީސް، މުޅި ދައުލަތް ނޮޅައި ވީދާ ކުދިކޮށް ކާއިރުގައި ރައްޔިތުން އަނގައިން ނުބުނެ ތިބުމަކީ ދީނީގޮތުން ވެސް ފަރުދީގޮތުން ވެސް ގައުމީ ގޮތުން ވެސް އެ މީހުން ކޮށްގެން ވާނެކަމެއް ނޫން،" ޣަފޫރު ވިދާޅުވި އެވެ.

"...އެހެންވީމާ ގާނޫނީ ގޮތުން، ގާނޫނު ހަދައިގެން ދިވެހި ރައްޔިތުންނަށް ބިރުދައްކަން، ދިވެހި ނޫސްވެރިންގެ އަނގައިގައި ޓޭޕު އަޅަން ކުރާ މަސައްކަތަކީ ދިވެހި ރައްޔިތުން ބަލައިގަންނާނެ ކަމެއް ނޫން އިއްޒަތްތެރި ރައީސް."

ޕީއެންސީގެ އިހުތިރާމު ދެމިއޮންނަނީ ފަސް އަހަރަށް، މިހާރުގެ މެންބަރުން މުއިއްޒުއަށް ގޮވާ ހުތުރު އެއްޗެހި ދިވެހީން އަޑުއަހާނެ: ޒިޔާދު

ޕީއެންސީގެ އިހުތިރާމަކީ ބާރު އޮންނަ ފަސް އަހަރަށް ދެމިއޮންނަ އެއްޗެއް ކަމަށާއި، ރައީސް މުއިއްޒުގެ ބާރު ނެތް ދުވަހަކުން މިހާރުގެ މެންބަރުން އެމަނިކުފާނަށް ހުތުރު އެއްޗެހި ގޮވާނެ ކަމަށް މެންބަރު ޒިޔާދު ވިދާޅުވެއްޖެއެވެ.

އޭނާ ވިދާޅުވީ މި ރާއްޖޭގެ ރައްޔިތުންނަށް ހަމަޖެހުމެއް ލިބޭނީ ރައްޔިތުން ނުކުމެ މި ސަރުކާރު ބަދަލުކޮށްގެން ކަމަށެވެ.

މަޖިލީހަށް މިހާރު ހުށަހަޅައިފައިވާ ބިލުގައި ވަނީ ބުނާ ބަސްތަކަކެއްގެ ސަބަބުން، ދައްކާ ފޮޓޯއެއް ނުވަތަ ކުރެހުމެއްގެ ސަބަބުން ވެސް އަބުރުގެ ދައުވާ ކުރެވިދާނެ ކަމަށެވެ. އަދި، ވަކި މީހަކު ސިފަވާގޮތަށް ހަދާފައި ހުންނަ ތަކެތި މެދުވެރިކޮށް ނުވަތަ ހަދާ ފިލްމަކުން ނުވަތަ ތަމްސީލެއްގެ ސަބަބުން ވެސް އަބުރުގެ ދައުވާ ކުރެވިދާނެ ކަމަށް އެ ބިލުގައި ހިމަނައިފައިވެ އެވެ.

އޭގެ އިތުރުން، މީހަކު ކުރާ އިޝާރާތެއްގެ ސަބަބުން ނުވަތަ ކުރާ ހަރަކާތެއްގެ ސަބަބުން ވަކި ފަރާތެއްގެ އަބުރާބެހެވޭ ފަދަ އެއްޗެއް ސިފަކުރެވިފެން ނުވަތަ ވިސްނި، ދޭހަވިޔަސް އެ ބިލުގައި ވާގޮތުން އަބުރުގެ ދައުވާ ކުރެވެ އެވެ.

އެ ބިލުގައި ވާގޮތުން އަބުރުގެ ދައުވާއެއް އުފުލޭނީ އަބުރާ ބެހުމުގެ އަމަލުތަކުގެ ގޮތުގައި ބަޔާންކޮށްފައިވާ ކަންކަމުގެ ތެރެއިން އެއްވެސް ކަމަކީ، އޭގައި ހަގީގަތެއް އެކުލެވިގެން ނުވާ ދޮގަކަށް ވެއްޖެ ނަމަ އެވެ.

އަބުރުގެ ދައުވާއެއް ސާބިތުވެއްޖެ ނަމަ، ބަދަލުގެ ގޮތުގައި 50،000ރ. އާއި 500،000ރ. އާ ދެމެދުގެ އަދަދެއްގެ ބަދަލެއް ނަގައިދެވިދާނެކަމަށް އެ ބިލުގައި ބަޔާންކޮށްފައިވެ އެވެ. އެ ބިލުގައި ވާގޮތުން، އަބުރާ ބެހުމަކީ މަދަނީ ކުށެކެވެ.

އެ ބިލުގައި ވަނީ، އަބުރުގެ ދައުވާ ނުއުފުލޭނެ ފަރާތްތަކާއި ހާލަތްތައް ވެސް ބަޔާންކޮށްފަ އެވެ. އެގޮތުން، ރައްޔިތުންގެ މަޖިލީހުގެ މެންބަރުން މަޖިލީހުގެ ޖަލްސާއެއްގައި ނުވަތަ މަޖިލީހުގެ ކޮމިޓީއެއްގައި ދައްކާ ވާހަކައަކާ ގުޅިގެން އަބުރުގެ ދައުވާއެއް ނުއުފުލޭނެ އެވެ. އަދި، އެފަދަ ކަމެއްގެ ހަބަރެއް އުފުލާ މީހާގެ މައްޗަށް ވެސް އަބުރުގެ ދައުވާ ނުއުފުލޭނެ ކަމަށް އެ ބިލުގައި ބަޔާންކޮށްފައިވެ އެވެ.

ކޮމެންޓް

ފަހުގެ ޚަބަރު

އިހަވަންދިއްޕޮޅުގައި ވިޔަފާރި ބަނދަރު ހަދަން ސޮއިކޮށްފި

އިހަވަންދިއްޕޮޅުގައި ބައިނަލްއަގުވާމީ ވިޔަފާރި ބަނދަރަކާއި މެރިޓައިމް އަދި ސިނާއީ މަސައްކަތްތަކަށް ބޭނުންވާ ވަސީލަތްތައް ގާއިމުކުރުމަށް ޔޫއޭއީގެ ސަހު ގްރޫޕާއެކު ސަރުކާރުން މިއަދު ސޮއިކޮށްފިއެވެ. މި މަޝްރޫއުގެ ދަށުން އެ ސަރަހައްދުގައި ޓޫރިޒަމް ތަރައްގީކުރުން ވެސް ހިމެނޭއިރު، މިއީ ރާއްޖޭގެ އެންމެ އުތުރުގައި އިގްތިސާދީ ހަރަކާތްތައް ފުޅާކުރުމަށް ކުރިއަށްގެންދާ މުހިންމު މަސައްކަތެކެވެ.

މާދަމާރޭގެ ޖަލްސާއަށް ދާން ސަރުކާރު މުވައްޒަފުންނަށް އަންގައިފި

މާދަމާރޭ ބާއްވާ ޖަލްސާއަށް، ސަރުކާރުގެ ހުރިހާ މުވައްޒަފުން އެމީހުންގެ އަނބިން ނުވަތަ ފިރިންނާއެކު ބައިވެރިވުމަށް ރައީސުލްޖުމްހޫރިއްޔާ ވަނީ ދައުވަތު އަރުވާފައެވެ. މި ޖަލްސާއަށް ދާ މުވައްޒަފުންނާއި އެމީހުންގެ އަނބިފިރިންގެ މައުލޫމާތު މިއަދު މެންދުރުގެ ކުރިން ރައީސް އޮފީހަށް އެންގުމަށް ވުޒާރާތަކަށް ވަނީ އަންގާފައެވެ.

އަދާލަތުން ސަރުކާރަށް ތާއީދުކުރުމުން އަލީ ޒާހިރު ފާޑުވިދާޅުވެއްޖެ

އޭނާ ވިދާޅުވީ މިއީ ގިނަ ބައެއްގެ އުއްމީދުތަކާއި ބުރަ މަސައްކަތް ފޮހެވިގެންދާނެ ހިތާމަވެރި ނިންމުމެއް ކަމަށެވެ. އަދާލަތުން މި ނިންމުން ނިންމާފައިވަނީ 2028 ވަނަ އަހަރުގެ ރިޔާސީ އިންތިޚާބުގައި ރައީސް މުޢިއްޒަށް ތާއީދުކުރުމުގެ ގޮތުންނެވެ.

ބަޖެޓު ރާވާފައި ވަނީ މުވައްޒަފުން ނުނަގާ ހިންގޭ ގޮތަށް: ފިނޭންސް

މަޖިލީހަށް މައުލޫމާތު ދެމުން ފިނޭންސުން ބުނީ އަންނަ އަހަރުގެ ބަޖެޓު ރާވާފައި ވަނީ އާ މުވައްޒަފުން ނުނަގާ ދައުލަތް ހިންގޭ ގޮތަށް ކަމަށް. އަދި މުސާރަ ކަނޑައެޅުމުގައި ބަލަނީ ދައުލަތުގެ ފޯރުންތެރިކަން ހުރި މިންވަރަށް ކަމަށް.

ޕެންޝަން އޮފީހުގެ ސީއޯއޯގެ މަގާމުން ޝިއުނާ ވަކިކޮށްފި

ޕެންޝަން އޮފީހުގެ ސީއޯއޯގެ މަގާމުން މަރިޔަމް ޝިއުނާ ވަކިކޮށްފައިވަނީ، އެ އޮފީހުގެ ޗެއާޕާސަނާ ގުޅޭ މައްސަލަތަކެއް ކަމާބެހޭ އިދާރާތަކަށް ހުށަހެޅުމާއި ސަރުކާރުން ފައިސާ ޗާޕުކުރި މުއާމަލާތާ ދެކޮޅު ހެދުމުންނެވެ. މިދިޔަ ސެޕްޓެމްބަރު މަހުން ފެށިގެން ސަސްޕެންޝަނުގައި ހުރި ޝިއުނާ އެ މަގާމުން ވަކިކުރިއިރު، އޭނާއަކީ މީގެ ކުރިން އޭސީސީގެ ރައީސްކަންވެސް ކުރައްވާފައިވާ ބޭފުޅެކެވެ.

ރަސްމާލެ ވިއްކާލުމާ ދެކޮޅަށް އިހުތިޖާޖަށް ނުކުންނަން ގޮވާލައިފި

ބޭރުގެ ބަޔަކަށް 99 އަހަރަށް ރަސްމާލެ ވިއްކާލުމާ ދެކޮޅަށް އެމްޑީޕީން އެކަތިގަނޑެއްގެ ގޮތުގައި އިހުތިޖާޖަށް ނުކުތުމަށް މެންބަރު މީކާއިލް ގޮވާލައްވައިފިއެވެ. މި މަޝްރޫއާ މެދު ރައްޔިތުންގެ ފެންނަނުފެންނަ ވޯޓެއް ނެގުމަށް އެމްޑީޕީން ގަރާރެއް ހުށަހަޅާފައިވާއިރު، އެކަމުގައި ޕާޓީގެ ޒިންމާ ބޮޑުކަމަށް މީކާއިލް ފާހަގަކުރެއްވިއެވެ.

ޕީއެންސީއާއެކު އަދާލަތުން ކޯލިޝަން ހަދައިފި

މި އެއްބަސްވުމުގެ ދަށުން ސަރުކާރުގެ އިސް މަގާމުތައް އަދާލަތު ޕާޓީގެ މެންބަރުންނަށް ދިނުމަށް ވަނީ ހަމަޖެހިފައެވެ. އަދާލަތު ޕާޓީއަކީ މީގެ ކުރިން އެމްޑީޕީ އަދި ޕީޕީއެމްގެ ސަރުކާރުތަކުގައިވެސް ކޯލިޝަން ބައިވެރިއެކެވެ.

Newsletter

Get the latest news delivered straight to your inbox