އަބުރުގެ ގާނޫނުގެ މަގްސަދަކީ ސަރުކާރުން ހިންގާ ކޮރަޕްޝަނާއި ގޯސް ކަންކަން ފޮރުވުން: ޒިޔާދު

ވައިކަރަދޫ ދާއިރާގެ މެންބަރު  ހުސެއިން ޒިޔާދު: އޭނާ ވިދާޅުވީ އަބުރުގެ ގާނޫނު މަޖިލީހަށް ހުށަހެޅީ ރައްޔިތުންގެ އަބުރު ރައްކާތެރިކުރުމުގެ ނިޔަތުގައި ނޫން ކަމަށް --- ފޮޓޯ: ރައްޔިތުންގެ މަޖިލިސް

ވައިކަރަދޫ ދާއިރާގެ މެންބަރު ހުސެއިން ޒިޔާދު: އޭނާ ވިދާޅުވީ އަބުރުގެ ގާނޫނު މަޖިލީހަށް ހުށަހެޅީ ރައްޔިތުންގެ އަބުރު ރައްކާތެރިކުރުމުގެ ނިޔަތުގައި ނޫން ކަމަށް --- ފޮޓޯ: ރައްޔިތުންގެ މަޖިލިސް

ސަރުކާރުގެ ފަރާތުން ރައްޔިތުންގެ މަޖިލީހަށް ހުށަހަޅާފައިވާ އަބުރުގެ ގާނޫނުގެ މަގުސަދަކީ ސަރުކާރުން ހިންގާ ކޮރަޕްޝަނާއި ގޯސް ކަންކަން ފޮރުވުން ކަމަށް ވައިކަރަދޫ ދާއިރާގެ މެންބަރު ހުސައިން ޒިޔާދު (ފިއްޓޭ) މިއަދު ވިދާޅުވެއްޖެ އެވެ. 

 ނަމާއި އަބުރު ރައްކާތެރިކުރުމުގެ ހައްގުގެ ބިލަށް މަޖިލީހުގައި ބަހުސްކުރައްވަމުން ޒިޔާދު ވިދާޅުވީ އަބުރަކީ ރައްކާތެރިކޮށްދޭން ޖެހޭ އެއްޗެއް ކަމަށްވިޔަސް، މިހާރު ހުށަހަޅާފައިވާ އަބުރުގެ ގާނޫނުގެ ބޭނުމަކީ ސަރުކާރުގެ ކޮރަޕްޝަންތަކާއި ސަރުކާރުގެ ނިޒާމުގެ ތެރޭގައި ހުންނަ ހަމަނުޖެހޭ ކަންކަމާއި ގޯސް ކަންކަން ފޮރުވުން ކަމަށެވެ. 

"މި ބިލު [އަބުރުގެ ބިލު] މިއަދާ ހަމައަށް އައިއިރުގައި ތަފާތު ނަންނަމުގައި މީގެ ކުރިން 2016 ގައި ވެސް އަބުރު ރައްކާތެރިކުރުމުގެ ނަމުގައި ބިލެއް އައި މަޖިލީހަށް. މިއިން ކޮންމެ ކަމެއްގައި ހަގީގީ މަގްސަދަކަށް ވެފައި އޮންނަނީ، މައިގަނޑު މަގްސަދަކަށް ވެފައި މިއޮންނަނީ ސަރުކާރުގެ ކޮރަޕްޝަންތަކާއި އެ ސަރަކާރުގެ ނިޒާމުގެ ތެރޭގައި ހުންނަ ހަމަނުޖެހޭ ކަންކަން ގޯސް ކަންތައްތައް ފޮރުވުމުގެ ނިޔަތް. މިއިން ކޮންމެ ބިލެއްގައިވެސް މިއޮންނަނީ،" އޭނާ ވިދާޅުވި އެވެ. 

އަބުރުގެ ބިލު މިފަހަރު ފަރުމާކޮށްފައިވަނީ މަދަނީ ބިލެއް ގޮތުގައިވިޔަސް، އެ ބިލުގައި ބޮޑެތި ޖޫރިމަނާތަކާއި ސާފުނުވާ ގޮތަށް ފުން ބޮޑެތި މާނަ އެކުލެވިގެންވާ ކަމަށް ޒިޔާދު ވިދާޅުވި އެވެ. އެގޮތުން ހިންގާ ފަރަކާތަކުން ނުވަތަ ކުރާ ހަރަކާތަކުންވެސް އަބުރު ގެއްލޭކަން އެނާ ފާހަގަކުރެއްވި އެވެ. 

ސޯޝަލްމީޑިއާގައި ޝެއާކުރާ ޕޯސްޓަކާ ގުޅިގެން ވެސް އަބުރުގެ ދައުވާ އުފުލޭ، އަދަބު 500،000ރ. އާ ހަމައަށް!

ސޯޝަލް މީޑިއާގައި މީހެއްގެ އަބުރާ ބެހޭ ފަދަ ޕޯސްޓެއް ޝެއާކުރާ މީހުންގެ މައްޗަށް ވެސް ދައުވާކޮށް، 5 ލައްކަ ރުފިޔާއާ ހަމައަށް ޖޫރިމަނާ ކުރެވޭ ގޮތަށް އަބުރު ރައްކާތެރިކުރުމުގެ ބިލެއް މަޖިލީހަށް ހުށަހަޅައިފިއެވެ. މި ބިލުގައިވާ ގޮތުން، ހަގީގަތާ ހިލާފު ދޮގު ވާހަކައެއް ފެތުރުމުގެ އިތުރުން، އިޝާރާތަކުން ނުވަތަ ކުރެހުމަކުން މީހަކަށް ނިސްބަތްކޮށް އަބުރާ ބެހުނު ކަމަށް ސާބިތުވިޔަސް ބަދަލު ނަގައިދެވޭނެއެވެ.

ޒިޔާދު ވިދާޅުވީ އަބުރުގެ ގާނޫނު މަޖިލީހަށް ހުށަހެޅީ ރައްޔިތުންގެ އަބުރު ރައްކާތެރިކުރުމުގެ ނިޔަތުގައި ނޫން ކަމަށެވެ. އެގޮތުން މިހާރު ފާސްކުރަން އުޅޭ ބިލުގެ ސަބަބުން ރައްޔިތުންގެ އަބުރު ހިމާޔަތް ނުވާނެ ކަމަށް އޭނާ ވިދާޅުވި އެވެ. 

ސަރުކާރުން ހުށަހެޅި އަބުރުގެ ބިލުގައި ސޯޝަލްމީޑިއާގައި މީހަކު ޝެއާކުރާ ޕޯސްޓަކާ ގުޅިގެން ވެސް އަބުރުގެ ދައުވާ އުފުލޭއިރު، ބަދަލުގެ ގޮތުގައި 500،000ރ. ނަގައިދެވެ އެވެ. 

އަބުރުގެ ދައުވާއެއް އުފުލާއިރު، އަބުރާ ބެހުމުގެ ސަބަބުން ދައުވާކުރާ ފަރާތަށް ގެއްލުން ލިބިފައިވާ ކަމަށާއި އަބުރާބެހުނު ފަރާތުގެ ކިބައިން ބަދަލު ނަގައިދިނުމަށް ދައުވާކުރި ފަރާތުން އެދިފައިވާނަމަ، އަދި އެކަން ސާބިތުވާނަމަ ކޯޓުން ބަދަލު ނަގައިދޭން ވާނެ ކަމަށް ވެސް އެ ބިލުގައި ހިމަނައިފައިވެ އެވެ.

އެގޮތުން، އަބުރާ ބެހުނުކަމުގެ ދައުވާއެއް އުފުލާ މީހަކަށް މާއްދީ ގެއްލުމުގެ ބަދަލުގެ ގޮތުގައި 50،000ރ. އާއި 500،000ރ. އާ ދެމެދުގެ އަދަދެއް ނަގައިދެވޭނެ ކަމަށް އެ ބިލުގައި ހިމަނައިފައި ވެ އެވެ.

ކޮމެންޓް

ފަހުގެ ޚަބަރު

އިހަވަންދިއްޕޮޅުގައި ވިޔަފާރި ބަނދަރު ހަދަން ސޮއިކޮށްފި

އިހަވަންދިއްޕޮޅުގައި ބައިނަލްއަގުވާމީ ވިޔަފާރި ބަނދަރަކާއި މެރިޓައިމް އަދި ސިނާއީ މަސައްކަތްތަކަށް ބޭނުންވާ ވަސީލަތްތައް ގާއިމުކުރުމަށް ޔޫއޭއީގެ ސަހު ގްރޫޕާއެކު ސަރުކާރުން މިއަދު ސޮއިކޮށްފިއެވެ. މި މަޝްރޫއުގެ ދަށުން އެ ސަރަހައްދުގައި ޓޫރިޒަމް ތަރައްގީކުރުން ވެސް ހިމެނޭއިރު، މިއީ ރާއްޖޭގެ އެންމެ އުތުރުގައި އިގްތިސާދީ ހަރަކާތްތައް ފުޅާކުރުމަށް ކުރިއަށްގެންދާ މުހިންމު މަސައްކަތެކެވެ.

މާދަމާރޭގެ ޖަލްސާއަށް ދާން ސަރުކާރު މުވައްޒަފުންނަށް އަންގައިފި

މާދަމާރޭ ބާއްވާ ޖަލްސާއަށް، ސަރުކާރުގެ ހުރިހާ މުވައްޒަފުން އެމީހުންގެ އަނބިން ނުވަތަ ފިރިންނާއެކު ބައިވެރިވުމަށް ރައީސުލްޖުމްހޫރިއްޔާ ވަނީ ދައުވަތު އަރުވާފައެވެ. މި ޖަލްސާއަށް ދާ މުވައްޒަފުންނާއި އެމީހުންގެ އަނބިފިރިންގެ މައުލޫމާތު މިއަދު މެންދުރުގެ ކުރިން ރައީސް އޮފީހަށް އެންގުމަށް ވުޒާރާތަކަށް ވަނީ އަންގާފައެވެ.

އަދާލަތުން ސަރުކާރަށް ތާއީދުކުރުމުން އަލީ ޒާހިރު ފާޑުވިދާޅުވެއްޖެ

އޭނާ ވިދާޅުވީ މިއީ ގިނަ ބައެއްގެ އުއްމީދުތަކާއި ބުރަ މަސައްކަތް ފޮހެވިގެންދާނެ ހިތާމަވެރި ނިންމުމެއް ކަމަށެވެ. އަދާލަތުން މި ނިންމުން ނިންމާފައިވަނީ 2028 ވަނަ އަހަރުގެ ރިޔާސީ އިންތިޚާބުގައި ރައީސް މުޢިއްޒަށް ތާއީދުކުރުމުގެ ގޮތުންނެވެ.

ބަޖެޓު ރާވާފައި ވަނީ މުވައްޒަފުން ނުނަގާ ހިންގޭ ގޮތަށް: ފިނޭންސް

މަޖިލީހަށް މައުލޫމާތު ދެމުން ފިނޭންސުން ބުނީ އަންނަ އަހަރުގެ ބަޖެޓު ރާވާފައި ވަނީ އާ މުވައްޒަފުން ނުނަގާ ދައުލަތް ހިންގޭ ގޮތަށް ކަމަށް. އަދި މުސާރަ ކަނޑައެޅުމުގައި ބަލަނީ ދައުލަތުގެ ފޯރުންތެރިކަން ހުރި މިންވަރަށް ކަމަށް.

ޕެންޝަން އޮފީހުގެ ސީއޯއޯގެ މަގާމުން ޝިއުނާ ވަކިކޮށްފި

ޕެންޝަން އޮފީހުގެ ސީއޯއޯގެ މަގާމުން މަރިޔަމް ޝިއުނާ ވަކިކޮށްފައިވަނީ، އެ އޮފީހުގެ ޗެއާޕާސަނާ ގުޅޭ މައްސަލަތަކެއް ކަމާބެހޭ އިދާރާތަކަށް ހުށަހެޅުމާއި ސަރުކާރުން ފައިސާ ޗާޕުކުރި މުއާމަލާތާ ދެކޮޅު ހެދުމުންނެވެ. މިދިޔަ ސެޕްޓެމްބަރު މަހުން ފެށިގެން ސަސްޕެންޝަނުގައި ހުރި ޝިއުނާ އެ މަގާމުން ވަކިކުރިއިރު، އޭނާއަކީ މީގެ ކުރިން އޭސީސީގެ ރައީސްކަންވެސް ކުރައްވާފައިވާ ބޭފުޅެކެވެ.

ރަސްމާލެ ވިއްކާލުމާ ދެކޮޅަށް އިހުތިޖާޖަށް ނުކުންނަން ގޮވާލައިފި

ބޭރުގެ ބަޔަކަށް 99 އަހަރަށް ރަސްމާލެ ވިއްކާލުމާ ދެކޮޅަށް އެމްޑީޕީން އެކަތިގަނޑެއްގެ ގޮތުގައި އިހުތިޖާޖަށް ނުކުތުމަށް މެންބަރު މީކާއިލް ގޮވާލައްވައިފިއެވެ. މި މަޝްރޫއާ މެދު ރައްޔިތުންގެ ފެންނަނުފެންނަ ވޯޓެއް ނެގުމަށް އެމްޑީޕީން ގަރާރެއް ހުށަހަޅާފައިވާއިރު، އެކަމުގައި ޕާޓީގެ ޒިންމާ ބޮޑުކަމަށް މީކާއިލް ފާހަގަކުރެއްވިއެވެ.

ޕީއެންސީއާއެކު އަދާލަތުން ކޯލިޝަން ހަދައިފި

މި އެއްބަސްވުމުގެ ދަށުން ސަރުކާރުގެ އިސް މަގާމުތައް އަދާލަތު ޕާޓީގެ މެންބަރުންނަށް ދިނުމަށް ވަނީ ހަމަޖެހިފައެވެ. އަދާލަތު ޕާޓީއަކީ މީގެ ކުރިން އެމްޑީޕީ އަދި ޕީޕީއެމްގެ ސަރުކާރުތަކުގައިވެސް ކޯލިޝަން ބައިވެރިއެކެވެ.

Newsletter

Get the latest news delivered straight to your inbox