ޕެރިސް (ނޮވެމްބަރު 13) - މަޝްހޫރު ފުޓްބޯޅަ ކޯޗު، އާސެން ވެންގާ، ފީފާގެ ރައީސްގެ މަގާމަށް ގެނައުމަށްޓަކައި ފްރާންސް ސަރުކާރުން މަސައްކަތް ކުރަމުން އަންނަ ކަމަށް ޓެލެގްރާފް ނޫހުން ރިޕޯޓްކޮށްފި އެވެ.
ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއާ ވާދަކުރުމަށް ޔޫރަޕްގެ މައި ފުޓްބޯޅަ އިދާރާ ޔުއެފާ އިން ނެރެން މަސައްކަތް ކުރާ ކެންޑިޑޭޓަކީ މަޝްހޫރު ފުޓްބޯޅަ ކޯޗު، ފްރާންސްގެ ވެންގާ ކަމަށް މީޑިއާގައި އަޑުފެތުރެން ފެށީ މީގެ މަހެއްހާ ދުވަސް ކުރިންނެވެ.
އެކަމަކު، އޭރު އެ ވާހަކަތަކަށް ބާރު ލިބޭ ގިނަ ރިޕޯޓްތަކެއް މީޑިއާގައި ދައުރުނުވި ނަމަވެސް، މި މަހު 18 އާ ހަމައަށް އަންނަ އަހަރުގެ ފީފާ އިންތިހާބުގައި ވާދަކުރަން ކެންޑިޑެސީ ހުށަހަޅަން ހުޅުވާލާފައި އޮތް މުއްދަތުގެ ސުންގަނޑި ހަމަވާއިރު، ވެންގާގެ ރިޕޯޓްތައް އަނެއްކާ ވަނީ ނޫސްތަކުގައި ހިނގަން ފަށައިފަ އެވެ.
ފީފާގެ ރައީސަކަށް ޔުއެފާގެ ކެންޑިޑޭޓަކީ ވެންގާ؟
ފީފާގެ މިހާރުގެ ރައީސް ޖިއާނީ އިންފަންޓީނޯއާ ވާދަކުރުމަށް ޔުއެފާ އިން ނެރޭ ކެންޑިޑޭޓަކީ މަޝްހޫރު ކޯޗު އާސެން ވެންގާ ކަމަށް މީޑިއާ ރިޕޯޓްތައް ބުނެފި. އަންނަ އަހަރު ބާއްވާ އިންތިހާބަށް ވެންގާ ނެރުމާ ގުޅޭގޮތުން ޔުއެފާގެ އިސް އޮފިޝަލުން މަޝްވަރާ ކުރަމުންދާއިރު، އިންފަންޓީނޯ ވަނީ ހަތަރު ވަނަ ދައުރަކަށް ކުރިމަތިލައްވާނެކަން އިއުލާނުކުރައްވާފައި
ޓެލެގްރާފް ނޫހުން ރިޕޯޓްކޮށްފައިވާ ގޮތުގައި، ވެންގާ، ފީފާ ރައީސަކަށް ގެންނަން ފްރާންސްގެ ރައީސް އެމަނުއަލް މެކްރޮން ވަނީ އަމިއްލަ އަށް އިސްނަންގަވައިގެން މަސައްކަަތް ފައްޓަވައިފަ އެވެ. އެ ގޮތުން، ފްރާންސް ސަރުކާރުން އަންނަނީ މެކްރޮންގެ އިރުޝާދުގެ ދަށުން ވެންގާ އަށް ތާއީދު ހޯދުމުގެ މަސައްކަތް ފަށައިފަ އެވެ.
އާސެނަލްގެ ކޯޗެއްގެ ގޮތުގައި ހޭދަކުރި 22 އަހަރު ހޭދަކޮށް، ފީފާގެ ގްލޯބަލް ފުޓްބޯލް ޑިވެލޮޕްމަންޓްގެ އިސް ވެރިއަކަށް ހުރި ވެންގާ އަދި މިހާތަނަށް ފީފާގެ ރައީސް ކަމަށް ކުރިމަތިލުމުގެ ޝައުގުވެރިކަން ފާޅުކޮށްފައިނުވެ އެވެ. އެކަމަކު، އިންފަންޓީނޯ މަގާމުން ދުރުކޮށް، ފީފާގެ ރައީސަކަށް ޔުއެފާގެ އިތުބާރު ލިބިފައިވާ ފަރާތެއް ގެންނަން ކުރާ މަސައްކަތުގައި، އެންމެ ގިނަ ގައުމަކުން އިއްތިފާގުވާ ކެންޑިޑޭޓަކަށް ހުރީ ވެންގާ އެވެ.
އެކަމަކު، ފީފާގެ ރައީސަކަށް ވުމަށް ރަސްމީކޮށް ނިކުންނަން ވެންގާ ދެކޮޅު ހަދައިފިނަަމަ، ޔުއެފާ އިން ތާއީދުކުރާނެ ކެންޑިޑޭޓަކީ ޖަޕާންގެ ފުޓްބޯޅަ އެސޯސިއޭޝަންގެ އިސް ފަރާތް، ކޯޒޯ ޓަޝިމާ އަށެވެ. ދެން، ފީފާގެ އިންތިހާބުގައި ވާދަކުރަން ނިންމާފައިވަނީ، ސްވިޒަލެންޑްގެ ރަމޮން ވޭގާ އެވެ.
އޭޝިއާގެ "ޔޫ-ޓާން" އާ އެކު އިންފަންޓީނޯ އަށް ފީފާ ރައީސްކަމުގެ ހަަތަރު ވަނަ ދައުރެއް؟
އޭޝިއާގެ މައި ފުޓްބޯޅަ އިދާރާ (އޭއެފްސީ) އިން ފީފާގެ މިހާރުގެ ރައީސް ޖިއާނީ އިންފަންޓީނޯ އަށް ތާއީދުކުރަން ނިންމުމާ އެކު، އޭނާ އަށް ހަތަރު ވަނަ ދައުރެއް ކަށަވަރުވުމުގެ ފުރުސަތު ބޮޑުވެއްޖެ އެވެ. މީގެ ކުރިން ފީފާގެ ލީޑަޝިޕާ ދެކޮޅަށް ތެދުވި ނަމަވެސް، އޭއެފްސީން މިހާރު ވަނީ އިންފަންޓީނޯ އަށް ތާއީދު އޮތްކަން ރަސްމީކޮށް ހާމަކޮށްފަ އެވެ. އޭޝިއާގެ އިތުރުން އެފްރިކާގެ ތާއީދު ވެސް އިންފަންޓީނޯ އަށް އޮތުމުން، އަންނަ އަހަރުގެ އިންތިހާބު އޭނާ ކާމިޔާބު ކުރާނެ ކަމަށް ބެލެވެ އެވެ.
އޭޝިއާގެ މައި ފުޓްބޯޅަ އިދާރާ، އޭޝިއަން ފުޓްބޯލް ކޮންފެޑަރޭޝަން (އޭއެފްސީ) އިން އަންނަ އަހަރުގެ ފީފާގެ އިންތިހާބުގައި މިހާރުގެ ރައީސް، އިންފަންޓީނޯ އަށް ތާއީދުކުރަން ނިންމުމާ އެކު، އޭނާ އަށް މަގާމުގައި ހަތަރު ވަނަ ދައުރެއް ކަށަވަރުވުމުގެ ފުރުސަތު ވަނީ ބޮޑުވެފަ އެވެ.
ފީފާގެ ރައީސްގެ މަގާމު ލިބޭނީ، ފީފާ މެމްބަރު، 211 ގައުމުގެ ތެރެއިން، މަދުވެގެން 106 ގައުމުގެ ތާއީދު ހޯދައިގެންނެވެ. މި ވަގުތަށް ބަލާއިރު، އިންފަންޓީނޯ އަށް މި ވަނީ، 47 ގައުމު ހިމެނޭ އޭއެފްސީ އާއި 54 ގައުމު ހިމެނޭ އެފްރިކާގެ ކާފްގެ ތާއީދު ލިބިފަ އެވެ.
