ހަތަރު ވަނަ ޑިވިޝަންގެ ފްލީޓްވުޑް އިން އާސެނަލް ކަޓުވާލައިފި

Oct 28, 2026, 9:08 AM
އާސެނަލް ބަލިކޮށް ފްލީޓްވުޑް ޓައުން ކުޅުންތެރިން އުފާފާޅުކުރަނީ.

އާސެނަލް ބަލިކޮށް ފްލީޓްވުޑް ޓައުން ކުޅުންތެރިން އުފާފާޅުކުރަނީ.

ލަންޑަން (އޮކްޓޫބަރު 28) - އިނގިރޭސި ލީގު ކަޕްގެ ގަދަ 16 ބުރުގައި، ހަތަރު ވަނަ ޑިވިޝަންގެ 18 ވަނައިގައި އޮތް ފްލީޓްވުޑް ޓައުން އިން އިނގިރޭސި ޕްރިމިއާ ލީގުގެ އެންމެ ފަހުގެ ޗެމްޕިއަން، އާސެނަލް ކަޓުވާލައިފި އެވެ. 

ލީގު ތާވަލުގެ މަގާމުތަކުން ދެ ޓީމުގެ ދަރަޖައިގެ ފަރަގުކިޔާނަމަ، އާސެނަލް އޮތީ ފްލީޓްވުޑަށް ވުރެން 84 މަގާމު ކުރީގަ އެވެ. ރޭގެ މެޗު ފަށައިގެން އަށް މިނިޓް ވަންދެން މެޗު ހުއްޓާލަން ޖެހުނެވެ. އެއީ، ދަނޑުމަތިން ޑްރޯން އެއް ދުއްވުމާ ގުޅިގެންނެވެ. 

ފަސްހާސް މީހުންގެ ޖާގައިގެ ހައިބަރީ ސްޓޭޑިއަމްގައި ކުޅުނު މެޗުގައި ފްލީޓްވުޑުން ވަނީ އާސެނަލް ހައިރާންކޮށްލުމަށް ފަހު، 21 ވަނަ މިނިޓްގައި ލީޑުނަގައިފަ އެވެ. މި ލަނޑު ޖެހީ އޭރިއާތެރެއިން ލިބުނު ފުރުސަތެއްގައި އާރޮން ލޮޕޯލާ-ބީ އެވެ. އޭރިއާތެރެއިން ލިބުނު ފުރުސަތުގައި އޭނާ ވަނީ އާސެނަލްގެ ގޯލުގައި ހުރި އިލާން މެލިއޭ އަށް ފުރުސަތެއް ނުދީ ގޯލަށް ބޯޅަ ފޮނުވާލައިފަ އެވެ. 

އާސެނަލުން ނަތީޖާ ހަމަހަމަކުރަން ކުރި މަސައްކަތް ދެ ވަނަ ހާފުގެ ކުޅުން ފެށިގެން ފަސް މިނިޓް ތެރޭ ކާމިޔާބުކުރި އެވެ. އެ ގޮތުން، 50 ވަނަ މިނިޓްގައި އެ ޓީމަށް ލަނޑު ޖަހައިދިނީ ވިކްޓަ ޔޯކެރޭޝް އެވެ. ގިނަ ބަދަލުތަކެއް ގެނެސްގެން މި މެޗުގައި ކުޅުނު އާސެނަލަށް އެންމެ ބޮޑު މައްސަލައެއް ދިމާވީ، 85 ވަނަ މިނިޓްގައި އެ ޓީމުގެ މެކްސް ޑައުމަން އަށް ރަތެއް ދެއްކުމެވެ. ޑައުމަން އަށް ރަތް ކާޑެއް ދެއްކީ، ފްލީޓްވުޑްގެ ހެރިސަން ނީލް އަށް ކުރި ނުރައްކާތެރި ފައުލަކަށެވެ. 

މެޗުން އާސެނަލް މޮޅުވާން ކުރި މަސައްކަތުގައި އެ ޓީމުގެ ބެން ވައިޓް އާއި މާޓިން އޮޑެގާޑް ފޮނުވާލި ޝޮޓްތަކެއް ފްލީޓްވުޑް ކީޕަރު، ޖޭ ލިންޗް ވަނީ ހުއްޓުވައިފަ އެވެ. ޕެނަލްޓީގައި އާސެނަލަށް ނާކާމިޔާބުވީ ބްރޫނޯ ގިމާރޭސް ފޮނުވާލި ޕެނަލްޓީ އެވެ. އާސެނަލުން ފުރަތަމަ ތިން ޕެނަލްޓީ ފޮނުވާލި އޮޑެގާޑް، ކައި ހަވާޓްޒް އަދި ޔޯކެރޭޝް ވަނީ ޕެނަލްޓީތައް ކާމިޔާބުކޮށްފަ އެެވެ. ފްލީޓްވުޑުން ފަސް ޕެނަލްޓީ ވެސް ކާމިޔާބުކުރިއިރު، އެ ޓީމުގެ ޕެނަލްޓީތައް ފޮނުވާލީ ރޮނަން ކޯގްލަން، ނީލް، ޑޭވިސް، އެންޑީ ކެނަން އަދި ކޮނާ ހޯގީ އެވެ.

އާސެނަލް ކަޓުވާލުމަށް ފަހު، ލީގު ކަޕް ކުއާޓާ ފައިނަލަށް ދަތުރުކުރުމަކީ، ފްލީޓްވުޑްގެ ތާރީހުގައި އެންމެ ހާއްސަ އެއް ކާމިޔާބީ ކަމަށް އެ ޓީމުން ދެކެ އެވެ. މީގެ ހަތް މަސް ކުރިން މިދިޔަ ސީޒަނުގެ ލީގު ކަޕް ފައިނަލުގައި އާސެނަލް ބަލިވީ މެންޗެސްޓާ ސިޓީ އަތުން 2-0 އިންނެވެ. 

ލީގު ކަޕްގެ ގަދަ 16 ބުރުގައި ރޭ ބްރެޑްފޯޑް ސިޓީން ވަނީ 2-0 އިން ޕީޓަބަރާ ޔުނައިޓެޑް ބަލިކޮށްފަ އެވެ. 

ލީގު ކަޕް ގަދަ 16 ބުރުގައި މިރޭ އޮތް މެޗުތަކަށް ބަލާއިރު، ލިވަޕޫލުން ކުޅޭނީ ޗެލްސީއާ އެވެ. މެންޗެސްޓާ ސިޓީން ބްރައިޓަންއާ ބައްދަލުކުރާއިރު، ބޯންމައުތުން ކުޅޭނީ އެސްޓަން ވިލާއާ އެެވެ. ފުލަމް އާއި ކްރިސްޓަލް ޕެލަސް ވާދަކުރާއިރު، ސަންޑަލެންޑުން ނުކުންނާނީ ބްރެންޓްފޯޑާ ދެކޮޅަށެވެ. އަދި، އެވަޓަން އިން ބައްދަލުކުރާނީ ނިއުކާސަލް ޔުނައިޓެޑާ އެވެ.  

ކޮމެންޓް

ފަހުގެ ޚަބަރު

މާޒިޔާ އާއި ނިއު ރޭޑިއަންޓް ވަރުގަދަ ފެށުމާ އެކު ކުރިއަށް

އެފްއޭއެމް ވިމެންސް ލީގުގައި ކުޅުނު ފުރަތަމަ ދެ މެޗުން މޮޅުވެ، މާޒިޔާ އާއި ނިއު ރޭޑިއަންޓުން މުބާރާތުގެ ވަރުގަދަ ފެށުމެއް ދަމަހައްޓައިފިއެވެ. މިހާތަނަށް ކުޅުނު މެޗުތަކުން ދެ ޓީމަށްވެސް ހަ ޕޮއިންޓް ލިބިފައިވާއިރު، ލަނޑުގެ ތަފާތުން ތާވަލުގެ އެއްވަނައިގައި އޮތީ ނިއު ރޭޑިއަންޓެވެ. މި މުބާރާތުގެ ފޯރިގަދަ މެޗެއްގައި އަންނަ އާދިއްތަ ދުވަހު ނިއު އާއި މާޒިޔާ ބައްދަލުކުރާނެއެވެ.

ސިޓީއާ ޔުނައިޓެޑުން އަރާހަމަކުރާނެ ކަމަށް ޕޮޗެޓީނޯ ބުނެފި

މެންޗެސްޓާ ޔުނައިޓެޑްގެ ކޯޗުކަމާ ހަވާލުވެ، މައުރީސިއޯ ޕޮޗެޓީނޯ ބުނީ އެ ސަރަހައްދުގެ އެންމެ ކާމިޔާބު ޓީމަކަށް އަލުން ޔުނައިޓެޑް ހަދައި، ސިޓީގެ ކުރި ހޯދާނެ ކަމަށް. ލީގުގެ 18 ވަނައިގައި އޮތް ޔުނައިޓެޑްގެ ހާލަތު ބަދަލުކުރަން ވަގުތު ބޭނުންވާނެ ކަމަށާއި، ނަމަވެސް ފުރަތަމަ ދުވަހުން ފެށިގެން އެ މަސައްކަތް ކުރާނެ ކަމަށް އޭނާ ވަނީ ބުނެފައި.

އެމްއައިބީން ގައުމީ ބިލިއާޑު ޗެމްޕިއަންކަން ހޯދައިފި

ޤައުމީ ބިލިއާޑް މުބާރާތުގެ ފައިނަލުގައި ދިވެހި ސިފައިންގެ ކްލަބް 3-2 އިން ބަލިކޮށް، މޯލްޑިވްސް އިސްލާމިކް ބޭންކް (މިބްސާ) އިން މުބާރާތުގެ ޗެމްޕިއަންކަން ހޯދައިފި. ޖުމްލަ 10 ޓީމު ވާދަކުރި މި މުބާރާތުގެ ޗެމްޕިއަން ޓީމަށް 30,000 ރުފިޔާގެ ފައިސާގެ އިނާމެއް ވަނީ ދީފައި.

ލުކާކޫ، 16 އަހަރަށް ފަހު ބެލްޖިއަމް ޓީމުން ރިޓަޔާކޮށްފި

ބެލްޖިއަމްގެ ގައުމީ ޓީމަށް 16 އަހަރު ކުޅެދިނުމަށްފަހު، އެ ގައުމަށް އެންމެ ގިނަ ލަނޑު ޖަހައިދިން ރޮމެލޫ ލުކާކޫ ބައިނަލްއަގުވާމީ ފުޓްބޯޅައިން ރިޓަޔާކޮށްފި. ޖުމްލަ 135 މެޗުން 94 ލަނޑު ކާމިޔާބުކޮށްފައިވާ ލުކާކޫ އަކީ ބައިނަލްއަގުވާމީ ފުޓްބޯޅައިގައި ފަސްވަނައަށް އެންމެ ގިނަ ލަނޑު ޖެހި ކުޅުންތެރިޔާގެ އިތުރުން ޔޫރޯ ކޮލިފައިންގެ ރެކޯޑް އޮތް ކުޅުންތެރިޔާ

ލިބުނީ މަދު ވަގުތުކޮޅެއް، ޝަކުވާނުކޮށް ހޯދައިދިނީ ސާފްގެ ތަށި!

މި އަހަރުގެ ސާފް ޗެމްޕިއަންޝިޕް ކާމިޔާބުކުރި އިންޑިއާ ޓީމަށް ތައްޔާރުވާން މަދު ވަގުތުކޮޅެއް ލިބުނުއިރު، މުބާރާތުގެ ތެރެއިން މުހިންމު ކުޅުންތެރިންތަކެއް ޓީމުން ވަކިވުމުން ގިނަ ގޮންޖެހުންތަކަކާ ކުރިމަތިލާން ޖެހުނު. ނަމަވެސް ކޯޗު ނައުޝާދުގެ އިރުޝާދުގެ ދަށުން، ޒުވާން ކުޅުންތެރިންނަށް އިތުބާރުކޮށްގެން އިންޑިއާ އިން ވަނީ ޝަކުވާއެއް ނެތި ތަށި ހޯދާފައި

ސާފް ޗެމްޕިއަންޝިޕްގެ ފެއާ ޕްލޭ އެވޯޑް ރާއްޖެ އަށް

ބަންގްލަދޭޝްގައި ނިމުނު ސާފް ޗެމްޕިއަންޝިޕްގައި ރާއްޖެ ކުޅުނު ދެ މެޗުން ބަލިވެ، މުބާރާތުން ކެޓި ނަމަވެސް، މުޅި މުބާރާތުގެ ފެއާޕްލޭ އެވޯޑް ރާއްޖެއަށް ވަނީ ލިބިފައި. މިއީ ލަނޑެއް އަދި ޕޮއިންޓެއް ނުލިބި ރާއްޖެ މި މުބާރާތުން ކެޓި ފުރަތަމަ ފަހަރު ކަމަށްވާއިރު، މިއީ ސާފް ޗެމްޕިއަންޝިޕްގެ ތާރީޚުގައި ރާއްޖެއަށް ލިބުނު އެންމެ ދަށް ނަތީޖާއ

ރިވައިވަލް ބެޑްމިންޓަން ޗެލެންޖް ތަށި ހައިޝަމް އާއި ނަބާ އަށް

އެމްއައިބީ ރިވައިވަލް ބެޑްމިންޓަން ޗެލެންޖުގެ ފިރިހެން ސިންގަލްސް ތަށި ހައިޝަމް އިބްރާހިމް އަލީ ހޯދިއިރު، އަންހެން ސިންގަލްސް ތަށި ކާމިޔާބުކުރީ ފާތިމަތު ނަބާހާ އެވެ. މި މުބާރާތުގެ ފިރިހެން ޑަބަލްސް ޒަޔާން އާއި ނިބާލް ކާމިޔާބުކުރިއިރު، އަންހެން ޑަބަލްސް ތަށި ހޯދީ ނަބާ އާއި ނަބީހާގެ ޕެއާ އިންނެވެ.

Newsletter

Get the latest news delivered straight to your inbox