އަބުޗާ ދޫކޮށްލި މައްސަލަ: ބަހަނާ ދައްކައި ކަރެކްޝަންސުން މަޖިލީހަށް ތަފްސީލެއް ނުދިން

ޕްރިޒަންސް ކޮމިޝަނަރު، ހަސަން ޒަރީރު (ވ) -- ފޮޓޯ: މޯލްޑިވްސް ކަރެކްޝަނަލް ސާވިސް

ޕްރިޒަންސް ކޮމިޝަނަރު، ހަސަން ޒަރީރު (ވ) -- ފޮޓޯ: މޯލްޑިވްސް ކަރެކްޝަނަލް ސާވިސް

ނުވަދިހަ އަށް ކިލޯގެ މަސްތުވާތަކެތީގެ މައްސަލައިގައި 25 އަހަރަށް ޖަލަށް ލާފައި ހުރި އަބްދުﷲ އިބްރާހިމް (އަބުޗާ) ޕެރޯލްގެ ދަށުން މުޖުތަމައަށް ދޫކޮށްލި މައްސަލައިގައި ކަންހިނގައިދިޔަ ގޮތް ހޯދަން އެދި މަޖިލީހުން ފޮނުވި ސިޓީއަށް، ކަންހިނގައިދިޔަ ގޮތުގެ އެއްވެސް ތަފުސީލެއް ނުހިމަނައި މޯލްޑިވްސް ކަރެކްޝަންސް ސާވިސްއިން ޖަވާބުދީފި އެވެ.

ޕެރޯލްގެ ދަށުން އަބުޗާ ދޫކޮށްލި މައްސަލައިގައި ކަންހިނގައިދިޔަ ގޮތް ސާފުކޮށްދިނުމަށް އެދި ކަރެކްޝަންސްއަށް ސިޓީއެއް ފޮނުވީ ރައްޔިތުންގެ މަޖިލީހުގެ ޖުޑީޝަރީ ކޮމިޓީންނެވެ.

ޖުޑީޝަރީ ކޮމިޓީން ފޮނުވި އެ ސިޓީއަށް މިދިޔަ ބުރާސްފަތި ދުވަހު ކަރެކްޝަންސްއިން ދިން ޖަވާބުގައި އެ މައްސަލައިގެ އެއްވެސް ތަފުސީލެއް ހިމަނައިފައެއް ނުވެ އެވެ.

"ތިޔަ އިދާރާގެ ސިޓީގައި ބަޔާންކޮށްފައިވާ ގޮތަށް، 25 އަހަރަށް ޖަލަށްލުމަށް ހުކުމް ކޮށްފައިވާ އެއްވެސް ފަރާތެއް، އޮކްޓޫބަރު 1، 2026 ވަނަ ދުވަހު ޕެރޯލްގެ ދަށުން މުޖުތަމައުއަށް ދޫކޮށްފައި ނުވާކަމުގައި ދަންނަވަމެވެ،" ކަރެކްޝަންސް އިން ފޮނުވި ސިޓީގައި ބުންޏެވެ.

އެ ޖަވާބުގައި އަބުޗާ ދޫކޮށްލި މައްސަލައިގެ އެއްވެސް ތަފުސީލެއް ހިމަނައިފައި ނުވަނީ، ޖުޑީޝަރީ ކޮމިޓީން ފޮނުވި ސިޓީގައި އޭނާ ދޫކޮށްލިކަމަށް ލިޔެވިފައި އޮތް ތާރީހު ގޯސްވުމުންނެވެ. ޕެރޯލްގެ ދަށުން އަބުޗާ ދޫކޮށްލީ ސެޕްޓެމްބަރު 29، ގަ އެވެ.

ޖުޑީޝަރީ ކޮމިޓީގެ ސިޓީގައި އަބުޗާ ދޫކޮށްލި ތާރީހު ނުބައިކޮށް ލިޔެފައި އޮތް ނަމަވެސް، އެ ކޮމިޓީން އެދިފައި ވަނީ އަބުޗާ ދޫކޮށްލުމުގައި ކަން ހިނގައިފައިވާ ގޮތުގެ ތަފުސީލުކަން އެނގޭ މިންވަރަށް މައުލޫމާތު ހިމަނައިފައިވެ އެވެ.

އެގޮތުން، ދޫކޮށްލައިފައިވާ މީހާއަކީ 98 ކިލޯގެ މަސްތުވާތަކެތީގެ މައްސަލައެއްގައި 25 އަހަރުގެ ޖަލު ހުކުމެއް ތަންފީޒު ކުރަމުންދިޔަ މީހެއް ކަމާއި އެ މީހާ ދޫކޮށްލަން ނިންމި ނިންމުމާ ގުޅިގެން ޕެރޯލް ބޯޑުގެ ހުރިހާ މެންބަރުން މަގާމުން ވަކިކުރި ކަމަށް އެ ސިޓީގައި ބަޔާންކޮށްފައިވެ އެވެ.

އަދި، އެ މައްސަލައާ ގުޅިގެން ހޯމް މިނިސްޓަރު، އަލީ އިހުސާން ނޫސްވެރިންގެ ބައްދަލުވުމެއް ބޭއްވެވި ކަމާއި ޕެރޯލްގެ ދަށުން އެ މައްސަލައިގައި ހިމެނޭ މީހަކު ދޫކޮށްލީ ގޯސްކޮށް ކަމަށް ކަނޑައަޅައި، އަލުން އެ މީހަކު ހައްޔަރުކުރި ކަމަށް ވެސް އެ ސިޓީގައި ބަޔާންކޮށްފައިވެ އެވެ.

އެއީ މި ފަހުގެ ތާރީހެއްގައި ހިނގާފައިވާ ކަންކަމެއް ނޫނެވެ. އެހެންކަމުން، އެ ސިޓީގައި ހޯދަން އެދިފައިވަނީ އަބުޗާ ދޫކޮށްލުމުގައި ކަން ހިނގާފައިވާ ގޮތްކަން ސާފުކޮށް އެނގެ އެވެ. 

މިއަދު ބޭއްވި ޖުޑީޝަރީ ކޮމިޓީގެ ބައްދަލުވުމުގައި ނިންމާފައި ވަނީ، އެ މައްސަލަ އިތުރަށް ނުބަލައި ފައިލް ކުރުމަށެވެ. އެގޮތަށް ފާސްކުރީ ވެރިކަންކުރާ ޕީއެންސީގެ މެންބަރުންނެވެ.

ކޮމެންޓް

ފަހުގެ ޚަބަރު

ބޮޑެތި ހުރިހާ މަޝްރޫއެއް ވަނީ މަޑުޖެހިފައި: މުއިއްޒު

ދަރަނި ދެއްކުމަށާއި ޒަރޫރީ ޚިދުމަތްތަކަށް އިސްކަންދިނުމުގެ ސަބަބުން، އުމްރާނީ ތަރައްގީގެ ބޮޑެތި މަޝްރޫއުތައް މަޑުޖެހިފައިވާ ކަމަށް ރައީސް މުއިއްޒު އެއްބަސްވެވަޑައިގެންނެވި. މިކަން މިގޮތަށް ދިމާވީ ދުނިޔޭގެ ބާޒާރުގައި ތެލުގެ އަގު އުފުލުމާއި ފަތުރުވެރިން އަންނަ މިންވަރު މަދުވުމުން ފިސްކަލް މެނޭޖްމަންޓަށް ބަދަލު ގެނައުމުން ކަމަށް އެމަނިކުފާނު ވިދާޅުވި.

މިރޭގެ ޖަލްސާއަށް އެއްލައްކަ މެންބަރުން ހަމަނުކުރެވުނު

ޕީއެންސީގެ މެންބަރުންގެ އަދަދު އެއްލައްކައަށް އިތުރުކުރުމަށް ހިފި އަމާޒަށް މިރޭގެ ޖަލްސާއާ ހަމައަށް ވާސިލުނުވެވުމުން، އެ އަމާޒު ހާސިލުކުރުމުގެ ވަގުތު މިރޭ މެންދަމު 12 އާ ހަމައަށް ވަނީ އިތުރުކޮށްފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި އެ ޕާޓީއަށް އެއްލައްކަ ހަމަވާން އަދި 1,992 މެންބަރުން އިތުރަށް ބޭނުންވޭ.

ހުޅުމާލޭގައި އަޅާ ކޯޓު ކޮމްޕްލެކްސްގެ ބިންގާ އަޅައިފި

އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫއަކީ ޝަރުއީ ދާއިރާގެ ހިންގުން އެއް ފުރާޅެއްގެ ދަށަށް ގެނެސް، ކޯޓުތަކަށް ދިމާވެފައިވާ ޖާގައިގެ ދަތިކަން ހައްލުކުރުމަށް ފެށި 699.8 މިލިއަން ރުފިޔާގެ މަޝްރޫއެއް. މި އިމާރާތުގައި ހައިކޯޓާއި ސުޕީރިއާ ކޯޓުތަކުގެ އިތުރުން ޑީޖޭއޭގެ އޮފީސް ވެސް ހިންގުމަށް ވަނީ ހަމަޖެހިފަ.

ޕީއެންސީއަށް 100،000 މެންބަރުން މުވައްޒަފުންނަށް މަޖުބޫރުކުރަނީ

ޕީއެންސީގެ މެންބަރުންގެ އަދަދު އެއްލައްކައަށް ހަމަކުރުމަށްޓަކައި، ސަރުކާރު ކުންފުނިތަކުގެ މުވައްޒަފުންނަށް މަޖުބޫރުކޮށް ވަޒީފާގެ ބިރުދައްކަމުންދާކަމުގެ ޝަކުވާތައް ވަނީ ބޮޑުވެފައެވެ. މި އަމާޒަށް ވާސިލުވުމަށް އެހެން ޕާޓީތަކުގެ މެންބަރުން ޕީއެންސީއަށް ބަދަލުވުމަށް އަންގަމުންދާއިރު، މެންބަރުން އިތުރުކުރުމަށް ފައިސާ ބަހާކަމުގެ ތުހުމަތުތައްވެސް ވަނީ ފެންމަތިވެފައެވެ.

މުވައްޒަފުންނަށް ސިޔާސީ މަޖުބޫރުކުރުން ކުށަކަށް ހަދާ ބިލެއް

ސަރުކާރު ކުންފުނިތަކުގެ މުވައްޒަފުންނަށް ސިޔާސީ މަޖުބޫރުކުރުން ޖިނާއީ ކުށަކަށް ހަދަން ވަޒީފާއާބެހޭ ގާނޫނަށް އިސްލާހު ހުށަހަޅައިފި. މީކާއީލް ނަސީމް ހުށަހެޅުއްވި މި ބިލުގެ މަގްސަދަކީ މުވައްޒަފުންގެ ސިޔާސީ މިނިވަންކަން ހިމާޔަތްކޮށް، ވަކި ޕާޓީއަކަށް ވަނުމަށް ނުވަތަ ހަރަކާތްތަކުގައި ބައިވެރިވުމަށް ނުފޫޒު ފޯރުވުން ހުއްޓުވުން.

ސިޓިޒެންސް ޕޯޓަލް ދެވަނަ ފަހަރަށް އިފްތިތާހުކޮށްފި

ރައީސް މުއިއްޒަށް ރައްޔިތުންގެ ޝަކުވާތަކާއި ޚިޔާލުތައް ސީދާ ހުށަހެޅޭ ގޮތަށް "ސިޓިޒެންސް ވޮއިސް" ޕޯޓަލް ދެވަނަ ފަހަރަށް ވަނީ އިފްތިތާހުކޮށްފައި އީ-ފާސް މެދުވެރިކޮށް ވަދެވޭ މި ޕޯޓަލްގެ ހިދުމަތް މިވަގުތު ވެބްސައިޓުން ލިބުނު ނަމަވެސް، ކުރިއަށް އޮތްތަނުގައި މޯބައިލް އެޕްލިކޭޝަނެއް ތައާރަފުކުރުމަށް ވަނީ ނިންމާފައި.

"މިހާރު ފެށެން މި އުޅެނީ ރާއްޖޭގެ މިނިވަންކަން ނިމުމުގެ ފެށުން"

ރަސްމާލެ މަޝްރޫއުގެ ދަށުން ބޭރުގެ ފަރާތްތަކާއި ޒަޔަނިސްޓުން ރާއްޖޭގައި ވަޒަންވެރިކުރުވަން ފަށައިފިނަމަ، ގައުމުގެ މިނިވަންކަން ގެއްލިދާނެ ކަމަށާއި، މި މަޝްރޫއުގެ މާލީ ތަފްސީލުތައް ކަމާބެހޭ އިދާރާތަކަށް ނޭނގޭއިރު، މިއީ މަދު ބައެއްގެ މެދުގައި ސިއްރުވެފައިވާ ކަމެއްކަމަށް ގާނޫނީ ވަކީލު އަލީ ހުސައިން ވިދާޅުވެއްޖެ.

Newsletter

Get the latest news delivered straight to your inbox