ސަކާގެ އަނިޔާ ސީރިއަސްވެ އާސެނަަލަށް ކަންބޮޑުވުން

Oct 24, 2026, 12:31 PM
އާސެނަލްގެ ވިންގް، ބުކާޔޯ ސަކާ.-- ފޮޓޯ: ގެޓިއިމޭޖަސް

އާސެނަލްގެ ވިންގް، ބުކާޔޯ ސަކާ.-- ފޮޓޯ: ގެޓިއިމޭޖަސް

ލަންޑަން (އޮކްޓޫބަރު 24) - އާސެނަަލަށް ކުޅެމުން އަންނަ އިނގިރޭސި ތަރި، ބުކާޔޯ ސަކާ އަށް ލިބިފައިވާ އަނިޔާ ސީރިއަސްވެ އެ ކްލަބަށް ކަންބޮޑުވުން އިތުރުވެއްޖެ އެވެ. 

ޗެމްޕިއަންސް ލީގުގައި މި ހަފްތާގައި އާސެނަލުން 2-2 އިން ބަޔާން މިއުނިކާ އެއްވަރުވި މެޗުގެ ކުރީކޮޅުގައި ސަކާ، 25، ގެ ފަޔަށް ލިބުނު އަނިޔާގެ ސަބަބުން ޖެހުނީ އޭނާ ބަދަލުކުރާށެެވެ. ސަކާގެ އަނިޔާގެ ތަފްސީލް ދެނެގަންނަން މިހާތަނަށް ގިނަ ޓެސްޓްތަކެއް އާސެނަލުން ވަނީ ހަދައިފަ އެވެ. އަދި، އިއްޔެ ހެދި އެމްއާރްއައި އަށް ފަހު، އާސެނަލްގެ މެޑިކަލް ޑިޕާޓްމަންޓުން ކަނޑައަޅާފައިވަނީ، ހަ ހަފްތާ މަދުވެގެން ކުޅުމާ ދުރުުގައި ހުންނަން ޖެހޭނެ ކަމަށެވެ. 

އެކަމަކު، ފާއިތުވި ސީޒަންތަކުގައި ވެސް ސަކާ އަށް ފަލަމަސްގަނޑުގެ އެކި އަނިޔާތައް ކުރިމަތިވެފައިވާތީވެ، މި ފަހަރު ވެސް އޭނާގެ ރިކަވަރީ މުއްދަތަށް ކޮންމެ ވެސް ވަރެއްގެ ލަސްވުމެއް އައުން އެކަށީގެންވެ އެވެ. އެހެންކަމުން، ސަކާ އަށް ޔަގީންކަމާ އެކު ކުޅުމަށް އެނބުރި އަންނަން ދެ މަހަށް ވުރެން ގިނަ ދުވަސް ނެގުމުގެ ފުރުސަތު އެބައޮތެވެ. 

އާސެނަލްގެ ވިންގް، ބުކާޔޯ ސަކާ: ބަޔާން މެޗުގެ ތެރެއިން އަނިޔާވެގެން ދަނޑުމަތީގައި.
އާސެނަލްގެ ވިންގް، ބުކާޔޯ ސަކާ: ބަޔާން މެޗުގެ ތެރެއިން އަނިޔާވެގެން ދަނޑުމަތީގައި.

އާސެނަލްގެ ކޯޗު މިކޭލް އާޓެޓާ ބުނީ، ސަކާގެ އަނިޔާގެ ކަންކަން މިއައީ ޓީމަށް ވަރަށް ގިނަ މެޗުތަކެއް ކުޅެން ހުރި މުއްދަތެއްގައި ކަމަށެވެ. އަދި، އަނިޔާގެ ހުރިހާ މައުލޫމާތެއް ހޯދުމަށްޓަކައި ކުރިއަށް ހުރި ދުވަސްތަކުގައި ވެސް އިތުރު ޓެސްޓްތަކެއް އާސެނަލުން ކުރިއަށްގެންދާެނެ ކަމަށް އާޓެޓާ ވަނީ ބުނެފަ އެވެ. 

މިދިޔަ ސީޒަނުގައި ވެސް އަނިޔާގެ ސަބަބުން ގިނަ މެޗުތަކެއް ގެއްލުނު ސަކާ އަށް ފީފާ ވޯލްޑް ކަޕްގައި ވެސް އަނިޔާގެ ކުދި މައްސަލަތަކެއް ދިމާވި އެވެ. އެ ގޮތުން، މިދިޔަ ޖެނުއަރީ މަހު އުނަގަނޑަށް ލިބުނު އަނިޔާއެއްގެ ސަބަބުން މެޗަކުން ބަދަލުކުރަން ޖެހުނުއިރު، ފަލަމަސްގަނޑަށް ލިބުނު އަނިޔާއަކާ ހެދި މަހަކަށް ކުޅުމާ ދުރުގައި ހުންނަން ޖެހުނެެވެ. 

ސަކާ ވަނީ 2024 ވަނަ އަހަރުގެ ޑިސެމްބަރުގައި ފަލަމަސްގަނޑަށް ލިބުނު އަނިޔާ އަކުން ރަނގަޅުވާން އޮޕަރޭޝަނެއް ވެސް ކޮށްފަ އެވެ. އެ ފަހަރު އޭނާ އަށް ކުޅުމަށް އެނބުރި އާދެވުނީ، 101 ދުވަސް ފަހުންނެވެ. 

އިނގިރޭސި ޕްރިމިއާ ލީގުގެ މި ހަފްތާގެ މެޗުތަކުގައި އާސެނަލުން ބައްދަލުކުރަން އޮތީ އަމިއްލަ ދަނޑުގައިި އެވަޓަންއާ އެވެ. 

ކޮމެންޓް

ފަހުގެ ޚަބަރު

މާޒިޔާ އާއި ނިއު ރޭޑިއަންޓް ވަރުގަދަ ފެށުމާ އެކު ކުރިއަށް

އެފްއޭއެމް ވިމެންސް ލީގުގައި ކުޅުނު ފުރަތަމަ ދެ މެޗުން މޮޅުވެ، މާޒިޔާ އާއި ނިއު ރޭޑިއަންޓުން މުބާރާތުގެ ވަރުގަދަ ފެށުމެއް ދަމަހައްޓައިފިއެވެ. މިހާތަނަށް ކުޅުނު މެޗުތަކުން ދެ ޓީމަށްވެސް ހަ ޕޮއިންޓް ލިބިފައިވާއިރު، ލަނޑުގެ ތަފާތުން ތާވަލުގެ އެއްވަނައިގައި އޮތީ ނިއު ރޭޑިއަންޓެވެ. މި މުބާރާތުގެ ފޯރިގަދަ މެޗެއްގައި އަންނަ އާދިއްތަ ދުވަހު ނިއު އާއި މާޒިޔާ ބައްދަލުކުރާނެއެވެ.

ސިޓީއާ ޔުނައިޓެޑުން އަރާހަމަކުރާނެ ކަމަށް ޕޮޗެޓީނޯ ބުނެފި

މެންޗެސްޓާ ޔުނައިޓެޑްގެ ކޯޗުކަމާ ހަވާލުވެ، މައުރީސިއޯ ޕޮޗެޓީނޯ ބުނީ އެ ސަރަހައްދުގެ އެންމެ ކާމިޔާބު ޓީމަކަށް އަލުން ޔުނައިޓެޑް ހަދައި، ސިޓީގެ ކުރި ހޯދާނެ ކަމަށް. ލީގުގެ 18 ވަނައިގައި އޮތް ޔުނައިޓެޑްގެ ހާލަތު ބަދަލުކުރަން ވަގުތު ބޭނުންވާނެ ކަމަށާއި، ނަމަވެސް ފުރަތަމަ ދުވަހުން ފެށިގެން އެ މަސައްކަތް ކުރާނެ ކަމަށް އޭނާ ވަނީ ބުނެފައި.

އެމްއައިބީން ގައުމީ ބިލިއާޑު ޗެމްޕިއަންކަން ހޯދައިފި

ޤައުމީ ބިލިއާޑް މުބާރާތުގެ ފައިނަލުގައި ދިވެހި ސިފައިންގެ ކްލަބް 3-2 އިން ބަލިކޮށް، މޯލްޑިވްސް އިސްލާމިކް ބޭންކް (މިބްސާ) އިން މުބާރާތުގެ ޗެމްޕިއަންކަން ހޯދައިފި. ޖުމްލަ 10 ޓީމު ވާދަކުރި މި މުބާރާތުގެ ޗެމްޕިއަން ޓީމަށް 30,000 ރުފިޔާގެ ފައިސާގެ އިނާމެއް ވަނީ ދީފައި.

ލުކާކޫ، 16 އަހަރަށް ފަހު ބެލްޖިއަމް ޓީމުން ރިޓަޔާކޮށްފި

ބެލްޖިއަމްގެ ގައުމީ ޓީމަށް 16 އަހަރު ކުޅެދިނުމަށްފަހު، އެ ގައުމަށް އެންމެ ގިނަ ލަނޑު ޖަހައިދިން ރޮމެލޫ ލުކާކޫ ބައިނަލްއަގުވާމީ ފުޓްބޯޅައިން ރިޓަޔާކޮށްފި. ޖުމްލަ 135 މެޗުން 94 ލަނޑު ކާމިޔާބުކޮށްފައިވާ ލުކާކޫ އަކީ ބައިނަލްއަގުވާމީ ފުޓްބޯޅައިގައި ފަސްވަނައަށް އެންމެ ގިނަ ލަނޑު ޖެހި ކުޅުންތެރިޔާގެ އިތުރުން ޔޫރޯ ކޮލިފައިންގެ ރެކޯޑް އޮތް ކުޅުންތެރިޔާ

ލިބުނީ މަދު ވަގުތުކޮޅެއް، ޝަކުވާނުކޮށް ހޯދައިދިނީ ސާފްގެ ތަށި!

މި އަހަރުގެ ސާފް ޗެމްޕިއަންޝިޕް ކާމިޔާބުކުރި އިންޑިއާ ޓީމަށް ތައްޔާރުވާން މަދު ވަގުތުކޮޅެއް ލިބުނުއިރު، މުބާރާތުގެ ތެރެއިން މުހިންމު ކުޅުންތެރިންތަކެއް ޓީމުން ވަކިވުމުން ގިނަ ގޮންޖެހުންތަކަކާ ކުރިމަތިލާން ޖެހުނު. ނަމަވެސް ކޯޗު ނައުޝާދުގެ އިރުޝާދުގެ ދަށުން، ޒުވާން ކުޅުންތެރިންނަށް އިތުބާރުކޮށްގެން އިންޑިއާ އިން ވަނީ ޝަކުވާއެއް ނެތި ތަށި ހޯދާފައި

ސާފް ޗެމްޕިއަންޝިޕްގެ ފެއާ ޕްލޭ އެވޯޑް ރާއްޖެ އަށް

ބަންގްލަދޭޝްގައި ނިމުނު ސާފް ޗެމްޕިއަންޝިޕްގައި ރާއްޖެ ކުޅުނު ދެ މެޗުން ބަލިވެ، މުބާރާތުން ކެޓި ނަމަވެސް، މުޅި މުބާރާތުގެ ފެއާޕްލޭ އެވޯޑް ރާއްޖެއަށް ވަނީ ލިބިފައި. މިއީ ލަނޑެއް އަދި ޕޮއިންޓެއް ނުލިބި ރާއްޖެ މި މުބާރާތުން ކެޓި ފުރަތަމަ ފަހަރު ކަމަށްވާއިރު، މިއީ ސާފް ޗެމްޕިއަންޝިޕްގެ ތާރީޚުގައި ރާއްޖެއަށް ލިބުނު އެންމެ ދަށް ނަތީޖާއ

ރިވައިވަލް ބެޑްމިންޓަން ޗެލެންޖް ތަށި ހައިޝަމް އާއި ނަބާ އަށް

އެމްއައިބީ ރިވައިވަލް ބެޑްމިންޓަން ޗެލެންޖުގެ ފިރިހެން ސިންގަލްސް ތަށި ހައިޝަމް އިބްރާހިމް އަލީ ހޯދިއިރު، އަންހެން ސިންގަލްސް ތަށި ކާމިޔާބުކުރީ ފާތިމަތު ނަބާހާ އެވެ. މި މުބާރާތުގެ ފިރިހެން ޑަބަލްސް ޒަޔާން އާއި ނިބާލް ކާމިޔާބުކުރިއިރު، އަންހެން ޑަބަލްސް ތަށި ހޯދީ ނަބާ އާއި ނަބީހާގެ ޕެއާ އިންނެވެ.

Newsletter

Get the latest news delivered straight to your inbox