ރަސްމާލެ މަޝްރޫއުއާ ގުޅިގެން ޕާޓީން އަމަލުކުރާނޭ ގޮތެއް ނިންމުމަށް އެމްޑީޕީގެ ގައުމީ މަޖިލިސް ބައްދަލުވުމެއް އާދީއްތަ ދުވަހު ބާއްވަނީ

އެމްޑީޕީގެ ކޮންގްރެސްގެ ތެރެއިން: އެ ޕާޓީގެ ގައުމީ މަޖިލިސް ބަައްދަލުވުމެއް ހުކުރު ދުވަހު ބޭއްވުމަށް ވަނީ ތާވަލުކޮށްފައި -- ފޮޓޯ؛ ޝާބިން

އެމްޑީޕީގެ ކޮންގްރެސްގެ ތެރެއިން: އެ ޕާޓީގެ ގައުމީ މަޖިލިސް ބަައްދަލުވުމެއް ހުކުރު ދުވަހު ބޭއްވުމަށް ވަނީ ތާވަލުކޮށްފައި -- ފޮޓޯ؛ ޝާބިން

ދިވެހި ރައްޔިތުންނަށް ބޯހިޔާވަހިކަން ފޯރުކޮށްދޭން ކަމަށް ބުނެ މި ސަރުކާރުން ހިއްކަން ފެށި ރަސްމާލެއިން އެއްބައި އިޒްރޭލަށް ވާގިވެރިވާ ޔޫއޭއީގެ އީގަލް ހިލްސްއަށް ދޫކޮށްލަން އުޅޭތީ، އެކަމާ ގުޅޭގޮތުން އިދިކޮޅު އެމްޑީޕީގެ ގައުމީ މަޖިލިސް ބައްދަލުވުމެއް ހުކުރު ދުވަހުގެ ރޭ ބާއްވަން ތާވަލުކޮށްފި އެވެ. 

އެމްޑީޕީގެ ގައުމީ މަޖިލިސް ގްރޫޕަށް ފޮނުވި މެސެޖެއްގައި ބުނީ 1 ނޮވެމްބަރު ވާ އާދީއްތަ ދުވަހުގެ ރޭ 20:30 ގައި އެ ޕާޓީގެ ގައުމީ މަޖިލިސް ބައްދަލުވުމެއް ބާއްވަނީ ރަސްމާލެ ޑީލާ ގުޅިގެން އެ ޕާޓީން އަމަލުކުރާނެ ގޮތަކާމެދު ގޮތެއް ނިންމުމަށެވެ. 

މި ބައްދަލުވުން ބާއްވަން އެމްޑީޕީން ނިންމީ އެ ޕާޓީގެ ގައުމީ މަޖިލީހުގައި ހިމެނޭ 60 އަށްވުރެ ގިނަ މެންބަރުން އެދިގެންނެވެ. އެ ޕާޓީގެ ގައުމީ މަޖިލިސް މެންބަރުން ވަނީ މިދިޔަ ހުކުރު ދުވަހު ނުރަސްމީކޮށް ވެސް ބައްދަލުކޮށްފަ އެވެ. 

ރަސްމާލެ ޑީލާ ގުޅިގެން އެމްޑީޕީން ވަނީ ނޫސް ބަޔާނެއް ނެރެ، އެ ޑީލުގައި ހިމެނޭ ކަަންކަން ހާމަކުރުމަށް ގޮވާލައިފަ އެވެ. އެ ޕާޓީން ބުނީ ރާއްޖޭގެ ބިން ބިދޭސީންނަށް މިލްކުވާނެ ފަދަ އެއްވެސް ސިޔާސަތެއް ކަނޑައެޅުމުގެ ބާރު ދިވެހި ސަރުކާރަށް ލިބިގެންނުވާ ކަމަށާއި އެފަދަ ނިންމުމެއް ނިންމޭނީ ރައްޔިތުންނަށް ކަމަށެވެ. 

ނަމަވެސް އީގަލް ހިލްސްއާ ދެކޮޅަށް ވާހަކަދައްކާ އެމްޑީޕީއަށް ނިސްބަތްވެވަޑައިގަންނަވާ ރައްޔިތުންގެ މަޖިލީހުގެ މެންބަރުންނަށް އެ ޕާޓީގެ ޗެއާޕާސަން އަދި ކުރީގެ ރައީސް، މުހައްމަދު ނަޝީދު ނުސީދާ އިންޒާރެއް މިދިޔަ ހަފްތާގައި ވަނީ ދެއްވާފަ އެވެ. 

ނަޝީދު ވިދާޅުވީ މީގެ ކުރިން 2023 ވަނަ އަހަރު ހެންވޭރު މެދު ދާއިރާގެ އޭރުގެ މެންބަރު، އަލީ އާޒިމް އެމްޑީޕީން ވަކިކުރީ ވެސް އެ ޕާޓީގެ ސިޔާސަތާ ދެކޮޅަށް ވާހަކަދައްކަވައިގެން ކަމަށެވެ. ނަމަވެސް ރަސްމާލެ ކަންތަކުގައި މިހާތަނަށް އެމްޑީޕީން އަމަލުކުރާނެ ގޮތެއް ރަސްމީކޮށް ނިންމާފައެއް ނުވެ އެވެ. 

ރަސްމާލެ ޑީލަށް ތާއީދުކުރައްވާ ނަޝީދު ވަނީ އެކި ޕްލެޓްފޯމުގައި ވާހަކަ ދައްކަވާފަ އެވެ. ނަމަވެސް އެމަނިކުފާނުގެ ހިޔާލާ ޕާޓީގެ ގިނަ މެންބަރުން ދެކޮޅެވެ. ގައުމީ މަޖިލިސް ބައްދަލުވުމެއް މިކަމާ ގުޅިގެން ބާއްވަނީވެސް އެ ސަބަބާ ހުރެ ކަމަށް މައުލޫމާތު ލިބެ އެވެ. 

ކޮމެންޓް

ފަހުގެ ޚަބަރު

ބޮޑެތި ހުރިހާ މަޝްރޫއެއް ވަނީ މަޑުޖެހިފައި: މުއިއްޒު

ދަރަނި ދެއްކުމަށާއި ޒަރޫރީ ޚިދުމަތްތަކަށް އިސްކަންދިނުމުގެ ސަބަބުން، އުމްރާނީ ތަރައްގީގެ ބޮޑެތި މަޝްރޫއުތައް މަޑުޖެހިފައިވާ ކަމަށް ރައީސް މުއިއްޒު އެއްބަސްވެވަޑައިގެންނެވި. މިކަން މިގޮތަށް ދިމާވީ ދުނިޔޭގެ ބާޒާރުގައި ތެލުގެ އަގު އުފުލުމާއި ފަތުރުވެރިން އަންނަ މިންވަރު މަދުވުމުން ފިސްކަލް މެނޭޖްމަންޓަށް ބަދަލު ގެނައުމުން ކަމަށް އެމަނިކުފާނު ވިދާޅުވި.

މިރޭގެ ޖަލްސާއަށް އެއްލައްކަ މެންބަރުން ހަމަނުކުރެވުނު

ޕީއެންސީގެ މެންބަރުންގެ އަދަދު އެއްލައްކައަށް އިތުރުކުރުމަށް ހިފި އަމާޒަށް މިރޭގެ ޖަލްސާއާ ހަމައަށް ވާސިލުނުވެވުމުން، އެ އަމާޒު ހާސިލުކުރުމުގެ ވަގުތު މިރޭ މެންދަމު 12 އާ ހަމައަށް ވަނީ އިތުރުކޮށްފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި އެ ޕާޓީއަށް އެއްލައްކަ ހަމަވާން އަދި 1,992 މެންބަރުން އިތުރަށް ބޭނުންވޭ.

ހުޅުމާލޭގައި އަޅާ ކޯޓު ކޮމްޕްލެކްސްގެ ބިންގާ އަޅައިފި

އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫއަކީ ޝަރުއީ ދާއިރާގެ ހިންގުން އެއް ފުރާޅެއްގެ ދަށަށް ގެނެސް، ކޯޓުތަކަށް ދިމާވެފައިވާ ޖާގައިގެ ދަތިކަން ހައްލުކުރުމަށް ފެށި 699.8 މިލިއަން ރުފިޔާގެ މަޝްރޫއެއް. މި އިމާރާތުގައި ހައިކޯޓާއި ސުޕީރިއާ ކޯޓުތަކުގެ އިތުރުން ޑީޖޭއޭގެ އޮފީސް ވެސް ހިންގުމަށް ވަނީ ހަމަޖެހިފަ.

ޕީއެންސީއަށް 100،000 މެންބަރުން މުވައްޒަފުންނަށް މަޖުބޫރުކުރަނީ

ޕީއެންސީގެ މެންބަރުންގެ އަދަދު އެއްލައްކައަށް ހަމަކުރުމަށްޓަކައި، ސަރުކާރު ކުންފުނިތަކުގެ މުވައްޒަފުންނަށް މަޖުބޫރުކޮށް ވަޒީފާގެ ބިރުދައްކަމުންދާކަމުގެ ޝަކުވާތައް ވަނީ ބޮޑުވެފައެވެ. މި އަމާޒަށް ވާސިލުވުމަށް އެހެން ޕާޓީތަކުގެ މެންބަރުން ޕީއެންސީއަށް ބަދަލުވުމަށް އަންގަމުންދާއިރު، މެންބަރުން އިތުރުކުރުމަށް ފައިސާ ބަހާކަމުގެ ތުހުމަތުތައްވެސް ވަނީ ފެންމަތިވެފައެވެ.

މުވައްޒަފުންނަށް ސިޔާސީ މަޖުބޫރުކުރުން ކުށަކަށް ހަދާ ބިލެއް

ސަރުކާރު ކުންފުނިތަކުގެ މުވައްޒަފުންނަށް ސިޔާސީ މަޖުބޫރުކުރުން ޖިނާއީ ކުށަކަށް ހަދަން ވަޒީފާއާބެހޭ ގާނޫނަށް އިސްލާހު ހުށަހަޅައިފި. މީކާއީލް ނަސީމް ހުށަހެޅުއްވި މި ބިލުގެ މަގްސަދަކީ މުވައްޒަފުންގެ ސިޔާސީ މިނިވަންކަން ހިމާޔަތްކޮށް، ވަކި ޕާޓީއަކަށް ވަނުމަށް ނުވަތަ ހަރަކާތްތަކުގައި ބައިވެރިވުމަށް ނުފޫޒު ފޯރުވުން ހުއްޓުވުން.

ސިޓިޒެންސް ޕޯޓަލް ދެވަނަ ފަހަރަށް އިފްތިތާހުކޮށްފި

ރައީސް މުއިއްޒަށް ރައްޔިތުންގެ ޝަކުވާތަކާއި ޚިޔާލުތައް ސީދާ ހުށަހެޅޭ ގޮތަށް "ސިޓިޒެންސް ވޮއިސް" ޕޯޓަލް ދެވަނަ ފަހަރަށް ވަނީ އިފްތިތާހުކޮށްފައި އީ-ފާސް މެދުވެރިކޮށް ވަދެވޭ މި ޕޯޓަލްގެ ހިދުމަތް މިވަގުތު ވެބްސައިޓުން ލިބުނު ނަމަވެސް، ކުރިއަށް އޮތްތަނުގައި މޯބައިލް އެޕްލިކޭޝަނެއް ތައާރަފުކުރުމަށް ވަނީ ނިންމާފައި.

"މިހާރު ފެށެން މި އުޅެނީ ރާއްޖޭގެ މިނިވަންކަން ނިމުމުގެ ފެށުން"

ރަސްމާލެ މަޝްރޫއުގެ ދަށުން ބޭރުގެ ފަރާތްތަކާއި ޒަޔަނިސްޓުން ރާއްޖޭގައި ވަޒަންވެރިކުރުވަން ފަށައިފިނަމަ، ގައުމުގެ މިނިވަންކަން ގެއްލިދާނެ ކަމަށާއި، މި މަޝްރޫއުގެ މާލީ ތަފްސީލުތައް ކަމާބެހޭ އިދާރާތަކަށް ނޭނގޭއިރު، މިއީ މަދު ބައެއްގެ މެދުގައި ސިއްރުވެފައިވާ ކަމެއްކަމަށް ގާނޫނީ ވަކީލު އަލީ ހުސައިން ވިދާޅުވެއްޖެ.

Newsletter

Get the latest news delivered straight to your inbox