ބުރުގެ އައްޔަ ފުރަތަމަ ފަހަރަށް ސީނިއާ ގައުމީ ޓީމަށް

Oct 26, 2026, 6:22 PM
ބުރު ސްޕޯޓްސް ކްލަބްގެ ކެޕްޓަން އަލީ ހަމްދާން (އައްޔަ): ސާފް ޗެމްޕިއަންޝިޕްގެ ޕްރިލިމިނަރީ ސްކޮޑުން ވަނީ ޖާގަ ހޯދައިފައި.--- ފޮޓޯ: އަދަދު ސްޕޯޓްސް / އިމޭޖަސް.އެމްވީ

ބުރު ސްޕޯޓްސް ކްލަބްގެ ކެޕްޓަން އަލީ ހަމްދާން (އައްޔަ): ސާފް ޗެމްޕިއަންޝިޕްގެ ޕްރިލިމިނަރީ ސްކޮޑުން ވަނީ ޖާގަ ހޯދައިފައި.--- ފޮޓޯ: އަދަދު ސްޕޯޓްސް / އިމޭޖަސް.އެމްވީ

ބުރު ސްޕޯޓްސް ކްލަބްގެ ކެޕްޓަން، އަލީ ހަމްދާން (އައްޔަ)، ފުރަތަމަ ފަހަރަށް ރާއްޖޭގެ ސީނިއާ ގައުމީ ފުޓްބޯޅަ ޓީމުން ޖާގަ ހޯދައިފި އެވެ. 

އެ ގޮތުން، އައްޔަ އަށް ފުރުސަތު ލިބިފައިވަނީ، އަންނަ މަހު 4-17 އަށް ބަންގްލަދޭޝްގެ ޑާކާގައި ބާއްވާ ސާފް ޗެމްޕިއަންޝިޕް ފުޓްބޯޅަ މުބާރާތަށް ނެގި ރާއްޖޭގެ ގައުމީ ފުޓްބޯޅަ ޓީމުގެ ޕްރިލިމިނަރީ ސްކޮޑުންނެވެ. ސާފްގައި ވާދަކުރަން ތައްޔާރުވުމުގެ ގޮތުން، ރާއްޖޭގެ ޓީމު މިއަދު ވަނީ އިންޑޮނޭޝިއާ އަށް ޓްރެއިނިން ކޭމްޕަކަށް ފުރައިފަ އެވެ. އަންނަ މަހުގެ ދެ ވަނަ ދުވަހުގެ ނިޔަލަށް އެ ޓްރެއިނިން ކޭމްޕް ކުރިއަށްގެންދާނެ އެވެ. 

އިންޑޮނޭޝިއާ އަށް މިއަދު ފުރި ޕްރިލިމިނަރީ ސްކޮޑުގައި ހިމެނެނީ 23 ކުޅުންތެރިންނެވެ. ސްކޮޑުގައި ހިމެނުނަސް މިއަދު ޓީމާ އެކު ނުދަނީ، އޮޑި ސްޕޯޓްސް ކްލަބްގެ އަހުމަދު އައިހަމް (އައިހު) އެވެ. އެއީ، އާއިލީ ކަމެއްގެ ސަބަބުން މިއަދު ދަތުރުކުރެވެން ނެތުމުންނެވެ. އައިހު، ޓީމާ ގުޅޭނީ މި މަހު 28 ވަނަ ދުވަހު އެވެ. 

ފުރަތަމަ ޑިވިޝަނުގައި ގިނަ އަހަރުތަކެއް ކުޅެފައިވާ އައްޔަ މީގެ ކުރިން ވަނީ ޔުނައިޓެޑް ވިކްޓަރީ (ޔޫވީ)ގައި ވެސް މޮޅު ކުޅުމެއް ދައްކައިފަ އެވެ. ކ. ހުރާ އަށް އުފަން އައްޔަ އަކީ ޒުވާން ގައުމީ ޓީމުތަކަށް ކުޅުނު ނަމަވެސް ސީނިއާ ގައުމީ ޓީމަކުން މީގެ ކުރިން ފުރުސަތު ލިބިފައި ނެތް ކުޅުންތެރިއެކެވެ. ބުރު ސްޕޯޓްސް ކްލަބް ލީޑުކުރުމުގައި އައްޔަ އަންނަނީ ފަހަކަށް އައިސް ފާހަަގަކުރެވޭ ކުޅުމެއް ދައްކަމުންނެވެ. 

މި ފަަހަރުގެ ސާފް ޗެމްޕިއަންޝިޕާ ކުރިމަތިލާއިރު އަނިޔާގެ ސަބަބުން ރާއްޖޭގެ ޓީމުން މުހިންމު ނަންތަކެއް ނުފެންނާނެ އެވެ. އެ ގޮތުން، 2015 އިން ފެށިގެން ހުރިހާ ސާފް ޗެމްޕިއަންޝިޕެއްގައި ކުޅެފައިވާ ހަމްޒާ މުހައްމަދު (ހަމްޕު) މި ވަގުތު އަނިޔާއެއްގައި ހުރިއިރު، މާޒިޔާ އަށް ކުޅެމުން އަންނަ ހައިޝަމް ހަސަން (ބިޑި) އާއި މުހައްމަަދު އިލާން އިމްރާނަށް މި ފަހުން ކުރިމަތިވި އަނިޔާގެ މައްސަލައަކާ ހުރެ މި ފަހަރުގެ ސާފް ޗެމްޕިއަންޝިޕް ޕްރިލިމިނަރީ ސްކޮޑުގައި ނެތެވެ. 

މި ވަގުތު ރަނގަޅު ފޯމެއްގައި ކުޅެމުން އަންނަ ވިކްޓަރީ ސްޕޯޓްސް ކްލަބްގެ އަހުމަދު ރިޒްވާން (ރިޒޭ) ވެސް މި ފަހަރުގެ ސްކޮޑުގައި ނެތްއިރު، ނިއު ރޭޑިއަންޓް ސްޕޯޓްސް ކްލަބްގެ މުހައްމަދު އިރުފާން (އިރޭ) ވެސް ޓީމުގައި ހިމެނިފައިނުވެ އެވެ. 

ސާފް ޗެމްޕިއަންޝިޕަށް ނެގި ރާއްޖޭގެ ޕްރިލިމިނަރީ ސްކޮޑު

ސަމޫހު އަލީ - ސަމުއްޓެ (މާޒިޔާ)، ހުސެއިން ޝަރީފް - ހުސެން (މާޒިޔާ)، އިބްރާހިމް އައިސަމް (މާޒިޔާ)، އަހުމަދު މާއިޝް ރަޝީދު - މާއި (ވިކްޓަރީ)، އަބްދުﷲ ލޫތު އިބްރާހިމް - ސާނޭ (މާޒިޔާ)، އަލީ ހަމްދާން - އައްޔަ (ބުރު)، އަލީ ފާސިރު - ސެންޓޭ (ނިއު ރޭޑިއަންޓް)، އަހުމަދު އައިހަމް - ފަތޯ (މާޒިޔާ)، ހުސެއިން ޝިފާއު ޔޫސުފް - ކުރޯ (ވިކްޓަރީ)، ހަސަން އީނާޒް (ޓީސީ)، ނިޝާމް މުހައްމަދު ރަޝީދު - ޕޮގްބާ (މާޒިޔާ)، މުހައްމަދު އަޝްވާން (އޮޑި)، އަމްދާން އަލީ - އެންޑީ (ނިއު ރޭޑިއަންޓް)، އިބްރާހިމް މަހުދީ ހުސެއިން - ފޭދޫ އިއްބެ (މާޒިޔާ)، އަހުމަދު އައިހަމް - އައިހު (އޮޑި)، މުޒްދާން ހަސަން (އޮޑި)، ނައްސާހު އިބްރާހިމް ނާސިރު (މާޒިޔާ)، އަހުޒަމް ރަޝީދު - އަހު (އޮޑި)، މުހައްމަދު ނާއިމް (ނިއު ރޭޑިއަންޓް)، ތޯއިފް ގާސިމް - ތޯއްޕެ (ބުރު)، އީތަން އިބްރާހިމް ޒަކީ (ނިއު ރޭޑިއަންޓް)، ނާއިޒު ހަސަން - ދާދު (ވިކްޓަރީ)، މުހައްމަދު ޝަފީއު - ޗެކް (ވިކްޓަރީ)

ބަންގްލަދޭޝްގައި މި ފަހަރުގެ ސާފް ޗެމްޕިއަންޝިޕް ހޯސްޓްކުރާއިރު، މި މުބާާރާތް އެ ގައުމުގައި މި ހޯސްޓްކުރަނީ، އަށް އަހަރަށް ފަހު އެވެ. އެންމެ ފަހުން، ބަންގްލަދޭޝްގައި ސާފް ޗެމްޕިއަންޝިޕް ބޭއްވީ 2018 ވަަނަ އަހަރު އެވެ. ބަންގްލަދޭޝް އިން ވަނީ 2003 ވަނަ އަހަރާއި 2009 ވަނަ އަހަރުގައި ވެސް ސާފް ޗެމްޕިއަންޝިޕް ހޯސްޓްކޮށްފަ އެވެ. 

ރާއްޖޭން ވަނީ ބަންގްލަދޭޝްގައި ބޭއްވި ހުރިހާ ސާފް ޗެމްޕިއަންޝިޕެއްގެ ފައިނަލުގައި ކުޅެފަ އެވެ. އެންމެ ފަހުން، 2018 ވަނަ އަހަރުގެ ސާފް ޗެމްޕިއަންޝިޕްގެ ޗެމްޕިއަންކަން ހޯދި އެވެ. އެކަމަކު، 2023 ވަނަ އަހަރު ބޭއްވި ސާފް ޗެމްޕިއަންޝިޕްގައި ރާއްޖެ ކެޓީ ގްރޫޕް ސްޓޭޖުންނެވެ. 

ނޭޕާލަށް މި ފަހަރުގެ ސާފް ޗެމްޕިއަންޝިޕްގެ ފުރުސަތު ނެތީ ފީފާގެ ސަސްޕެންޝަނެއްގައި އޮތުމުންނެވެ. ހަ ގައުމު ވާދަކުރާ މި ފަހަރުގެ ސާފް ޗެމްޕިއަންޝިޕް ކުރިއަށްދަނީ ދެ ގްރޫޕަކަށެވެ. އެއީ، ގްރޫޕް އޭގައި ބަންގްލަދޭޝް، ބޫޓާން އަދި ސްރީ ލަންކާ އެވެ. އަދި، ގްރޫޕް ބީގައި އިންޑިއާ، ޕާކިސްތާން އަދި ރާއްޖެ އެވެ. 

ސާފް ޗެމްޕިއަންޝިޕް 2026 ޝެޑިއުލް

ގްރޫޕް ބީ: އިންޑިއާ - ޕާކިސްތާން (5 ނޮވެމްބަރު)

ގްރޫޕް އޭ: ބޫޓާން - ބަންގްލަދޭޝް (5 ނޮވެމްބަރު)

ގްރޫޕް ބީ: ރާއްޖެ - ޕާކިސްތާން (8 ނޮވެމްބަރު)

ގްރޫޕް އޭ:  ސްރީ ލަންކާ - ބޫޓާން (8 ނޮވެމްބަރު)

ގްރޫޕް ބީ: އިންޑިއާ - ރާއްޖެ (11 ނޮވެމްބަރު)

ގްރޫޕް އޭ: ބަންގްލަދޭޝް - ސްރީ ލަންކާ (11 ނޮވެމްބަރު)

ސެމީ ފައިނަލް ދެ މެޗު (14 ނޮވެމްބަރު) 

ފައިނަލް މެޗު (17 ނޮވެމްބަރު)

ކޮމެންޓް

ފަހުގެ ޚަބަރު

މާޒިޔާ އާއި ނިއު ރޭޑިއަންޓް ވަރުގަދަ ފެށުމާ އެކު ކުރިއަށް

އެފްއޭއެމް ވިމެންސް ލީގުގައި ކުޅުނު ފުރަތަމަ ދެ މެޗުން މޮޅުވެ، މާޒިޔާ އާއި ނިއު ރޭޑިއަންޓުން މުބާރާތުގެ ވަރުގަދަ ފެށުމެއް ދަމަހައްޓައިފިއެވެ. މިހާތަނަށް ކުޅުނު މެޗުތަކުން ދެ ޓީމަށްވެސް ހަ ޕޮއިންޓް ލިބިފައިވާއިރު، ލަނޑުގެ ތަފާތުން ތާވަލުގެ އެއްވަނައިގައި އޮތީ ނިއު ރޭޑިއަންޓެވެ. މި މުބާރާތުގެ ފޯރިގަދަ މެޗެއްގައި އަންނަ އާދިއްތަ ދުވަހު ނިއު އާއި މާޒިޔާ ބައްދަލުކުރާނެއެވެ.

ސިޓީއާ ޔުނައިޓެޑުން އަރާހަމަކުރާނެ ކަމަށް ޕޮޗެޓީނޯ ބުނެފި

މެންޗެސްޓާ ޔުނައިޓެޑްގެ ކޯޗުކަމާ ހަވާލުވެ، މައުރީސިއޯ ޕޮޗެޓީނޯ ބުނީ އެ ސަރަހައްދުގެ އެންމެ ކާމިޔާބު ޓީމަކަށް އަލުން ޔުނައިޓެޑް ހަދައި، ސިޓީގެ ކުރި ހޯދާނެ ކަމަށް. ލީގުގެ 18 ވަނައިގައި އޮތް ޔުނައިޓެޑްގެ ހާލަތު ބަދަލުކުރަން ވަގުތު ބޭނުންވާނެ ކަމަށާއި، ނަމަވެސް ފުރަތަމަ ދުވަހުން ފެށިގެން އެ މަސައްކަތް ކުރާނެ ކަމަށް އޭނާ ވަނީ ބުނެފައި.

އެމްއައިބީން ގައުމީ ބިލިއާޑު ޗެމްޕިއަންކަން ހޯދައިފި

ޤައުމީ ބިލިއާޑް މުބާރާތުގެ ފައިނަލުގައި ދިވެހި ސިފައިންގެ ކްލަބް 3-2 އިން ބަލިކޮށް، މޯލްޑިވްސް އިސްލާމިކް ބޭންކް (މިބްސާ) އިން މުބާރާތުގެ ޗެމްޕިއަންކަން ހޯދައިފި. ޖުމްލަ 10 ޓީމު ވާދަކުރި މި މުބާރާތުގެ ޗެމްޕިއަން ޓީމަށް 30,000 ރުފިޔާގެ ފައިސާގެ އިނާމެއް ވަނީ ދީފައި.

ލުކާކޫ، 16 އަހަރަށް ފަހު ބެލްޖިއަމް ޓީމުން ރިޓަޔާކޮށްފި

ބެލްޖިއަމްގެ ގައުމީ ޓީމަށް 16 އަހަރު ކުޅެދިނުމަށްފަހު، އެ ގައުމަށް އެންމެ ގިނަ ލަނޑު ޖަހައިދިން ރޮމެލޫ ލުކާކޫ ބައިނަލްއަގުވާމީ ފުޓްބޯޅައިން ރިޓަޔާކޮށްފި. ޖުމްލަ 135 މެޗުން 94 ލަނޑު ކާމިޔާބުކޮށްފައިވާ ލުކާކޫ އަކީ ބައިނަލްއަގުވާމީ ފުޓްބޯޅައިގައި ފަސްވަނައަށް އެންމެ ގިނަ ލަނޑު ޖެހި ކުޅުންތެރިޔާގެ އިތުރުން ޔޫރޯ ކޮލިފައިންގެ ރެކޯޑް އޮތް ކުޅުންތެރިޔާ

ލިބުނީ މަދު ވަގުތުކޮޅެއް، ޝަކުވާނުކޮށް ހޯދައިދިނީ ސާފްގެ ތަށި!

މި އަހަރުގެ ސާފް ޗެމްޕިއަންޝިޕް ކާމިޔާބުކުރި އިންޑިއާ ޓީމަށް ތައްޔާރުވާން މަދު ވަގުތުކޮޅެއް ލިބުނުއިރު، މުބާރާތުގެ ތެރެއިން މުހިންމު ކުޅުންތެރިންތަކެއް ޓީމުން ވަކިވުމުން ގިނަ ގޮންޖެހުންތަކަކާ ކުރިމަތިލާން ޖެހުނު. ނަމަވެސް ކޯޗު ނައުޝާދުގެ އިރުޝާދުގެ ދަށުން، ޒުވާން ކުޅުންތެރިންނަށް އިތުބާރުކޮށްގެން އިންޑިއާ އިން ވަނީ ޝަކުވާއެއް ނެތި ތަށި ހޯދާފައި

ސާފް ޗެމްޕިއަންޝިޕްގެ ފެއާ ޕްލޭ އެވޯޑް ރާއްޖެ އަށް

ބަންގްލަދޭޝްގައި ނިމުނު ސާފް ޗެމްޕިއަންޝިޕްގައި ރާއްޖެ ކުޅުނު ދެ މެޗުން ބަލިވެ، މުބާރާތުން ކެޓި ނަމަވެސް، މުޅި މުބާރާތުގެ ފެއާޕްލޭ އެވޯޑް ރާއްޖެއަށް ވަނީ ލިބިފައި. މިއީ ލަނޑެއް އަދި ޕޮއިންޓެއް ނުލިބި ރާއްޖެ މި މުބާރާތުން ކެޓި ފުރަތަމަ ފަހަރު ކަމަށްވާއިރު، މިއީ ސާފް ޗެމްޕިއަންޝިޕްގެ ތާރީޚުގައި ރާއްޖެއަށް ލިބުނު އެންމެ ދަށް ނަތީޖާއ

ރިވައިވަލް ބެޑްމިންޓަން ޗެލެންޖް ތަށި ހައިޝަމް އާއި ނަބާ އަށް

އެމްއައިބީ ރިވައިވަލް ބެޑްމިންޓަން ޗެލެންޖުގެ ފިރިހެން ސިންގަލްސް ތަށި ހައިޝަމް އިބްރާހިމް އަލީ ހޯދިއިރު، އަންހެން ސިންގަލްސް ތަށި ކާމިޔާބުކުރީ ފާތިމަތު ނަބާހާ އެވެ. މި މުބާރާތުގެ ފިރިހެން ޑަބަލްސް ޒަޔާން އާއި ނިބާލް ކާމިޔާބުކުރިއިރު، އަންހެން ޑަބަލްސް ތަށި ހޯދީ ނަބާ އާއި ނަބީހާގެ ޕެއާ އިންނެވެ.

Newsletter

Get the latest news delivered straight to your inbox