ބުރު އަތުން މޮޅެއް ހޯދައި މާޒިޔާ ދެ ވަނަ އަށް، ލީގު ބްރޭކަކަށް!

Oct 25, 2026, 11:02 PM
ބުރު ކޮޅަށް ލަނޑު ޖެހުމަށް ފަހު މާޒިޔާގެ ކުކޫ އުފާފާޅުކުރަނީ.---- ފޮޓޯ: އަދަދު ސްޕޯޓްސް

ބުރު ކޮޅަށް ލަނޑު ޖެހުމަށް ފަހު މާޒިޔާގެ ކުކޫ އުފާފާޅުކުރަނީ.---- ފޮޓޯ: އަދަދު ސްޕޯޓްސް

ދިރާގު ދިވެހި ޕްެރިމިއާ ލީގުގައި މިރޭ ބުރު ސްޕޯޓްސް ކްލަބް އަތުން 2-0 އިން މޮޅެއް ހޯދައި މާޒިޔާ ސްޕޯޓްސް އެންޑް ރެކްރިއޭޝަނުން ލީގު ތާވަލުގެ ދެ ވަނަ އަށް ޖެހިލައިފި އެވެ. 

މި މެޗަށް ފަހު، ދިވެހި ޕްރިމިއާ ލީގުގެ ކުޅުން މަހެއްހާ ދުވަހަށް މެދުކަނޑާލާނެ އެވެ. އެއީ، އަންނަ މަހު 4-17 އަށް ބަންގްލަދޭޝްގައި ބާއްވާ ސާފް ޗެމްޕިއަންޝިޕް ފުޓްބޯޅަ މުބާރާތަށެވެ. އެ މުބާރާތަށް ތައްޔާރުވާން މާދަމާ ގައުމީ ޓީމުން އިންޑޮނޭޝިއާގައި ޓްރެެއިނިން ކޭމްޕަކަށް ފުރާނެ އެވެ. އެއީ، އަންނަ މަހުގެ ދެ ވަނަ ދުވަހުގެ ނިޔަލަށް ކުރިއަށްދާ ކޭމްޕެކެވެ. 

އަންނަ މަހުގެ 22 ވަނަ ދުވަހު އަލުން ފަށާ ގޮތަށް ލީގު މެދުކަނޑާލާފައިވާއިރު، މި ވަގުތު އެއް ވަނައިގައި އޮތީ ހަ މެޗުން 16 ޕޮއިންޓާ އެކު ވިކްޓަރީ ސްޕޯޓްސް ކްލަބް އެވެ. ދެ ވަނައިގައި އޮތް މާޒިޔާ އަށް ހަ މެޗުން ވަނީ 13 ޕޮއިންޓް ލިބިފަ އެވެ. ތިން ވަނައިގައި އޮތް ނިއު ރޭޑިއަންޓް ސްޕޯޓްސް ކްލަބަށް ވަނީ ފަސް މެޗުން 11 ޕޮއިންޓް ލިބިފަ އެވެ. ހަތަރެއްގައި އޮތް ކްލަބް އީގަލްސް އަށް 11 ޕޮއިންޓް ހަމަކުރެވުނީ ހަ މެޗުންނެވެ. 

ފަސް ވަނައިގައި އޮތް ބިސް ބުރު ސްޕޯޓްސް ކްލަަބަށް ވަނީ ހަ މެޗުން ނުވަ ޕޮއިންޓް ލިބިފަ އެވެ. ހަ ވަނައިގައި އޮތް އޮޑި ސްޕޯޓްސް ކްލަބަށް ހަ މެޗުން އަށް ޕޮއިންޓް ލިބިފައިވާއިރު، ހަތް ވަނައިގައި އޮތް ޓީސީ ސްޕޯޓްސް ކްލަބަށް ވަނީ ހަ މެޗުން ހަ ޕޮއިންޓް ލިބިފަ އެވެ. އަށް ވަނައިގައި އޮތް ހއ. ދިއްދޫ އަށް ހަ މެޗުން ފަސް ޕޮއިންޓް ލިބިފައިވާއިރު، ނުވަ ވަނައިގައި އޮތް ބުރު އަށް ހަ މެޗުން ތިން ޕޮއިންޓް ލިބިފައިވެ އެވެ. ފުލުގައި އޮތީ ކުޅުނު ހަ މެޗުން ވެސް ބަލިވެ، ޕޮއިންޓެއް ލިބިފައިނެތް ގދ. ގައްދޫ އެވެ. 

ގަލޮޅު ދަނޑުގައި މިރޭ ކުޅުނު މެޗުގައި ފުރަތަމަ ހާފުގައި މާޒިޔާގެ ނައްސާހު އިބްރާހިމް ނާސިރު ޖެހި ގޯލެއް އޮފްސައިޑް ކަމަށް ނިންމިއިރު، އިބްރާހިމް މަހުދީ ހުސެއިން (ފޭދޫ އިއްބެ) އަށް ލިބުނު ހުސް ފުރުސަތެއްގައި ގޯލު ޖެހޭ ގޮތެއްނުވި އެވެ. 

މެޗުގައި މާޒިޔާ އަށް ލީޑުނަގައިދިން ލަނޑު ޖަހައިދިނީ ބަދަލަކަށް ކުޅެން އެރި ނައިޖީރިއާގެ ފޯވާޑް، ބެންޖަމިން ކުކޫ އެވެ. މެޗުގެ 62 ވަނަ މިނިޓްގައި ކޯނަރަކުން ހުރަސްވި ބޯޅައެއްގައި ބުރުގެ ކުޅުންތެރިންނަށް އެ ބޯޅަ ޖައްސާލެވުނީ އޭރިއާތެރޭގައި ހުރި ކުކޫ އަށް ރަނގަޅަށް ފޮނުވާލެވޭ ހިސާބަށެވެ. އޭނާ ވަނީ އެއް ފަހަރުން ޖެހި ބޯޅަ ގޯލުގެ ދުރު ކަނަށް އަމާޒުކޮށްލައިފަ އެވެ. 

ބުރު އަށް އެއްވަރުކޮށްދޭން މިސްރުގެ މިޑްފީލްޑަރު، ހަލީލް ޖަމާލް ޖެހި ޝޮޓް ވަނީ މާޒިޔާ އިން ސަލާމަތްކޮށްފަ އެވެ. 

މާޒިޔާ އަށް ދެ ވަނަ ލަނޑެއް ޖަހައިދޭން އަހުަމަދު އައިހަމް (ފަތޯ) ފޮނުވާލި ބޯޅަ ކީޕަރު، ހަސަން އަލީފް އިބްރާހިމް ވަނީ މަތަކޮށްފަ އެވެ. މެޗުގެ 77 ވަނަ މިނިޓްގައި މާޒިޔާ އަށް ލީޑުފުޅާކޮށްދިނީ ވެސް ކުކޫ އެވެ. މިއީ، ފޭދޫ އިއްބެ ދިން ބޯޅަ ހިފައިގެން އޭރިއާތެރެއަށް ވަދެ، ދުރު ކަނަށް އަމާޒުކޮށްލައިގެން ކުކޫ ޖެހި ލަނޑެކެވެ. 

މިއީ، މި ސީޒަނުގައި މާޒިޔާ އިން ބުރު ބަލިކުރި ދެ ވަނަ ފަހަރެވެ. އެ ގޮތުން، މި ފަހަރުގެ ކަޕް ވިނާސް ކަޕްގައި މި ދެ ޓީމު ކުޅުނު މެޗުން މާޒިޔާ މޮޅުވީ 2-1 އިންނެވެ. އަނެއްކޮޅުން، އެންމެ ފަހުން ފަސް ސީޒަނުގެ ލީގު ޗެމްޕިއަން، މި ފަހަރުގެ ލީގުގެ ފުރަތަމަ ތިން މެޗު ނިމުނުއިރު، އެންމެ މޮޅެއް ހޯދި ނަމަވެސް، އޭގެ ފަހުން ކުޅުނު ތިން މެޗުން މި ވަނީ މޮޅުވެފަ އެވެ. މާޒިޔާ އަށް މޮޅުނުވެވުނީ، ނިއު އަތުން ބަލިވެ، ވިކްޓަރީއާ އެއްވަރުވި މެޗުގަ އެވެ. 

ކޮމެންޓް

ފަހުގެ ޚަބަރު

މާޒިޔާ އާއި ނިއު ރޭޑިއަންޓް ވަރުގަދަ ފެށުމާ އެކު ކުރިއަށް

އެފްއޭއެމް ވިމެންސް ލީގުގައި ކުޅުނު ފުރަތަމަ ދެ މެޗުން މޮޅުވެ، މާޒިޔާ އާއި ނިއު ރޭޑިއަންޓުން މުބާރާތުގެ ވަރުގަދަ ފެށުމެއް ދަމަހައްޓައިފިއެވެ. މިހާތަނަށް ކުޅުނު މެޗުތަކުން ދެ ޓީމަށްވެސް ހަ ޕޮއިންޓް ލިބިފައިވާއިރު، ލަނޑުގެ ތަފާތުން ތާވަލުގެ އެއްވަނައިގައި އޮތީ ނިއު ރޭޑިއަންޓެވެ. މި މުބާރާތުގެ ފޯރިގަދަ މެޗެއްގައި އަންނަ އާދިއްތަ ދުވަހު ނިއު އާއި މާޒިޔާ ބައްދަލުކުރާނެއެވެ.

ސިޓީއާ ޔުނައިޓެޑުން އަރާހަމަކުރާނެ ކަމަށް ޕޮޗެޓީނޯ ބުނެފި

މެންޗެސްޓާ ޔުނައިޓެޑްގެ ކޯޗުކަމާ ހަވާލުވެ، މައުރީސިއޯ ޕޮޗެޓީނޯ ބުނީ އެ ސަރަހައްދުގެ އެންމެ ކާމިޔާބު ޓީމަކަށް އަލުން ޔުނައިޓެޑް ހަދައި، ސިޓީގެ ކުރި ހޯދާނެ ކަމަށް. ލީގުގެ 18 ވަނައިގައި އޮތް ޔުނައިޓެޑްގެ ހާލަތު ބަދަލުކުރަން ވަގުތު ބޭނުންވާނެ ކަމަށާއި، ނަމަވެސް ފުރަތަމަ ދުވަހުން ފެށިގެން އެ މަސައްކަތް ކުރާނެ ކަމަށް އޭނާ ވަނީ ބުނެފައި.

އެމްއައިބީން ގައުމީ ބިލިއާޑު ޗެމްޕިއަންކަން ހޯދައިފި

ޤައުމީ ބިލިއާޑް މުބާރާތުގެ ފައިނަލުގައި ދިވެހި ސިފައިންގެ ކްލަބް 3-2 އިން ބަލިކޮށް، މޯލްޑިވްސް އިސްލާމިކް ބޭންކް (މިބްސާ) އިން މުބާރާތުގެ ޗެމްޕިއަންކަން ހޯދައިފި. ޖުމްލަ 10 ޓީމު ވާދަކުރި މި މުބާރާތުގެ ޗެމްޕިއަން ޓީމަށް 30,000 ރުފިޔާގެ ފައިސާގެ އިނާމެއް ވަނީ ދީފައި.

ލުކާކޫ، 16 އަހަރަށް ފަހު ބެލްޖިއަމް ޓީމުން ރިޓަޔާކޮށްފި

ބެލްޖިއަމްގެ ގައުމީ ޓީމަށް 16 އަހަރު ކުޅެދިނުމަށްފަހު، އެ ގައުމަށް އެންމެ ގިނަ ލަނޑު ޖަހައިދިން ރޮމެލޫ ލުކާކޫ ބައިނަލްއަގުވާމީ ފުޓްބޯޅައިން ރިޓަޔާކޮށްފި. ޖުމްލަ 135 މެޗުން 94 ލަނޑު ކާމިޔާބުކޮށްފައިވާ ލުކާކޫ އަކީ ބައިނަލްއަގުވާމީ ފުޓްބޯޅައިގައި ފަސްވަނައަށް އެންމެ ގިނަ ލަނޑު ޖެހި ކުޅުންތެރިޔާގެ އިތުރުން ޔޫރޯ ކޮލިފައިންގެ ރެކޯޑް އޮތް ކުޅުންތެރިޔާ

ލިބުނީ މަދު ވަގުތުކޮޅެއް، ޝަކުވާނުކޮށް ހޯދައިދިނީ ސާފްގެ ތަށި!

މި އަހަރުގެ ސާފް ޗެމްޕިއަންޝިޕް ކާމިޔާބުކުރި އިންޑިއާ ޓީމަށް ތައްޔާރުވާން މަދު ވަގުތުކޮޅެއް ލިބުނުއިރު، މުބާރާތުގެ ތެރެއިން މުހިންމު ކުޅުންތެރިންތަކެއް ޓީމުން ވަކިވުމުން ގިނަ ގޮންޖެހުންތަކަކާ ކުރިމަތިލާން ޖެހުނު. ނަމަވެސް ކޯޗު ނައުޝާދުގެ އިރުޝާދުގެ ދަށުން، ޒުވާން ކުޅުންތެރިންނަށް އިތުބާރުކޮށްގެން އިންޑިއާ އިން ވަނީ ޝަކުވާއެއް ނެތި ތަށި ހޯދާފައި

ސާފް ޗެމްޕިއަންޝިޕްގެ ފެއާ ޕްލޭ އެވޯޑް ރާއްޖެ އަށް

ބަންގްލަދޭޝްގައި ނިމުނު ސާފް ޗެމްޕިއަންޝިޕްގައި ރާއްޖެ ކުޅުނު ދެ މެޗުން ބަލިވެ، މުބާރާތުން ކެޓި ނަމަވެސް، މުޅި މުބާރާތުގެ ފެއާޕްލޭ އެވޯޑް ރާއްޖެއަށް ވަނީ ލިބިފައި. މިއީ ލަނޑެއް އަދި ޕޮއިންޓެއް ނުލިބި ރާއްޖެ މި މުބާރާތުން ކެޓި ފުރަތަމަ ފަހަރު ކަމަށްވާއިރު، މިއީ ސާފް ޗެމްޕިއަންޝިޕްގެ ތާރީޚުގައި ރާއްޖެއަށް ލިބުނު އެންމެ ދަށް ނަތީޖާއ

ރިވައިވަލް ބެޑްމިންޓަން ޗެލެންޖް ތަށި ހައިޝަމް އާއި ނަބާ އަށް

އެމްއައިބީ ރިވައިވަލް ބެޑްމިންޓަން ޗެލެންޖުގެ ފިރިހެން ސިންގަލްސް ތަށި ހައިޝަމް އިބްރާހިމް އަލީ ހޯދިއިރު، އަންހެން ސިންގަލްސް ތަށި ކާމިޔާބުކުރީ ފާތިމަތު ނަބާހާ އެވެ. މި މުބާރާތުގެ ފިރިހެން ޑަބަލްސް ޒަޔާން އާއި ނިބާލް ކާމިޔާބުކުރިއިރު، އަންހެން ޑަބަލްސް ތަށި ހޯދީ ނަބާ އާއި ނަބީހާގެ ޕެއާ އިންނެވެ.

Newsletter

Get the latest news delivered straight to your inbox