އީގަލް ހިލްސްއާއެކު ވެފައިވާ އެއްބަސްވުމުގެ ތަފުސީލު ހާމަކުރަން ގޮވާލައި ހުށަހެޅި ގަރާރު މަޖިލީހުން ބޭރުކޮށްލައިފި

ރައްޔިތުންގެ މަޖިލީހުގެ ޖަލްސާއެއްގެ ތެރެއިން --- ފޮޓޯ: ރައްޔިތުންގެ މަޖިލިސް

ރައްޔިތުންގެ މަޖިލީހުގެ ޖަލްސާއެއްގެ ތެރެއިން --- ފޮޓޯ: ރައްޔިތުންގެ މަޖިލިސް

ވޯޓާ ފްރަންޓް މެރީނާގެ ނަމުގައި ރަސްމާލޭގައި މަޝްރޫއުއެއް ކުރިއަށް ގެންދަން ހަވާލުކުރުމަށް މަސައްކަތް ކުރަމުންދާ އީގަލް ހިލްސް ކުންފުންޏާއެކު ދިވެހި ސަރުކާރުން ވެފައިވާ އެއްބަސްވުމުގެ ތަފުސީލުތައް ހާމަކުރަން ގޮވާލައި ރައްޔިތުންގެ މަޖިލީހަށް ހުށަހެޅި ގަރާރު މަޖިލީހުން ބޭރުކޮށްލައިފި އެވެ.

އީގަލް ހިލްސްއާއެކު ސަރުކާރުން ވެފައިވާ ކޮމާޝަލް ޓާމްސް އެގްރީމެންޓުގެ ހުރިހާ ތަފުސީލުތަކެއް ހާމަކުރުމަށް ގޮވާލައި މަޖިލީހަށް ގަރާރެއް ހުށަހެޅުއްވީ ގަލޮޅު ދެކުނު ދާއިރާގެ މަޖިލިސް މެންބަރު، މީކާއިލް އަހުމަދު ނަސީމް އެވެ. އެ ގަރާރު މަޖިލީހުން ބޭރުކޮށްލީ 45 މެންބަރުންގެ ވޯޓުންނެވެ. އެ ގަރާރު މަޖިލީހަށް ބަލައިގަތުމަށް 10 މެންބަރުން ވޯޓު ދެއްވި އެވެ.

އެ ގަރާރަށް ބަހުސްކުރައްވަމުން ވެރިކަންކުރާ ޕީއެންސީގެ މެންބަރުން ވަނީ ރަސްމާލެ މަޝްރޫއު ދިފާއުކުރައްވައި ވާހަކަދައްކަވައިފަ އެވެ. ނަމަވެސް، އީގަލް ހިލްސްއާއެކު ސަރުކާރުން ވެފައިވާ އެއްބަސްވުން ހާމަކުރަން ނުވަތަ ނުކުރަންޖެހޭ ސަބަބެއް އެ ބޭފުޅުން ފާހަގައެއް ނުކުރައްވަ އެވެ.

އީގަލް ރަސްމާލެ މަޝްރޫއު ދިފާއުކުރައްވައި އެ ގަރާރަށް ބަހުސްކުރައްވަމުން ބިލެތްދޫ ދާއިރާގެ މެންބަރު، މުހައްމަދު އަސްލަމް ވިދާޅުވީ ރަސްމާލޭގައި އީގަލް ހިލްސްއިން ތަރައްގީކުރާ ސަރަހައްދުގައި ޔަހޫދީން ވަޒަންވެރިވެދާނެތީ ބިރުގަންނަން ނުޖެހޭ ކަމަށެވެ.

"މިއީ އިއްޒަތްތެރި ރައީސް، ޖިހާދީ ގައުމެއް، މުޖާހިދުން އުފަންވެފައި އޮތް ގައުމެއް. މި ގައުމުގެ ހައްގުގައި މި ގައުމުގެ ދީނުގެ ހައްގުގައި މުޖާހިދުން ވަނީ މާޒީގައި ތެދުވެފައި. ގައުމަށް ބޭނުންވި ހިނދު މި ގައުމުން ވަނީ ސަލާހުއްދީން އައްޔޫބީ އާއި ޖޯޖް ވޮޝިންޓަނާއި މަހަތުމާ ގާންދީ އެ ބޭފުޅުންގެ ގައުމަށްޓަކައި ކުރެއްވި ޖިހާދު ކުރައްވާނޭ އެތައް އަބުތާލުންނެއް އުފަންވެފައި،" އަސްލަމް ވިދާޅުވި އެވެ.

"އެހެންވެއްޖެއްޔާ އަޅުގަނޑުމެން ބިރުގަންނާކަށް ނުޖެހޭ މިއަދު."

އެ ގަރާރަށް ބަހުސްކުރެއްވި އެމްޑީޕީގެ މެންބަރުން ވަނީ އީގަލް ހިލްސްއާއެކު ސޮއިކުރި އެއްބަސްވުން ހާމަކުރަންޖެހޭ ކަމަށާއި އެ އެއްބަސްވުން ސިއްރުކުރަން ޖެހޭ އެއްވެސް ސަބަބެއް ނެތް ކަމަށް ވިދާޅުވެފަ އެވެ.

އީގަލް ހިލްސްއާއެކު ވެފައިވާ އެއްބަސްވުމުގެ ހުރިހާ ތަފުސީލުތައް ހާމަކުރަން ގޮވާލައި އެމްޑީޕީން މަޖިލީހަށް ގަރާރެއް ހުށަހެޅުމުން މަޖިލީހުގައި ތިއްބަވާ ޕީއެންސީގެ މެންބަރުން ވަނީ މަޖިލީހަށް ހުށަހަޅާ ގަރާރުތަކަށް ބަހުސްކުރުމުގެ ކުރިން ވޯޓަށް އަހަންޖެހޭ ގޮތަށް މަޖިލީހުގެ ގަވާއިދު އިސްލާހުކުރަން ވެސް ހުށަހަޅައިފަ އެވެ.

ރައްޔިތުންގެ މަޖިލީހަށް އެކި ކަންކަމާ ގުޅޭގޮތުން ހުށަހަޅާ ގަރާރުތަކަށް ބަހުސް ކުރުމުގެ ކުރިން ވޯޓަށް އަހަންޖެހޭ ގޮތަށް މަޖިލީހުގެ ގަވާއިދަށް އިސްލާހެއް ހުށަހެޅުއްވީ ޕީއެންސީއާއެކު މަސައްކަތް ކުރައްވާ އަމިއްލަ މެންބަރު، އަބްދުލްހަންނާނު އަބޫބަކުރު އެވެ.

އެމްޑީޕީގެ މެންބަރުން ސިފަކުރައްވާފައި ވަނީ، އެކަމުން ހާމަވަނީ ސަރުކާރާއި ޕީއެންސީގެ މައްޗަށް އީގަލް ހިލްސް ކުންފުނީގެ ނުފޫޒު އޮތް މިންވަރު ކަމަށެވެ.

"މިހާރު ރައްޔިތުންގެ މަޖިލީހުގައި މި ކުރިއަށްދާ ކަންކަމުން ވެސް އަޅުގަނޑުމެންނަށް ވަޒަންކޮށްލަން އެނގޭ އެމީހުން މިތަނުގައި ވަޒަންވެރިވެ މިތަނުގެ ޕްރޮޕަޓީތައް ވިއްކައި 99 އަހަރަށް އާބާދުވުމަށްފަހު، ދެން މި ރައްޔިތުންގެ މަޖިލީހަށް، ދެން މި ދިވެހި ދައުލަތަށް މި ދިވެހި ގައުމަށް ފޯރުވާނެ ނުފޫޒު މި ގެނައި، ރައްޔިތުންގެ މަޖިލީހުގެ ގަވާއިދަށް މި ގެންނަ ބަދަލުން އެކަނި ވެސް އަޅުގަނޑުމެންނަށް ސާފުވޭ،" މީކާއިލް ވިދާޅުވި އެވެ.

އޭނާ ވިދާޅުވީ ބޭރުގެ އެއްވެސް ބަޔަކަށް އެންމެ ވެލިފުކެއް ވެސް ނުދެއްވާނެ ކަމަށް ރައީސް މުއިއްޒު ވިދާޅުވި ބިމަކުން ބޭރުގެ ކުންފުންޏަކަށް ތާއަބަދަށް 500 ހެކްޓަރުގެ ބިން ދޭން ސަރުކާރުން މަސައްކަތް ކުރަނީ ކޮންމެ ވެސް ބަޔަކަށް ނާޖާއިޒު ފައިދާތަކެއް ލިބިފައިވާތީ ކަމަށެވެ.

ކޮމެންޓް

ފަހުގެ ޚަބަރު

އިހަވަންދިއްޕޮޅުގައި ވިޔަފާރި ބަނދަރު ހަދަން ސޮއިކޮށްފި

އިހަވަންދިއްޕޮޅުގައި ބައިނަލްއަގުވާމީ ވިޔަފާރި ބަނދަރަކާއި މެރިޓައިމް އަދި ސިނާއީ މަސައްކަތްތަކަށް ބޭނުންވާ ވަސީލަތްތައް ގާއިމުކުރުމަށް ޔޫއޭއީގެ ސަހު ގްރޫޕާއެކު ސަރުކާރުން މިއަދު ސޮއިކޮށްފިއެވެ. މި މަޝްރޫއުގެ ދަށުން އެ ސަރަހައްދުގައި ޓޫރިޒަމް ތަރައްގީކުރުން ވެސް ހިމެނޭއިރު، މިއީ ރާއްޖޭގެ އެންމެ އުތުރުގައި އިގްތިސާދީ ހަރަކާތްތައް ފުޅާކުރުމަށް ކުރިއަށްގެންދާ މުހިންމު މަސައްކަތެކެވެ.

މާދަމާރޭގެ ޖަލްސާއަށް ދާން ސަރުކާރު މުވައްޒަފުންނަށް އަންގައިފި

މާދަމާރޭ ބާއްވާ ޖަލްސާއަށް، ސަރުކާރުގެ ހުރިހާ މުވައްޒަފުން އެމީހުންގެ އަނބިން ނުވަތަ ފިރިންނާއެކު ބައިވެރިވުމަށް ރައީސުލްޖުމްހޫރިއްޔާ ވަނީ ދައުވަތު އަރުވާފައެވެ. މި ޖަލްސާއަށް ދާ މުވައްޒަފުންނާއި އެމީހުންގެ އަނބިފިރިންގެ މައުލޫމާތު މިއަދު މެންދުރުގެ ކުރިން ރައީސް އޮފީހަށް އެންގުމަށް ވުޒާރާތަކަށް ވަނީ އަންގާފައެވެ.

އަދާލަތުން ސަރުކާރަށް ތާއީދުކުރުމުން އަލީ ޒާހިރު ފާޑުވިދާޅުވެއްޖެ

އޭނާ ވިދާޅުވީ މިއީ ގިނަ ބައެއްގެ އުއްމީދުތަކާއި ބުރަ މަސައްކަތް ފޮހެވިގެންދާނެ ހިތާމަވެރި ނިންމުމެއް ކަމަށެވެ. އަދާލަތުން މި ނިންމުން ނިންމާފައިވަނީ 2028 ވަނަ އަހަރުގެ ރިޔާސީ އިންތިޚާބުގައި ރައީސް މުޢިއްޒަށް ތާއީދުކުރުމުގެ ގޮތުންނެވެ.

ބަޖެޓު ރާވާފައި ވަނީ މުވައްޒަފުން ނުނަގާ ހިންގޭ ގޮތަށް: ފިނޭންސް

މަޖިލީހަށް މައުލޫމާތު ދެމުން ފިނޭންސުން ބުނީ އަންނަ އަހަރުގެ ބަޖެޓު ރާވާފައި ވަނީ އާ މުވައްޒަފުން ނުނަގާ ދައުލަތް ހިންގޭ ގޮތަށް ކަމަށް. އަދި މުސާރަ ކަނޑައެޅުމުގައި ބަލަނީ ދައުލަތުގެ ފޯރުންތެރިކަން ހުރި މިންވަރަށް ކަމަށް.

ޕެންޝަން އޮފީހުގެ ސީއޯއޯގެ މަގާމުން ޝިއުނާ ވަކިކޮށްފި

ޕެންޝަން އޮފީހުގެ ސީއޯއޯގެ މަގާމުން މަރިޔަމް ޝިއުނާ ވަކިކޮށްފައިވަނީ، އެ އޮފީހުގެ ޗެއާޕާސަނާ ގުޅޭ މައްސަލަތަކެއް ކަމާބެހޭ އިދާރާތަކަށް ހުށަހެޅުމާއި ސަރުކާރުން ފައިސާ ޗާޕުކުރި މުއާމަލާތާ ދެކޮޅު ހެދުމުންނެވެ. މިދިޔަ ސެޕްޓެމްބަރު މަހުން ފެށިގެން ސަސްޕެންޝަނުގައި ހުރި ޝިއުނާ އެ މަގާމުން ވަކިކުރިއިރު، އޭނާއަކީ މީގެ ކުރިން އޭސީސީގެ ރައީސްކަންވެސް ކުރައްވާފައިވާ ބޭފުޅެކެވެ.

ރަސްމާލެ ވިއްކާލުމާ ދެކޮޅަށް އިހުތިޖާޖަށް ނުކުންނަން ގޮވާލައިފި

ބޭރުގެ ބަޔަކަށް 99 އަހަރަށް ރަސްމާލެ ވިއްކާލުމާ ދެކޮޅަށް އެމްޑީޕީން އެކަތިގަނޑެއްގެ ގޮތުގައި އިހުތިޖާޖަށް ނުކުތުމަށް މެންބަރު މީކާއިލް ގޮވާލައްވައިފިއެވެ. މި މަޝްރޫއާ މެދު ރައްޔިތުންގެ ފެންނަނުފެންނަ ވޯޓެއް ނެގުމަށް އެމްޑީޕީން ގަރާރެއް ހުށަހަޅާފައިވާއިރު، އެކަމުގައި ޕާޓީގެ ޒިންމާ ބޮޑުކަމަށް މީކާއިލް ފާހަގަކުރެއްވިއެވެ.

ޕީއެންސީއާއެކު އަދާލަތުން ކޯލިޝަން ހަދައިފި

މި އެއްބަސްވުމުގެ ދަށުން ސަރުކާރުގެ އިސް މަގާމުތައް އަދާލަތު ޕާޓީގެ މެންބަރުންނަށް ދިނުމަށް ވަނީ ހަމަޖެހިފައެވެ. އަދާލަތު ޕާޓީއަކީ މީގެ ކުރިން އެމްޑީޕީ އަދި ޕީޕީއެމްގެ ސަރުކާރުތަކުގައިވެސް ކޯލިޝަން ބައިވެރިއެކެވެ.

Newsletter

Get the latest news delivered straight to your inbox