ކައުންސިލަރުންގެ މުސާރަ ބޮޑުކުރީ މަޖިލިސް ރައީސާއި ވަޒީރުންގެ މުސާރަ ބޮޑުކުރަން، އަލުން ކުޑަކުރަން ހުށަހަޅާނެ: ޣަފޫރު

Gapo.jpg

Gapo.jpg

ކައުންސިލަރުންގެ މުސާރަ ބޮޑުކުރުމަށް ސަރުކާރުން ނިންމި ނިންމުމަކީ ރައްޔިތުންގެ މެދުގައި ނުތަނަވަސްކަން އުފައްދައި، ރައްޔިތުން ރުޅިއެރުވުމަށް ކުރި ކަމެއް ކަމަށާއި، މާގިނަ ދުވަސްތަކެއް ނުވެ އަލުން ކައުންސިލަރުންގެ މުސާރަ ކުޑަކުރަން ސަރުކާރުން ހުށަހަޅާނެ ކަމަށް ރައްޔިތުންގެ މަޖިލީހުގެ ހަނިމާދޫ ދާއިރާގެ މެންބަރު އަބްދުލްޣަފޫރު މޫސާ ވިދާޅުވެއްޖެ އެވެ.

މިއަދު މަޖިލީހުގެ ބަހުސްގައި ވާހަކަދައްކަވަމުން ގަޕޯ ވިދާޅުވީ، ކައުންސިލްތަކަށް ސަރުކާރުން ދޭ ގްރާންޓް ނުވަތަ ހިލޭ އެހީގެ މިންވަރު އިތުރުނުކޮށް، ހަމައެކަނި މުސާރަ ބޮޑުކުރުމުން ރަށްރަށުގެ ތަރައްގީއަށް ކުރަންޖެހޭ ކަންކަމަށް ހުރަސް އެޅޭނެ ކަމަށެވެ. ކައުންސިލްތަކަށް ލިބޭ ބަޖެޓުގެ ބޮޑު ބައެއް މުސާރައަށް ހޭދަވާން ފެށުމުން، ރަށުގެ އުމްރާނީ ތަރައްގީއަށާއި ރައްޔިތުންނަށް ބޭނުންވާ އަސާސީ ހިދުމަތްތައް ފޯރުކޮށްދިނުމަށް އެއްވެސް ފައިސާއެއް ނުހުންނާނެކަން ސަރުކާރަށް ވަރަށް ރަނގަޅަށް އެނގޭނެ ކަމަށް އޭނާ ފާހަގަކުރެއްވި އެވެ.

މެންބަރު ޣަފޫރު ތުހުމަތު ކުރެއްވި ގޮތުގައި، ކައުންސިލަރުންގެ މުސާރަ ބޮޑުކުރުމުގެ އަސްލު ބޭނުމަކީ ރައްޔިތުންގެ މަޖިލީހުގެ ރައީސާއި ވަޒީރުންގެ މަޖިލީހުގެ މެންބަރުންގެ މުސާރަ ބޮޑުކުރުމަށް މަގުފަހިކުރުމެވެ. ސަރުކާރުގެ މަތީ ފަންތީގެ މަގާމުތަކުގެ މުސާރަ ބޮޑުކުރުމަށް އާންމުންގެ ފާޑުކިޔުން އަމާޒުވެދާނެތީ، އެކަން ފޮރުވުމުގެ ގޮތުން ކައުންސިލަރުންގެ މުސާރަ ބޮޑުކުރުން އައްޑަނައަކަށް ބޭނުންކުރީ ކަމަށް އޭނާ ވިދާޅުވި އެވެ.

މީގެ އިތުރުން، މި ސަރުކާރުން މިހާތަނަށް ދައުލަތުގެ ބަޖެޓުން ބޮޑު ހޭދައެއް ކޮށްފައިވީ ނަމަވެސް، ރަށްރަށުގެ ތަރައްގީއަށް ފެންނަން އޮތް އެއްވެސް މަސައްކަތެއް ކުރެވިފައި ނުވާކަމަށް ޣަފޫރު ވިދާޅުވި އެވެ. ބަޖެޓު ހުސްވަމުންދާއިރު، ރައްޔިތުންނަށް ފައިދާހުރި އެއްވެސް މަޝްރޫއެއް ނުހިންގޭ ކަމަށާއި، މިއީ ސަރުކާރުގެ އިހުލާސްތެރިކަމެއް ނެތްކަމުގެ ހެއްކެއް ކަމަށް އޭނާ ސިފަކުރެއްވި އެވެ.

އިގްތިސާދީ ގޮތުން ގައުމު މިހާރު އޮތް ހާލަތަށް ބަލާއިރު، ދައުލަތުގެ ހަރަދުތައް ކުޑަކުރުމުގެ ބަދަލުގައި ސިޔާސީ ބޭނުމަށް މުސާރަތައް ބޮޑުކުރުމަކީ ޒިންމާދާރުކަން ކުޑަ އަމަލެއް ކަމަށް ވެސް ހަނިމާދޫ ދާއިރާގެ މެންބަރު ވިދާޅުވި އެވެ. އަދި މި ނިންމުމުގެ ސަބަބުން ދައުލަތުގެ މާލިއްޔަތަށް ބޮޑު ބުރައެއް އުފުލަން ޖެހޭނެތީ، ވަރަށް އަވަހަށް މުސާރަ ކުޑަކުރަން ސަރުކާރުން އަލުން ހުށަހަޅާނެ ކަމަށް ބެލެވޭ ކަމަށް ވެސް އޭނާ ވިދާޅުވި އެވެ.

ކޮމެންޓް

ފަހުގެ ޚަބަރު

އިހަވަންދިއްޕޮޅުގައި ވިޔަފާރި ބަނދަރު ހަދަން ސޮއިކޮށްފި

އިހަވަންދިއްޕޮޅުގައި ބައިނަލްއަގުވާމީ ވިޔަފާރި ބަނދަރަކާއި މެރިޓައިމް އަދި ސިނާއީ މަސައްކަތްތަކަށް ބޭނުންވާ ވަސީލަތްތައް ގާއިމުކުރުމަށް ޔޫއޭއީގެ ސަހު ގްރޫޕާއެކު ސަރުކާރުން މިއަދު ސޮއިކޮށްފިއެވެ. މި މަޝްރޫއުގެ ދަށުން އެ ސަރަހައްދުގައި ޓޫރިޒަމް ތަރައްގީކުރުން ވެސް ހިމެނޭއިރު، މިއީ ރާއްޖޭގެ އެންމެ އުތުރުގައި އިގްތިސާދީ ހަރަކާތްތައް ފުޅާކުރުމަށް ކުރިއަށްގެންދާ މުހިންމު މަސައްކަތެކެވެ.

މާދަމާރޭގެ ޖަލްސާއަށް ދާން ސަރުކާރު މުވައްޒަފުންނަށް އަންގައިފި

މާދަމާރޭ ބާއްވާ ޖަލްސާއަށް، ސަރުކާރުގެ ހުރިހާ މުވައްޒަފުން އެމީހުންގެ އަނބިން ނުވަތަ ފިރިންނާއެކު ބައިވެރިވުމަށް ރައީސުލްޖުމްހޫރިއްޔާ ވަނީ ދައުވަތު އަރުވާފައެވެ. މި ޖަލްސާއަށް ދާ މުވައްޒަފުންނާއި އެމީހުންގެ އަނބިފިރިންގެ މައުލޫމާތު މިއަދު މެންދުރުގެ ކުރިން ރައީސް އޮފީހަށް އެންގުމަށް ވުޒާރާތަކަށް ވަނީ އަންގާފައެވެ.

އަދާލަތުން ސަރުކާރަށް ތާއީދުކުރުމުން އަލީ ޒާހިރު ފާޑުވިދާޅުވެއްޖެ

އޭނާ ވިދާޅުވީ މިއީ ގިނަ ބައެއްގެ އުއްމީދުތަކާއި ބުރަ މަސައްކަތް ފޮހެވިގެންދާނެ ހިތާމަވެރި ނިންމުމެއް ކަމަށެވެ. އަދާލަތުން މި ނިންމުން ނިންމާފައިވަނީ 2028 ވަނަ އަހަރުގެ ރިޔާސީ އިންތިޚާބުގައި ރައީސް މުޢިއްޒަށް ތާއީދުކުރުމުގެ ގޮތުންނެވެ.

ބަޖެޓު ރާވާފައި ވަނީ މުވައްޒަފުން ނުނަގާ ހިންގޭ ގޮތަށް: ފިނޭންސް

މަޖިލީހަށް މައުލޫމާތު ދެމުން ފިނޭންސުން ބުނީ އަންނަ އަހަރުގެ ބަޖެޓު ރާވާފައި ވަނީ އާ މުވައްޒަފުން ނުނަގާ ދައުލަތް ހިންގޭ ގޮތަށް ކަމަށް. އަދި މުސާރަ ކަނޑައެޅުމުގައި ބަލަނީ ދައުލަތުގެ ފޯރުންތެރިކަން ހުރި މިންވަރަށް ކަމަށް.

ޕެންޝަން އޮފީހުގެ ސީއޯއޯގެ މަގާމުން ޝިއުނާ ވަކިކޮށްފި

ޕެންޝަން އޮފީހުގެ ސީއޯއޯގެ މަގާމުން މަރިޔަމް ޝިއުނާ ވަކިކޮށްފައިވަނީ، އެ އޮފީހުގެ ޗެއާޕާސަނާ ގުޅޭ މައްސަލަތަކެއް ކަމާބެހޭ އިދާރާތަކަށް ހުށަހެޅުމާއި ސަރުކާރުން ފައިސާ ޗާޕުކުރި މުއާމަލާތާ ދެކޮޅު ހެދުމުންނެވެ. މިދިޔަ ސެޕްޓެމްބަރު މަހުން ފެށިގެން ސަސްޕެންޝަނުގައި ހުރި ޝިއުނާ އެ މަގާމުން ވަކިކުރިއިރު، އޭނާއަކީ މީގެ ކުރިން އޭސީސީގެ ރައީސްކަންވެސް ކުރައްވާފައިވާ ބޭފުޅެކެވެ.

ރަސްމާލެ ވިއްކާލުމާ ދެކޮޅަށް އިހުތިޖާޖަށް ނުކުންނަން ގޮވާލައިފި

ބޭރުގެ ބަޔަކަށް 99 އަހަރަށް ރަސްމާލެ ވިއްކާލުމާ ދެކޮޅަށް އެމްޑީޕީން އެކަތިގަނޑެއްގެ ގޮތުގައި އިހުތިޖާޖަށް ނުކުތުމަށް މެންބަރު މީކާއިލް ގޮވާލައްވައިފިއެވެ. މި މަޝްރޫއާ މެދު ރައްޔިތުންގެ ފެންނަނުފެންނަ ވޯޓެއް ނެގުމަށް އެމްޑީޕީން ގަރާރެއް ހުށަހަޅާފައިވާއިރު، އެކަމުގައި ޕާޓީގެ ޒިންމާ ބޮޑުކަމަށް މީކާއިލް ފާހަގަކުރެއްވިއެވެ.

ޕީއެންސީއާއެކު އަދާލަތުން ކޯލިޝަން ހަދައިފި

މި އެއްބަސްވުމުގެ ދަށުން ސަރުކާރުގެ އިސް މަގާމުތައް އަދާލަތު ޕާޓީގެ މެންބަރުންނަށް ދިނުމަށް ވަނީ ހަމަޖެހިފައެވެ. އަދާލަތު ޕާޓީއަކީ މީގެ ކުރިން އެމްޑީޕީ އަދި ޕީޕީއެމްގެ ސަރުކާރުތަކުގައިވެސް ކޯލިޝަން ބައިވެރިއެކެވެ.

Newsletter

Get the latest news delivered straight to your inbox