މުސާރައިގެ ބޮޑުބައި ރައްޔިތުންނަށް ހޭދަކުރަންޖެހޭތީ ގިނަ މަޖިލިސް މެންބަރުން އުޅުއްވަނީ ވަރަށް ހާލުގައި ކަމަށް އަޒާން ވިދާޅުވެއްޖެ

 ހިތަދޫ މެދު ދާއިރާގެ މެންބަރު އަހުމަދު އަޒާން: އޭނާ ވިދާޅުވީ މަޖިލިސް މެންބަރުންގެ އަސާސީ ހަރަދުތަކާއި ދާއިރާގެ ރައްޔިތުންގެ ހަރަދުތައް ހަމަޖެއްސުމަށްފަހު، ގިނަ މަޖިލިސް މެންބަރުން އުޅުއްވަނީ މަސް ނިމޭއިރު ދެކޮޅު ނުޖެހިގެން ކަމަށެވެ. ---- ފޮޓޯ: ރައްޔިތުންގެ މަޖިލިސް

ހިތަދޫ މެދު ދާއިރާގެ މެންބަރު އަހުމަދު އަޒާން: އޭނާ ވިދާޅުވީ މަޖިލިސް މެންބަރުންގެ އަސާސީ ހަރަދުތަކާއި ދާއިރާގެ ރައްޔިތުންގެ ހަރަދުތައް ހަމަޖެއްސުމަށްފަހު، ގިނަ މަޖިލިސް މެންބަރުން އުޅުއްވަނީ މަސް ނިމޭއިރު ދެކޮޅު ނުޖެހިގެން ކަމަށެވެ. ---- ފޮޓޯ: ރައްޔިތުންގެ މަޖިލިސް

ރައްޔިތުންގެ މަޖިލީހުގެ މެންބަރުންނަށް ލިބޭ މުސާރައިގެ ބޮޑުބައި ހަރަދުކުރަން ޖެހެނީ ދާއިރާގެ ރައްޔިތުންނަށް ކަމަށާއި މަޖިލީހުގެ ގިނަ މެންބަރުން އުޅެނީ ވަރަށް ހާލުގައި ކަމަށް ހިތަދޫ މެދު ދާއިރާގެ މަަޖިލިސް މެންބަރު، އަހުމަދު އަޒާން ވިދާޅުވެއްޖެ އެވެ.

އަޒާން އެހެން ވިދާޅުވީ ދުނިޔޭގެ ބައެއް އެހެން ގައުމުތަކުގައި އާންމު މަސައްކަތްތެރިންނަށް ލިބޭ އުޖޫރަ އާއި މަޖިލިސް މެންބަރުންނަށް ލިބޭ އިނާޔަތްތަކުގެ ފަރަގު އަޅާކިޔައި މީހަކު ކުރި ޕޯސްޓަކަށް ކުރި ކޮމެންޓެއްގަ އެވެ. އެ ޕޯސްޓުގައި އަޅާ ކިޔާފައި ވަނީ ރާއްޖެ އާއި ސިންގަޕޫރާއި އެމެރިކާގެ އިތުރުން އިނގިރޭސިވިލާތާއި އޮސްޓްރޭލިއާއާ އެވެ.

އަޒާން ވިދާޅުވީ އެ ޕޯސްޓުގައި އަޅާ ކިޔާފައިވާ ގައުމުތަކުގައި މަޖިލިސް މެންބަރުންނަށް ލިބޭ އާމްދަނީ އާއި ރާއްޖޭގައި މަޖިލިސް މެންބަރުންނަށް ލިބޭ އާމްދަނީ އަޅައިނުކިޔޭނެ ކަމަށެވެ. ސަބަބެއްގެ ގޮތުގައި އޭނާ ވިދާޅުވީ އެ ގައުމުތަކުގެ މަޖިލިސް މެންބަރުންނަށް އޮފީސް ހިންގުމަށާއި ދަތުރުފަތުރު ކުރުމަށާއި މުވައްޒަފުން ގެންގުޅުން ފަދަ ހަރަދުތައް ކުރަން އިތުރު ފައިސާ ލިބޭ ކަމަށެވެ.

"ރާއްޖޭގައި ބެލެވިފައި އޮންނަނީ މަޖިލިސް މެންބަރުންގެ ދާއިރާތަކަށް އެމީހުން ހަރަދުކުރަންޖެހޭ ކަމަށް. އާންމުކޮށް ވަރަށް ގިނަ މީހުން މާލީ އެހީތެރިކަމަށް އެދި ގުޅާ، އަޅުގަނޑުމެންނަކީ ކުދި ރަށްތަކަށް ނިސްބަތްވާ ބަޔަކަށް ވާތީ އެހީއަށް އެދޭ މީހުންނަކީ ގިނަ ފަހަރަށް އާއިލީގޮތުން ނުވަތަ އެހެން ގޮތަކުން ގާތް މީހަކަށް ވާތީ އެފަދަ ކަންކަމަށް ނޫނެކޭ ބުނުމަކީ ދަތިކަމެއް،" އަޒާން ލިޔުއްވައިފައިވެ އެވެ.

ނަމަވެސް، އެހެން ގައުމުތަކުގައި ކަން ހިނގަނީ އެހެން ނޫން ކަމަށް އަޒާން ލިޔުއްވައިފައިވެ އެވެ. އެގޮތުން ރާއްޖެއަށް ޒިޔާރަތްކުރެއްވި އިނގިރޭސިވިލާތުގެ މަޖިލިސް މެންބަރަކަށް އެ ކަން އެގޮތަށް ހިނގާކަން އެނގިވަޑައިގަތުމުން ހައިރާންވެވަޑައިގެންނެވިކަމަށް އަޒާން ލިޔުއްވައިފައިވެ އެވެ.

"އޭގެ އިތުރުން، އަހަރުގެ އެކި ދުވަސްވަރު ބާއްވާ ތަފާތު އެކި ހަރަކާތްތައް ސްޕޮންސާކޮށްދިނުމަކީ މެންބަރުންގެ ޒިންމާއެއް ކަމަށް [މީހުން] ދެކޭ. ސްކޫލް ޕްރައިޒްޑޭ، އީދު ހަރަކާތްތައް، އައު އަހަރު ފާހަގަކުރުމާއި ރޯދަ މަހުގެ ހަރަކާތްކާއި ސްކޫލްތަކުގެ ކުޅުވަރު މުބާރާތްތަކާއި ރަށު ފެންވަރުގައި އާއި އަތޮޅު ފެންވަރުގައި ބާއްވާ ފުޓުބޯޅަ މުބާރާތްތައް،" އަޒާން ލިޔުއްވައިފައިވެ އެވެ.

"މިކަހަލަ ކޮންމެ ހަރަކާތަކަށް ވެސް މަޖިލިސް މެންބަރަކު ކޮންމެވެސް އެހީތެރިކަމެއް ފޯރުކޮށްދޭނެ، މިއީ އަޅުގަނޑުމެންގެ ރަސްމީ ވަޒީފާގައި ނުވަތަ އަޅުގަނޑުމެން އުފުލަންޖެހޭ ޒިންމާގެ ތެރޭގައި ހިމެނޭ ކަމެއް ނޫން."

އެހެންކަމުން ދުނިޔޭގެ އެހެން ގައުމުތަކާއި ރާއްޖެއާ އަޅައިކިޔާއިރު، ރައްޔިތުންގެ މިޒާޖާއި މެންބަރުންގެ ކިބައިން ރައްޔިތުން އުއްމީދުކުރާ ކަންކަމަށް ވެސް ރިއާޔަތްކުރަންޖެހޭ ކަމަށް އަޒާން ލިޔުއްވައިފައިވެ އެވެ.

މަޖިލިސް މެންބަރެއްގެ ގޮތުގައި ހޭދަކުރެއްވި ދެ އަހަރުދުވަހުގެ ތަޖުރިބާއަށް ބަލާއިރު، އެކި ކަންކަމުގައި އޭނާއާ ހަމައަށްދިޔަ ރައްޔިތުންގެ ތެރެއިން 90 ޕަސެންޓު މީހުންނަކީ ފައިސާގެ އެހީއަކަށް އެދި ނުވަތަ އާންމު އުސޫލުގެ ބޭރުން ކަމެއް ހާސިލު ކުރުމަށް ނުވަތަ އެ މީހެއްގެ ޝަރުތު ހަމަނުވާ ވަޒީފާއެއް ހޯދުން ފަދަ ކަންކަމަށް އެދިގެންދިޔަ މީހުން ކަމަށް އަޒާން ލިޔުއްވައިފައިވެ އެވެ.

"ހަގީގަތަކީ އާމްދަނީ ހޯދުމަށް އިތުރު މަސައްކަތެއް ނުކުރައްވާ މަޖިލިސް މެންބަރުންނަށް މަސް ނިމޭއިރު އުޅުއްވަނީ ދެކޮޅުނުޖެހިގެންކަން، ދިރިއުޅުމުގެ އަސާސީ ހަރަދުތައް ހަމަޖެއްސުމަށްފަހު، ދާއިރާގެ ރައްޔިތުންނަށް ހަރަދުކޮށްފައި މެންބަރުންގެ އަތުގައި ބާކީ ވަނީ ވަރަށް ކުޑަ މިންވަރެއް،" އަޒާން ލިޔުއްވައިފައިވެ އެވެ.

މަޖިލީހުގެ ބައެއް މެންބަރުން ތަމްސީލުކުރައްވާ ދާއިރާތަކަށް ދަތުރުކުރުމުގެ ހަރަދު ވެސް މަޖިލިސް މެންބަރުންނަށް އަމިއްލައަށް ކުރެވޭ ވަރަށް ވުރެ ބޮޑުކަމަށް އޭނާ ވިދާޅުވި އެވެ. ދުނިޔޭގެ އެހެން ގައުމުތަކުަގައި އެފަދަ ހަރަދުތައް ކުރުމަށް މަޖިލީހުން ވަކި ހާއްސަ އެލަވެންސްތައް ހަމަޖައްސައިދީފައި ހުންނަކަން އޭނާގެ ކޮމެންޓުގައި ފާހަގަކުރައްވައިފައިވެ އެވެ.

އަޒާންއަކީ މަޖިލީހަށް އިންތިހާބުވުމުގެ ކުރިން މަޖިލިސް މެންބަރުންގެ މަސައްކަތްތަކާއި މަޖިލިސް މެންބަރުންގެ މުސާރައާ ގުޅޭގޮތުން ވަރަށް ފުޅާކޮށް ވާހަކަދެއްކެވި ބޭފުޅެކެވެ. 

އެގޮތުން، ރައްޔިތުންގެ މަޖިލީހުގައި ތިއްބަވާ ބޭފުޅުންނަކީ ސަރުކާރުން އަންގާހައި ކަމެއް ކުރަން ތިބޭ ބައެއް ނޫންކަމާއި މަޖިލީހުގެ މެންބަރުންގެ މުސާރާ އަމިއްލައަށް ކަނޑައެޅުމުގެ ބާރު އެ މީހުންގެ އަތްމަތީގައި އޮތުމަކީ ގަބޫލުކުރައްވާ ހަމައެއް ނޫންކަމަށް އަޒާން ވިދާޅުވެފައިވެ އެވެ.

ނަމަވެސް، އަޒާންގެ އެ ވައުދުތައް ފުއްދަވައިފައި ނުވާކަމަށް ވިދާޅުވެ ގިނަ ބަޔަކު ދަނީ ސޯޝަލްމީޑިއާގައި އޭނާއަށް ވަރަށް ބޮޑަށް ފާޑުކިޔަމުންނެވެ.

ކޮމެންޓް

ފަހުގެ ޚަބަރު

އިހަވަންދިއްޕޮޅުގައި ވިޔަފާރި ބަނދަރު ހަދަން ސޮއިކޮށްފި

އިހަވަންދިއްޕޮޅުގައި ބައިނަލްއަގުވާމީ ވިޔަފާރި ބަނދަރަކާއި މެރިޓައިމް އަދި ސިނާއީ މަސައްކަތްތަކަށް ބޭނުންވާ ވަސީލަތްތައް ގާއިމުކުރުމަށް ޔޫއޭއީގެ ސަހު ގްރޫޕާއެކު ސަރުކާރުން މިއަދު ސޮއިކޮށްފިއެވެ. މި މަޝްރޫއުގެ ދަށުން އެ ސަރަހައްދުގައި ޓޫރިޒަމް ތަރައްގީކުރުން ވެސް ހިމެނޭއިރު، މިއީ ރާއްޖޭގެ އެންމެ އުތުރުގައި އިގްތިސާދީ ހަރަކާތްތައް ފުޅާކުރުމަށް ކުރިއަށްގެންދާ މުހިންމު މަސައްކަތެކެވެ.

މާދަމާރޭގެ ޖަލްސާއަށް ދާން ސަރުކާރު މުވައްޒަފުންނަށް އަންގައިފި

މާދަމާރޭ ބާއްވާ ޖަލްސާއަށް، ސަރުކާރުގެ ހުރިހާ މުވައްޒަފުން އެމީހުންގެ އަނބިން ނުވަތަ ފިރިންނާއެކު ބައިވެރިވުމަށް ރައީސުލްޖުމްހޫރިއްޔާ ވަނީ ދައުވަތު އަރުވާފައެވެ. މި ޖަލްސާއަށް ދާ މުވައްޒަފުންނާއި އެމީހުންގެ އަނބިފިރިންގެ މައުލޫމާތު މިއަދު މެންދުރުގެ ކުރިން ރައީސް އޮފީހަށް އެންގުމަށް ވުޒާރާތަކަށް ވަނީ އަންގާފައެވެ.

އަދާލަތުން ސަރުކާރަށް ތާއީދުކުރުމުން އަލީ ޒާހިރު ފާޑުވިދާޅުވެއްޖެ

އޭނާ ވިދާޅުވީ މިއީ ގިނަ ބައެއްގެ އުއްމީދުތަކާއި ބުރަ މަސައްކަތް ފޮހެވިގެންދާނެ ހިތާމަވެރި ނިންމުމެއް ކަމަށެވެ. އަދާލަތުން މި ނިންމުން ނިންމާފައިވަނީ 2028 ވަނަ އަހަރުގެ ރިޔާސީ އިންތިޚާބުގައި ރައީސް މުޢިއްޒަށް ތާއީދުކުރުމުގެ ގޮތުންނެވެ.

ބަޖެޓު ރާވާފައި ވަނީ މުވައްޒަފުން ނުނަގާ ހިންގޭ ގޮތަށް: ފިނޭންސް

މަޖިލީހަށް މައުލޫމާތު ދެމުން ފިނޭންސުން ބުނީ އަންނަ އަހަރުގެ ބަޖެޓު ރާވާފައި ވަނީ އާ މުވައްޒަފުން ނުނަގާ ދައުލަތް ހިންގޭ ގޮތަށް ކަމަށް. އަދި މުސާރަ ކަނޑައެޅުމުގައި ބަލަނީ ދައުލަތުގެ ފޯރުންތެރިކަން ހުރި މިންވަރަށް ކަމަށް.

ޕެންޝަން އޮފީހުގެ ސީއޯއޯގެ މަގާމުން ޝިއުނާ ވަކިކޮށްފި

ޕެންޝަން އޮފީހުގެ ސީއޯއޯގެ މަގާމުން މަރިޔަމް ޝިއުނާ ވަކިކޮށްފައިވަނީ، އެ އޮފީހުގެ ޗެއާޕާސަނާ ގުޅޭ މައްސަލަތަކެއް ކަމާބެހޭ އިދާރާތަކަށް ހުށަހެޅުމާއި ސަރުކާރުން ފައިސާ ޗާޕުކުރި މުއާމަލާތާ ދެކޮޅު ހެދުމުންނެވެ. މިދިޔަ ސެޕްޓެމްބަރު މަހުން ފެށިގެން ސަސްޕެންޝަނުގައި ހުރި ޝިއުނާ އެ މަގާމުން ވަކިކުރިއިރު، އޭނާއަކީ މީގެ ކުރިން އޭސީސީގެ ރައީސްކަންވެސް ކުރައްވާފައިވާ ބޭފުޅެކެވެ.

ރަސްމާލެ ވިއްކާލުމާ ދެކޮޅަށް އިހުތިޖާޖަށް ނުކުންނަން ގޮވާލައިފި

ބޭރުގެ ބަޔަކަށް 99 އަހަރަށް ރަސްމާލެ ވިއްކާލުމާ ދެކޮޅަށް އެމްޑީޕީން އެކަތިގަނޑެއްގެ ގޮތުގައި އިހުތިޖާޖަށް ނުކުތުމަށް މެންބަރު މީކާއިލް ގޮވާލައްވައިފިއެވެ. މި މަޝްރޫއާ މެދު ރައްޔިތުންގެ ފެންނަނުފެންނަ ވޯޓެއް ނެގުމަށް އެމްޑީޕީން ގަރާރެއް ހުށަހަޅާފައިވާއިރު، އެކަމުގައި ޕާޓީގެ ޒިންމާ ބޮޑުކަމަށް މީކާއިލް ފާހަގަކުރެއްވިއެވެ.

ޕީއެންސީއާއެކު އަދާލަތުން ކޯލިޝަން ހަދައިފި

މި އެއްބަސްވުމުގެ ދަށުން ސަރުކާރުގެ އިސް މަގާމުތައް އަދާލަތު ޕާޓީގެ މެންބަރުންނަށް ދިނުމަށް ވަނީ ހަމަޖެހިފައެވެ. އަދާލަތު ޕާޓީއަކީ މީގެ ކުރިން އެމްޑީޕީ އަދި ޕީޕީއެމްގެ ސަރުކާރުތަކުގައިވެސް ކޯލިޝަން ބައިވެރިއެކެވެ.

Newsletter

Get the latest news delivered straight to your inbox