ބަޔާން މޮޅުވިއިރު ކޮމްޕެނީ އަށް އޮތް ލޯބި ދައްކާލައިފި

Oct 26, 2026, 6:30 AM
ފްރެއިބާގާ ދެކޮޅަށް ބަޔާނުން ކުޅުނު މެޗުގެ ތެރެއިން އޮލީސޭ ލަނޑު ޖެހުމަށް ފަހު އުފާފާޅުކުރަނީ.

ފްރެއިބާގާ ދެކޮޅަށް ބަޔާނުން ކުޅުނު މެޗުގެ ތެރެއިން އޮލީސޭ ލަނޑު ޖެހުމަށް ފަހު އުފާފާޅުކުރަނީ.

މިއުނިކް (އޮކްޓޫބަރު 26) - ޖަރުމަނު ލީގުގައި ރޭ ބަޔާން މިއުނިކުން ކުޅުނު މެޗުގައި 3-1 އިން ފްރައިބާގް އަތުން މޮޅުވިއިރު، ބަޔާންގެ ސަޕޯޓަރުން އެ ކްލަބްގެ ކޯޗު ވިންސެންޓް ކޮމްޕެނީ އަށް އޮތް ލޯބި ދައްކާލުމަށްޓަކައި ދަނޑުގައި ބެނާއެއް ދަމައިފި އެވެ. 

މިދިޔަ ހުކުރު ދުވަހު، ބަޔާންގެ ދެ ވަނަ ޓީމުގެ ޓްރެއިނިންގައި ހުއްޓައި، ސިއްހީ ހާލަތު ގޯސްވެގެން، ވަގުތު ހޮސްޕިޓަލަށް ގެންގޮސް ކޮމްޕެނީ އަށް މިހާރު ފަރުވާ ދެމުން އަންނަނީ ހޮސްޕިޓަލްގައި ބާއްވައިގެންނެވެ. ބަޔާނުން ވަނީ ކޮމްޕެނީ ޓީމުގެ ކަންކަމުން ދެން ފެންނާނީ އެއްކޮށް ފިޓްވުމުން ކަމަށް ބުނެފަ އެވެ. 

ބަޔާނުން ރިސްކެއް ނުނަގާނެ، ކޮމްޕެނީ ޓީމާ ގުޅޭނީ އެއްކޮށް ފިޓްވުމުން

ބަޔާން މިއުނިކްގެ ކޯޗު ވިންސެންޓް ކޮމްޕެނީގެ ސިއްހީ ހާލަތު ގޯސްވެގެން ހޮސްޕިޓަލުގައި ފަރުވާދެމުންދާތީ، އޭނާ އަލުން ޓީމާ ގުޅޭނީ ފުރިހަމައަށް ފިޓްވުމުން ކަމަށް އެ ކްލަބުން ބުނެފި. ކޮމްޕެނީއަށް ފަރުވާދެމުންދާ މި ދަނޑިވަޅުގައި ޓީމުގެ ތަމްރީނުތަކާއި ކުރިއަށް ހުރި މެޗުތަކުގައި އިރުޝާދުދޭނީ އެސިސްޓަންޓް ކޯޗުން

ފްރެއިބާގް ދަނޑުގައި ރޭ ކުޅުނު މެޗުގެ ކުރިން، ބަޔާން ސަޕޯޓަރުން ދައްކާލި ބެނާގައި ޖަރުމަނު ބަހުން ޖަހާފައިވަނީ، "ގެޓް ވެލް ސޫން - ވިންސެންޓް" މިހެނެވެ. މާނަ އަކީ ކޮމްޕެނީ އަށް އަވަސް ޝިފާ އަކަށް އެދޭ ކަމަށެެވެ. 

ބަޔާނުން ރޭގެ މެޗުގައި ކުޅުނުއިރު، ބެންޗުން ޓީމަށް އިރުޝާދުދިނީ އެސިސްޓަންޓް ކޯޗު، އާރޮން ޑެންކްސް އެވެ. މެޗަށް ފަހު، ޑެންކްސް ވަނީ ކޮމްޕެނީގެ ހާލު ރަނގަޅުވަމުން އަންނަ ކަމަށް ބުނެފަ އެވެ. އަދި، އިތުރު ޓެސްޓްތަކެއް ހެދުމަށް ފަހު ކުރިއަށް އޮތް ދުވަސްތަކުގެ ތެރޭގައި ހޮސްޕިޓަލުން ދޫކޮށްލާނެ ކަމަށް ބެލެވޭ ކަމަށް ޑެންކްސް ބުނެފައިވެ އެވެ. 

ފްރެއިބާގާ ދެކޮޅަށް ބަޔާނުން ކުޅުނު މެޗުގެ ތެރެއިން ބަޔާން ސަޕޯޓަރުން ކޮމްޕެނީ އަށް ހާއްސަކޮށް ދެމި ބެނާ.
ފްރެއިބާގާ ދެކޮޅަށް ބަޔާނުން ކުޅުނު މެޗުގެ ތެރެއިން ބަޔާން ސަޕޯޓަރުން ކޮމްޕެނީ އަށް ހާއްސަކޮށް ދެމި ބެނާ.

ރަށުންބޭރުގައި ކުޅުނު ބަޔާނުން ރޭގެ މެޗުގައި ލީޑުނެގީ 16 ވަނަ މިނިޓްގައި ޑަޔޫޓް އުޕަމެކާނޯ ޖެހި ގޯލުންނެވެ. މިއީ، މައިކަލް އޮލީސޭ ދިން ބޯޅައަކުން އުޕަމެކާނޯ ޖެހި ލަނޑެކެވެ. ފުރަތަމަ ހާފު ނިމުމުގެ ކުރިން ނެތަނިއަލް ބްރައުން ދިން ބޯޅައަކުން ސާޖް ގްނަބްރީ ވަނީ ބަޔާންގެ ލީޑުފުޅާކޮށްދީފަ އެވެ. 

އެކަމަކު، މެޗުގެ ފުރިހަމަ ވަގުތު ހަމަވާން އަށް މިނިޓަށް ވެފައިވަނިކޮށް، ބަޔާންގެ ޓޮމް ބިޝޮފް އަތުން ބައިކޮޅަށް ލަނޑެއް ވަދެ، ފްރައިބާގަށް މެޗުގެ ތެރެއަށް އެނބުރި ވަންނަން ފުރުސަތު ފަހިވި އެވެ. އެކަމަކު، އިތުރު ވަގުތުގެ ތެރޭގައި އޮލީސޭ ވަނީ ބަޔާންގެ ތިން ވަނަ ލަނޑު ޖަހައި، މެޗުގެ ތިން ޕޮއިންޓް ޔަގީންކޮށްދީފަ އެވެ. 

ލީގުގެ އެއް ވަނައިގައި އޮތް ބަޔާން އާއި ދެ ވަނައިގައި އޮތް ބޮރޫޝިއާ ޑޯޓްމަންޑަށް ވަނީ ހަތް މެޗުން 17 ޕޮއިންޓް ލިބިފަ އެވެ. ޑޯޓްމަންޑުން ވަނީ މި ހަފްތާގެ މެޗުން އައިންޓްރަކްޓް ފްރޭންކްފާޓް އަތުން 1-0 އިން މޮޅުވެފަ އެވެ. ތިން ވަނައިގައި އޮތް ފްރެއިބާގާއި ހަތަރެއްގައި އޮތް ބަޔާ ލެވަކޫސަން އަށް ވަނީ ހަތް މެޗުން 13 ޕޮއިންޓް ލިބިފަ އެވެ. އަދި، ފަސް ވަނައިގައި އޮތް އާރްބީ ލައިޕްޒިގަށް ވަނީ ހަ ވަނައިގައި އޮތް ވާޑާ ބްރެމެންއާ އެއްވަރަށް ހަތް މެޗުން 12 ޕޮއިންޓް ލިބިފަ އެވެ. 

ކޮމެންޓް

ފަހުގެ ޚަބަރު

މާޒިޔާ އާއި ނިއު ރޭޑިއަންޓް ވަރުގަދަ ފެށުމާ އެކު ކުރިއަށް

އެފްއޭއެމް ވިމެންސް ލީގުގައި ކުޅުނު ފުރަތަމަ ދެ މެޗުން މޮޅުވެ، މާޒިޔާ އާއި ނިއު ރޭޑިއަންޓުން މުބާރާތުގެ ވަރުގަދަ ފެށުމެއް ދަމަހައްޓައިފިއެވެ. މިހާތަނަށް ކުޅުނު މެޗުތަކުން ދެ ޓީމަށްވެސް ހަ ޕޮއިންޓް ލިބިފައިވާއިރު، ލަނޑުގެ ތަފާތުން ތާވަލުގެ އެއްވަނައިގައި އޮތީ ނިއު ރޭޑިއަންޓެވެ. މި މުބާރާތުގެ ފޯރިގަދަ މެޗެއްގައި އަންނަ އާދިއްތަ ދުވަހު ނިއު އާއި މާޒިޔާ ބައްދަލުކުރާނެއެވެ.

ސިޓީއާ ޔުނައިޓެޑުން އަރާހަމަކުރާނެ ކަމަށް ޕޮޗެޓީނޯ ބުނެފި

މެންޗެސްޓާ ޔުނައިޓެޑްގެ ކޯޗުކަމާ ހަވާލުވެ، މައުރީސިއޯ ޕޮޗެޓީނޯ ބުނީ އެ ސަރަހައްދުގެ އެންމެ ކާމިޔާބު ޓީމަކަށް އަލުން ޔުނައިޓެޑް ހަދައި، ސިޓީގެ ކުރި ހޯދާނެ ކަމަށް. ލީގުގެ 18 ވަނައިގައި އޮތް ޔުނައިޓެޑްގެ ހާލަތު ބަދަލުކުރަން ވަގުތު ބޭނުންވާނެ ކަމަށާއި، ނަމަވެސް ފުރަތަމަ ދުވަހުން ފެށިގެން އެ މަސައްކަތް ކުރާނެ ކަމަށް އޭނާ ވަނީ ބުނެފައި.

އެމްއައިބީން ގައުމީ ބިލިއާޑު ޗެމްޕިއަންކަން ހޯދައިފި

ޤައުމީ ބިލިއާޑް މުބާރާތުގެ ފައިނަލުގައި ދިވެހި ސިފައިންގެ ކްލަބް 3-2 އިން ބަލިކޮށް، މޯލްޑިވްސް އިސްލާމިކް ބޭންކް (މިބްސާ) އިން މުބާރާތުގެ ޗެމްޕިއަންކަން ހޯދައިފި. ޖުމްލަ 10 ޓީމު ވާދަކުރި މި މުބާރާތުގެ ޗެމްޕިއަން ޓީމަށް 30,000 ރުފިޔާގެ ފައިސާގެ އިނާމެއް ވަނީ ދީފައި.

ލުކާކޫ، 16 އަހަރަށް ފަހު ބެލްޖިއަމް ޓީމުން ރިޓަޔާކޮށްފި

ބެލްޖިއަމްގެ ގައުމީ ޓީމަށް 16 އަހަރު ކުޅެދިނުމަށްފަހު، އެ ގައުމަށް އެންމެ ގިނަ ލަނޑު ޖަހައިދިން ރޮމެލޫ ލުކާކޫ ބައިނަލްއަގުވާމީ ފުޓްބޯޅައިން ރިޓަޔާކޮށްފި. ޖުމްލަ 135 މެޗުން 94 ލަނޑު ކާމިޔާބުކޮށްފައިވާ ލުކާކޫ އަކީ ބައިނަލްއަގުވާމީ ފުޓްބޯޅައިގައި ފަސްވަނައަށް އެންމެ ގިނަ ލަނޑު ޖެހި ކުޅުންތެރިޔާގެ އިތުރުން ޔޫރޯ ކޮލިފައިންގެ ރެކޯޑް އޮތް ކުޅުންތެރިޔާ

ލިބުނީ މަދު ވަގުތުކޮޅެއް، ޝަކުވާނުކޮށް ހޯދައިދިނީ ސާފްގެ ތަށި!

މި އަހަރުގެ ސާފް ޗެމްޕިއަންޝިޕް ކާމިޔާބުކުރި އިންޑިއާ ޓީމަށް ތައްޔާރުވާން މަދު ވަގުތުކޮޅެއް ލިބުނުއިރު، މުބާރާތުގެ ތެރެއިން މުހިންމު ކުޅުންތެރިންތަކެއް ޓީމުން ވަކިވުމުން ގިނަ ގޮންޖެހުންތަކަކާ ކުރިމަތިލާން ޖެހުނު. ނަމަވެސް ކޯޗު ނައުޝާދުގެ އިރުޝާދުގެ ދަށުން، ޒުވާން ކުޅުންތެރިންނަށް އިތުބާރުކޮށްގެން އިންޑިއާ އިން ވަނީ ޝަކުވާއެއް ނެތި ތަށި ހޯދާފައި

ސާފް ޗެމްޕިއަންޝިޕްގެ ފެއާ ޕްލޭ އެވޯޑް ރާއްޖެ އަށް

ބަންގްލަދޭޝްގައި ނިމުނު ސާފް ޗެމްޕިއަންޝިޕްގައި ރާއްޖެ ކުޅުނު ދެ މެޗުން ބަލިވެ، މުބާރާތުން ކެޓި ނަމަވެސް، މުޅި މުބާރާތުގެ ފެއާޕްލޭ އެވޯޑް ރާއްޖެއަށް ވަނީ ލިބިފައި. މިއީ ލަނޑެއް އަދި ޕޮއިންޓެއް ނުލިބި ރާއްޖެ މި މުބާރާތުން ކެޓި ފުރަތަމަ ފަހަރު ކަމަށްވާއިރު، މިއީ ސާފް ޗެމްޕިއަންޝިޕްގެ ތާރީޚުގައި ރާއްޖެއަށް ލިބުނު އެންމެ ދަށް ނަތީޖާއ

ރިވައިވަލް ބެޑްމިންޓަން ޗެލެންޖް ތަށި ހައިޝަމް އާއި ނަބާ އަށް

އެމްއައިބީ ރިވައިވަލް ބެޑްމިންޓަން ޗެލެންޖުގެ ފިރިހެން ސިންގަލްސް ތަށި ހައިޝަމް އިބްރާހިމް އަލީ ހޯދިއިރު، އަންހެން ސިންގަލްސް ތަށި ކާމިޔާބުކުރީ ފާތިމަތު ނަބާހާ އެވެ. މި މުބާރާތުގެ ފިރިހެން ޑަބަލްސް ޒަޔާން އާއި ނިބާލް ކާމިޔާބުކުރިއިރު، އަންހެން ޑަބަލްސް ތަށި ހޯދީ ނަބާ އާއި ނަބީހާގެ ޕެއާ އިންނެވެ.

Newsletter

Get the latest news delivered straight to your inbox