އިތުރު ވަގުތުގައި ދެ ގޯލު ޖަހައިގެން މޮޅުވެ އިންޓަ އެއް ވަނަ އަށް

Oct 25, 2026, 10:32 PM
އިންޓަގެ މާކަސް ތުރާމް ލަނޑު ޖެހުމަށް ފަހު އުފާފާޅުކުރަނީ.

އިންޓަގެ މާކަސް ތުރާމް ލަނޑު ޖެހުމަށް ފަހު އުފާފާޅުކުރަނީ.

މިލާން (އޮކްޓޫބަރު 25) - އިތުރު ވަގުތުގެ ތެރޭގައި ދެ ގޯލު ޖަހައިގެން ފަހަތުން އަރައި 2-1 އިން ފިއޮރެންޓީނާ ބަލިކޮށް އިންޓަ މިލާނުން އިޓާލިއަން ލީގުގެ އެއް ވަނަ އަށް ޖެހިލައިފި އެވެ. 

އެއް ވަނައިގައި އޮތް އިންޓަ އާއި ދެ ވަނައިގައި އޮތް ލާޒިއޯ އަށް ވަނީ އެއްވަރަށް ޕޮއިންޓް ލިބިފަ އެވެ. ލާޒިއޯ އިން މި ހަފްތާގައި ކުޅުނު މެޗުން 2-1 އިން ޕާމާ ބަލިކުރި އެވެ. އިންޓަ އާއި ލާޒިއޯ އަށް ވަނީ އަށް މެޗުން 22 ޕޮއިންޓް ލިބިފަ އެވެ. އިންޓަ އަށް ކުރި ލިބެނީ ހެޑް ޓު ހެޑް ގަވާއިދުންނެވެ. ފައިދާ ގޯލަށް ބަލާއިރު، އިންޓަގެ 13 ގޯލު އޮތްއިރު، ލާޒިއޯގެ އޮތީ 11 ގޯލެވެ. 

ތިން ވަނައިގައި އޮތް ރޯމާ އަށް އަށް މެޗުން 18 ޕޮއިންޓް އަދި ހަތަރެއްގައި އޮތް ކޯމޯ އަށް އަށް މެޗުން 17 ޕޮއިންޓް ލިބިފައިވެ އެވެ. 

އިންޓަ ދަނޑުގައި ކުޅުނު މެޗުގެ 34 ވަނަ މިނިޓްގައި އެ ޓީމުގެ މާކަސް ތުރާމް ޖެހި ބޯޅަ ފިއޮރެންޓީނާގެ ކީޕަރު ޑޭވިޑް ޑެ ހެއާ ވަނީ މަތަކޮށްފަ އެވެ. އަދި، މެޗުގެ 43 ވަނަ މިނިޓްގައި ތުރާމް ޖެހި ޝޮޓް ވެސް ޑެ ހެއާ ވަނީ ހުށިޔާރުކަމާ އެކު ބޯޅަ ހުއްޓުވައިފަ އެވެ. 

ދެ ވަނަ ހާފުގައި އިންޓަ އިން ބޯޅަ ހިފަހައްޓައިގެން ކުޅެމުން ދަނިކޮށް، ފިއޮރެންޓީނާ އިން ވަނީ ލަނޑެއް ޖަހައި، އިންޓަ ސިއްސުވާލައިފަ އެވެ. މެޗުގެ 65 ވަނަ މިނިޓްގައި އޭރިއާބޭރުން އަލެކްސް ހިމެނޭޒް ޖެހި ބާރު ޝޮޓް އަމާޒުވީ ގޯލުގެ މަތީ ދާގަނޑަށެވެ. 

އިންޓަ އަށް އެއްވަރުކޮށްދޭން ކާލޯސް އަގުސްޓޯ ބޮލުން ޖެހި ދެ ބޯޅައެއް އަމާޒުވީ ގޯލުގެ ހުރަސްދަނޑިއަށެވެ. 

މެޗުގެ ނަތީޖާ އަނބުރާލުމަށްޓަކައި އިންޓަ އިން ފަހު ވަގުތާ ހަމައަށް ކުރި މަސައްކަތް ކާމިޔާބުވީ ވަރަށް ހިތްވަރުންނެވެ. އެ ގޮތުން، އެ ޓީމުން ނަތީޖާ ހަމަހަމަކުރި ލަނޑު އިތުރު ވަގުތުގެ ފުރަތަމަ މިނިޓްގައި ޖެހީ ތުރާމް އެވެ. އޭރިއާތެރެއިން ތުރާމް ތިރިތިރިން ފޮނުވާލި ބޯޅަ އަމާޒުވީ ގޯލުގެ ކަނަށެވެ. 

އިންޓަ މޮޅުވި ލަނޑަކީ ޕެނަލްޓީ އަކުން ޖެހި ގޯލެކެެވެ. އިތުރު ވަގުތުގެ ފަސް ވަނަ މިނިޓްގައި، ތުރާމް އަށް ފިއޮރެންޓީނާގެ ވިކްޓަ ވަލްޑެޕެނިއާސް ކުރި ފައުލަކަށް ދިން ޕެނަލްޓީ، އިންޓަގެ ޕިއޮޓްރޭ ޒިއެލިންސްކީ ވަނީ ގޯލަށް ވައްދާލައިފަ އެވެ. 

މި ހަފްތާގައި އިޓާލިއަން ލީގުގައި ކުޅުނު އެހެން މެޗުތަކުގެ ނަތީޖާ އަށް ބަލާއިރު، ސަސުއޯލޯ އަތުން ކޯމޯ 2-0 އިން މޮޅުވިިއިރު، ނަޕޯލީ އާއި ރޯމާ ވަނީ 3-3 އިން އެއްވަރުވެފަ އެވެ. އަދި، އެޓަލަންޓާ އާއި ފްރޮސިނޯނޭ ކުުޅުނު މެޗު ވަނީ 4-4 އިން އެއްވަރުވެފަ އެވެ. 

ކޮމެންޓް

ފަހުގެ ޚަބަރު

މާޒިޔާ އާއި ނިއު ރޭޑިއަންޓް ވަރުގަދަ ފެށުމާ އެކު ކުރިއަށް

އެފްއޭއެމް ވިމެންސް ލީގުގައި ކުޅުނު ފުރަތަމަ ދެ މެޗުން މޮޅުވެ، މާޒިޔާ އާއި ނިއު ރޭޑިއަންޓުން މުބާރާތުގެ ވަރުގަދަ ފެށުމެއް ދަމަހައްޓައިފިއެވެ. މިހާތަނަށް ކުޅުނު މެޗުތަކުން ދެ ޓީމަށްވެސް ހަ ޕޮއިންޓް ލިބިފައިވާއިރު، ލަނޑުގެ ތަފާތުން ތާވަލުގެ އެއްވަނައިގައި އޮތީ ނިއު ރޭޑިއަންޓެވެ. މި މުބާރާތުގެ ފޯރިގަދަ މެޗެއްގައި އަންނަ އާދިއްތަ ދުވަހު ނިއު އާއި މާޒިޔާ ބައްދަލުކުރާނެއެވެ.

ސިޓީއާ ޔުނައިޓެޑުން އަރާހަމަކުރާނެ ކަމަށް ޕޮޗެޓީނޯ ބުނެފި

މެންޗެސްޓާ ޔުނައިޓެޑްގެ ކޯޗުކަމާ ހަވާލުވެ، މައުރީސިއޯ ޕޮޗެޓީނޯ ބުނީ އެ ސަރަހައްދުގެ އެންމެ ކާމިޔާބު ޓީމަކަށް އަލުން ޔުނައިޓެޑް ހަދައި، ސިޓީގެ ކުރި ހޯދާނެ ކަމަށް. ލީގުގެ 18 ވަނައިގައި އޮތް ޔުނައިޓެޑްގެ ހާލަތު ބަދަލުކުރަން ވަގުތު ބޭނުންވާނެ ކަމަށާއި، ނަމަވެސް ފުރަތަމަ ދުވަހުން ފެށިގެން އެ މަސައްކަތް ކުރާނެ ކަމަށް އޭނާ ވަނީ ބުނެފައި.

އެމްއައިބީން ގައުމީ ބިލިއާޑު ޗެމްޕިއަންކަން ހޯދައިފި

ޤައުމީ ބިލިއާޑް މުބާރާތުގެ ފައިނަލުގައި ދިވެހި ސިފައިންގެ ކްލަބް 3-2 އިން ބަލިކޮށް، މޯލްޑިވްސް އިސްލާމިކް ބޭންކް (މިބްސާ) އިން މުބާރާތުގެ ޗެމްޕިއަންކަން ހޯދައިފި. ޖުމްލަ 10 ޓީމު ވާދަކުރި މި މުބާރާތުގެ ޗެމްޕިއަން ޓީމަށް 30,000 ރުފިޔާގެ ފައިސާގެ އިނާމެއް ވަނީ ދީފައި.

ލުކާކޫ، 16 އަހަރަށް ފަހު ބެލްޖިއަމް ޓީމުން ރިޓަޔާކޮށްފި

ބެލްޖިއަމްގެ ގައުމީ ޓީމަށް 16 އަހަރު ކުޅެދިނުމަށްފަހު، އެ ގައުމަށް އެންމެ ގިނަ ލަނޑު ޖަހައިދިން ރޮމެލޫ ލުކާކޫ ބައިނަލްއަގުވާމީ ފުޓްބޯޅައިން ރިޓަޔާކޮށްފި. ޖުމްލަ 135 މެޗުން 94 ލަނޑު ކާމިޔާބުކޮށްފައިވާ ލުކާކޫ އަކީ ބައިނަލްއަގުވާމީ ފުޓްބޯޅައިގައި ފަސްވަނައަށް އެންމެ ގިނަ ލަނޑު ޖެހި ކުޅުންތެރިޔާގެ އިތުރުން ޔޫރޯ ކޮލިފައިންގެ ރެކޯޑް އޮތް ކުޅުންތެރިޔާ

ލިބުނީ މަދު ވަގުތުކޮޅެއް، ޝަކުވާނުކޮށް ހޯދައިދިނީ ސާފްގެ ތަށި!

މި އަހަރުގެ ސާފް ޗެމްޕިއަންޝިޕް ކާމިޔާބުކުރި އިންޑިއާ ޓީމަށް ތައްޔާރުވާން މަދު ވަގުތުކޮޅެއް ލިބުނުއިރު، މުބާރާތުގެ ތެރެއިން މުހިންމު ކުޅުންތެރިންތަކެއް ޓީމުން ވަކިވުމުން ގިނަ ގޮންޖެހުންތަކަކާ ކުރިމަތިލާން ޖެހުނު. ނަމަވެސް ކޯޗު ނައުޝާދުގެ އިރުޝާދުގެ ދަށުން، ޒުވާން ކުޅުންތެރިންނަށް އިތުބާރުކޮށްގެން އިންޑިއާ އިން ވަނީ ޝަކުވާއެއް ނެތި ތަށި ހޯދާފައި

ސާފް ޗެމްޕިއަންޝިޕްގެ ފެއާ ޕްލޭ އެވޯޑް ރާއްޖެ އަށް

ބަންގްލަދޭޝްގައި ނިމުނު ސާފް ޗެމްޕިއަންޝިޕްގައި ރާއްޖެ ކުޅުނު ދެ މެޗުން ބަލިވެ، މުބާރާތުން ކެޓި ނަމަވެސް، މުޅި މުބާރާތުގެ ފެއާޕްލޭ އެވޯޑް ރާއްޖެއަށް ވަނީ ލިބިފައި. މިއީ ލަނޑެއް އަދި ޕޮއިންޓެއް ނުލިބި ރާއްޖެ މި މުބާރާތުން ކެޓި ފުރަތަމަ ފަހަރު ކަމަށްވާއިރު، މިއީ ސާފް ޗެމްޕިއަންޝިޕްގެ ތާރީޚުގައި ރާއްޖެއަށް ލިބުނު އެންމެ ދަށް ނަތީޖާއ

ރިވައިވަލް ބެޑްމިންޓަން ޗެލެންޖް ތަށި ހައިޝަމް އާއި ނަބާ އަށް

އެމްއައިބީ ރިވައިވަލް ބެޑްމިންޓަން ޗެލެންޖުގެ ފިރިހެން ސިންގަލްސް ތަށި ހައިޝަމް އިބްރާހިމް އަލީ ހޯދިއިރު، އަންހެން ސިންގަލްސް ތަށި ކާމިޔާބުކުރީ ފާތިމަތު ނަބާހާ އެވެ. މި މުބާރާތުގެ ފިރިހެން ޑަބަލްސް ޒަޔާން އާއި ނިބާލް ކާމިޔާބުކުރިއިރު، އަންހެން ޑަބަލްސް ތަށި ހޯދީ ނަބާ އާއި ނަބީހާގެ ޕެއާ އިންނެވެ.

Newsletter

Get the latest news delivered straight to your inbox