ކަސްޓަމްސްއަށް ލިބެން ޖެހޭ ފައިސާ ނުހޯދޭ މައްސަލަ ބޮޑު ވެއްޖެ

މާލޭ ކޮމާޝަލް ހާބަރުގައި މުދާ ހުސްކުރަން ކޮންޓެއިނަރުތައް އަތުރާފައި: ބައެއް ޕްރޮޖެކްޓުތަކަށާއި ބޮންޑުކުރާ މުދާ ނޫން ހުރިހާ މުދަލެއް އެތެރެކުރެވެނީ ޑިއުޓީ އެއްކޮށް ދެއްކުމުން --- ފޮޓޯ: އަދަދު

މާލޭ ކޮމާޝަލް ހާބަރުގައި މުދާ ހުސްކުރަން ކޮންޓެއިނަރުތައް އަތުރާފައި: ބައެއް ޕްރޮޖެކްޓުތަކަށާއި ބޮންޑުކުރާ މުދާ ނޫން ހުރިހާ މުދަލެއް އެތެރެކުރެވެނީ ޑިއުޓީ އެއްކޮށް ދެއްކުމުން --- ފޮޓޯ: އަދަދު

އިގުތިސޯދީ މަސައްކަތްތަކަށާއި ޕްރޮޖެކްޓްތަކަށް ވަގުތީ ގޮތުން އެތެރެކުރާ މުދަލުގެ އިމްޕޯޓް ޑިއުޓީ ހިމެނޭހެން، ކަސްޓަމްސްއަށް ނުލިބި ހުރި ފައިސާ ހޯދުމުގައި ބޮޑެތި ގޮންޖެހުންތަކެއް އެބަހުރި ކަމަށް އެ އިދާރާގެ އޮޑިޓް ރިޕޯޓުގައި ބުނެފި އެވެ.

އޮޑިޓާ ޖެނެރަލްގެ އޮފީހުން ނެރުނު މޯލްޑިވްސް ކަސްޓަމްސް ސާވިސްގެ 2023 ވަނަ އަހަރުގެ މާލީ އޮޑިޓް ރިޕޯޓުގައި ބުނެފައިވާ ގޮތުގައި، އެ އަހަރުގެ ނިޔަލަށް ދައުލަތަށް ލިބެންޖެހޭ 461 މިލިއަން ރުފިޔާ ނުލިބި އެބަހުއްޓެވެ. މީގެ ތެރެއިން 95 ޕަސެންޓަކީ އިމްޕޯޓް ޑިއުޓީ އެވެ. ދެން ހިމެނެނީ ޖޫރިމަނާގެ ގޮތުގައި ލިބެންޖެހޭ ފަސް ޕަސެންޓާއި އެހެނިހެން ފީތަކެވެ.

އޮޑިޓް ރިޕޯޓުގައި ފާހަގަކޮށްފައިވާ ގޮތުގައި ނުލިބި ހުރި އިމްޕޯޓް ޑިއުޓީގެ ބޮޑު ބައެއް ހިއްސާކުރަނީ ރާއްޖޭގެ އެކްސްޕޯޓް އިމްޕޯޓް ގާނޫނުގެ އަށް ވަނަ މާއްދާގެ ދަށުން ވަގުތީ ގޮތުން އެތެރެކުރި މުދަލުން ލިބެންޖެހޭ ފައިސާ އެވެ. މީގެ ތެރޭގައި އެކި ޕްރޮޖެކްޓްތަކަށް ޑިއުޓީ މައާފުކޮށްދީގެން ގެނެސްފައިވާ ތަކެތި ހިމެނެ އެވެ.

ނުލިބި ހުރި ފައިސާ ހޯދުމަށް ކަސްޓަމްސްގެ އުސޫލުތަކުގެ ދަށުން ފިޔަވަޅުތަކެއް އަޅަމުންދާ ކަމަށް އެ އިދާރާއިން އޮޑިޓަށް މައުލޫމާތު ދިނެވެ.

އެ ގޮތުން ފައިސާ ނުދައްކާ ފަރާތްތަކަށް 30 ދުވަހުގެ ނޯޓިސް ފޮނުވަ އެވެ. އެ މުއްދަތު ހަމަވުމުގެ ފަސް ދުވަސް ކުރިން، ފައިސާ ދެއްކުމަށް ހަނދާންކޮށްދީ އިތުރު ލިޔުމެއް ދެ އެވެ. އެ މުއްދަތުގައި ފައިސާ ނުދައްކައިފިނަމަ، އެ ފަރާތްތަކަށް ދޭ ހިދުމަތްތައް ވަގުތީ ގޮތުން މެދުކަނޑާލަ އެވެ. އަދި އޭގެ ފަހުން އެ މައްސަލަތައް ޝަރީއަތަށް ހުށަހަޅަ އެވެ.

ނަމަވެސް މި ފިޔަވަޅުތަކާއެކު ވެސް ފައިސާ ހޯދުމަށް ބޮޑެތި ހުރަސްތަކެއް ހުރި ކަމަށް ކަސްޓަމްސްއިން ބުންޏެވެ. އެންމެ ބޮޑު އެއް ގޮންޖެހުމަކީ ޝަރީއަތުގެ މަރުހަލާ ނިމި ހުކުމް އިއްވާފައިވީ ނަމަވެސް، އެ ހުކުމްތައް ތަންފީޒު ނުކުރެވި ގިނަ ދުވަސްވުމެވެ. ކޯޓު ހުކުމް ތަންފީޒުކުރުމުގެ މަރުހަލާގައި އެކަނިވެސް 160.5 މިލިއަން ރުފިޔާ ނުލިބި އެބަހުއްޓެވެ.

މީގެ އިތުރުން އިގްތިސާދީ މަސައްކަތްތަކަށް ގެންނަ މުދަލުގެ ޑިއުޓީ މައާފުކުރުމަށް ފަހު، އަނބުރާ ޑިއުޓީ ނަގަން ޖެހޭ ހާލަތްތައް ދެނެގަތުމުގައި ހުރަސްތަކެއް އެބަހުއްޓެވެ. ކަމާބެހޭ ވުޒާރާތަކުން އެ މައުލޫމާތު ކަސްޓަމްސްއާ އެކަށީގެންވާ އަވަސްމިނެއްގައި ހިއްސާ ނުކުރެ އެވެ. އަދި އަނބުރާ ޑިއުޓީ ހޯދޭނެ ހަރުދަނާ ގާނޫނީ ނިޒާމެއް ނެތުމަކީ ވެސް ފައިސާ ހޯދަން އޮތް ބޮޑު ގޮންޖެހުމެކެވެ.

މި މައްސަލަތައް ހައްލުކުރުމަށް އޮޑިޓާ ޖެނެރަލް ވަނީ ފައިސާ ނުދައްކާ ފަރާތްތަކާމެދު އަޅާ ފިޔަވަޅުތައް އިތުރަށް ހަރުދަނާކުރުމަށް ކަމާގުޅޭ އިދާރާތަކާ މަޝްވަރާކުރުމަށް ލަފާދީފަ އެވެ. އަދި، ޑިއުޓީ އަލުން ނަގަންޖެހޭ ހާލަތްތަކުގައި އެ މައުލޫމާތު އަވަހަށް ހިއްސާކުރެވޭނެ އިންތިޒާމެއް ވުޒާރާތަކާއެކު ހަމަޖެއްސުމަށް ވެސް އެދުނެވެ.

ހަމައެއާއެކު ކޯޓު ހުކުމް ތަންފީޒުކުރުމުގައި ހުރި ދަތިތައް ހައްލުކޮށް، ގާނޫނީ އިމުގެ ތެރެއިން ލުއިތަކެއް ދީގެން ވިޔަސް ފައިސާ ހޯދަން މަސައްކަތްކުރުމަށް ކަސްޓަމްސްއަށް ވަނީ އަންގާފަ އެވެ. އަދި އިގުތިސޯދީ ބޭނުންތަކަށް އެތެރެކުރާ މުދަލުން އަނބުރާ ޑިއުޓީ ނެގޭނެ ފުރިހަމަ ރިކަވަރީ ނިޒާމެއް ގާއިމުކުރުމަށްޓަކައި، ގާނޫނާއި ގަވާއިދުތަކަށް ގެންނަން ޖެހޭ އިސްލާހުތައް އަވަހަށް ގެނައުމަށް ވެސް އޮޑިޓަ ޖެނެރަލް ލަފާދިނެވެ.

ކޮމެންޓް

ފަހުގެ ޚަބަރު

އިހަވަންދިއްޕޮޅުގައި ވިޔަފާރި ބަނދަރު ހަދަން ސޮއިކޮށްފި

އިހަވަންދިއްޕޮޅުގައި ބައިނަލްއަގުވާމީ ވިޔަފާރި ބަނދަރަކާއި މެރިޓައިމް އަދި ސިނާއީ މަސައްކަތްތަކަށް ބޭނުންވާ ވަސީލަތްތައް ގާއިމުކުރުމަށް ޔޫއޭއީގެ ސަހު ގްރޫޕާއެކު ސަރުކާރުން މިއަދު ސޮއިކޮށްފިއެވެ. މި މަޝްރޫއުގެ ދަށުން އެ ސަރަހައްދުގައި ޓޫރިޒަމް ތަރައްގީކުރުން ވެސް ހިމެނޭއިރު، މިއީ ރާއްޖޭގެ އެންމެ އުތުރުގައި އިގްތިސާދީ ހަރަކާތްތައް ފުޅާކުރުމަށް ކުރިއަށްގެންދާ މުހިންމު މަސައްކަތެކެވެ.

މާދަމާރޭގެ ޖަލްސާއަށް ދާން ސަރުކާރު މުވައްޒަފުންނަށް އަންގައިފި

މާދަމާރޭ ބާއްވާ ޖަލްސާއަށް، ސަރުކާރުގެ ހުރިހާ މުވައްޒަފުން އެމީހުންގެ އަނބިން ނުވަތަ ފިރިންނާއެކު ބައިވެރިވުމަށް ރައީސުލްޖުމްހޫރިއްޔާ ވަނީ ދައުވަތު އަރުވާފައެވެ. މި ޖަލްސާއަށް ދާ މުވައްޒަފުންނާއި އެމީހުންގެ އަނބިފިރިންގެ މައުލޫމާތު މިއަދު މެންދުރުގެ ކުރިން ރައީސް އޮފީހަށް އެންގުމަށް ވުޒާރާތަކަށް ވަނީ އަންގާފައެވެ.

އަދާލަތުން ސަރުކާރަށް ތާއީދުކުރުމުން އަލީ ޒާހިރު ފާޑުވިދާޅުވެއްޖެ

އޭނާ ވިދާޅުވީ މިއީ ގިނަ ބައެއްގެ އުއްމީދުތަކާއި ބުރަ މަސައްކަތް ފޮހެވިގެންދާނެ ހިތާމަވެރި ނިންމުމެއް ކަމަށެވެ. އަދާލަތުން މި ނިންމުން ނިންމާފައިވަނީ 2028 ވަނަ އަހަރުގެ ރިޔާސީ އިންތިޚާބުގައި ރައީސް މުޢިއްޒަށް ތާއީދުކުރުމުގެ ގޮތުންނެވެ.

ބަޖެޓު ރާވާފައި ވަނީ މުވައްޒަފުން ނުނަގާ ހިންގޭ ގޮތަށް: ފިނޭންސް

މަޖިލީހަށް މައުލޫމާތު ދެމުން ފިނޭންސުން ބުނީ އަންނަ އަހަރުގެ ބަޖެޓު ރާވާފައި ވަނީ އާ މުވައްޒަފުން ނުނަގާ ދައުލަތް ހިންގޭ ގޮތަށް ކަމަށް. އަދި މުސާރަ ކަނޑައެޅުމުގައި ބަލަނީ ދައުލަތުގެ ފޯރުންތެރިކަން ހުރި މިންވަރަށް ކަމަށް.

ޕެންޝަން އޮފީހުގެ ސީއޯއޯގެ މަގާމުން ޝިއުނާ ވަކިކޮށްފި

ޕެންޝަން އޮފީހުގެ ސީއޯއޯގެ މަގާމުން މަރިޔަމް ޝިއުނާ ވަކިކޮށްފައިވަނީ، އެ އޮފީހުގެ ޗެއާޕާސަނާ ގުޅޭ މައްސަލަތަކެއް ކަމާބެހޭ އިދާރާތަކަށް ހުށަހެޅުމާއި ސަރުކާރުން ފައިސާ ޗާޕުކުރި މުއާމަލާތާ ދެކޮޅު ހެދުމުންނެވެ. މިދިޔަ ސެޕްޓެމްބަރު މަހުން ފެށިގެން ސަސްޕެންޝަނުގައި ހުރި ޝިއުނާ އެ މަގާމުން ވަކިކުރިއިރު، އޭނާއަކީ މީގެ ކުރިން އޭސީސީގެ ރައީސްކަންވެސް ކުރައްވާފައިވާ ބޭފުޅެކެވެ.

ރަސްމާލެ ވިއްކާލުމާ ދެކޮޅަށް އިހުތިޖާޖަށް ނުކުންނަން ގޮވާލައިފި

ބޭރުގެ ބަޔަކަށް 99 އަހަރަށް ރަސްމާލެ ވިއްކާލުމާ ދެކޮޅަށް އެމްޑީޕީން އެކަތިގަނޑެއްގެ ގޮތުގައި އިހުތިޖާޖަށް ނުކުތުމަށް މެންބަރު މީކާއިލް ގޮވާލައްވައިފިއެވެ. މި މަޝްރޫއާ މެދު ރައްޔިތުންގެ ފެންނަނުފެންނަ ވޯޓެއް ނެގުމަށް އެމްޑީޕީން ގަރާރެއް ހުށަހަޅާފައިވާއިރު، އެކަމުގައި ޕާޓީގެ ޒިންމާ ބޮޑުކަމަށް މީކާއިލް ފާހަގަކުރެއްވިއެވެ.

ޕީއެންސީއާއެކު އަދާލަތުން ކޯލިޝަން ހަދައިފި

މި އެއްބަސްވުމުގެ ދަށުން ސަރުކާރުގެ އިސް މަގާމުތައް އަދާލަތު ޕާޓީގެ މެންބަރުންނަށް ދިނުމަށް ވަނީ ހަމަޖެހިފައެވެ. އަދާލަތު ޕާޓީއަކީ މީގެ ކުރިން އެމްޑީޕީ އަދި ޕީޕީއެމްގެ ސަރުކާރުތަކުގައިވެސް ކޯލިޝަން ބައިވެރިއެކެވެ.

Newsletter

Get the latest news delivered straight to your inbox