92 އަހަރަށްފަހު މަޝްހޫރު "މާރީ" ބިސްކޯދު އުފެއްދުން ހުއްޓާލަނީ

މާރީ ބިސްކޯދު:

މާރީ ބިސްކޯދު:

މަޝްހޫރު މާރީ ބިސްކަޓްގެ އިތުރުން ތަފާތު ވައްތަރުގެ ބިސްކޯދު އުފެއްދުމުގައި ދުނިޔޭގެ މަގުބޫލުކަން ހޯދާފައިވާ މެލޭޝިއާގެ "ލީ ބިސްކަޓްސް" އިން 92 އަހަރަށްފަހު ބިސްކޯދު އުފެއްދުން މިއަހަރުގެ އޮކްޓޫބަރު މަހުގެ ނިޔަލަށް އެއްކޮށް ހުއްޓާލަން ނިންމައިފި އެވެ.

މެލޭޝިޔާގެ މީޑިއާތަކުން ރިޕޯޓްކޮށްފައިވާ ގޮތުގައި، 1934 ވަނަ އަހަރުން ފެށިގެން ހިންގަމުން އަންނަ އެ ކުންފުނިން ބިސްކޯދު އުފެއްދުން ހުއްޓާލަނީ މެލޭޝިއާގެ ޖޮހޯރްގެ ޕޮންޓިއަންގައި ހުންނަ އެ ކުންފުނީގެ މައި ފެކްޓްރީ ބަންދުކުރުމަށްފަހު އެވެ.

މި ނިންމުމަކީ ލީ ބިސްކުޓްސްގެ ބެލެނިވެރި ކުންފުނިން (ޕޭރަންޓް ގްރޫޕް) ވިޔަފާރި އަލުން ތަރުތީބުކުރުމުގެ ގޮތުން ނިންމި ނިންމުމެކެވެ. އެ ގްރޫޕުން މިހާރު އަމާޒު ހިފާފައިވަނީ ކާބޯތަކެތި އުފެއްދުމުގެ ވިޔަފާރިން ދުރުވެ، އެ ކުންފުނީގެ މައިގަނޑު އަސާސީ ވިޔަފާރިތައް ކަމަށްވާ ރަބަރާއި ކާށި ތެޔޮ އުފެއްދުމުގެ ދާއިރާއަށް ހަކަތަ ހުސްކުރުމަށެވެ.

މިއީ ފާއިތުވި ތިން އަހަރު ތެރޭގައި އެ ގްރޫޕުން ބަންދުކުރާ ދެވަނަ ކާބޯތަކެތި އުފައްދާ ފެކްޓްރީއެވެ. މީގެ ކުރިން 2023 ވަނަ އަހަރު ވަނީ އެ ގްރޫޕްގެ "ލީ ޕައިނެޕަލް" އަލަނާސި ދަޅު އުފައްދާ ފެކްޓްރީ ވެސް ބަންދުކޮށްފަ އެވެ.

މި ފެކްޓްރީ ބަންދުކުރުމާ ގުޅިގެން އެތަނުގައި މަސައްކަތްކުރާ ގާތްގަނޑަކަށް 300 އެއްހާ މުވައްޒަފުންގެ ވަޒީފާ ގެއްލޭނެ އެވެ.

ކުންފުނީގެ މެނޭޖްމަންޓުން ހާމަކުރި ގޮތުގައި، ފެކްޓްރީ ބަންދުކުރަން ނިންމުމަށްފަހު ފާއިތުވި ދެ ހަފްތާގައި ވަނީ ބޮޑު ސޭލްއެއް ބާއްވައި، ފެކްޓްރީގައި ހުރި ހުރިހާ ބިސްކުޓް ސްޓޮކެއް އެއްކޮށް ހުސްކޮށްލާފަ އެވެ.

ގިނަ ބައެއްގެ ކުޑައިރުގެ ހަނދާންތަކާ ގުޅިފައިވާ އަދި ސައިގަޑީގެ ފާހަގަކޮށްލެވޭ ބްރޭންޑެއް ކަމަށްވާ ލީ ބިސްކަޓްސްގެ އުފެއްދުންތައް މާކެޓުން މަދުވަމުންދާތީ، ގިނަ ބަޔަކު ދަނީ ސޯޝަލް މީޑިއާގައި ހިތާމަ ފާޅުރަމުންނެވެ.

އެ ކުންފުނިން ބުނީ މިހާރު ފެކްޓްރީގެ ސްޓޮކް ހުސްވެފައިވުމުން، ބިސްކޯދު ގަންނަން ބޭނުންވާ ފަރާތްތަކަށް ދެން މި ބިސްކޯދު ލިބެން ހުންނާނީ، ބާޒާރުގެ ފިހާރަތަކުގައި މިހާރު ބާކީ ހުރި ސްޓޮކްތަކުން އެކަނިކަމަށެވެ.

އެޑިޓަރުގެ ނޯޓު

އުފެއްދުން ހުއްޓާލަނީ މެލޭޝިޔާގެ ލީ ކުންފުނިން އުފައްދާ މާރީ ބްރޭންޑުގެ ބިސްކޯދެވެ. މިއީ ވެސް ރާއްޖެއަށް ގެންނަ ބިސްކޯދެކެވެ. އެކަމަކު ރާއްޖޭގައި އެންމެ މަޝްހޫރީ އަވައްޓެރި ސްރީ ލަންކާގައި އުފައްދާ މާރީ ބިސްކޯދެވެ. އެ ބިސްކޯދު ވިއްކުން ހުއްޓައެއް ނުލަ އެވެ. މި ލިޔުމުގައި ކުރި ހިމަނާފައިވާ ފޮޓޯއަކީ ކުށަކުން ހިމެނުނު، ލަންކާގައި އުފައްދާ މާރީ ބިސްކޯދުގެ ފޮޓޯއެކެވެ. އެކަމަށްޓަކައި ކިޔުންތެރިންގެ އަރިހުން މައާފަށް އެދެމެވެ. 

ކޮމެންޓް

ފަހުގެ ޚަބަރު

އިހަވަންދިއްޕޮޅުގައި ވިޔަފާރި ބަނދަރު ހަދަން ސޮއިކޮށްފި

އިހަވަންދިއްޕޮޅުގައި ބައިނަލްއަގުވާމީ ވިޔަފާރި ބަނދަރަކާއި މެރިޓައިމް އަދި ސިނާއީ މަސައްކަތްތަކަށް ބޭނުންވާ ވަސީލަތްތައް ގާއިމުކުރުމަށް ޔޫއޭއީގެ ސަހު ގްރޫޕާއެކު ސަރުކާރުން މިއަދު ސޮއިކޮށްފިއެވެ. މި މަޝްރޫއުގެ ދަށުން އެ ސަރަހައްދުގައި ޓޫރިޒަމް ތަރައްގީކުރުން ވެސް ހިމެނޭއިރު، މިއީ ރާއްޖޭގެ އެންމެ އުތުރުގައި އިގްތިސާދީ ހަރަކާތްތައް ފުޅާކުރުމަށް ކުރިއަށްގެންދާ މުހިންމު މަސައްކަތެކެވެ.

މާދަމާރޭގެ ޖަލްސާއަށް ދާން ސަރުކާރު މުވައްޒަފުންނަށް އަންގައިފި

މާދަމާރޭ ބާއްވާ ޖަލްސާއަށް، ސަރުކާރުގެ ހުރިހާ މުވައްޒަފުން އެމީހުންގެ އަނބިން ނުވަތަ ފިރިންނާއެކު ބައިވެރިވުމަށް ރައީސުލްޖުމްހޫރިއްޔާ ވަނީ ދައުވަތު އަރުވާފައެވެ. މި ޖަލްސާއަށް ދާ މުވައްޒަފުންނާއި އެމީހުންގެ އަނބިފިރިންގެ މައުލޫމާތު މިއަދު މެންދުރުގެ ކުރިން ރައީސް އޮފީހަށް އެންގުމަށް ވުޒާރާތަކަށް ވަނީ އަންގާފައެވެ.

އަދާލަތުން ސަރުކާރަށް ތާއީދުކުރުމުން އަލީ ޒާހިރު ފާޑުވިދާޅުވެއްޖެ

އޭނާ ވިދާޅުވީ މިއީ ގިނަ ބައެއްގެ އުއްމީދުތަކާއި ބުރަ މަސައްކަތް ފޮހެވިގެންދާނެ ހިތާމަވެރި ނިންމުމެއް ކަމަށެވެ. އަދާލަތުން މި ނިންމުން ނިންމާފައިވަނީ 2028 ވަނަ އަހަރުގެ ރިޔާސީ އިންތިޚާބުގައި ރައީސް މުޢިއްޒަށް ތާއީދުކުރުމުގެ ގޮތުންނެވެ.

ބަޖެޓު ރާވާފައި ވަނީ މުވައްޒަފުން ނުނަގާ ހިންގޭ ގޮތަށް: ފިނޭންސް

މަޖިލީހަށް މައުލޫމާތު ދެމުން ފިނޭންސުން ބުނީ އަންނަ އަހަރުގެ ބަޖެޓު ރާވާފައި ވަނީ އާ މުވައްޒަފުން ނުނަގާ ދައުލަތް ހިންގޭ ގޮތަށް ކަމަށް. އަދި މުސާރަ ކަނޑައެޅުމުގައި ބަލަނީ ދައުލަތުގެ ފޯރުންތެރިކަން ހުރި މިންވަރަށް ކަމަށް.

ޕެންޝަން އޮފީހުގެ ސީއޯއޯގެ މަގާމުން ޝިއުނާ ވަކިކޮށްފި

ޕެންޝަން އޮފީހުގެ ސީއޯއޯގެ މަގާމުން މަރިޔަމް ޝިއުނާ ވަކިކޮށްފައިވަނީ، އެ އޮފީހުގެ ޗެއާޕާސަނާ ގުޅޭ މައްސަލަތަކެއް ކަމާބެހޭ އިދާރާތަކަށް ހުށަހެޅުމާއި ސަރުކާރުން ފައިސާ ޗާޕުކުރި މުއާމަލާތާ ދެކޮޅު ހެދުމުންނެވެ. މިދިޔަ ސެޕްޓެމްބަރު މަހުން ފެށިގެން ސަސްޕެންޝަނުގައި ހުރި ޝިއުނާ އެ މަގާމުން ވަކިކުރިއިރު، އޭނާއަކީ މީގެ ކުރިން އޭސީސީގެ ރައީސްކަންވެސް ކުރައްވާފައިވާ ބޭފުޅެކެވެ.

ރަސްމާލެ ވިއްކާލުމާ ދެކޮޅަށް އިހުތިޖާޖަށް ނުކުންނަން ގޮވާލައިފި

ބޭރުގެ ބަޔަކަށް 99 އަހަރަށް ރަސްމާލެ ވިއްކާލުމާ ދެކޮޅަށް އެމްޑީޕީން އެކަތިގަނޑެއްގެ ގޮތުގައި އިހުތިޖާޖަށް ނުކުތުމަށް މެންބަރު މީކާއިލް ގޮވާލައްވައިފިއެވެ. މި މަޝްރޫއާ މެދު ރައްޔިތުންގެ ފެންނަނުފެންނަ ވޯޓެއް ނެގުމަށް އެމްޑީޕީން ގަރާރެއް ހުށަހަޅާފައިވާއިރު، އެކަމުގައި ޕާޓީގެ ޒިންމާ ބޮޑުކަމަށް މީކާއިލް ފާހަގަކުރެއްވިއެވެ.

ޕީއެންސީއާއެކު އަދާލަތުން ކޯލިޝަން ހަދައިފި

މި އެއްބަސްވުމުގެ ދަށުން ސަރުކާރުގެ އިސް މަގާމުތައް އަދާލަތު ޕާޓީގެ މެންބަރުންނަށް ދިނުމަށް ވަނީ ހަމަޖެހިފައެވެ. އަދާލަތު ޕާޓީއަކީ މީގެ ކުރިން އެމްޑީޕީ އަދި ޕީޕީއެމްގެ ސަރުކާރުތަކުގައިވެސް ކޯލިޝަން ބައިވެރިއެކެވެ.

Newsletter

Get the latest news delivered straight to your inbox