ކުރީގެ ޑެޕިއުޓީ މޭޔަރު މުހައްމަދު އަރީޝް އާއި އިތުރު ދެ މީހުން ދައުލަތުގެ ހިއްސާ އޮންނަ ކުންފުނިތަކެއްގެ ބޯޑަށް މިއަދު އައްޔަނުކޮށްފި އެވެ.
ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ) އިން ބުނީ މުހައްމަދު އަރީޝް އައްޔަނުކޮށްފައިވަނީ މޯލްޑިވްސް ޕޯސްޓް ލިމިޓެޑްގެ ޑިރެކްޓަރުންގެ ބޯޑަށް ކަމަށެވެ.
މީގެއިތުރުން ސްޓޭޓް ފާމަސޫޓިކަލް އެންޑް މެޑިކަލް ސަޕްލައި ކޯޕަރޭޝަންގެ ޑިރެކްޓަރުންގެ ބޯޑަށް އިސްމާއިލް ފަރުހާދު އަހްމަދު އައްޔަންކޮށްފައިވާއިރު، ސްޓޭޓް ޓްރޭޑިން އޯގަނައިޒޭޝަންގެ ޑިރެކްޓަރުންގެ ބޯޑަށް އަހްމަދު އިމްދާހް މުހައްމަދު ވަނީ އައްޔަނުކޮށްފަ އެވެ.
ނިމިދިޔަ ކައުންސިލް އިންތިހާބުގައި މާފަންނު ހުޅަނގު ދާއިރާއަށް އަރީޝް ވާދަކުރެއްވި އެވެ. ނަމަވެސް އޭނާ ވަނީ އެމްޑީޕީގެ ކެންޑިޑޭޓާ ވާދަކޮށް 365 ވޯޓުން ބަލިވެފަ އެވެ.
ކައުންސިލް އިންތިހާބުން އަރީޝް ކުރިމަތިލާން ޖެހުނު ނާކާމިޔާބީއާއެކު އޭނާ ވަނީ މިދިޔަ އޮގަސްޓް މަހު ފަހުން ރައީސް އޮފީހުގެ އަންޑަ ސެކެޓްރީގެ މަގާމަށް އައްޔަންކުރައްވާފަ އެވެ.
މާފަންނު ހުޅަނގު އުތުރު ދާއިރާގެ ކައުންސިލަރުކަމަށް 2021 ވަނަ އަހަރު އިންތިހާބު އަރީޝް އެންމެ ފަހުން ހުންނެވީ ޑެޕިއުޓީ މޭޔަރުގެ މަގާމުގަ އެވެ. އެ މަގާމަށް އޭނާ އައްޔަނުކުރީ މާޗު16، 2025، ގަ އެވެ.
އަރީޝް ސިޓީ ކައުންސިލަށް އިންތިހާބުވީ އެމްޑީޕީގެ ޓިކެޓުގަ އެވެ. އެހެން ނަމަވެސް، ޖެނުއަރީ 25، 2024، ގައި އޭނާ ވެރިކަން ކުރާ ޕީޕަލްސް ނެޝަނަލް ކޮންގްރެސް (ޕީއެންސީ) އަށް ސޮއިކުރެއްވި އެވެ.
