ހުޅުމާލޭގައި ދުއްވާފައި ދިޔަ ސަރުކާރުގެ ޓެކްސީއެއް ބަގީޗާ ހިނގުމުގައި ހުރި ހޮޅިދަނޑިއެއްގައި ޖެހި ކާރަށް ބޮޑެތި ގެއްލުންތަކެއް ލިބިއްޖެ އެވެ.
ފުލުހުން މައުލޫމާތު ދޭގޮތުގައި، މި އެކްސިޑެންޓުގެ ރިޕޯޓު އެ އިދާރާއަށް ލިބިފައި ވަނީ މިއަދު ފަތިހު 04:33 ހާއިރުއެވެ.
މި އެކްސިޑެންޓުގައި ކާރު ދުއްވަން އިން 28 އަހަރުގެ ދިވެހި ފިރިހެން މީހާއަށް ވަނީ އެކިވަރުގެ އަނިޔާ ލިބިފައެވެ. ނަމަވެސް އޭނާއަށް އެއްވެސް ސީރިއަސް އަނިޔާއެއް ލިބިފައިނުވާކަމަށް ފުލުހުން ބުނެއެވެ.
Advertisement
މި މައްސަލައާ ގުޅިގެން، ކާރު ދުއްވަން އިން ޑްރައިވަރުގެ ލައިސަންސް ފުލުހުން ވަނީ ހިފަހައްޓާފަ އެވެ.
މި ހާދިސާ ފުލުހުން އަންނަނީ އިތުރަށް ތަހުގީގު ކުރަމުންނެވެ.
