އަލައްބާރު ރާއްޖޭގައި، މިނިސްޓަރުންނާއި މެންބަރުންނާ ބައްދަލުކުރުން މާދަމާ ފޭދޫފިނޮޅުގައި

ރަސްމާލެ އެގްރިމެންޓުގައި ސޮއި ކުރެއްވުމަށްފަހު މިނިސްޓަރު މުއްތަލިބާއި އީގަލް ހިލްސްގެ މުހައްމަދު އަލައްބާރު ފޮޓޯއަކަށް ހުއްޓިގެން: ސަރުކާރުން ބުނަނީ މި ޕްރޮޖެކްޓަކީ އިގުތިސޯދީ އަދި އިޖުތިމާއީ މަންފާތަކުން ފުރިބަރާވެފައިވާ ޕްރޮޖެކްޓެއް ކަމަށް -- ފޮޓޯ: އީގަލް ހިލްސް

ރަސްމާލެ އެގްރިމެންޓުގައި ސޮއި ކުރެއްވުމަށްފަހު މިނިސްޓަރު މުއްތަލިބާއި އީގަލް ހިލްސްގެ މުހައްމަދު އަލައްބާރު ފޮޓޯއަކަށް ހުއްޓިގެން: ސަރުކާރުން ބުނަނީ މި ޕްރޮޖެކްޓަކީ އިގުތިސޯދީ އަދި އިޖުތިމާއީ މަންފާތަކުން ފުރިބަރާވެފައިވާ ޕްރޮޖެކްޓެއް ކަމަށް -- ފޮޓޯ: އީގަލް ހިލްސް

ރަސްމާލޭގައި ވޯޓާފްރަންޓް އެންޑް މެރީނާއެއް ހިމެނޭ ގޮތަށް ބޮޑު ޝަހަރެއް ތަރައްގީކުރަން އުޅޭ ޔޫއޭއީގެ އީގަލް ހިލްސް ކުންފުނީގެ ވެރިޔާ މުހައްމަދު އަލައްބާރު ރާއްޖެ އައިސްފި އެވެ.

އަލައްބާރުގެ ދަތުރާ ގުޅޭ ގޮތުން އިތުބާރު ހުރި މަސްދަރުތަކުން އަދަދު ނޫހަށް މައުލޫމާތު ދީފައިވާ ގޮތުގައި އޭނާގެ މި ދަތުރުގެ މައިގަނޑު ބޭނުމަކީ ސަރުކާރުގެ މިނިސްޓަރުންނާއި ރައްޔިތުންގެ މަޖިލީހުގައި ތިބި ޕީއެންސީގެ މެންބަރުންނަށް މި ޕްރޮޖެކްޓު ކިޔައިދިނުމެވެ.

އެ ގޮތުން އަލައްބާރު ވެސް ބައިވެރިވާ ގޮތަށް މާދަމާ ބްރީފިންތަކެއް ދިނުމަށް ވަނީ ހަމަޖެހިފަ އެވެ. މި ބައްދަލުވުންތައް އޮންނަނީ މާލެ ކައިރީ އޮންނަ ފޭދޫފިނޮޅުގައި ތަރައްގީކޮށްފައިވާ ޑުސިތު ޑީޓޫގައި އެވެ. 

ވަކިވަކިން ބާއްވާ ބްރީފިންތަކުގައި މަޖިލިސް މެންބަރުންނަށް މައުލޫމާތު ދިނުން އޮތީ މާދަމާ ހަވީރެވެ. އަދި، މިނިސްޓަރުންނަށް މައުލޫމާތު ދިނުން އޮތީ މާދަމާ ރޭގަނޑެވެ. 

މައުލޫމާތު ލިބިފައިވާ ގޮތުގައި މި ބައްދަލުވުންތަކާއި އެ ނޫން ހުރިހާ  ހަރަދުތައް ހަމަޖައްސަމުން ދަނީ އަލައްބާރުގެ ކުންފުނިންނެވެ. 

ސަރުކާރުން މި ޕްރޮޖެކްޓު ކުރިއަށް ގެންދަން އަވަސް ވެގަނެގެން އުޅޭއިރު، ގިނަ ބަޔަކު އަންނަނީ މި ޕްރޮޖެކްޓާ ދެކޮޅު ހަދަމުންނެވެ. ގިނަ ބަޔަކު ގަބޫލުކުރަނީ ސަރުކާރުން މި ތަން ދޫކޮށްލަން އެއްބަސްވެފައިވާ ގޮތުން އެ ބިންތައް ދިވެހިންގެ އަތުން ތާއަބަދަށް ބީވެގެން ދަނީ ކަމަށެވެ. 

ނަމަވެސް ސަރުކާރުން ބުނަނީ މިއީ އިގުތިސޯދީ ފައިދާ އާއި އިޖުތިމާއީ މަންފާ ބޮޑު، ރާއްޖެއަށް ކޮންމެހެން ބޭނުންޖެހިފައި އޮތް ޕްރޮޖެކްޓެއް ކަމަށެވެ. އަދި، މި ޕްރޮޖެކްޓު ކުރިއަށް ނުގެންގޮސް ރާއްޖެ ތަރައްގީވެފައިވާ ގައުމަކަށްވެ، ދެން އޮތް ހަރުފަތަކަށް ނުދެވޭނެ ކަމަށް އަންނަނީ ބުނަމުންނެވެ.

ސަރުކާރުގެ މެސުޖުތައް ތަކުރާރުކުރުމުން ރައްޔިތުންގެ މަޖިލީހުގައި ތިބި ޕީއެންސީގެ މެންބަރުން ވެސް އަންނަނީ މި ޕްރޮޖެކްޓު ކުރިއަށް ގެންދަން ޖެހޭ ކަމަށް ވަކާލާތުކުރަމުންނެވެ. އޭގެ ތެރެއިން ބައެއް މެންބަރުން ވަނީ މި ޕްރޮޖެކްޓަށް ނުރުހޭ އެންމެންނަކީ ގައްދާރުންނާ އެއްފަދަ ކޮށްފަ އެވެ. 

މިއަދާ ހަމައަށް ވެސް ތަފުސީލުތައް ކަށަވަރުވެފައި ނުވާ މި ޕްރޮޖެކްޓުގެ ބޭނުމަށް އީގަލް ހިލްސްއަށް ރަސްމާލޭން ދެނީ 500 ހެކްޓަރުގެ ބިމެވެ. އެ ކުންފުނިން ބުނަނީ މި ތަނުގައި ބިދޭސީން ދިރިއުޅެން އަމާޒުކޮށްގެން ޒަމާނީ ޝަހަރެއް ތަރައްގީކުރަން 12 ބިލިއަން ޑޮލަރު ހަރަދުކުރާނެ ކަމަށެވެ.

ސަރުކާރުން ބުނަނީ މި ތަނުގައި ތަރައްގީކުރާ ތަންތަން ވިއްކައިގެން ދައުލަތަށް ލިބެން ޖެހޭ 10 ޕަސެންޓުން ތިން ބިލިއަން ޑޮލަރު ލިބޭނެ ކަމަށެވެ. އަދި މި ތަން ތަރައްގީކުރާ މުއްދަތުގެ ތެރޭގައި ލިބޭ އެހެން އާމްދަނީތައް ހިމަނައިގެން 10 އަހަރު ދުވަހުގެ ތެރޭގައި 11 ބިލިއަން ޑޮލަރު ލިބޭނެ ކަމަށް ވެސް އަންނަނީ ބުނަމުންނެވެ. 

އޭގެ އިތުރުން މި ޕްރޮޖެކްޓުގެ ހުރިހާ ފިޔަވައްސެއް ނިމުމުން، މި ތަނުން އަހަރަކު އެއް ބިލިއަން ޑޮލަރު ދައުލަތަށް ވަންނާނެ ކަމަށް ވެސް ސަރުކާރުން ވަނީ ބުނެފަ އެވެ. 

ރަސްމާލޭގެ ބިންތައް އީގަލް ހިލްސް ކުންފުންޏަށް ދެނީ އެއްވެސް އަގެއް، އެއްވެސް ކުއްޔެއް ނުނަގާ ގޮތަށެވެ. މީގެ މުގާބިލުގައި އެ ކުންފުނިން ތަރައްގީކޮށްދެނީ 5000 ހައުސިން ޔުނިޓެވެ. މި ހައުސިން ޔުނިޓުތަކަށް އަގު ދައްކަން ޖެހެނީ ދިވެހި ސަރުކާރަށް ކޮމިޝަނުން ލިބޭނެ ކަަމަށް އަންދާޒާކުރާ ތިން ބިލިއަން ޑޮލަރުންނެވެ. 

ކޮމެންޓް

ފަހުގެ ޚަބަރު

ލޯ ޑިގްރީ އިމްތިހާނަށް މާލެ އަންނާކަށް ނުޖެހޭނެ: ބާ ކައުންސިލް

ލޯ ޑިގްރީގެ އިމްތިހާނުތައް ހެދުމަށް މާލެއަށް ނުވަތަ ވަކި ހާއްސަ ރަށަކަށް ހާޒިރުވުން ލާޒިމު ނޫން ކަމަށާއި، ދަރިވަރުން ދިރިއުޅޭ ރަށެއްގެ ސްކޫލް ނުވަތަ ކައުންސިލް މެދުވެރިކޮށް އިމްތިހާނު ހެދޭނެ މަގު ބާ ކައުންސިލުން ފަހިކޮށްދީފިއެވެ. އަންނަ އަހަރުން ފެށިގެން އަމަލުކުރާ މި އުސޫލުގެ ދަށުން އިމްތިހާނު ހަދާ ގޮތަށް ބަދަލު އައި ނަމަވެސް، ކޯހުގެ މަންހަޖާއި ކިޔަވައިދޭ މުއްދަތަށް އެއްވެސް ބަދަލެއް ނާންނާނެއެވެ.

ތަރައްގީގެ އެއްވެސް ކަމެއް ކުރުމަށް ލާރިއެއް ނެތް: ޝާކިރު

އަންނަ އަހަރުގެ ބަޖެޓުގައި ރިކަރަންޓް ހަރަދަށް ކެނޑުމަށްފަހު ތަރައްގީގެ މަޝްރޫއުތަކަށް ފައިސާ ނެތް ކަމަށް ވިދާޅުވެ މެންބަރު އަހުމަދު ޝާކިރު ކަންބޮޑުވުން ފާޅުކުރައްވައިފިއެވެ. އޭނާ ވިދާޅުވީ ދައުލަތުގެ އާމްދަނީގެ ބޮޑުބައެއް ހަރަދުވަނީ ރިކަރަންޓް ކަންކަމަށް ކަމަށާއި، މަޝްރޫއުތައް ހިންގަން ޖެހެނީ އިތުރަށް ދަރަނި ނަގައިގެން ކަމަށެވެ. މީގެ އިތުރުން ސަރުކާރު ކުންފުނިތަކުން ބޮޑެތި ގެއްލުންވަމުންދާ ދިއުމަށްވެސް އޭނާ ވަނީ ފާޑުވިދާޅުވެފައެވެ.

"ސިޓިޒަންސް ކޮމްޕްލެއިންޓްސް" ލައުންޖުތަކެއް ގާއިމުކޮށްފި

ރައްޔިތުންގެ ޝަކުވާތަކާއި ކަންބޮޑުވުންތައް ސަރުކާރަށް ހުށަހެޅުމަށްޓަކައި މާލެ އާއި ހުޅުމާލޭގައި "ސިޓިޒަންސް ކޮމްޕްލެއިންޓްސް" ބިއުރޯގެ ދެ ލައުންޖެއް މިއަދު ވަނީ ހުޅުވައިފައެވެ. ސަރުކާރު ބަންދު ނޫން ކޮންމެ ދުވަހަކު ޚިދުމަތް ދޭ މި އޮފީސްތަކަކީ ރައީސުލްޖުމްހޫރިއްޔާގެ އޮފީހުގެ ދަށުން ހިންގާ، ރައްޔިތުންގެ މައްސަލަތަކަށް ހައްލު ހޯދައިދިނުމަށް ގާއިމުކުރި ތަންތަނެވެ.

ރިއަލް އެސްޓޭޓު ބިލު މަޖިލީހަށް ބަލައިގަނެފި

މި ބިލު ބަލައިގަންނަން ވޯޓު ދިނީ 42 މެންބަރުން. ބިލާ ދެކޮޅަށް ވޯޓު ދެއްވީ އެމްޑީޕީގެ 13 މެންބަރުން. މި ބިލު ދިރާސާކުރާނީ ގައުމީ ތަރައްގީ އާއި ތަރިކައިގެ ކޮމިޓީން. މިއީ ގާނޫނުއަސާސީގެ ހިމާޔަތްތައް ނައްތާލައި، ތާއަބަދަށް ނުވަތަ ހުސްނުވާ ގޮތަށް ބޭރު މީހުންނަށް ބިން މިލްކުކުރެވޭނެ ގޮތް ހެދުމަށް އިންތިޒާމުތަކެއް ހިމަނާފައިވާ ބިލެއް

ބޮޑެތި ޖޫރިމަނާތަކެއް ހިމަނާފައިވާ އަބުރުގެ ބިލު ކޮމިޓީއަށް

ސޯޝަލް މީޑިއާގައި މީހެއްގެ އަބުރާ ބެހޭ ފަދަ ޕޯސްޓެއް ހިއްސާކޮށްފިނަމަ 5 ލައްކަ ރުފިޔާއާ ހަމައަށް ޖޫރިމަނާ ކުރެވޭ ގޮތަށް ހުށަހެޅި އަބުރުގެ ބިލު މަޖިލީހަށް ބަލައިގަނެ ކޮމިޓީއަށް ފޮނުވައިފިއެވެ. މި ބިލުގައި ބަހާއި، ފޮޓޯއާއި، އިޝާރާތް އަދި ފިލްމު ފަދަ ވަސީލަތްތައް މެދުވެރިކޮށް އަބުރާ ބެހުމުގެ ދައުވާ ކުރެވޭނެ ގޮތްތައް ބަޔާންކޮށްފައިވެއެވެ.

މަރުގެ އަދަބު ތަންފީޒު ކުރާ ބިލު ބަލައިގެންފި

ދަންޖައްސައިގެން މަރުގެ އަދަބު ތަންފީޒުކުރާ ގޮތަށް ސަރުކާރުން ހުށަހެޅި ބިލު ރައްޔިތުންގެ މަޖިލީހަށް މިއަދު ބަލައިގެންފިއެވެ. މި ބިލުގައި މަރުގެ އަދަބު ތަންފީޒުކުރާނެ ގޮތާއި، އެކަން ހިންގާނެ ޕެނަލެއް އެކުލަވާލުމުގެ އިތުރުން، ބަލިވެއިނުމާއި ދަރިފުޅަށް ދެ އަހަރު ފުރުން ފަދަ އަދަބު ތަންފީޒުނުކުރެވޭނެ ހާލަތްތައް ބަޔާންކޮށްފައިވެއެވެ.

ތިން ކުންފުންޏެއްގެ މަނީ އެކްސްޗޭންޖު ލައިސަންސް ބާތިލްކޮށްފި

މަނީ ޗޭންޖިން ގަވާއިދާ ތަކުރާރުކޮށް ހިލާފުވި ތިން ކުންފުންޏެއްގެ ލައިސަންސް އެމްއެމްއޭ އިން ބާތިލުކޮށް، އެ ކުންފުނިތައް ބޮޑެތި އަދަދުތަކުން ޖޫރިމަނާކޮށްފިއެވެ. މި ފިޔަވަޅަކީ ބޭރު ފައިސާގެ ބާޒާރު ކޮންޓްރޯލްކޮށް، ގަވާއިދާ ހިލާފު މުއާމަލާތްތައް ހުއްޓުވުމަށް އެމްއެމްއޭ އިން ކުރަމުންދާ މަސައްކަތުގެ ތެރެއިން އެޅި ފިޔަވަޅެކެވެ.

Newsletter

Get the latest news delivered straight to your inbox