ސިންގަޕޫރަށް ކުރެއްވި ނުރަސްމީ ދަތުރަށްފަހު ރައީސް މުހައްމަދު މުއިއްޒުގެ ދެކަނބަލުން ރޭ ރާއްޖެ ވަޑައިގެންފި އެވެ.
ރައީސްގެ ދެކަނބަލުން ސިންގަޕޫރަށް ކުރެއްވި ދަތުރުގެ ތަފްސީލް ރައީސް އޮފީހުން ހާމަކޮށްފައި ނުވާއިރު، އެ ދެ ކަނބަލުން ސިންގަޕޫރަށް ވަޑައިގެންނެވީ މިދިޔަ ހޯމަ ދުވަހު އެވެ.
މިއީ މުއިއްޒު ވެރިކަމަށް ވަޑައިގެންނެވި ފަހުން ސިންގަޕޫރަށް ކުރެއްވި އަށް ވަނަ ދަތުރެވެ. އެއީ ނުރަސްމީ ހަތް ދަތުރާއި ރަސްމީ އެއް ދަތުރެވެ.
Advertisement
އެމަނިކުފާނު ވެރިކަމާ ހަވާލުވެވަޑައިގެންނެވި ފަހުން ނުރަސްމީ ދަތުރުތަކުގައި އެންމެ ގިނައިން ވަޑައިގެންނެވީ ސިންގަޕޫރަށެވެ. އޭގެއިތުރުން ނުރަސްމީ ދަތުރުތަކުގައި އިނގިރޭސިވިލާތަށް ވެސް އެކި ފަހަރުމަތިން އެމަނިކުފާނު ވަޑައިގެންފައިވެ އެވެ.
