ދުންފަތުގެ އިސްތިއުމާލު ކުރުމަށް ހާއްސަ ކިއޮސްކުތަކެއް މާލޭގެ ބައެއް މަގުތަކުގައި ބަހައްޓަން ހެލްތު ޕްރޮޓެކްޝަން އޭޖެންސީން މާލެ ސިޓީ ކައުންސިލާއެކު މަޝްވަރާކޮށްފި އެވެ.
މާލެ ސިޓީ ކައުންސިލުގެ ރަސްމީ އެކްސް އެކައުންޓުން ކުރި ޕޯސްޓެއްގައި ބުނީ އެ މަސައްކަތަކީ ދުންފަތުގެ އިސްތިއުމާލު ކުރުމާ ދުރުހެލި މުޖުތަމައުއެއް އުފެއްދުމަށް ކުރާ މަސައްތަުގެ ތެރެއިން ކުރިއަށް ގެންދިޔަ މަޝްވަރާ ބައްދަލުވުމެއް ކަމަށެވެ.
"އެ ބޭފުޅުން އެދިވަޑައިގެންނެވީ މާލޭގެ މަގުތަކުގައި ދުންފަތުގެ އިސްތިއުމާލު ކުރާ މީހުންނަށް ހާއްސަ ކިއޮސްކު ބަހައްޓައިދޭން. އެ ބޭފުޅުން ވިދާޅުވީ 2005 އިން ފެށިގެން ކުރަން މަސައްކަތް ކުރި ކަމެކޭ، އެކަމަކު ނުކުރެވިއޭ އޮތީ މީގެ ކުރިން،" މައްޗަންގޯޅި އުތުރު ދާއިރާގެ ކައުންސިލަރު ވިދާޅުވި އެވެ.
އެހެން މީހަކު ބޭރުކުރާ ދުންފަތުގެ ދުމުން ތިމާގެ އަމިއްލަ ނަފުސު ދުރުކޮށް، ރައްކާތެރިވެ ތިބުމުގެ ހައްގަކީ ދުންފަތާ ބެހޭ ގާނޫނުން ހުރިހާ އެންމެންނަށް ވެސް ލިބިދީފައިވާ ހައްގެކެވެ. އެ ހައްގު ކަށަވަރު ކުރުމުގެ ގޮތުން، ބައެއް ސަރަހައްދުތަކާއި ތަންތަނުގައި ދުންފަތުގެ އިސްތިއުމާލު ކުރުން އޮންނަނީ އެ ގާނޫނުގެ ދަށުން މަނާކޮށްފަ އެވެ.
އެހެންނަމަވެސް، އެ ގާނޫނުގެ ދަށުން ހެދި ގަވާއިދާ އެއްގޮތަށް، އެކަށީގެންވާ ގޮތެއްގައި އެކަން ތަންފީޒު ކުރެވެމަކުން ނުދެ އެވެ.
