މާލޭ ސޯސަން މަގުގައި ސެޕްޓެންބަރު 21، ވަނަ ދުވަހުގެރޭ ދެ ސައިކަލު ޖެހި ހިނގި އެކްސިޑެންޓުގައި ޒަހަމުވި އަންހެން މީހާ ނިޔާވެއްޖެ އެވެ.
މޯލްޑިވްސް އިމިގްރޭޝަންގައި ވަޒީފާ އަދާކުރަމުންދިޔަ އުމުރުން 26، އަހަރުގެ އެ ޒުވާނާ ނިޔާވުމާ ގުޅިގެން އިމިގްރޭޝަނުން ވެސް ވަނީ ހިތާމަފާޅުކޮށް ސޯޝަލްމީޑިއާގައި ޕޯސްޓުކޮށްފަ އެވެ.
އެ ރޭގެ އެކްސިޑެންޓުގައި ނިޔާވި އަންހެން މީހާގެ އިތުރުން، ދެ ފިރިހެނަކަށް ވެސް އަނިޔާވި އެވެ. ފުލުހުން ވަނީ އޭގެ ތެރެއިން އެކަކު ހައްޔަރު ވެސް ކޮށްފަ އެވެ. އެ ދެ މީހުންނަށް ވެސް ހޮސްޕިޓަލުގައި ފަރުވާ ދިނެވެ.
ސޯސަން މަގުގައި ހިނގި އެކްސިޑެންޓާ ގުޅިގެން މީހަކު ހައްޔަރުކޮށްފި
ސޯސަން މަގުގައި ހިނގި އެކްސިޑެންޓާ ގުޅިގެން، ލައިސަންސް ނެތި ސައިކަލު ދުއްވި 21 އަހަރުގެ މީހަކު 15 ދުވަހަށް ވަނީ ބަންދުކޮށްފައި. ތިން މީހަކަށް އަނިޔާވި މި ހާދިސާގައި އަނިޔާވި އަންހެނެއްގެ ހާލު ސީރިއަސް ކަމަށް މައުލޫމާތު ލިބޭ.
އެ މައްސަލައިގައި ހައްޔަރުކޮށްފައި ވަނީ 21 އަހަރުގެ ޒުވާނެކެވެ. އޭނާގެ ބަންދާމެދު ގޮތެއް ނިންމުމަށް ކޯޓަށް ހާޒިރުކުރުމުން 15 ދުވަހު ބަންދުގައި ބެހެއްޓުމަށް ވަނީ އަމުރުކޮށްފަ އެވެ.
އެ ހާދިސާގެ ވީޑިއޯ ވެސް ސޯޝަލްމީޑިއާގައި ދައުރުވި އެވެ. އެ ހާދިސާ ހިނގި ސަރަހައްދުގައި ވަރަށް ބައިވަރު ލޭ ހުރި މަންޒަރު އެ ވީޑިއޯއިން ފެނެ އެވެ.
