އެމްއެސްޑީގެ ހިދުމަތްތަކަށް އޮންލައިންކޮށް އެޕޮއިންޓްމަންޓް ބުކްކުރެވޭ

މޯލްޑިވްސް ސެކިއުރިޓީސް ޑިޕޮސިޓަރީގެ ސީއީއޯ ނޫރުބާން ފަހުމީ

މޯލްޑިވްސް ސެކިއުރިޓީސް ޑިޕޮސިޓަރީގެ ސީއީއޯ ނޫރުބާން ފަހުމީ

މޯލްޑިވްސް ސެކިއުރިޓީސް ޑިޕޮސިޓަރީ (އެމްއެސްޑީ) އިން ހިދުމަތް ހޯދާ ފަރާތްތަކަށް ލުއިފަސޭހަކޮށްދިނުމުގެ ގޮތުން، އެމްއެސްޑީ އޮފީހަށް ވަޑައިގަތުމުގެ ކުރިން އޮންލައިންކޮށް އެޕޮއިންޓްމަންޓް ހެއްދޭނެ އައު އިންތިޒާމެއް ތައާރަފުކޮށްފި އެވެ.

އެމްއެސްޑީގެ ރަސްމީ ވެބްސައިޓް މެދުވެރިކޮށް "ބުކް އެޕޮއިންޓްމަންޓް" ހިޔާރުކޮށް، އެދޭ ހިދުމަތަކާއި ވަގުތެއް ކަނޑައަޅައިގެން ފަސޭހަކަމާއެކު ބުކިން ހެދޭނެ އެވެ. މި އިންތިޒާމުގެ ދަށުން އެކައުންޓް ހުޅުވުމާއި، ސެޓްފިކެޓް ޕްރޮސެސްކުރުމުގެ އިތުރުން ހިއްސާދާރުންނާ ގުޅުންހުރި އެކި ހިދުމަތްތަކަށް ވަގުތު ހަމަޖެއްސޭނެ އެވެ.

މި ހިދުމަތުގެ ސަބަބުން ކަސްޓަމަރުންނަށް އެ ބޭފުޅަކު ބޭނުންވާ ތާރީހަކާއި ވަގުތެއް އިހްތިޔާރުކުރުމުގެ ފުރުސަތު ފަހިވެގެންދާނެ އެވެ.

މި ބަދަލަށް އަހުލުވެރިވާން ދެވޭ ތިން މަސްދުވަހުގެ މުއްދަތުގައި، އެޕޮއިންޓްމަންޓް ނުހަދައި ދާ މީހުންނަށް ޖާގަ އޮތް މިންވަރަކުން ހިދުމަތް ދިނުމަށް ވަނީ ހަމަޖެހިފަ އެވެ. ނަމަވެސް، މި މުއްދަތު ހަމަވުމަށްފަހު އޮފީހުން ހިދުމަތް ލިބޭނީ ހަމައެކަނި ކުރިން އެޕޮއިންޓްމަންޓް ހަދައިގެންވަޑައިގަންނަވާ ފަރާތްތަކަށެވެ. އެހެންކަމުން، އޮންލައިން ބުކިން ހިދުމަތް ބޭނުންކުރެއްވުމަށް އެމްއެސްޑީން އެދެ އެވެ.

އެމްއެސްޑީގެ ސީއީއޯ ނޫރުބާން ފަހުމީ ވިދާޅުވީ މިއީ ކަސްޓަމަރުންނަށް ފޯރުކޮށްދޭ ހިދުމަތްތަކުގެ ފެންވަރު ރަނގަޅު ކުރުމަށް ކުރަމުންދާ މަސައްކަތްތަކުގެ ތެރެއިން އެޅުނު މުހިންމު ފިޔަވަޅެއް ކަމަށެވެ.

"އަޅުގަނޑުމެންގެ އަމާޒަކީ އެމްއެސްޑީގެ ހިދުމަތްތައް ހޯދުމުގައި ކަސްޓަމަރުންނަށް ލުއިފަސޭހަކަން ގެނެސްދީ، ވީހާވެސް އަވަހަށް ހިދުމަތް ލިބޭނެ މަގު ފަހިކުރުން. އިންވެސްޓަރުންނާއި ހިއްސާދާރުންނަށް އިތުބާރާއި ފަސޭހަކަމާއެކު މުޢާމަލާތްކުރެވޭނެހެން، އަޅުގަނޑުމެންގެ ޑިޖިޓަލް ހިދުމަތްތަކާއި ކަސްޓަމަރުންނަށް ސީދާ ފޯރުކޮށްދޭ ހިދުމަތްތައް އިތުރަށް ހަރުދަނާކުރަމުން ގެންދާނަން،" އޭނާ ވިދާޅުވި އެވެ.

އެމްއެސްޑީއަކީ ރާއްޖޭގެ ސެކިއުރިޓީސްގެ މިލްކުވެރިކަމުގެ ރަސްމީ ރެކޯޑުތައް ބަލަހައްޓައި، އިންވެސްޓަރުންނާއި ލިސްޓުކޮށްފައިވާ ކުންފުނިތަކަށް ބޭނުންވާ ސެކިއުރިޓީސް އެކައުންޓް، ހިއްސާގެ ދަފްތަރު އަދި މިލްކުވެރިކަން ބަދަލުކުރުމުގެ ހިދުމަތްތައް ފޯރުކޮށްދޭ މުއައްސަސާ އެވެ. މީގެ އިތުރުން މޯލްޑިވްސް ސްޓޮކް އެކްސްޗޭންޖް (އެމްއެސްއީ) މެދުވެރިކޮށް ހިންގާ މުޢާމަލާތްތައް ސެޓްލްކުރުމުގެ މަސައްކަތްވެސް ކުރަނީ އެ ކުންފުނިންނެވެ.

މި ހިދުމަތްތަކުގެ އިތުރުން، އީފާސް ބޭނުންކޮށްގެން ވަދެވޭ "އިންފިނިޓީ" ޕޯޓަލް މެދުވެރިކޮށް އިންވެސްޓްމަންޓްތައް ބަލައިލުމާއި އެކައުންޓް ސްޓޭޓްމަންޓް ހޯދުމުގެ ފުރުސަތު އިންވެސްޓަރުންނަށް އޮވެ އެވެ. އަދި ކުންފުނިތަކުގެ އަހަރީ އާންމު ޖަލްސާތަކުގައި ބައިވެރިވެ، އޮންލައިންކޮށް ވޯޓު ލުމަށް އެމްއެސްޑީގެ "ފަހިވޯޓު" ޕްލެޓްފޯމް ބޭނުންކުރެވެ އެވެ.

އެމްއެސްޑީގެ ކަސްޓަމާ ސާވިސް ކައުންޓަރުގެ ހިދުމަތް ލިބޭނީ ރަސްމީ ބަންދު ނޫން ކޮންމެ ދުވަހެއްގެ ހެނދުނު 9:00 އިން މެންދުރުފަހު 2:30 އަށް، ހ. ގަދަމޫ ބިލްޑިންގެ ތިން ވަނަ ފަންގިފިލާއިންނެވެ. އެޕޮއިންޓްމަންޓް ހެއްދެވުމަށް ވެބްސައިޓަށް ޒިޔާރަތްކުރެއްވުމަށް ނުވަތަ 3307878 އަށް ގުޅުއްވުމަށް، އަދި info@depository.mv އަށް އީމެއިލް ކުރުމަށް އެމްއެސްޑީން އެދެ އެވެ.

ފަހުގެ ޚަބަރު

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

ގޫގަލް ޕިކްސެލް އަށް އުރީދޫ 5ޖީ

ގޫގުލް ޕިކްސެލް ފޯނުތަކަށް ރާއްޖޭގައި 5ޖީގެ ޚިދުމަތް ފޯރުކޮށްދޭ ފުރަތަމަ ނެޓްވޯކަކަށް އުރީދޫ މޯލްޑިވްސް ވެއްޖެއެވެ. ނޮވެންބަރު މަހުގެ ސޮފްޓްވެއާ އަޕްޑޭޓާއެކު ޕިކްސެލްގެ އެކި މޮޑެލްތަކަށް 5ޖީ އާއި ވީއޯއެލްޓީއީގެ ޚިދުމަތް މިހާރު ލިބޭނެއެވެ.

ޓޫރިޒަމް ފަހަތަށް، މާލީ ދާއިރާ އާއި އިމާރާތް ކުރުން ކުރިއަށް

މާލީ ދާއިރާ އާއި އިމާރާތްކުރުމުގެ ދާއިރާއަށް އައި ބޮޑު ކުރިއެރުމާއެކު، ރާއްޖޭގެ އިގުތިސޯދު ވަނީ ހަތަރެއް ޕަސެންޓަށް ކުރިއަރާފަ. ޓޫރިޒަމްގެ އިތުރުން މަސްވެރިކަމުގެ ދާއިރާވެސް ވަނީ މި މުއްދަތުގައި ވަރަށް ބޮޑަށް ދަށަށް ގޮސްފަ.

ޑީއެމްއާރްއާރްގައި ޕްލާސްޓިކް ބޭނުން ނުކުރުމަށް ދިރާގު އިލްތިމާސް

މި މަހުގެ 20 ގައި ބާއްވާ "ދިރާގު މޯލްޑިވްސް ރޯޑް ރޭސް" ގައި އެއްފަހަރު ބޭނުންކޮށްފައި އުކާލާ ޕްލާސްޓިކް ބޭނުން ނުކުރުމަށް ދިރާގުން އިލްތިމާސްކޮށްފިއެވެ. ތިމާވެށި ހިމާޔަތްކުރުމުގެ މަގުސަދުގައި ކުރިއަށްގެންދާ މި ހަރަކާތުގައި ފެން ފޯރުކޮށްދޭނީ ކަރުދާސް ތަށީގައި ކަމަށާއި، ދުވުންތެރިން އަމިއްލަ ފުޅި ގެންގުޅުމަށް އެ ކުންފުނިން ބާރުއަޅައެވެ. މި އިސްނެގުމުގެ ސަބަބުން ކޮންމެ އަހަރަކު ގާތްގަނޑަކަށް 18،000 ޕްލާސްޓިކް ފުޅި މަދުކުރެވޭނެ ކަމަށް ދިރާގުން ލަފާކުރެއެވެ.

ކުޑަ ސަރަހައްދަކުން އުދުއްސާލެވޭ އާދަޔާ ހިލާފު ބޯޓެއް

އެމެރިކާގެ އިލެކްޓްރާ ކުންފުނިން ދަނީ ރަންވޭއެއް ނެތް ކުޑަ ސަރަހައްދުތަކުން އުދުއްސާލެވޭ ފަދަ ހައިބްރިޑް-އިލެކްޓްރިކް މަތިންދާބޯޓެއް އުފައްދަމުންނެވެ. މި ބޯޓުގެ ސަބަބުން ކައިރި މަންޒިލްތަކަށް ކުރާ ދަތުރުތަކުގެ ޚަރަދު ކުޑަވެ، އެއާޕޯޓުތަކަށް ބަރޯސާނުވެ ސީދާ އެއް ތަނުން އަނެއް ތަނަށް އަވަހަށް ދަތުރުކުރުމުގެ ފުރުސަތު ލިބިގެންދާނެއެވެ.

Newsletter

Get the latest news delivered straight to your inbox