59 މެޗަށް ފަހު ބަޔާންގެ ލަނޑު ޖެހުމުގެ ސިލްސިލާ އަށް ނިމުމެއް

Sep 6, 2026, 1:04 AM
ބަޔާންގެ ޑިއާޒް، އޭރިއާތެރެއިން ޝާލްކާގެ ކާރިއަސް ކައިރިން ގޯލެއް ޖެހޭތޯ މަސައްކަތްކުރަނީ.

ބަޔާންގެ ޑިއާޒް، އޭރިއާތެރެއިން ޝާލްކާގެ ކާރިއަސް ކައިރިން ގޯލެއް ޖެހޭތޯ މަސައްކަތްކުރަނީ.

ގެލްސެންކާޗެން، ޖަރުމަނު (ސެޕްޓެމްބަރު 6) - ޖަރުމަނު ލީގުގައި މިރޭ ޝާލްކާއާ 0-0 އިން އެއްވަރުވެ، 59 މެޗަށް ފަހު ބަޔާން މިއުނިކަށް ލަނޑެއް ނުޖެހި މެޗެއް ނިންމާލަން ޖެހިއްޖެ އެވެ. 

ބަޔާނުން އެންމެ ފަހުން ވާދަވެރިކޮށް ކުޅުނު 59 މެޗުގައި ވެސް ވަނީ ލަނޑު ޖަހައިފަ އެވެ. އެކަމަކު، މިރޭ ކުޅުނު މެޗުން، ޖަރުމަނު ލީގަށް އަލުން ޕްރޮމޯޓްވި ކުރީގެ ގަދަބާރު، ޝާލްކާއާ ވަނީ ލަނޑެއް ނުޖެހި އެއްވަރުވެފަ އެވެ. 

ބަޔާނުން އެންމެ ފަހުން ލަނޑެއް ނުޖެހި މެޗެއް ނިންމާލަން ޖެހުނީ މިދިޔަ އަހަރުގެ ފެބްރުއަރީ މަހުގަ އެވެ. 

ޝާލްކާގެ ވެލްޓިންސް އެރީނާގައި ކުޅުނު މި މެޗަށް ބަޔާނުން ނުކުތީ ގިނަ ބަދަލުތަކެއް ގެނެސްގެންނެވެ. އެ ގޮތުން، ލީގުގެ ފުރަތަމަ މެޗުގައި ސްޓުޓްގާޓް އަތުން 5-1 އިން މޮޅުވެ، ދެން ކުޅުނު މެޗުގައި ޖަރުމަނު ކަޕްގައި، ދެ ވަނަ ޑިވިޝަންގެ، އޮސްނަބްރުކް އަތުން 4-1 އިން މޮޅުވުމުން، ޝާލްކާ ކޮޅަށް ބަޔާނުން ނެރުނު ފުރަތަމަ އެގާރައިގައި ހެރީ ކޭން އާއި މައިކަލް އޮލީސޭ ނުހިމެނެ އެވެ. 

މި މެޗުގައި ބަޔާނަށް ލަނޑު ޖަހައިދޭން އެންމެ ރަނގަޅު ފުރުސަތުތަކެއް ލިބުނީ ލުއިސް ޑިއާޒް އަށެވެ. ފުރަތަމަ ހާފުގައި ލިބުނު ފުރުސަތާއި ދެ ވަނަ ހާފުގައި ލިބުނު ބޯޅައިގައި ވެސް ޑިއާޒަށް އެންމެ ރަނގަޅަށް ބޭނުންހިފޭ ގޮތެއްނުވި އެވެ. މި މެޗުގައި ބަޔާން ހުއްޓުވަން ޝާލްކާގެ ގޯލުގައި ހުރި ލިވަޕޫލްގެ ކުރީގެ ކީޕަރު، ލޮރިސް ކާރިއަސް ވަނީ ރަނގަޅު ކުޅުމެއް ދައްކައިފަ އެވެ. 

ޕްރީ ސީޒަން ދެ މެޗެއްގައި، ސިއްހީ ހާލަތު ގޯސްވެގެން ކުޅުމާ ދުރަށް ގޮސް، ނާރުގެ ބައްޔަކަށް ފަރުވާ ހޯދި ޖަރުމަނުގެ ތަރި، ޖަމާލް މުސިއާލާ ވަނީ މި މެޗުގައި ބަދަލަކަށް ކުޅެން އަރައިފަ އެވެ. އަދި، ދެ ވަނަ ހާފުގައި ކޭން އާއި އޮލީސޭ ކުޅެން ނެރެގެން ވެސް ބަޔާނަށް މި މެޗުގައި ލަނޑެއް ޖެހޭގޮތެއްނުވި އެވެ.

ބަޔާންގެ ކޭން ފޮނުވާލި ނުރައްކާތެރި ހަމަލާ އަކާއި ކޮންރަޑް ލައިމާގެ ޝޮޓެއް ވެސް ކީޕަރު ކާރިއަސް ވަނީ މަތަކޮށްފަ އެވެ. މި މެޗުގެ ކުރިން، ބަޔާނާ ދެކޮޅަށް އެންމެ ފަހުން ޝާލްކާ އިން ކުޅުނު 12 މެޗުން ވެސް ވަނީ ބަލިވެފަ އެެވެ. ޝާލްކާ އަށް 2011 ވަނަ އަހަރުގެ ފަހުން ބަޔާން ބަލިކުރެވިފައިނުވާއިރު، ޕޮއިންޓެއް ވެސް މި ހޯދުނީ ނުވަ އަހަރު ތެރޭ ފުރަތަމަ ފަހަރަށެވެ.

މި މެޗުން ބަޔާނަށް ތިން ޕޮއިންޓް ނުލިބުމާ އެކު، ޖަރުމަނު ބުންޑަސްލީގާގެ 67 މެޗުޑޭ (ގާތްގަނޑަކަށް ދެ އަހަރުތެރޭ) ފުރަތަމަ ފަހަރަށް ބަޔާނުން ލީގުގެ އެއް ވަނަ ނޫން މަގާމެއްގައި ހަފްތާ ނިންމާލަން ޖެހޭނެ އެވެ. 

ޖަރުމަނު ލީގުގައި މި ފަހަރު ތިން ޓީމަކުން ވަނީ މިހާތަނަށް ފުރަތަމަ ދެ މެޗުން މޮޅުވެފަ އެވެ. އެއީ، ފްރެއިބާގާއި ބޮރޫޝިއާ ޑޯޓްމަންޑްގެ އިތުރުން، މި ފަހަރު މުޅިން އަލަށް ޖަރުމަނު ލީގަށް ޕްރޮމޯޓްވި އެލްވާސްބާގް އެވެ. 

ކޮމެންޓް

ފަހުގެ ޚަބަރު

މާޒިޔާ އާއި ނިއު ރޭޑިއަންޓް ވަރުގަދަ ފެށުމާ އެކު ކުރިއަށް

އެފްއޭއެމް ވިމެންސް ލީގުގައި ކުޅުނު ފުރަތަމަ ދެ މެޗުން މޮޅުވެ، މާޒިޔާ އާއި ނިއު ރޭޑިއަންޓުން މުބާރާތުގެ ވަރުގަދަ ފެށުމެއް ދަމަހައްޓައިފިއެވެ. މިހާތަނަށް ކުޅުނު މެޗުތަކުން ދެ ޓީމަށްވެސް ހަ ޕޮއިންޓް ލިބިފައިވާއިރު، ލަނޑުގެ ތަފާތުން ތާވަލުގެ އެއްވަނައިގައި އޮތީ ނިއު ރޭޑިއަންޓެވެ. މި މުބާރާތުގެ ފޯރިގަދަ މެޗެއްގައި އަންނަ އާދިއްތަ ދުވަހު ނިއު އާއި މާޒިޔާ ބައްދަލުކުރާނެއެވެ.

ސިޓީއާ ޔުނައިޓެޑުން އަރާހަމަކުރާނެ ކަމަށް ޕޮޗެޓީނޯ ބުނެފި

މެންޗެސްޓާ ޔުނައިޓެޑްގެ ކޯޗުކަމާ ހަވާލުވެ، މައުރީސިއޯ ޕޮޗެޓީނޯ ބުނީ އެ ސަރަހައްދުގެ އެންމެ ކާމިޔާބު ޓީމަކަށް އަލުން ޔުނައިޓެޑް ހަދައި، ސިޓީގެ ކުރި ހޯދާނެ ކަމަށް. ލީގުގެ 18 ވަނައިގައި އޮތް ޔުނައިޓެޑްގެ ހާލަތު ބަދަލުކުރަން ވަގުތު ބޭނުންވާނެ ކަމަށާއި، ނަމަވެސް ފުރަތަމަ ދުވަހުން ފެށިގެން އެ މަސައްކަތް ކުރާނެ ކަމަށް އޭނާ ވަނީ ބުނެފައި.

އެމްއައިބީން ގައުމީ ބިލިއާޑު ޗެމްޕިއަންކަން ހޯދައިފި

ޤައުމީ ބިލިއާޑް މުބާރާތުގެ ފައިނަލުގައި ދިވެހި ސިފައިންގެ ކްލަބް 3-2 އިން ބަލިކޮށް، މޯލްޑިވްސް އިސްލާމިކް ބޭންކް (މިބްސާ) އިން މުބާރާތުގެ ޗެމްޕިއަންކަން ހޯދައިފި. ޖުމްލަ 10 ޓީމު ވާދަކުރި މި މުބާރާތުގެ ޗެމްޕިއަން ޓީމަށް 30,000 ރުފިޔާގެ ފައިސާގެ އިނާމެއް ވަނީ ދީފައި.

ލުކާކޫ، 16 އަހަރަށް ފަހު ބެލްޖިއަމް ޓީމުން ރިޓަޔާކޮށްފި

ބެލްޖިއަމްގެ ގައުމީ ޓީމަށް 16 އަހަރު ކުޅެދިނުމަށްފަހު، އެ ގައުމަށް އެންމެ ގިނަ ލަނޑު ޖަހައިދިން ރޮމެލޫ ލުކާކޫ ބައިނަލްއަގުވާމީ ފުޓްބޯޅައިން ރިޓަޔާކޮށްފި. ޖުމްލަ 135 މެޗުން 94 ލަނޑު ކާމިޔާބުކޮށްފައިވާ ލުކާކޫ އަކީ ބައިނަލްއަގުވާމީ ފުޓްބޯޅައިގައި ފަސްވަނައަށް އެންމެ ގިނަ ލަނޑު ޖެހި ކުޅުންތެރިޔާގެ އިތުރުން ޔޫރޯ ކޮލިފައިންގެ ރެކޯޑް އޮތް ކުޅުންތެރިޔާ

ލިބުނީ މަދު ވަގުތުކޮޅެއް، ޝަކުވާނުކޮށް ހޯދައިދިނީ ސާފްގެ ތަށި!

މި އަހަރުގެ ސާފް ޗެމްޕިއަންޝިޕް ކާމިޔާބުކުރި އިންޑިއާ ޓީމަށް ތައްޔާރުވާން މަދު ވަގުތުކޮޅެއް ލިބުނުއިރު، މުބާރާތުގެ ތެރެއިން މުހިންމު ކުޅުންތެރިންތަކެއް ޓީމުން ވަކިވުމުން ގިނަ ގޮންޖެހުންތަކަކާ ކުރިމަތިލާން ޖެހުނު. ނަމަވެސް ކޯޗު ނައުޝާދުގެ އިރުޝާދުގެ ދަށުން، ޒުވާން ކުޅުންތެރިންނަށް އިތުބާރުކޮށްގެން އިންޑިއާ އިން ވަނީ ޝަކުވާއެއް ނެތި ތަށި ހޯދާފައި

ސާފް ޗެމްޕިއަންޝިޕްގެ ފެއާ ޕްލޭ އެވޯޑް ރާއްޖެ އަށް

ބަންގްލަދޭޝްގައި ނިމުނު ސާފް ޗެމްޕިއަންޝިޕްގައި ރާއްޖެ ކުޅުނު ދެ މެޗުން ބަލިވެ، މުބާރާތުން ކެޓި ނަމަވެސް، މުޅި މުބާރާތުގެ ފެއާޕްލޭ އެވޯޑް ރާއްޖެއަށް ވަނީ ލިބިފައި. މިއީ ލަނޑެއް އަދި ޕޮއިންޓެއް ނުލިބި ރާއްޖެ މި މުބާރާތުން ކެޓި ފުރަތަމަ ފަހަރު ކަމަށްވާއިރު، މިއީ ސާފް ޗެމްޕިއަންޝިޕްގެ ތާރީޚުގައި ރާއްޖެއަށް ލިބުނު އެންމެ ދަށް ނަތީޖާއ

ރިވައިވަލް ބެޑްމިންޓަން ޗެލެންޖް ތަށި ހައިޝަމް އާއި ނަބާ އަށް

އެމްއައިބީ ރިވައިވަލް ބެޑްމިންޓަން ޗެލެންޖުގެ ފިރިހެން ސިންގަލްސް ތަށި ހައިޝަމް އިބްރާހިމް އަލީ ހޯދިއިރު، އަންހެން ސިންގަލްސް ތަށި ކާމިޔާބުކުރީ ފާތިމަތު ނަބާހާ އެވެ. މި މުބާރާތުގެ ފިރިހެން ޑަބަލްސް ޒަޔާން އާއި ނިބާލް ކާމިޔާބުކުރިއިރު، އަންހެން ޑަބަލްސް ތަށި ހޯދީ ނަބާ އާއި ނަބީހާގެ ޕެއާ އިންނެވެ.

Newsletter

Get the latest news delivered straight to your inbox