ކުރީގެ ރައީސް އަބްދުالله ޔާމީން ލީޑުކުރައްވާ ޕީޕަލްސް ނޭޝަނަލް ފްރޮންޓް (ޕީއެންއެފް) ގެ ފަރާތުން "ފެހި ސިގްނަލް" ގެ ނަމުގައި ހާއްސަ ޖަލްސާއެއް ބޭއްވުމަށް ތައްޔާރުވެއްޖެ އެވެ.
ސެޕްޓެމްބަރު 10، ގެ ރޭގަނޑު 08:30 ގައި މި ޖަލްސާ އޮންނާނީ އާޓިފިޝަލް ބީޗުގަ އެވެ. ޕީއެންއެފް އިން މިފަދަ ޖަލްސާއަކަށް ތައްޔާރުވަމުން މި އަންނަނީ ވެރިކަން ކުރާ ޕީޕަލްސް ނެޝަނަލް ކޮންގްރެސް (ޕީއެންސީ) އާ ދެމެދު ވަރުގަދަ ބަހުގެ ހަމަލާތަކެއް ބަދަލުކުރަމުން އަންނަ ދަނޑިވަޅެއްގަ އެވެ.
މީގެ ކުރިން ވެސް ޕީއެންއެފްއިން ވަނީ މާލޭގައި ދެ ޖަލްސާއެއް ބާއްވާފަ އެވެ. އެއީ "ވޭކް އަޕް" ގެ ނަމުގައި ބޭއްވި ޖަލްސާއަކާއި "ރީސެޓް" ގެ ނަމުގައި ކައުންސިލް އިންތިހާބު ކެމްޕޭން ތެރޭ ބޭއްވި ޖަލްސާއެކެވެ.
"ފެހި ސިގްނަލް" ގެ ނަމުން މި ޖަލްސާއަށް ނަން ދީފައިވަނީ ރައީސް މުހައްމަދު މުއިއްޒުއަށް އަމާޒުކޮށް ކަމަށް ބެލެވެ އެވެ. އެއީ އެމަނިކުފާނު ވެރިކަމަށް ވަޑައިގަތުމުގެ ކުރިން ވިދާޅުވި ވާހަކައެކެވެ.
އިގުތިސޯދު ހަމައަކަށް އެޅުވުމަށް ބޭނުންވާ ފައިސާ ރާއްްޖޭން ބޭރުން ލިބޭނެ ކަމުގެ "ފެހި ސިގްނަލް" ލިބިފައިވާ ކަމަށް މުއިއްޒު އޭރު ވިދާޅުވި އެވެ.
