ޑޯޓްމަންޑް ބަލިކޮށް ބަޔާނުން ޖަރުމަނު ސުޕަ ކަޕް ކާމިޔާބުކޮށްފި

Aug 23, 2026, 9:03 AM
ބަޔާން ކުޅުންތެރިން ޖަރުމަނު ސުޕަ ކަޕް ތަށްޓާ އެކު އުފާފާޅުކުރަނީ.

ބަޔާން ކުޅުންތެރިން ޖަރުމަނު ސުޕަ ކަޕް ތަށްޓާ އެކު އުފާފާޅުކުރަނީ.

ޑޯޓްމަންޑް (އޮގަސްޓް 23) - ބޮރޫޝިއާ ޑޯޓްމަންޑް 2-1 އިން ބަލިކޮށް ބަޔާން މިއުނިކުން ޖަރުމަނު ސުޕަ ކަޕްގެ ޗެމްޕިއަންކަން ހޯދައިފި އެވެ. 

މިދިޔަ ސީޒަނުގައި ބަޔާނުން ޖަރުމަނު ބުންޑަސްލީގާ އާއި ޖަރުމަނު ކަޕް ޗެމްޕިއަންކަން ހޯދުމުން، ސުޕަ ކަޕްގެ އަނެއް ޖާގަ ލިބުނީ، ލީގުގެ ދެ ވަނަ ހޯދި ޑޯޓްމަންޑް އަށެވެ. މިއީ، ބަޔާނުން ޖަރުމަނު ސުޕަ ކަޕް ކާމިޔާބުކުރި 12 ވަނަ ފަހަރެވެ. އެ ޓީމުން ވަނީ މިދިޔަ އަހަރު ވެސް ސުޕަ ކަޕްގެ ތަށި އުފުލާލައިފަ އެވެ. 

ބޮރޫޝިއާ ޑޯޓްމަންޑްގެ ދަނޑު، ސިގްނަލް އިޑޫނާ ޕާކުގައި ރޭ ކުޅުނު މެޗުގައި ބަޔާނުން ވަނީ 28 ވަނަ މިނިޓްގައި ލީޑުނަގައިފަ އެވެ. މިއީ، މައިކަލް އޮލީސޭ ތަނަވަސްކޮށްދިން ފުރުސަތެއްގައި، ނެތަނިއަލް ބްރައުން ޖެހި ލަނޑެކެވެ. ފުރަތަމަ ހާފުގެ އިތުރު ވަގުތުގެ ތެރޭގައި ބަޔާނުން ވަނީ ދެ ވަނަ ލަނޑު ޖަހައި، ހަމަޖެހިލައިފަ އެވެ. އެ ގޮތުން، އެ ޓީމަށް މި ލަނޑު ޖަހައިދިނީ މިދިޔަ ސީޒަނުގައި ތަފާތު ފޯމެއްގައި ކުޅެލި ފްރާންސްގެ އޮލީސޭ އެވެ. އޮލީސޭ ވަނީ މިދިޔަ ސީޒަނުގެ ހުރިހާ މުބާރާތެއްގައި 25 ލަނޑު ޖަހައިފަ އެވެ. 

ރޭގެ މެޗުގެ ފުރަތަމަ ހާފުގައި ޑޯޓްމަންޑުން ލަނޑެއް ޖެހި އެވެ. އެކަމަކު، އެ ޓީމުގެ ޑިފެންޑަރު، ރަމީ ބެންސެބައިނީ ޖެހި ގޯލު ބަލައިނުގަންނަން ނިންމީ ވީޑިއޯ އެސިސްޓަންޓް ރެފްރީ (ވީއޭއާރް) އިން ބަލައިފަ އެވެ. މެޗުގައި ޑޯޓްމަންޑުން ޖެހި ހަމައެކަނި ލަނޑު ކާމިޔާބުކުރީ، މެޗުގެ ފުރިހަމަ ވަގުތު ހަމަވާން 15 މިނިޓަަށް ވެފައި ވަނިކޮށެވެ. މި ލަނޑު ޖެހީ، ޕޯޗުގީސް ފޯވާޑް، ފަބިއޯ ސިލްވާ އެވެ. ކުރިން، ވުލްވްސް އަށް ކުޅުނު ފަބިއޯ ސިލްވާ އަށް ލިބުނު ބޯޅަ ހަމަޖެހިލައިފައި ގޯލަށް ވައްދާލި އެވެ. 

ޑޯޓްމަންޑުން ރޭގެ މެޗު ނިންމާލީ ކުޅުންތެރިއަކު މަދުކޮށެވެ. އެއީ، އިތުރު ވަަގުތުގެ ތެރޭގައި، އެ ޓީމުގެ ޑިފެންޑަރު، ބެންސެބައިނީ އަށް ސީދާ ރަތް ކާޑެއް ދެއްކުުމުންނެވެ. އޭނާ އަށް ރަތެއް ދެއްކީ  ބަޔާނަށް ކުޅޭ މޮރޮކޯގެ ފޯވާޑް، އިސްމާއިލް ސައިބާރީ އަށް ކުރި ފައުލަކަށެވެ. މޮރޮކޯ ގައުމީ ޓީމަށް މި ފަހަރުގެ ފީފާ ވޯލްޑް ކަޕްގައި މޮޅު ކުޅުމެއް ދެއްކި، ސައިބާރީ އަކީ މި ފަހަރުގެ ޓްރާންސްފާގައި ޕީއެސްވީ އައިންދޯވަން ދޫކޮށް ބަޔާނަށް ބަދަލުވި ކުޅުންތެރިއެކެވެ. 

ބަޔާނުން ރޭގެ މެޗުގައި ޖަރުމަނުގެ ތަރި ޖަމާލް މުސިއާލާ ބޭނުމެއް ނުކުރެ އެވެ. ޕްރީ ސީޒަންގައި ފަސް ދުވަސް ތެރޭ ދެ މެޗެއްގައި، ސިއްހީ ހާލަތެއް ދިމާވި މުސިއާލާ އަންނަނީ ނާރުގެ ބައްޔަކަށް ފަރުވާ ހޯދަމުންނެވެ. 

ކޮމެންޓް

ފަހުގެ ޚަބަރު

މާޒިޔާ އާއި ނިއު ރޭޑިއަންޓް ވަރުގަދަ ފެށުމާ އެކު ކުރިއަށް

އެފްއޭއެމް ވިމެންސް ލީގުގައި ކުޅުނު ފުރަތަމަ ދެ މެޗުން މޮޅުވެ، މާޒިޔާ އާއި ނިއު ރޭޑިއަންޓުން މުބާރާތުގެ ވަރުގަދަ ފެށުމެއް ދަމަހައްޓައިފިއެވެ. މިހާތަނަށް ކުޅުނު މެޗުތަކުން ދެ ޓީމަށްވެސް ހަ ޕޮއިންޓް ލިބިފައިވާއިރު، ލަނޑުގެ ތަފާތުން ތާވަލުގެ އެއްވަނައިގައި އޮތީ ނިއު ރޭޑިއަންޓެވެ. މި މުބާރާތުގެ ފޯރިގަދަ މެޗެއްގައި އަންނަ އާދިއްތަ ދުވަހު ނިއު އާއި މާޒިޔާ ބައްދަލުކުރާނެއެވެ.

ސިޓީއާ ޔުނައިޓެޑުން އަރާހަމަކުރާނެ ކަމަށް ޕޮޗެޓީނޯ ބުނެފި

މެންޗެސްޓާ ޔުނައިޓެޑްގެ ކޯޗުކަމާ ހަވާލުވެ، މައުރީސިއޯ ޕޮޗެޓީނޯ ބުނީ އެ ސަރަހައްދުގެ އެންމެ ކާމިޔާބު ޓީމަކަށް އަލުން ޔުނައިޓެޑް ހަދައި، ސިޓީގެ ކުރި ހޯދާނެ ކަމަށް. ލީގުގެ 18 ވަނައިގައި އޮތް ޔުނައިޓެޑްގެ ހާލަތު ބަދަލުކުރަން ވަގުތު ބޭނުންވާނެ ކަމަށާއި، ނަމަވެސް ފުރަތަމަ ދުވަހުން ފެށިގެން އެ މަސައްކަތް ކުރާނެ ކަމަށް އޭނާ ވަނީ ބުނެފައި.

އެމްއައިބީން ގައުމީ ބިލިއާޑު ޗެމްޕިއަންކަން ހޯދައިފި

ޤައުމީ ބިލިއާޑް މުބާރާތުގެ ފައިނަލުގައި ދިވެހި ސިފައިންގެ ކްލަބް 3-2 އިން ބަލިކޮށް، މޯލްޑިވްސް އިސްލާމިކް ބޭންކް (މިބްސާ) އިން މުބާރާތުގެ ޗެމްޕިއަންކަން ހޯދައިފި. ޖުމްލަ 10 ޓީމު ވާދަކުރި މި މުބާރާތުގެ ޗެމްޕިއަން ޓީމަށް 30,000 ރުފިޔާގެ ފައިސާގެ އިނާމެއް ވަނީ ދީފައި.

ލުކާކޫ، 16 އަހަރަށް ފަހު ބެލްޖިއަމް ޓީމުން ރިޓަޔާކޮށްފި

ބެލްޖިއަމްގެ ގައުމީ ޓީމަށް 16 އަހަރު ކުޅެދިނުމަށްފަހު، އެ ގައުމަށް އެންމެ ގިނަ ލަނޑު ޖަހައިދިން ރޮމެލޫ ލުކާކޫ ބައިނަލްއަގުވާމީ ފުޓްބޯޅައިން ރިޓަޔާކޮށްފި. ޖުމްލަ 135 މެޗުން 94 ލަނޑު ކާމިޔާބުކޮށްފައިވާ ލުކާކޫ އަކީ ބައިނަލްއަގުވާމީ ފުޓްބޯޅައިގައި ފަސްވަނައަށް އެންމެ ގިނަ ލަނޑު ޖެހި ކުޅުންތެރިޔާގެ އިތުރުން ޔޫރޯ ކޮލިފައިންގެ ރެކޯޑް އޮތް ކުޅުންތެރިޔާ

ލިބުނީ މަދު ވަގުތުކޮޅެއް، ޝަކުވާނުކޮށް ހޯދައިދިނީ ސާފްގެ ތަށި!

މި އަހަރުގެ ސާފް ޗެމްޕިއަންޝިޕް ކާމިޔާބުކުރި އިންޑިއާ ޓީމަށް ތައްޔާރުވާން މަދު ވަގުތުކޮޅެއް ލިބުނުއިރު، މުބާރާތުގެ ތެރެއިން މުހިންމު ކުޅުންތެރިންތަކެއް ޓީމުން ވަކިވުމުން ގިނަ ގޮންޖެހުންތަކަކާ ކުރިމަތިލާން ޖެހުނު. ނަމަވެސް ކޯޗު ނައުޝާދުގެ އިރުޝާދުގެ ދަށުން، ޒުވާން ކުޅުންތެރިންނަށް އިތުބާރުކޮށްގެން އިންޑިއާ އިން ވަނީ ޝަކުވާއެއް ނެތި ތަށި ހޯދާފައި

ސާފް ޗެމްޕިއަންޝިޕްގެ ފެއާ ޕްލޭ އެވޯޑް ރާއްޖެ އަށް

ބަންގްލަދޭޝްގައި ނިމުނު ސާފް ޗެމްޕިއަންޝިޕްގައި ރާއްޖެ ކުޅުނު ދެ މެޗުން ބަލިވެ، މުބާރާތުން ކެޓި ނަމަވެސް، މުޅި މުބާރާތުގެ ފެއާޕްލޭ އެވޯޑް ރާއްޖެއަށް ވަނީ ލިބިފައި. މިއީ ލަނޑެއް އަދި ޕޮއިންޓެއް ނުލިބި ރާއްޖެ މި މުބާރާތުން ކެޓި ފުރަތަމަ ފަހަރު ކަމަށްވާއިރު، މިއީ ސާފް ޗެމްޕިއަންޝިޕްގެ ތާރީޚުގައި ރާއްޖެއަށް ލިބުނު އެންމެ ދަށް ނަތީޖާއ

ރިވައިވަލް ބެޑްމިންޓަން ޗެލެންޖް ތަށި ހައިޝަމް އާއި ނަބާ އަށް

އެމްއައިބީ ރިވައިވަލް ބެޑްމިންޓަން ޗެލެންޖުގެ ފިރިހެން ސިންގަލްސް ތަށި ހައިޝަމް އިބްރާހިމް އަލީ ހޯދިއިރު، އަންހެން ސިންގަލްސް ތަށި ކާމިޔާބުކުރީ ފާތިމަތު ނަބާހާ އެވެ. މި މުބާރާތުގެ ފިރިހެން ޑަބަލްސް ޒަޔާން އާއި ނިބާލް ކާމިޔާބުކުރިއިރު، އަންހެން ޑަބަލްސް ތަށި ހޯދީ ނަބާ އާއި ނަބީހާގެ ޕެއާ އިންނެވެ.

Newsletter

Get the latest news delivered straight to your inbox