ސިއްހީ ހާލަތެއް ދިމާވެ ދަނޑުމައްޗަށް ވެއްޓުނު މުސިއާލާގެ ހާލު ރަނގަޅުވަމުން އަންނަ ކަމަށް ބަޔާނުން ބުނެފި

Aug 17, 2026, 12:46 PM
ރޭގެ މެޗުގައި މުސިއާލާ އަށް ސިއްހީ ހާލަތެއް ކުރިމަތިވި ވަގުތު ސައިބާރީ އެހީތެރިކަން ފޯރުކޮށްދެނީ.

ރޭގެ މެޗުގައި މުސިއާލާ އަށް ސިއްހީ ހާލަތެއް ކުރިމަތިވި ވަގުތު ސައިބާރީ އެހީތެރިކަން ފޯރުކޮށްދެނީ.

މިއުނިކް (އޮގަސްޓް 17) - ސިއްހީ ކުއްލި ހާލަތެއް ދިމާވެގެން ދަނޑުމައްޗަށް ވެއްޓުނު ބަޔާން މިއުނިކްގެ މިޑްފީލްޑަރު، ޖަމާލް މުސިއާލާގެ ހާލު ރަނގަޅު ވަމުން އަންނަ ކަމަށް ބަޔާން މިއުނިކުން ބުނެފި އެވެ. 

ބަޔާނުން ރޭ 3-1 އިން އާރްބީ ލައިޕްޒިގު އަތުން މޮޅުވި މެޗުގައި، އުމުރުން 23 އަހަރުގެ މުސިއާލާ ކުޅެން އެރީ 15 މިނިޓަށެވެ. އޭނާ ވަނީ މެޗުގައި ބަޔާނަށް ގޯލެއް ވެސް ކާމިޔާބުކޮށްދީފަ އެވެ. ގޯލު ޖެހިތާ މާ ލަސްތަކެއް ނުވެ، މުސިއާލާގެ ބޮލަށް އެނބުރުން އައި، ދަނޑު މައްޗަށް ވެއްޓެން ދިޔަ ގަނޑީގައި އޭނާ ހިފެހެއްޓީ، މި ފަހަރުގެ ސީޒަނުގައި ބަޔާނަށް ބަދަލުވި މޮރޮކޯގެ ފޯވާޑް، އިސްމާއިލް ސައިބާރީ އެވެ. ދަނޑުމަތީގައި ބާއްވައިގެން މުސިއާލާ އަށް ކުއްލި ފަރުވާ ދިންއިރު، ފަހުން، އޭނާ ދަނޑުން ފޭބީ މެޑިކަލް އޮފިޝަލުންގެ އެހީގައި އަމިއްލަ އަށް ހިނގައިފައި ގޮހެވެ. 

ބަޔާންގެ ސްޕޯޓިން ޑިރެކްޓަރު، މެކްސް އާބެލް ބުނީ، އެންމެ މުހިންމު ކަމަކީ މި ވަަގުތު އޭނާގެ ހާލު ރަނގަޅުވަމުން އައުން ކަމަށެވެ. ދެން، ހުރި ކަންކަމުގެ ވާހަކަ މި ވަގުތު ދެއްކުމަށް ވުރެން ކަންކަން ރަނގަޅަށް ދެނެގަތުން މުހިންމު ކަމަށް ދެކޭ ކަމަށް އާބެލް ވަނީ ބުނެފަ އެވެ. 

ޖަރުމަނު ނޫހެއް ކަމަށްވާ ބިލްޑް އިން ރިޕޯޓްކުރާ ގޮތުގައި މުސިއާލާ އަށް ދިމާވީ ހީޓް ސްޓްރޯކަކާ ގުޅުން ހުރި މައްސަލަ އެކެވެ. އެއީ، އިއްޔެ މެޗު ކުޅުނުއިރު، 33 ޑިގްރީ ސެލްސިއަސްގައި ހޫނުމިން ހުރިއިރު، މުސިއާލާ އަށް މެޗުގެ އެ ވަގުތުގައި ކުރިއަށް ދިއުމުގައި އުނދަގޫތަކެއް ދިމާވީ ކަމަށް އެ ރިޕޯޓްގައިވެ އެވެ. 

ބަޔާނުން ވަނީ، މުސިއާލާ އަށް ދިމާވި މައްސަލައިގެ ފުލް މެޑިކަލް ރިޕޯޓެއް ތައްޔާރުކުރަން ނިންމައިފަ އެވެ.

އިނގިރޭސި ޔޫތު ގައުމީ ޓީމުތަކަށް ކުރިން ކުޅުނު މުސިއާލާ، ޖަރުމަނަށް ބަދަލުވެ، ބަޔާނުގައި މޮޅު ކުޅުމެއް ދައްކަމުން އަންނައިރު، ފާއިތުވި ދެ އަހަރަކީ އަނިޔާގެ ސަަބަބުން އޭނާ އަށް ގިނަ ކަންތައްތަކެއް ދިމާވި މުއްދަތެކެވެ.

އެ ގޮތުން، މިދިޔަ އަހަރުގެ ފީފާ ކްލަބް ވޯލްޑް ކަޕްގެ ތެރެއިން މުސިއާލާގެ ފައިގެ ކުޑަ ހުޅަށް ސީރިއަސް އަނިޔާއެއް ދިމާވެގެން، އޮޕަރޭޝަނެއް ކުރުމަށް ފަހު، ރިކަވާވެގެން ކުޅުމަށް އެނބުރި އައީ މި އަހަރުގެ ޖެނުއަރީ މަހު އެވެ.  އެކަމަކު، ފަހުން ވެސް ފަޔަށް އަނިޔާގެ އިތުރު މައްސަލަ ދިމާވެގެން ކުޅުމާ ދުރުގައި މަޑުކުރަން ޖެހުނެވެ. އަލުން ފިޓްނަސް ރަނގަޅުކޮށް، މި ފަހަރުގެ ފީފާ ވޯލްޑް ކަޕްގައި ވާދަކުރި ޖަރުމަނު ޓީމުގައި ހިމެނި މެޗުތަކުގައި ވެސް ކުޅުނެވެ. 

ކޮމެންޓް

ފަހުގެ ޚަބަރު

މާޒިޔާ އާއި ނިއު ރޭޑިއަންޓް ވަރުގަދަ ފެށުމާ އެކު ކުރިއަށް

އެފްއޭއެމް ވިމެންސް ލީގުގައި ކުޅުނު ފުރަތަމަ ދެ މެޗުން މޮޅުވެ، މާޒިޔާ އާއި ނިއު ރޭޑިއަންޓުން މުބާރާތުގެ ވަރުގަދަ ފެށުމެއް ދަމަހައްޓައިފިއެވެ. މިހާތަނަށް ކުޅުނު މެޗުތަކުން ދެ ޓީމަށްވެސް ހަ ޕޮއިންޓް ލިބިފައިވާއިރު، ލަނޑުގެ ތަފާތުން ތާވަލުގެ އެއްވަނައިގައި އޮތީ ނިއު ރޭޑިއަންޓެވެ. މި މުބާރާތުގެ ފޯރިގަދަ މެޗެއްގައި އަންނަ އާދިއްތަ ދުވަހު ނިއު އާއި މާޒިޔާ ބައްދަލުކުރާނެއެވެ.

ސިޓީއާ ޔުނައިޓެޑުން އަރާހަމަކުރާނެ ކަމަށް ޕޮޗެޓީނޯ ބުނެފި

މެންޗެސްޓާ ޔުނައިޓެޑްގެ ކޯޗުކަމާ ހަވާލުވެ، މައުރީސިއޯ ޕޮޗެޓީނޯ ބުނީ އެ ސަރަހައްދުގެ އެންމެ ކާމިޔާބު ޓީމަކަށް އަލުން ޔުނައިޓެޑް ހަދައި، ސިޓީގެ ކުރި ހޯދާނެ ކަމަށް. ލީގުގެ 18 ވަނައިގައި އޮތް ޔުނައިޓެޑްގެ ހާލަތު ބަދަލުކުރަން ވަގުތު ބޭނުންވާނެ ކަމަށާއި، ނަމަވެސް ފުރަތަމަ ދުވަހުން ފެށިގެން އެ މަސައްކަތް ކުރާނެ ކަމަށް އޭނާ ވަނީ ބުނެފައި.

އެމްއައިބީން ގައުމީ ބިލިއާޑު ޗެމްޕިއަންކަން ހޯދައިފި

ޤައުމީ ބިލިއާޑް މުބާރާތުގެ ފައިނަލުގައި ދިވެހި ސިފައިންގެ ކްލަބް 3-2 އިން ބަލިކޮށް، މޯލްޑިވްސް އިސްލާމިކް ބޭންކް (މިބްސާ) އިން މުބާރާތުގެ ޗެމްޕިއަންކަން ހޯދައިފި. ޖުމްލަ 10 ޓީމު ވާދަކުރި މި މުބާރާތުގެ ޗެމްޕިއަން ޓީމަށް 30,000 ރުފިޔާގެ ފައިސާގެ އިނާމެއް ވަނީ ދީފައި.

ލުކާކޫ، 16 އަހަރަށް ފަހު ބެލްޖިއަމް ޓީމުން ރިޓަޔާކޮށްފި

ބެލްޖިއަމްގެ ގައުމީ ޓީމަށް 16 އަހަރު ކުޅެދިނުމަށްފަހު، އެ ގައުމަށް އެންމެ ގިނަ ލަނޑު ޖަހައިދިން ރޮމެލޫ ލުކާކޫ ބައިނަލްއަގުވާމީ ފުޓްބޯޅައިން ރިޓަޔާކޮށްފި. ޖުމްލަ 135 މެޗުން 94 ލަނޑު ކާމިޔާބުކޮށްފައިވާ ލުކާކޫ އަކީ ބައިނަލްއަގުވާމީ ފުޓްބޯޅައިގައި ފަސްވަނައަށް އެންމެ ގިނަ ލަނޑު ޖެހި ކުޅުންތެރިޔާގެ އިތުރުން ޔޫރޯ ކޮލިފައިންގެ ރެކޯޑް އޮތް ކުޅުންތެރިޔާ

ލިބުނީ މަދު ވަގުތުކޮޅެއް، ޝަކުވާނުކޮށް ހޯދައިދިނީ ސާފްގެ ތަށި!

މި އަހަރުގެ ސާފް ޗެމްޕިއަންޝިޕް ކާމިޔާބުކުރި އިންޑިއާ ޓީމަށް ތައްޔާރުވާން މަދު ވަގުތުކޮޅެއް ލިބުނުއިރު، މުބާރާތުގެ ތެރެއިން މުހިންމު ކުޅުންތެރިންތަކެއް ޓީމުން ވަކިވުމުން ގިނަ ގޮންޖެހުންތަކަކާ ކުރިމަތިލާން ޖެހުނު. ނަމަވެސް ކޯޗު ނައުޝާދުގެ އިރުޝާދުގެ ދަށުން، ޒުވާން ކުޅުންތެރިންނަށް އިތުބާރުކޮށްގެން އިންޑިއާ އިން ވަނީ ޝަކުވާއެއް ނެތި ތަށި ހޯދާފައި

ސާފް ޗެމްޕިއަންޝިޕްގެ ފެއާ ޕްލޭ އެވޯޑް ރާއްޖެ އަށް

ބަންގްލަދޭޝްގައި ނިމުނު ސާފް ޗެމްޕިއަންޝިޕްގައި ރާއްޖެ ކުޅުނު ދެ މެޗުން ބަލިވެ، މުބާރާތުން ކެޓި ނަމަވެސް، މުޅި މުބާރާތުގެ ފެއާޕްލޭ އެވޯޑް ރާއްޖެއަށް ވަނީ ލިބިފައި. މިއީ ލަނޑެއް އަދި ޕޮއިންޓެއް ނުލިބި ރާއްޖެ މި މުބާރާތުން ކެޓި ފުރަތަމަ ފަހަރު ކަމަށްވާއިރު، މިއީ ސާފް ޗެމްޕިއަންޝިޕްގެ ތާރީޚުގައި ރާއްޖެއަށް ލިބުނު އެންމެ ދަށް ނަތީޖާއ

ރިވައިވަލް ބެޑްމިންޓަން ޗެލެންޖް ތަށި ހައިޝަމް އާއި ނަބާ އަށް

އެމްއައިބީ ރިވައިވަލް ބެޑްމިންޓަން ޗެލެންޖުގެ ފިރިހެން ސިންގަލްސް ތަށި ހައިޝަމް އިބްރާހިމް އަލީ ހޯދިއިރު، އަންހެން ސިންގަލްސް ތަށި ކާމިޔާބުކުރީ ފާތިމަތު ނަބާހާ އެވެ. މި މުބާރާތުގެ ފިރިހެން ޑަބަލްސް ޒަޔާން އާއި ނިބާލް ކާމިޔާބުކުރިއިރު، އަންހެން ޑަބަލްސް ތަށި ހޯދީ ނަބާ އާއި ނަބީހާގެ ޕެއާ އިންނެވެ.

Newsletter

Get the latest news delivered straight to your inbox