އެލްޖީއޭގެ ހުއްދަ ނެތި ވަޒީފާއަށް މީހުން ނެގުން ކައުންސިލްތަކުން މަނާކުރީ އެސްއޯއީތަކުން ވަކިކުރާ މުވައްޒަފުން ނަގާތީ: ނިމާލް

އެލްޖީއޭގެ ސީއީއޯ ނިމާލް: ތިން މަސް ދުވަހުގެ މުސާރައާއެކު އެސްއޯއީތަކުން ވަކިކުރާ މުވައްޒަފުން ކައުންސިލްތަކަށް ނަގަމުންދާކަމުގެ ޝަކުވާ ލިބުނު ކަމަށް އޭނާ ވިދާޅުވި

އެލްޖީއޭގެ ސީއީއޯ ނިމާލް: ތިން މަސް ދުވަހުގެ މުސާރައާއެކު އެސްއޯއީތަކުން ވަކިކުރާ މުވައްޒަފުން ކައުންސިލްތަކަށް ނަގަމުންދާކަމުގެ ޝަކުވާ ލިބުނު ކަމަށް އޭނާ ވިދާޅުވި

ލޯކަލް ގަވަމެންޓު އޮތޯރިޓީ (އެލްޖީއޭ) ގެ ހުއްދަ ހޯދުމަކާ ނުލައި ރަށްރަށުގެ ކައުންސިލްތަކުން ވަޒީފާތަކަށް އިއުލާންކުރުން މަނާކުރީ ސަރުކާރު ހިއްސާވާ ކުންފުނި (އެސްއޯއީ) ތަކުން ވަކިކުރާ މުވައްޒަފުން ކައުންސިލްތަކަށް ނަގަމުންދާ ޝަކުވާ ލިބެމުންދާތީ ކަމަށް އެލްޖީއޭގެ ސީއީއޯ މުހައްމަދު ނިމާލް މިއަދު ވިދާޅުވެއްޖެ އެވެ. 

ޓީވީއެމް އިން ގެނެސްދޭ އަހާށޭ ބުނާނަން ޕްރޮގްރާމުގައި ނިމާލް ވިދާޅުވީ ތިން މަސް ދުވަހުގެ މުސާރައާއެކު އެސްއޯއީތަކުން ވަކިކުރާ މުވައްޒަފުން އެއްވެސް އިއުލާން ކުރެމެއް ނެތި ކައުންސިލްތަކަށް ނަގަމުންދާތީ އެކަމާ ގުޅިގެން ގިނަ ބައެއްގެ ޝަކުވާ ލިބުނު ކަމަށެވެ. 

"މިއީ އެބޭފުޅުން ކުށްވެރިކުރާކަށް ކުރި ކަމެއް ނޫން. މުވައްޒަފުން ނުނެގޭނެއޭ. ހަނދުމަފުޅު ހުންނާނެ މިހާރު ރައިޓްސައިޒަށް ކުންފުނިތަކުގެ މުވައްޒަފުން ވަކިކުރަމުން އެބަ ގެންދޭ އެ އިންނަ އެބޭފުޅުންގެ ޕޮލިސީއާ އެއްގޮތަށް. އެ ވަކިކުރައްވާ މުވައްޒަފުން ތިން މަސް ދުވަހުގެ މުސާރަ ޕެކޭޖަކާ އެކީގައި ނަންގަވާފައި ޖެހިގެން އަންނަ ދުވަހު ކައުންސިލް އިދާރާގެ ވަޒީފާއަށް އެބަ ނުކުމޭ،" ނިމާލް ވިދާޅުވި އެވެ. 

"މިކަން އެބަ އާދޭ އާންމު ރައްޔިތުންގެ ފަރާތުން، ރަށްރަށުގެ އާންމު ރައްޔިތުންގެ ފަރާތުން ޝަކުވާ. ނިމާލްއޭ ފެނަކައިގެ އިއްޔެގައި ވަކިކުރި މުވައްޒަފު މިއަދު ކައުންސިލް އިދާރާގެ ވަޒީފާއަށް ނުކުމެއްޖެއޭ ތިން މަސް ދުވަހުގެ މުސާރަ ނަގައިގެން. އޭނައަށް ކޮބައިތޯއޭ ވާހަކައަކީ ލިބުނު ގެއްލުމެއްވެސް ނެތެއް ނުންހެއްޔޭ. އިއުލާން ކުރުމެއް ނެތި އެބަ ނަގައޭ."

ނިމާލް ވިދާޅުވީ ކައުންސިލްތަކަށް މުވައްޒަފުން ނެގުން ހަނި ނުވާނެ ކަމަށާއި އޮންނަ އުސޫލުގެ ތެރެއިން މުވައްޒަފުން ނަގާނަމަ އެ ފުރުސަތު ކައުންސިލްތަކަށް އޮންނާނެ ކަމަށެވެ. އެކަމަކު ހުއްދަ ހޯދަން އެދުނީ ގިނަ އަދަދެއްގެ ޝަކުވާ ލިބުމުން ކަމަށް އޭނާ ވިދާޅުވި އެވެ. 

ނިމާލް ސޮއިކުރުމަށްފަހު ކައުންސިލްތަކުގެ ރައީސުންނަށް ފޮނުވާފައިވާ ސިޓީގައި ބުނެފައިވާ ގޮތުގައި ކައުންސިލްތަކަށް މުވައްޒަފުން ނެގުމަށް ހުއްދަ ހޯދަން އެދުނީ ސަރުކާރުގެ ހަރަދުކުޑަކުރުމުގެ ސިޔާސަތުގެ ދަށުން އަޅާ ފިޔަވަޅެކެވެ. ލިޔުމުން ހުއްދަ ނުލިބޭނަމަ އެއްވެސް މުވައްޒަފަކު ކައުންސިލެއްގެ ވަޒީފާއިން ނެގުން އެލްޖީއޭއިން ވަނީ މަނާކޮށްފަ އެވެ.  

އޭގެ ތެރޭގައި ދައުލަތުގެ ބަޖެޓާއި ކައުންސިލުގެ ބަޖެޓުން ހަރަދުކޮށްގެން އަލަށް އުފައްދާ ނުވަތަ ހުސްވާ ދާއިމީ މަގާމުތައް ހިމެނެ އެވެ. ދުވަހު މުސާރައަށް މަސައްކަތްކުރާ މުވައްޒަފުންނާއި ކޮންޓްރެކްޓް މުވައްޒަފުން ވެސް ހިމެނެ އެވެ. 

އެލްޖީއޭއިން މިފަދަ އުސޫލެއް ހަދާފައިވާއިރު ރަށްތަކާއި ސިޓީ ކައުންސިލުތަކުގެ އިހުތިސޯސުގެ ތެރޭގައި ހިމެނޭ ބިންތައް ސަރުކާރަށް ބޭނުން އިރެއްގައި ނެގޭ ގޮތަށް ލާމަރުކަޒީ ގާނޫނަށް ގެނައި ބަދަލު ވަނީ ތަސްދީގުކޮށްފަ އެވެ. 

ގާނޫނު ބަދަލުކޮށްފައި ވަނީ ސަރުކާރުގެ މަޝްރޫއުތައް ހިންގުމަށް ޓަކައި ކައުންސިލެއްގެ އިހުތަސާސްގެ ތެރޭގައި ހިމެނޭ ބިމެއް ނުވަތަ ތަނެއް ވަކިކުރުމަށް ވަޒީރުންގެ މަޖިލީހުން ނިންމުމަށް ފަހު، ކައުންސިލުގެ މިލްކިއްޔާތުން އެ ތަނެއް ވަކިވާނެ ކަމަށެވެ. އަދި، އެ ތަނަކީ ދައުލަތުގެ ފުރިހަމަ ބާރު ހިނގާ ބިމާއި ތަންތަނަށް ވެގެން ދާނެ އެވެ. 

ހަމަ އެހެންމެ، ރަށްރަށުގެ ފިޒިކަލް ޑިވެލޮޕްމަންޓު ޕްލޭން ފާސްކުރުމުގެ ކުރިން ވެސް ސަރުކާރުން ތަރައްގީގެ މަޝްރޫއުއެއް ހިންގަން ބިމެއް ހޯދަން އެދޭ ހާލަތްތަކުގައި އެ ބިން ސަރުކާރާ ހަވާލުކުރަން ޖެހެ އެވެ. 

ލާމަރުކަޒީ ގާނޫނަށް ދެން ގެންނަ ބަދަލުތައް ހުށަހަޅާފައި ވަނީ ކައުންސިލު މެންބަރުންގެ ސުލޫކީ މިންގަނޑަށެވެ. މި މިންގަނޑަށް އިތުރުކުރާ ކަންކަމުގައި ވަނީ، ސަރުކާރަށް ފުރިހަމައަށް އެއްބާރުލުން ދޭން ކައުންސިލަރުންނަށް މަޖުބޫރުކުރާ ގޮތަށެވެ. 

ފަހުގެ ޚަބަރު

ލޯ ޑިގްރީ އިމްތިހާނަށް މާލެ އަންނާކަށް ނުޖެހޭނެ: ބާ ކައުންސިލް

ލޯ ޑިގްރީގެ އިމްތިހާނުތައް ހެދުމަށް މާލެއަށް ނުވަތަ ވަކި ހާއްސަ ރަށަކަށް ހާޒިރުވުން ލާޒިމު ނޫން ކަމަށާއި، ދަރިވަރުން ދިރިއުޅޭ ރަށެއްގެ ސްކޫލް ނުވަތަ ކައުންސިލް މެދުވެރިކޮށް އިމްތިހާނު ހެދޭނެ މަގު ބާ ކައުންސިލުން ފަހިކޮށްދީފިއެވެ. އަންނަ އަހަރުން ފެށިގެން އަމަލުކުރާ މި އުސޫލުގެ ދަށުން އިމްތިހާނު ހަދާ ގޮތަށް ބަދަލު އައި ނަމަވެސް، ކޯހުގެ މަންހަޖާއި ކިޔަވައިދޭ މުއްދަތަށް އެއްވެސް ބަދަލެއް ނާންނާނެއެވެ.

ތަރައްގީގެ އެއްވެސް ކަމެއް ކުރުމަށް ލާރިއެއް ނެތް: ޝާކިރު

އަންނަ އަހަރުގެ ބަޖެޓުގައި ރިކަރަންޓް ހަރަދަށް ކެނޑުމަށްފަހު ތަރައްގީގެ މަޝްރޫއުތަކަށް ފައިސާ ނެތް ކަމަށް ވިދާޅުވެ މެންބަރު އަހުމަދު ޝާކިރު ކަންބޮޑުވުން ފާޅުކުރައްވައިފިއެވެ. އޭނާ ވިދާޅުވީ ދައުލަތުގެ އާމްދަނީގެ ބޮޑުބައެއް ހަރަދުވަނީ ރިކަރަންޓް ކަންކަމަށް ކަމަށާއި، މަޝްރޫއުތައް ހިންގަން ޖެހެނީ އިތުރަށް ދަރަނި ނަގައިގެން ކަމަށެވެ. މީގެ އިތުރުން ސަރުކާރު ކުންފުނިތަކުން ބޮޑެތި ގެއްލުންވަމުންދާ ދިއުމަށްވެސް އޭނާ ވަނީ ފާޑުވިދާޅުވެފައެވެ.

"ސިޓިޒަންސް ކޮމްޕްލެއިންޓްސް" ލައުންޖުތަކެއް ގާއިމުކޮށްފި

ރައްޔިތުންގެ ޝަކުވާތަކާއި ކަންބޮޑުވުންތައް ސަރުކާރަށް ހުށަހެޅުމަށްޓަކައި މާލެ އާއި ހުޅުމާލޭގައި "ސިޓިޒަންސް ކޮމްޕްލެއިންޓްސް" ބިއުރޯގެ ދެ ލައުންޖެއް މިއަދު ވަނީ ހުޅުވައިފައެވެ. ސަރުކާރު ބަންދު ނޫން ކޮންމެ ދުވަހަކު ޚިދުމަތް ދޭ މި އޮފީސްތަކަކީ ރައީސުލްޖުމްހޫރިއްޔާގެ އޮފީހުގެ ދަށުން ހިންގާ، ރައްޔިތުންގެ މައްސަލަތަކަށް ހައްލު ހޯދައިދިނުމަށް ގާއިމުކުރި ތަންތަނެވެ.

ރިއަލް އެސްޓޭޓު ބިލު މަޖިލީހަށް ބަލައިގަނެފި

މި ބިލު ބަލައިގަންނަން ވޯޓު ދިނީ 42 މެންބަރުން. ބިލާ ދެކޮޅަށް ވޯޓު ދެއްވީ އެމްޑީޕީގެ 13 މެންބަރުން. މި ބިލު ދިރާސާކުރާނީ ގައުމީ ތަރައްގީ އާއި ތަރިކައިގެ ކޮމިޓީން. މިއީ ގާނޫނުއަސާސީގެ ހިމާޔަތްތައް ނައްތާލައި، ތާއަބަދަށް ނުވަތަ ހުސްނުވާ ގޮތަށް ބޭރު މީހުންނަށް ބިން މިލްކުކުރެވޭނެ ގޮތް ހެދުމަށް އިންތިޒާމުތަކެއް ހިމަނާފައިވާ ބިލެއް

ބޮޑެތި ޖޫރިމަނާތަކެއް ހިމަނާފައިވާ އަބުރުގެ ބިލު ކޮމިޓީއަށް

ސޯޝަލް މީޑިއާގައި މީހެއްގެ އަބުރާ ބެހޭ ފަދަ ޕޯސްޓެއް ހިއްސާކޮށްފިނަމަ 5 ލައްކަ ރުފިޔާއާ ހަމައަށް ޖޫރިމަނާ ކުރެވޭ ގޮތަށް ހުށަހެޅި އަބުރުގެ ބިލު މަޖިލީހަށް ބަލައިގަނެ ކޮމިޓީއަށް ފޮނުވައިފިއެވެ. މި ބިލުގައި ބަހާއި، ފޮޓޯއާއި، އިޝާރާތް އަދި ފިލްމު ފަދަ ވަސީލަތްތައް މެދުވެރިކޮށް އަބުރާ ބެހުމުގެ ދައުވާ ކުރެވޭނެ ގޮތްތައް ބަޔާންކޮށްފައިވެއެވެ.

މަރުގެ އަދަބު ތަންފީޒު ކުރާ ބިލު ބަލައިގެންފި

ދަންޖައްސައިގެން މަރުގެ އަދަބު ތަންފީޒުކުރާ ގޮތަށް ސަރުކާރުން ހުށަހެޅި ބިލު ރައްޔިތުންގެ މަޖިލީހަށް މިއަދު ބަލައިގެންފިއެވެ. މި ބިލުގައި މަރުގެ އަދަބު ތަންފީޒުކުރާނެ ގޮތާއި، އެކަން ހިންގާނެ ޕެނަލެއް އެކުލަވާލުމުގެ އިތުރުން، ބަލިވެއިނުމާއި ދަރިފުޅަށް ދެ އަހަރު ފުރުން ފަދަ އަދަބު ތަންފީޒުނުކުރެވޭނެ ހާލަތްތައް ބަޔާންކޮށްފައިވެއެވެ.

ތިން ކުންފުންޏެއްގެ މަނީ އެކްސްޗޭންޖު ލައިސަންސް ބާތިލްކޮށްފި

މަނީ ޗޭންޖިން ގަވާއިދާ ތަކުރާރުކޮށް ހިލާފުވި ތިން ކުންފުންޏެއްގެ ލައިސަންސް އެމްއެމްއޭ އިން ބާތިލުކޮށް، އެ ކުންފުނިތައް ބޮޑެތި އަދަދުތަކުން ޖޫރިމަނާކޮށްފިއެވެ. މި ފިޔަވަޅަކީ ބޭރު ފައިސާގެ ބާޒާރު ކޮންޓްރޯލްކޮށް، ގަވާއިދާ ހިލާފު މުއާމަލާތްތައް ހުއްޓުވުމަށް އެމްއެމްއޭ އިން ކުރަމުންދާ މަސައްކަތުގެ ތެރެއިން އެޅި ފިޔަވަޅެކެވެ.

Newsletter

Get the latest news delivered straight to your inbox