މެޑިޓަރޭނިއަންގެ ބޮޑު ޖިނާއީ ނެޓްވޯކެއް ރޫޅާލައިފި

Aug 8, 2026, 1:26 PM
ފޮޓޯ: ޔޫރޯޕޯލް

ފޮޓޯ: ޔޫރޯޕޯލް

މެޑިޓަރޭނިއަން ކަނޑުގެ ހުޅަނގު ސަރަހައްދުގައި މަސްތުވާތަކެއްޗާއި އިންސާނުން ޓްރެފިކް ކުރަމުންދިޔަ އެންމެ ބޮޑު އެއް ނެޓްވޯކް ރޫޅާލާފައިވާ ކަމަށް ކަމާބެހޭ އިދާރާތަކުން ބުނެފި އެވެ.

ޔޫރަޕްގެ ފުލުހުންގެ އިދާރާ، ޔޫރޯޕޯލުން ހާމަކުރި ގޮތުގައި، މި ނެޓްވޯކާ ދެކޮޅަށް ސްޕެއިން އާއި އަލްޖީރިއާގައި ހިންގި އޮޕަރޭޝަނެއްގައި 78 މީހަކު ވަނީ ހައްޔަރުކޮށްފަ އެވެ.

މި ގްރޫޕަކީ މަސްތުވާތަކެތީގެ އިތުރުން، އަނިޔާވެރި ފޭރުމާއި، ބިރުދައްކައިގެން ފައިސާ ހޯދުމާއި، މީހުން ރަހީނުކުރުމުގެ އިތުރުން މަނީ ލޯންޑަރިން ފަދަ ކުށްތަކާ ވެސް ގުޅުން އޮންނަ ބައެއް ކަމަށް އެ އިދާރާއިން ބުނެ އެވެ.

Advertisement

މި ޖަމާއަތުން ސްޕެއިން އާއި ޕޯޗުގަލް އިން ސިންތެޓިކް ޑްރަގްސް އަލްޖީރިއާއަށް ފޮނުވުމަށް ފަހު، އެނބުރި އަންނަ ދަތުރުގައި "ގޯސްޓް ސްޕީޑްބޯޓް" ތަކުގައި ސްޕެއިންގެ މައި ސަރަހައްދުތަކަށާއި އިބީޒާ ރަށަށް ރެފިއުޖީންނާއި ހަތިޔާރު އެތެރެކުރެ އެވެ.

މި އޮޕަރޭޝަނުގައި ފުލުހުންގެ ބެލުމުގެ ދަށަށް ގެންދިޔަ ތަކެތީގެ ތެރޭގައި 5 މިލިއަން ޔޫރޯގެ އަގުހުރި ބާރުގަދަ 18 ލޯންޗާއި، ބަޑިއާއި، ނަގުދު ފައިސާގެ ގޮތުގައި 25،000 އަށްވުރެ ގިނަ ޔޫރޯގެ އިތުރުން 15،000 އެމްޑީއެމްއޭ ގުޅަ ހިމެނެ އެވެ.

ސްޕެއިންގެ ފުލުހުން އިސްވެ ހިންގި މި އޮޕަރޭޝަނުގައި އެ ގައުމުގެ އެލިކާންޓޭ، އަލްމޭރިއާ، ކާޓަހޭނާ އަދި މުރްސިއާ ހިމެނޭހެން 17 ސަރަހައްދެއް ބަލައި ފާސްކޮށްފައިވެއެވެ.

މި ނެޓްވޯކުން ވަނީ އެހެން ޖިނާއީ ގްރޫޕްތަކަށް ވެސް އެހީތެރިކަން ފޯރުކޮށްދީ، ހުޅަނގު މެޑިޓޭރޭނިއަން ހުރަސްކޮށް ގަވާއިދާ ހިލާފަށް މުދަލާއި މީހުން އުފުލުމުގެ ހިދުމަތް ދީފަ އެވެ.

ހައްޔަރުކުރި މީހުންނަކީ މައިގަނޑު ގޮތެއްގައި އަލްޖީރިއާގެ ރައްޔިތުންނެވެ. އަދި އެމީހުންނަކީ ފްރާންސް، ބެލްޖިއަމް، ޕޯޗުގަލް، އިޓަލީ އަދި ޕޯލެންޑްގެ ޖިނާއީ ގްރޫޕްތަކާ ގުޅުން އޮންނަ ބައެއްކަން ވެސް ވަނީ ހާމަވެފަ އެވެ.

ފުލުހުންގެ މި އޮޕަރޭޝަނުގައި ސެޓެލައިޓް ފޯނާއި، ޖީޕީއެސް ޑިވައިސްތަކާއި، މުއާސަލާތު ކުރުމަށް ބޭނުންކުރާ އެންކްރިޕްޓް ކުރެވިފައިވާ އާލާތްތަކުގެ އިތުރުން ސެޓެލައިޓް ޑިޝްތައް ވެސް ވަނީ އަތުލައިގެންފަ އެވެ.

މި ނެޓްވޯކް ރޫޅާލިކަން އިއުލާންކޮށްފައި މިވަނީ، ބޯޑަރު ހުޅުވާލާފައިވާ ކަމަށް ފެތުރުނު ދޮގު އަޑުތަކަކާ ގުޅިގެން، އުތުރު އެފްރިކާގައި އޮންނަ ސްޕެއިންގެ ސަރަހައްދެއް ކަމަށްވާ ސެއުޓާއަށް ގާތްގަނޑަކަށް 78،000 ހިޖުރަވެރިން ވަންނަން މަސައްކަތްކުރިތާ ހަފުތާއެއް ފަހުންނެވެ.

ސެއުޓާގެ ލީޑަރު ހުއާން ހެސޫސް ވިވާސް ވިދާޅުވި ގޮތުގައި، އެ ސަރަހައްދަށް ވަން ގިނަ ހިޖުރަވެރިން އެނބުރި މޮރޮކޯއަށް ގޮސްފައިވީ ނަމަވެސް، އަދިވެސް 3،000 އާއި 5،000 އާ ދެމެދުގެ އަދަދަކަށް މީހުން އެ ސަރަހައްދުގައި އެބަ ތިއްބެވެ.

ކޮމެންޓް

ފަހުގެ ޚަބަރު

ރަޝިޔާ އާއެކު މަޝްވަރާއަށް ތައްޔާރު: ޔޫރަޕުގެ ލީޑަރުން

ޔޫކްރެއިން ހަނގުރާމަ ހުއްޓާލުމަށް ރަޝިޔާއާއެކު މަޝްވަރާކުރުމަށް ތައްޔާރަށް ތިބިކަން ޔޫރަޕުގެ ލީޑަރުން ހާމަކޮށްފައިވާއިރު، މި މަޝްވަރާތަކުގައި ވިލާތުގެ ބައިވެރިވުން ހިމެނުމަށް އެމެރިކާއިން ދަނީ ބާރުއަޅަމުންނެވެ. ރަޝިޔާގެ ރައީސް ޕޫޓިން ވަނީ ވިލާތުގެ ގައުމުތަކުގެ ސިޔާސަތުތައް ސާފުކުރުމަށްޓަކައި މޮސްކޯއަށް ޒިޔާރަތްކުރުމަށް އެ ގައުމުތަކަށް ދައުވަތު ދެއްވާފައެވެ.

އެންތްރޮޕިކް 1.76 ޓްރިލިއަން ޑޮލަރުގެ ކުންފުންޏަކަށް

އޭއައި ކުންފުނި އެންތްރޮޕިކް ހިއްސާގެ ބާޒާރަށް ނުކުތުމާއެކު، އެ ކުންފުނީގެ އަގު 1.76 ޓްރިލިއަން ޑޮލަރަށް އަރައި ދުނިޔޭގެ އެންމެ އަގުބޮޑު ކުންފުނިތަކުގެ ތެރޭގައި ހިމެނިއްޖެއެވެ. ހިއްސާގެ އަގަށް އައި ކުރިއެރުމާއެކު އޭއައި ދާއިރާއަށް އޮތް ބޮޑު ޝައުގުވެރިކަން ހާމަވީ ނަމަވެސް، މިއީ އިގްތިސާދީ "ބަބުލް" އެއްގެ ގޮތުގައި ބައެއް މާހިރުން ސިފަކުރެއެވެ. ކްލޯޑް ޗެޓްބޮޓް އުފެއްދި މި ކުންފުނިން އެންމެ ބޮޑު އިސްކަމެއް ދެނީ އޭއައިގެ ރައްކާތެރިކަމަށެވެ.

ވެން ގޯގެ ކުރެހުމެއް 190 މިލިއަން ޑޮލަރަށް ވިއްކާލައިފި

ވިންސެންޓް ވެން ގޯގެ "ޗެސްޓްނަޓް ޓްރީޒް އިން ބްލޮސަމް" ކުރެހުން 190.4 މިލިއަން ޑޮލަރަށް ވިއްކާލައި، ދުނިޔޭގެ އާ ރެކޯޑެއް ގާއިމުކޮށްފިއެވެ. މި ކުރެހުން ނީލަމުގައި ވިއްކާލާފައިވަނީ، ނާޒީންގެ ދުވަސްވަރު މަޖުބޫރުވެގެން މި ކުރެހުން ވިއްކާލަން ޖެހުނު އާއިލާއާއި މިހާރުގެ މިލްކުވެރިންގެ މެދުގައި އުފެދުނު ގާނޫނީ މައްސަލައަށް ހައްލެއް ހޯދުމަށްފަހުގައެވެ.

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

ކްރައިމިއާ ބްރިޖަށް ހަމަލާދީ ބޮޑު ބައެއް ވައްޓާލައިފި

ރަޝިއާއިން ހިފާފައިވާ ކްރައިމިއާއާ ގުޅުވައިދޭ މުހިންމު ބްރިޖަށް ޔޫކްރޭނުން ވަރުގަދަ ހަމަލާއެއްދީ، ބްރިޖުގެ ބޮޑު ބައެއް ކަނޑަށް ވައްޓާލައި ރަޝިއާގެ ސިފައިންނަށް ބޭނުންވާ މައިގަނޑު ސަޕްލައި މަގަށް ބޮޑު ހުރަހެއް ކުރިމަތިކުރުވައިފިއެވެ. މި ހަމަލާއާ ގުޅިގެން ރަޝިއާއިން ބަދަލުހިފުމުގެ ގޮތުން ޔޫކްރޭނުގެ ވެރިރަށް ކީވްގެ އިންފްރާސްޓްރަކްޗަރަށް އަމާޒުކޮށް ވަރުގަދަ ހަމަލާތަކެއް ދީފައިވާއިރު، މިއީ ދެ ގައުމުގެ ދެމެދުގައި އޮތް ހަނގުރާމަ އިތުރަށް ވަރުގަދަވެގެންދިޔަ ކަމެކެވެ.

Newsletter

Get the latest news delivered straight to your inbox