އެމެރިކާގެ ވައިގެ ހަކަތައިގެ މަޝްރޫއުތައް ހުއްޓާލަން ޖަރުމަނު ކުންފުންޏަކަށް 1.2 ބިލިއަން ޑޮލަރު ދޭން ޓްރަމްޕް ނިންމަވައިފި

Aug 8, 2026, 7:30 AM
ކަނޑުގައި ހަރުކޮށްފައިވާ ވިންޑު ޓާބައިންތަކެއް

ކަނޑުގައި ހަރުކޮށްފައިވާ ވިންޑު ޓާބައިންތަކެއް

އެމެރިކާގެ ކަނޑުގެ ސަރަހައްދުތަކުގައި ކުރިއަށްގެންދަން ރާވާފައިވާ ވައިގެ ހަކަތައިގެ މަޝްރޫއުތައް ހުއްޓާލުމަށްޓަކައި، ޖަރުމަނުގެ އާރް.ޑަބްލިއު.އީ ކުންފުންޏަށް 1.2 ބިލިއަން އެމެރިކާ ޑޮލަރު ދިނުމަށް ރައީސް ޑޮނަލްޑް ޓްރަމްޕް ނިންމައިފި އެވެ.

މި އެއްބަސްވުމުގެ ދަށުން އެމެރިކާގެ އިންޓީރިއާ ޑިޕާޓްމަންޓުން އެ ކުންފުންޏަށް މި ފައިސާ ދެނީ ކެލިފޯނިއާ، ލޫއިޒިއާނާ އަދި ނިއުޔޯކްގެ ކަނޑުގެ ސަރަހައްދުތަކުގައި ކުރިއަށް ގެންދަން ހުއްދަ ދީފައިވާ ވައިގެ ހަކަތައިގެ މަޝްރޫއުތައް ހުއްޓުވުމަށެވެ. 

އާރް.ޑަބްލިއު.އީ އިން ނެރުނު ބަޔާނެއްގައި ބުނެފައިވަނީ، ކުރިއަށް އޮތް ތަނުގައި އެމެރިކާގައި މިފަދަ މަޝްރޫއުތަކަށް ހުއްދަ ލިބޭނެ އެއްވެސް މަގެއް ނެތްކަން ކަށަވަރުވުމުން، މި މަޝްރޫއުތައް ދޫކޮށްލުމަށް ނިންމީ ކަމަށެވެ.

Advertisement

މި އެއްބަސްވުމުގެ ދަށުން ލިބޭ ފައިސާގެ ތެރެއިން 900 މިލިއަން ޑޮލަރު ލޫސިއާނާގައި ގާއިމުކުރާ ގުދުރަތީ ގޭސް ބޭރުކުރަން އިންވެސްޓް ކުރުމަށް އެ ވަނީ ނިންމައިފަ އެވެ. ކުރިއަށް އޮތް ހަ އަހަރު ދުވަހުގެ ތެރޭގައި އެމެރިކާގެ ހަކަތައިގެ ދާއިރާގައި ޖުމްލަ 19.6 ބިލިއަން ޑޮލަރު އިންވެސްޓް ކުރުމަށް އެ ކުންފުނިން ރާވާފައިވެ އެވެ.

އާރް.ޑަބްލިއު.އީ އިން އެމެރިކާގެ ހަކަތައިގެ ރައްކާތެރިކަން ވަރުގަދަކުރުމަށް ކުރާ އިންވެސްޓްމަންޓްތަކަށް މަރުހަބާ ކިޔާ ކަމަށް އެމެރިކާގެ އިންޓީރިއާ ސެކްރެޓަރީ ޑަގް ބާގަމް ވިދާޅުވި އެވެ. 

މިއީ ތެލާއި ގޭހުގެ ސިނާއަތަށް ތާއީދުކުރައްވާ ރައީސް ޓްރަމްޕް، ވައިގެ ހަކަތައިގެ މަޝްރޫއުތައް ހުއްޓުވުމަށް ކުރައްވާ މަސައްކަތުގެ ދަށުން މި އަހަރު ސޮއިކުރި މިފަދަ އެންމެ ފަހުގެ އެއްބަސްވުމެވެ.

މި ސިޔާސަތުގެ ދަށުން މިއަހަރުގެ މާޗް މަހު ފަރަންސޭސިވިލާތުގެ ޓޯޓަލް އެނާޖީސް ކުންފުންޏާއެކުވެސް ވަނީ އެއްބަސްވުމެއް ގާއިމުކޮށްފަ އެވެ. އެ އެއްބަސްވުމުގެ ދަށުން އެ ކުންފުނިން ވެސް ވަނީ ވައިގެ ހަކަތައިގެ މަޝްރޫއުތައް ހުއްޓާލައި، ޓެކްސަސްގައި ގޭސް ޕްލާންޓެއް އެޅުމަށާއި މެކްސިކޯ ކަނޑުއޮޅީގައި ތެޔޮ ނެގުމުގެ މަސައްކަތަށް އިންވެސްޓް ކުރުމަށް އެއްބަސްވެފަ އެވެ.

މީގެ އިތުރުން، މިދިޔަ މަހު ޑިއުކް އެނާޖީ ކުންފުންޏަށް 129 މިލިއަން ޑޮލަރު ދީގެން ކެރޮލައިނާ ސަރަހައްދުގެ ވައިގެ ހަކަތައިގެ މަޝްރޫއެއް ވެސް ވަނީ ހުއްޓުވާފަ އެވެ.

ކޮމެންޓް

ފަހުގެ ޚަބަރު

ރަޝިޔާ އާއެކު މަޝްވަރާއަށް ތައްޔާރު: ޔޫރަޕުގެ ލީޑަރުން

ޔޫކްރެއިން ހަނގުރާމަ ހުއްޓާލުމަށް ރަޝިޔާއާއެކު މަޝްވަރާކުރުމަށް ތައްޔާރަށް ތިބިކަން ޔޫރަޕުގެ ލީޑަރުން ހާމަކޮށްފައިވާއިރު، މި މަޝްވަރާތަކުގައި ވިލާތުގެ ބައިވެރިވުން ހިމެނުމަށް އެމެރިކާއިން ދަނީ ބާރުއަޅަމުންނެވެ. ރަޝިޔާގެ ރައީސް ޕޫޓިން ވަނީ ވިލާތުގެ ގައުމުތަކުގެ ސިޔާސަތުތައް ސާފުކުރުމަށްޓަކައި މޮސްކޯއަށް ޒިޔާރަތްކުރުމަށް އެ ގައުމުތަކަށް ދައުވަތު ދެއްވާފައެވެ.

އެންތްރޮޕިކް 1.76 ޓްރިލިއަން ޑޮލަރުގެ ކުންފުންޏަކަށް

އޭއައި ކުންފުނި އެންތްރޮޕިކް ހިއްސާގެ ބާޒާރަށް ނުކުތުމާއެކު، އެ ކުންފުނީގެ އަގު 1.76 ޓްރިލިއަން ޑޮލަރަށް އަރައި ދުނިޔޭގެ އެންމެ އަގުބޮޑު ކުންފުނިތަކުގެ ތެރޭގައި ހިމެނިއްޖެއެވެ. ހިއްސާގެ އަގަށް އައި ކުރިއެރުމާއެކު އޭއައި ދާއިރާއަށް އޮތް ބޮޑު ޝައުގުވެރިކަން ހާމަވީ ނަމަވެސް، މިއީ އިގްތިސާދީ "ބަބުލް" އެއްގެ ގޮތުގައި ބައެއް މާހިރުން ސިފަކުރެއެވެ. ކްލޯޑް ޗެޓްބޮޓް އުފެއްދި މި ކުންފުނިން އެންމެ ބޮޑު އިސްކަމެއް ދެނީ އޭއައިގެ ރައްކާތެރިކަމަށެވެ.

ވެން ގޯގެ ކުރެހުމެއް 190 މިލިއަން ޑޮލަރަށް ވިއްކާލައިފި

ވިންސެންޓް ވެން ގޯގެ "ޗެސްޓްނަޓް ޓްރީޒް އިން ބްލޮސަމް" ކުރެހުން 190.4 މިލިއަން ޑޮލަރަށް ވިއްކާލައި، ދުނިޔޭގެ އާ ރެކޯޑެއް ގާއިމުކޮށްފިއެވެ. މި ކުރެހުން ނީލަމުގައި ވިއްކާލާފައިވަނީ، ނާޒީންގެ ދުވަސްވަރު މަޖުބޫރުވެގެން މި ކުރެހުން ވިއްކާލަން ޖެހުނު އާއިލާއާއި މިހާރުގެ މިލްކުވެރިންގެ މެދުގައި އުފެދުނު ގާނޫނީ މައްސަލައަށް ހައްލެއް ހޯދުމަށްފަހުގައެވެ.

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

ކްރައިމިއާ ބްރިޖަށް ހަމަލާދީ ބޮޑު ބައެއް ވައްޓާލައިފި

ރަޝިއާއިން ހިފާފައިވާ ކްރައިމިއާއާ ގުޅުވައިދޭ މުހިންމު ބްރިޖަށް ޔޫކްރޭނުން ވަރުގަދަ ހަމަލާއެއްދީ، ބްރިޖުގެ ބޮޑު ބައެއް ކަނޑަށް ވައްޓާލައި ރަޝިއާގެ ސިފައިންނަށް ބޭނުންވާ މައިގަނޑު ސަޕްލައި މަގަށް ބޮޑު ހުރަހެއް ކުރިމަތިކުރުވައިފިއެވެ. މި ހަމަލާއާ ގުޅިގެން ރަޝިއާއިން ބަދަލުހިފުމުގެ ގޮތުން ޔޫކްރޭނުގެ ވެރިރަށް ކީވްގެ އިންފްރާސްޓްރަކްޗަރަށް އަމާޒުކޮށް ވަރުގަދަ ހަމަލާތަކެއް ދީފައިވާއިރު، މިއީ ދެ ގައުމުގެ ދެމެދުގައި އޮތް ހަނގުރާމަ އިތުރަށް ވަރުގަދަވެގެންދިޔަ ކަމެކެވެ.

Newsletter

Get the latest news delivered straight to your inbox