ބަނދަރު ހެދުމުގެ މަސައްކަތް ފަށާތީ ތިލަފުށީ ފަޅުތެރޭގައި ހުރި އުޅަނދުތައް ނަގަން އަންގައިފި

ތިލަފުށި; އެ ރަށުގެ ފަޅުތެރެއަށް ގިނަ އަދަދެއްގެ އުޅަނދުފަހަރު ފެތި ދަބަރަށްވެފައިވޭ -- ފޮޓޯ: އަދަދު

ތިލަފުށި; އެ ރަށުގެ ފަޅުތެރެއަށް ގިނަ އަދަދެއްގެ އުޅަނދުފަހަރު ފެތި ދަބަރަށްވެފައިވޭ -- ފޮޓޯ: އަދަދު

ކ. ތިލަފުށީގައި ވިޔަފާރި ބަނދަރެއް ހެދުމުގެ މަސައްކަތް ފަށާތީ އެ ރަށު ފަޅުގައި ހުރި އުޅަނދުތައް މިއަދުން ފެށިގެން ހަތް ދުވަހުގެ ތެރޭގައި ނަގަން ހައުސިން ޑިވެލޮޕްމެންޓް ކޯޕަރޭޝަނުން އަންގައިފި އެވެ.

އެ ކޯޕަރޭޝަނުން ކުރި އިއުލާނެއްގައި ބުނީ މިއަދުން ފެށިގެން ހަތް ދުވަހުގެ ތެރޭގައި ނުނަގާ ހުންނަ އުޅަނދުތަކާމެދު އޮންނަ އުސޫލުގެ ދަށުން ފިޔަވަޅު އަޅާނެ ކަމަށެވެ. އެކަމާ ބެހޭ އިތުރު މައުލޫމާތު ހޯދުމަށް އެޗްޑީސީގެ ހޮޓްލައިން 1516 އަށް ގުޅުމަށް އެ ކުންފުނިން އެދިފައިވެ އެވެ.

ތިލަފުށި ފަޅުގައި ހުރި އުޅަނދުފަހަރު ނަގަން އަންގައި އިއުލާނެއް ކޮށްފައި މިވަނީ މާލޭ ވިޔަފާރި ބަނދަރު ތިލަފުށްޓަށް ބަދަލުކޮށް ތަރައްގީ ކުރުމަށް ސަރުކާރުން ނިންމާފައި ވާތީ ކަމަށް އެ އިއުލާނުގައި ބުންޏެވެ.

މާލޭ ވިޔަފާރި ބަނދަރު ތިލަފުށްޓަށް ބަދަލުކުރުމުގެ މަޝްރޫއު ސަރުކާރުން ހަވާލުކޮށްފައި ވަނީ މޯލްޑިވްސް ޕޯޓްސް ލިމިޓެޑް (އެމްޕީއެލް) އާ އެވެ. 

ތިލަފުށީ ވިޔަފާރި ބަނދަރުގެ ކީ ވޯލްގެ ބައިތަކެއް ހަދަން ސީއެޗްއީސީއާ ހަވާލުކޮށްފި

ތިލަފުށީ ވިޔަފާރި ބަނދަރުގެ ބައިނަލްއަގުވާމީ އަދި ދާޚިލީ ކީ ވޯލް ހެދުމުގެ މަސައްކަތް ޗައިނާ ހާބާ އިންޖިނިއަރިން ކޮމްޕެނީ (ސީއެޗްއީސީ) އާ އެމްޕީއެލް އިން ހަވާލުކޮށްފިއެވެ. މި މަޝްރޫއުގެ ދަށުން ބޮޑެތި ބޯޓުފަހަރާއި އަތޮޅުތެރޭގެ އުޅަނދުތަކަށް ޚާއްސަ ފުން ބަނދަރެއް ތަރައްގީކޮށް، މުދާ އުފުލުމުގެ ނިޒާމު ހަރުދަނާކުރުމަށް ވަނީ ރޭވިފައެވެ. އަންނަ އަހަރުގެ ނޮވެމްބަރު މަހު ބޭނުންކުރަން ފަށާނެ ކަމަށް ބެލެވޭ މި ބަނދަރުގެ އެކި މަސައްކަތްތައް ސީއެޗްއީސީގެ އިތުރުން އެމްޓީސީސީއާ ވެސް ވަނީ ހަވާލުކޮށްފައެވެ.

ބައިބަޔަށް ބަހާލައިގެން ތިލަފުށީ ބަނދަރު ތަރައްގީކުރުމުގެ މަސައްކަތް ހަވާލުކުރަމުން އަންނައިރު، އަންނަ އަހަރުގެ ނޮވެމްބަރު 11 އަށް މި ބަނދަރު ބޭނުންކުރަން ފަށާނެ ކަމަށް މި އަހަރުގެ ރިޔާސީ ބަޔާނުގައި ރައީސް މުހައްމަދު މުއިއްޒު ވަނީ ވިދާޅުވެފަ އެވެ.

ތިލަފުށީ ވިޔަފާރި ބަނދަރުގެ މަސައްކަތް އެއްކޮށް ނިމޭއިރު، އެމްޕީއެލްއިން ބުނަނީ، އެ ބަނދަރުގައި 1000 މީޓަރަށް ވުރެ ދިގު އިންޓަނޭޝަނަލް ކީ ވޯލްއަކާއި މާލޭގެ ނޯތު ހާބަރާއި ސައުތު ވެސްޓު ހާބަރު ބޭނުންކުރާ އުޅަނދުފަހަރަށް ހާއްސަކޮށްގެން 2000 މީޓަރަށް ވުރެން ދިގު ކީވޯލް ހިމެނޭ ގޮތަށް ޑޮމެސްޓިކް ޓާމިނަލްއެއް ހުންނާނެ ކަމަށެވެ. 

ތިލަފުށީ ވިޔަފާރި ބަނދަރުގެ އުސްއަލިތައް

  • 225 މިލިއަން ޑޮލަރު (3.4 ބިލިއަން ރުފިޔާ) ގެ ޕްރޮޖެކްޓެއް
  • ބަނދަރު ތަރައްގީކުރަނީ 10 ހެކްޓަރުގެ ސަރަހައްދެއްގައި
  • އެންމެ ބޮޑެތި އާގުބޯޓުފަހަރަށް ވެސް މަގަތުފާލަމާ ކައިރިކުރެވޭނެ
  • ބޭރު އެންކަރުގައި ބާއްްވައިގެން ކޮންޓޭނަރު ބޭލުން ހުއްޓާލާނެ
  • ބޯޓު ހުސްކުރަން ނަގާ ވަގުތު ހަތް ދުވަހުން ދެ ދުވަހަށް މަދު ކުރެވޭނެ
  • ގެންޓްރީ ކެރޭނާއި މޮބައިލް ހާބާ ކެރޭނު ފަދަ ޒަމާނީ ވަސީލަތްތައް ހުންނާނެ

އެމްޕީއެލްއިން ބުނި ގޮތުގައި ތިލަފުށީ މަޝްްރޫއުގެ މައިގަނޑު މަގުސަދަކީ ވިޔަފާރިތަކަށް ކުރިމަތިވެފައިވާ، ޒަމާންވީ މުހިންމު އެތައް މައްސަލައަކަށް ހައްލު ހޯދައި ދިނުމާއި، ރާއްޖޭގެ ކަނޑުދަތުރުފަތުރާއި ލޮޖިސްޓިކްސް ދާއިރާއަށް އަންނަ ކުރިއެރުމާއި އެއްވަރަށް ބަނދަރުގެ ވަސީލަތްތައް ފުޅާކޮށް، ހިދުމަތުގެ ފެންވަރު ރަނގަޅުކުރުމެވެ.

އެ ގޮތުން މި މަޝްރޫއު ނިމި، ތިލުފުއްޓަށް ވިޔަފާރި ބަނދަރު ކުރުމުން މިހާރު ބޭނުންކުރަމުން އަންނަ 40 އަހަރު ވާން ގާތްވެފައިވާ މާލޭ ވިޔަފާރި ބަނދަރަށް ދިމާވެފައިވާ ތޮއްޖެހުމުގެ މައްސަލައަށް ދާއިމީ ހައްލެއް ލިބޭނެ ކަމަށް އެމްޕީއެލްއިން ބުންޏެވެ. 

ކޮމެންޓް

ފަހުގެ ޚަބަރު

ބޮޑެތި ހުރިހާ މަޝްރޫއެއް ވަނީ މަޑުޖެހިފައި: މުއިއްޒު

ދަރަނި ދެއްކުމަށާއި ޒަރޫރީ ޚިދުމަތްތަކަށް އިސްކަންދިނުމުގެ ސަބަބުން، އުމްރާނީ ތަރައްގީގެ ބޮޑެތި މަޝްރޫއުތައް މަޑުޖެހިފައިވާ ކަމަށް ރައީސް މުއިއްޒު އެއްބަސްވެވަޑައިގެންނެވި. މިކަން މިގޮތަށް ދިމާވީ ދުނިޔޭގެ ބާޒާރުގައި ތެލުގެ އަގު އުފުލުމާއި ފަތުރުވެރިން އަންނަ މިންވަރު މަދުވުމުން ފިސްކަލް މެނޭޖްމަންޓަށް ބަދަލު ގެނައުމުން ކަމަށް އެމަނިކުފާނު ވިދާޅުވި.

މިރޭގެ ޖަލްސާއަށް އެއްލައްކަ މެންބަރުން ހަމަނުކުރެވުނު

ޕީއެންސީގެ މެންބަރުންގެ އަދަދު އެއްލައްކައަށް އިތުރުކުރުމަށް ހިފި އަމާޒަށް މިރޭގެ ޖަލްސާއާ ހަމައަށް ވާސިލުނުވެވުމުން، އެ އަމާޒު ހާސިލުކުރުމުގެ ވަގުތު މިރޭ މެންދަމު 12 އާ ހަމައަށް ވަނީ އިތުރުކޮށްފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި އެ ޕާޓީއަށް އެއްލައްކަ ހަމަވާން އަދި 1,992 މެންބަރުން އިތުރަށް ބޭނުންވޭ.

ހުޅުމާލޭގައި އަޅާ ކޯޓު ކޮމްޕްލެކްސްގެ ބިންގާ އަޅައިފި

އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫއަކީ ޝަރުއީ ދާއިރާގެ ހިންގުން އެއް ފުރާޅެއްގެ ދަށަށް ގެނެސް، ކޯޓުތަކަށް ދިމާވެފައިވާ ޖާގައިގެ ދަތިކަން ހައްލުކުރުމަށް ފެށި 699.8 މިލިއަން ރުފިޔާގެ މަޝްރޫއެއް. މި އިމާރާތުގައި ހައިކޯޓާއި ސުޕީރިއާ ކޯޓުތަކުގެ އިތުރުން ޑީޖޭއޭގެ އޮފީސް ވެސް ހިންގުމަށް ވަނީ ހަމަޖެހިފަ.

ޕީއެންސީއަށް 100،000 މެންބަރުން މުވައްޒަފުންނަށް މަޖުބޫރުކުރަނީ

ޕީއެންސީގެ މެންބަރުންގެ އަދަދު އެއްލައްކައަށް ހަމަކުރުމަށްޓަކައި، ސަރުކާރު ކުންފުނިތަކުގެ މުވައްޒަފުންނަށް މަޖުބޫރުކޮށް ވަޒީފާގެ ބިރުދައްކަމުންދާކަމުގެ ޝަކުވާތައް ވަނީ ބޮޑުވެފައެވެ. މި އަމާޒަށް ވާސިލުވުމަށް އެހެން ޕާޓީތަކުގެ މެންބަރުން ޕީއެންސީއަށް ބަދަލުވުމަށް އަންގަމުންދާއިރު، މެންބަރުން އިތުރުކުރުމަށް ފައިސާ ބަހާކަމުގެ ތުހުމަތުތައްވެސް ވަނީ ފެންމަތިވެފައެވެ.

މުވައްޒަފުންނަށް ސިޔާސީ މަޖުބޫރުކުރުން ކުށަކަށް ހަދާ ބިލެއް

ސަރުކާރު ކުންފުނިތަކުގެ މުވައްޒަފުންނަށް ސިޔާސީ މަޖުބޫރުކުރުން ޖިނާއީ ކުށަކަށް ހަދަން ވަޒީފާއާބެހޭ ގާނޫނަށް އިސްލާހު ހުށަހަޅައިފި. މީކާއީލް ނަސީމް ހުށަހެޅުއްވި މި ބިލުގެ މަގްސަދަކީ މުވައްޒަފުންގެ ސިޔާސީ މިނިވަންކަން ހިމާޔަތްކޮށް، ވަކި ޕާޓީއަކަށް ވަނުމަށް ނުވަތަ ހަރަކާތްތަކުގައި ބައިވެރިވުމަށް ނުފޫޒު ފޯރުވުން ހުއްޓުވުން.

ސިޓިޒެންސް ޕޯޓަލް ދެވަނަ ފަހަރަށް އިފްތިތާހުކޮށްފި

ރައީސް މުއިއްޒަށް ރައްޔިތުންގެ ޝަކުވާތަކާއި ޚިޔާލުތައް ސީދާ ހުށަހެޅޭ ގޮތަށް "ސިޓިޒެންސް ވޮއިސް" ޕޯޓަލް ދެވަނަ ފަހަރަށް ވަނީ އިފްތިތާހުކޮށްފައި އީ-ފާސް މެދުވެރިކޮށް ވަދެވޭ މި ޕޯޓަލްގެ ހިދުމަތް މިވަގުތު ވެބްސައިޓުން ލިބުނު ނަމަވެސް، ކުރިއަށް އޮތްތަނުގައި މޯބައިލް އެޕްލިކޭޝަނެއް ތައާރަފުކުރުމަށް ވަނީ ނިންމާފައި.

"މިހާރު ފެށެން މި އުޅެނީ ރާއްޖޭގެ މިނިވަންކަން ނިމުމުގެ ފެށުން"

ރަސްމާލެ މަޝްރޫއުގެ ދަށުން ބޭރުގެ ފަރާތްތަކާއި ޒަޔަނިސްޓުން ރާއްޖޭގައި ވަޒަންވެރިކުރުވަން ފަށައިފިނަމަ، ގައުމުގެ މިނިވަންކަން ގެއްލިދާނެ ކަމަށާއި، މި މަޝްރޫއުގެ މާލީ ތަފްސީލުތައް ކަމާބެހޭ އިދާރާތަކަށް ނޭނގޭއިރު، މިއީ މަދު ބައެއްގެ މެދުގައި ސިއްރުވެފައިވާ ކަމެއްކަމަށް ގާނޫނީ ވަކީލު އަލީ ހުސައިން ވިދާޅުވެއްޖެ.

Newsletter

Get the latest news delivered straight to your inbox