އެޗްޑީސީގެ އެމްޑީއާ ބައްދަލުކުރަން މާލެ ސިޓީ ކައުންސިލްގެ މެންބަރުން ދިޔުމުން ސެކިއުރިޓީން ހުރަސްއަޅައިފި

އެޗްޑީސީގެ އެމްޑީއާ ބައްދަލުކުރަން މާލެ ސިޓީ ކައުންސިލްގެ މެންބަރުން ދިޔުމުން އެ ކުންފުނީގެ ސެކިއުރިޓީން ވަނީ ހުރަސްއަޅައިފައި -- ފޮޓޯ: މާލެ ސިޓީ ކައުންސިލް

އެޗްޑީސީގެ އެމްޑީއާ ބައްދަލުކުރަން މާލެ ސިޓީ ކައުންސިލްގެ މެންބަރުން ދިޔުމުން އެ ކުންފުނީގެ ސެކިއުރިޓީން ވަނީ ހުރަސްއަޅައިފައި -- ފޮޓޯ: މާލެ ސިޓީ ކައުންސިލް

ހުޅުމާލޭގެ މުނިސިޕަލް ހިދުމަތްތަކާ ގުޅޭގޮތުން ހައުސިން ޑިވެލޮޕްމެންޓް ކޯޕަރޭޝަން (އެޗްޑީސީ) ގެ މެނޭޖިން ޑިރެކްޓަރު، އަހުމަދު ޒުހައިރުއާ ބައްދަލުކުރުމަށް މާލެ ސިޓީ ކައުންސިލްގެ މެންބަރުން ދިޔުމުން އެ ކުންފުނީގެ ސެކިއުރިޓީން ހުރަސްއަޅައިފި އެވެ.

މާލެ ސިޓީ ކައުންސިލްގެ މޭޔަރު، އާދަމް އާޒިމް އާއި އެ ކައުންސިލްގެ މެންބަރުން އެޗްޑީސީއަށް ދިޔައީ މިއަދު މެންދުރު އެވެ. ނަމަވެސް އެ ކައުންސިލުގެ މުވައްޒަފުންނަށް އެޗްޑީސީގެ ރިސެޕްޝަނާ ހަމައަށް ދިޔުމަށް އެ ކުންފުނީގެ ސެކިއުރިޓީން ވަނީ ހުރަސްއަޅައިފަ އެވެ.

މާލެ ސިޓީ ކައުންސިލުގެ މޭޔަރު، އާދަމް އާޒިމް ވިދާޅުވީ އެޗްޑީސީގެ އެމްޑީއާ ބައްދަލުކުރަން ދިޔައީ ހުޅުމާލޭގެ މުނިސިޕަލް ހިދުމަތްތައް މާލެ ސިޓީ ކައުންސިލާ ހަވާލުކުރުމުގެ އެއްވެސް މަސައްކަތެއް ކުރިއަށް ނުގެންދާތީ އާއި ހުޅުމާލޭގެ މުނިސިޕަލް ހިދުމަތްތައް ދިނުމުގައި އެޗްޑީސީން އިހުމާލުވަމުން ދާތީ ކަމަށެވެ.

އިންތިހާބު ޖެހުނުއިރު ވެސް ހުޅުމާލޭ މުނިސިޕަލް ކަންކަން މުއިއްޒުގެ މުށު ތެރޭ!

މުއިއްޒުގެ ރިޔާސީ ވައުދާ އެއްގޮތަށް ހުޅުމާލޭގެ މުނިސިޕަލް ހިދުމަތްތައް މާލެ ސިޓީ ކައުންސިލުގެ ދަށަށް ބަދަލުކުރުމަށް އެއްވެސް ހުރަހެއް ނެތެވެ. ހަމައެކަނި ބޭނުން ވަނީ އެމަނިކުފާނުގެ އިހުލާސްތެރި ނިޔަތާއި އަމުރުފުޅެވެ.

އެހެންނަމަވެސް، އެޗްޑީސީގެ ކައުންޓަރާ ހަމައަށް ދިޔުމަށް ވެސް އެ ކުންފުނީގެ ސެކިއުރިޓީން ހުރަސްއެޅި ކަމަށް އާޒިމް ވިދާޅުވި އެވެ.

"ސެކިއުރިޓީ ބޭފުޅުން ވިދާޅުވީ ތިމަންނަމެންނަށް އަންގާފައި އޮތީ، އެޕޮއިންޓްމެންޓު ނެތި ބައްދަލުނުވާނެތީ އޭ ތިމަންނަމެން މިތާ މި ތިބީ، ދެން އަޅުގަނޑަކަށް ނުފެނޭ އެ ބޭފުޅުން [ހުރަސްއަޅަން] އެ ތަނުގައި ތިބެންޖެހޭ އެއްވެސް ސަބަބެއް ވެސް،" އާޒިމް ވިދާޅުވި އެވެ.

އެޗްޑީސީގެ ކައުންޓަރާ ހަމައަށް ދިޔުމަށް ދެކޮޅު ހެދުމަށްފަހު، އެމްޑީ ވަޑައިގެން އޮފީހުގައި ނޫޅުއްވާ ކަމަށް އެޗްޑީސީގެ މުވައްޒަފަކު ބުނި ކަމަށް އާޒިމް ވިދާޅުވި އެވެ. އެގޮތަށް މައުލޫމާތު ދިނުމުން މިއަދު އައި ނަމަވެސް، ޖަވާބެއް ނުދީ އެގޮތަށް އަމަލު ތަކުރާރު ކުރާނަމަ، އެޗްޑީސީގެ އޮފީހުގައި މަޑުކުރާނެ ދުވަސް ވެސް އަންނާނެ ކަމަށް އޭނާ ވިދާޅުވި އެވެ.

"އަޅުގަނޑުމެން މިއަދު އައީ، އެކަމަކު އަޅުގަނޑަށް ހީވަނީ މިދާ ރޭޓުން ދަންޏާ އަޅުގަނޑުމެން އެ ތަނުގައި ތިބެންޖެހޭ ދުވަސް ވެސް އަންނާނެހެން، ހައުސިން މިނިސްޓްރީގައި ތިބޭނެ ދުވަސް އަންނާނެކަން ސަރުކާރުން ދަންނަންވާނެ، އެއީ އެހެނެއް ފިއްލަވައިގެނެެއް އެއްވެސް ބޭފުޅަކަށް ނޫޅުއްވޭނެ،" އާޒިމް ވިދާޅުވި އެވެ.

އާޒިމް ވިދާޅުވީ މާލެ ސިޓީ ކައުންސިލަށްވުރެ މަތީގައި އެޗްޑީސީއަށް ނުތިބެވޭނެ ކަމަށެވެ. އެ ކުންފުނީގެ ޒިންމާއަކީ މާލެ ސިޓީ ކައުންސިލުން އަންގާ ގޮތަކަށް ހުޅުމާލޭގެ ރައްޔިތުންނަށް މުނިސިޕަލް ހިދުމަތްތައް ދިނުން ކަމަށް އޭނާ ވިދާޅުވި އެވެ.

ހުޅުމާލޭގެ މުނިސިޕަލް ހިދުމަތްތައް މާލެ ސިޓީ ކައުންސިލްގެ ދަށަށް ބަދަލުކުރުމަކީ ރައީސުލްޖުމްހޫރިއްޔާ މުހައްމަދު މުއިއްޒުގެ ރިޔާސީ ވައުދެކެވެ. އެހެންނަމަވެސް، މި ވެރިކަމުގެ ކުރީކޮޅު އޮތް މާލޭގެ މޭޔަރުގެ ބައި-އިލެކްޝަންގައި ސަރުކާރު ހިންގާ ޕީއެންސީއަށް ނާކާމިޔާބުވުމާއެކު އެ މަސައްކަތް އޮތީ ސަރުކާރުން ހުއްޓާލައިފަ އެވެ.

ކޮމެންޓް

ފަހުގެ ޚަބަރު

ބޮޑެތި ހުރިހާ މަޝްރޫއެއް ވަނީ މަޑުޖެހިފައި: މުއިއްޒު

ދަރަނި ދެއްކުމަށާއި ޒަރޫރީ ޚިދުމަތްތަކަށް އިސްކަންދިނުމުގެ ސަބަބުން، އުމްރާނީ ތަރައްގީގެ ބޮޑެތި މަޝްރޫއުތައް މަޑުޖެހިފައިވާ ކަމަށް ރައީސް މުއިއްޒު އެއްބަސްވެވަޑައިގެންނެވި. މިކަން މިގޮތަށް ދިމާވީ ދުނިޔޭގެ ބާޒާރުގައި ތެލުގެ އަގު އުފުލުމާއި ފަތުރުވެރިން އަންނަ މިންވަރު މަދުވުމުން ފިސްކަލް މެނޭޖްމަންޓަށް ބަދަލު ގެނައުމުން ކަމަށް އެމަނިކުފާނު ވިދާޅުވި.

މިރޭގެ ޖަލްސާއަށް އެއްލައްކަ މެންބަރުން ހަމަނުކުރެވުނު

ޕީއެންސީގެ މެންބަރުންގެ އަދަދު އެއްލައްކައަށް އިތުރުކުރުމަށް ހިފި އަމާޒަށް މިރޭގެ ޖަލްސާއާ ހަމައަށް ވާސިލުނުވެވުމުން، އެ އަމާޒު ހާސިލުކުރުމުގެ ވަގުތު މިރޭ މެންދަމު 12 އާ ހަމައަށް ވަނީ އިތުރުކޮށްފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި އެ ޕާޓީއަށް އެއްލައްކަ ހަމަވާން އަދި 1,992 މެންބަރުން އިތުރަށް ބޭނުންވޭ.

ހުޅުމާލޭގައި އަޅާ ކޯޓު ކޮމްޕްލެކްސްގެ ބިންގާ އަޅައިފި

އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫއަކީ ޝަރުއީ ދާއިރާގެ ހިންގުން އެއް ފުރާޅެއްގެ ދަށަށް ގެނެސް، ކޯޓުތަކަށް ދިމާވެފައިވާ ޖާގައިގެ ދަތިކަން ހައްލުކުރުމަށް ފެށި 699.8 މިލިއަން ރުފިޔާގެ މަޝްރޫއެއް. މި އިމާރާތުގައި ހައިކޯޓާއި ސުޕީރިއާ ކޯޓުތަކުގެ އިތުރުން ޑީޖޭއޭގެ އޮފީސް ވެސް ހިންގުމަށް ވަނީ ހަމަޖެހިފަ.

ޕީއެންސީއަށް 100،000 މެންބަރުން މުވައްޒަފުންނަށް މަޖުބޫރުކުރަނީ

ޕީއެންސީގެ މެންބަރުންގެ އަދަދު އެއްލައްކައަށް ހަމަކުރުމަށްޓަކައި، ސަރުކާރު ކުންފުނިތަކުގެ މުވައްޒަފުންނަށް މަޖުބޫރުކޮށް ވަޒީފާގެ ބިރުދައްކަމުންދާކަމުގެ ޝަކުވާތައް ވަނީ ބޮޑުވެފައެވެ. މި އަމާޒަށް ވާސިލުވުމަށް އެހެން ޕާޓީތަކުގެ މެންބަރުން ޕީއެންސީއަށް ބަދަލުވުމަށް އަންގަމުންދާއިރު، މެންބަރުން އިތުރުކުރުމަށް ފައިސާ ބަހާކަމުގެ ތުހުމަތުތައްވެސް ވަނީ ފެންމަތިވެފައެވެ.

މުވައްޒަފުންނަށް ސިޔާސީ މަޖުބޫރުކުރުން ކުށަކަށް ހަދާ ބިލެއް

ސަރުކާރު ކުންފުނިތަކުގެ މުވައްޒަފުންނަށް ސިޔާސީ މަޖުބޫރުކުރުން ޖިނާއީ ކުށަކަށް ހަދަން ވަޒީފާއާބެހޭ ގާނޫނަށް އިސްލާހު ހުށަހަޅައިފި. މީކާއީލް ނަސީމް ހުށަހެޅުއްވި މި ބިލުގެ މަގްސަދަކީ މުވައްޒަފުންގެ ސިޔާސީ މިނިވަންކަން ހިމާޔަތްކޮށް، ވަކި ޕާޓީއަކަށް ވަނުމަށް ނުވަތަ ހަރަކާތްތަކުގައި ބައިވެރިވުމަށް ނުފޫޒު ފޯރުވުން ހުއްޓުވުން.

ސިޓިޒެންސް ޕޯޓަލް ދެވަނަ ފަހަރަށް އިފްތިތާހުކޮށްފި

ރައީސް މުއިއްޒަށް ރައްޔިތުންގެ ޝަކުވާތަކާއި ޚިޔާލުތައް ސީދާ ހުށަހެޅޭ ގޮތަށް "ސިޓިޒެންސް ވޮއިސް" ޕޯޓަލް ދެވަނަ ފަހަރަށް ވަނީ އިފްތިތާހުކޮށްފައި އީ-ފާސް މެދުވެރިކޮށް ވަދެވޭ މި ޕޯޓަލްގެ ހިދުމަތް މިވަގުތު ވެބްސައިޓުން ލިބުނު ނަމަވެސް، ކުރިއަށް އޮތްތަނުގައި މޯބައިލް އެޕްލިކޭޝަނެއް ތައާރަފުކުރުމަށް ވަނީ ނިންމާފައި.

"މިހާރު ފެށެން މި އުޅެނީ ރާއްޖޭގެ މިނިވަންކަން ނިމުމުގެ ފެށުން"

ރަސްމާލެ މަޝްރޫއުގެ ދަށުން ބޭރުގެ ފަރާތްތަކާއި ޒަޔަނިސްޓުން ރާއްޖޭގައި ވަޒަންވެރިކުރުވަން ފަށައިފިނަމަ، ގައުމުގެ މިނިވަންކަން ގެއްލިދާނެ ކަމަށާއި، މި މަޝްރޫއުގެ މާލީ ތަފްސީލުތައް ކަމާބެހޭ އިދާރާތަކަށް ނޭނގޭއިރު، މިއީ މަދު ބައެއްގެ މެދުގައި ސިއްރުވެފައިވާ ކަމެއްކަމަށް ގާނޫނީ ވަކީލު އަލީ ހުސައިން ވިދާޅުވެއްޖެ.

Newsletter

Get the latest news delivered straight to your inbox