އެޗްޑީސީއަށް 2024 ގައި ދެ ބިލިއަން ރުފިޔާ ފައިދާވި

އެޗްޑީސީގެ މައި އޮފީސް: ހުޅުމާލެ އާއި ގުޅީފަޅާއި ތިލަފުއްޓާއި ރަސްމާލެއަކީ އެޗްޑީސީގެ ބިން --- ފޮޓޯ: އަދަދު

އެޗްޑީސީގެ މައި އޮފީސް: ހުޅުމާލެ އާއި ގުޅީފަޅާއި ތިލަފުއްޓާއި ރަސްމާލެއަކީ އެޗްޑީސީގެ ބިން --- ފޮޓޯ: އަދަދު

ދައުލަތުގެ އެންމެ ބޮޑު ކުންފުނިތަކުގެ ތެރޭގައި، ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އަށް 2024 ގައި ލިބުނު އާމްދަނީ އޭގެ ކުރީ އަހަރަށް ވުރެ ދަށަށް ދިޔަ ނަމަވެސް އެ އަހަރު ދެ ބިލިއަން ރުފިޔާގެ ފައިދާއެއް ނެރެފައިވާ ކަމަށް އެ ކުންފުނީގެ އޮޑިޓު ރިޕޯޓުން ދައްކައިފި އެވެ. 

އޮޑިޓާ ޖެނެރަލް އޮފީހުން އާންމުކޮށްފައިވާ އެޗްޑީސީގެ 2024 ވަނަ އަހަރުގެ މާލީ ބަޔާންތަކުގެ އޮޑިޓުގައި ވަނީ އެ އަހަރު އެ ކުންފުންޏަށް އާމްދަނީގެ ގޮތުގައި ލިބުނީ 3.5 ބިލިއަން ރުފިޔާ އެވެ. މިއީ އޭގެ ކުރީ އަހަރަށް ވުރެ 2.9 ބިލިއަން ރުފިޔާ މަދު އަދަދެކެވެ.

އެޗްޑީސީގެ އާމްދަނީ ދަށްވީ އެ ކުންފުންޏަށް އެންމެ ބޮޑު އާމްދަނީއެއް ވަންނަ ބިމާއި ހައުސިން ޔުނިޓުތައް ވިއްކުމުގެ ވިޔަފާރިން ލިބުނު އާމްދަނީ ދަށް ވުމާ ގުޅިގެންނެވެ. އެ އަދަދު ވަނީ 5.8 ބިލިއަން ރުފިޔާއިން 2.8 ބިލިއަން ރުފިޔާއަށް މަދުވެފަ އެވެ. އެހެން ނަމަވެސް އެ އަހަރުގެ ތެރޭގައި ކުލީގެ ގޮތުގައި ލިބުނު އާމްދަނީ 578 މިލިއަން ރުފިޔާއިން 670 މިލިއަން ރުފިޔާއަށް މަތިވެފަ އެވެ.

މި އާމްދަނީގެ އިތުރުން އެޗްޑީސީއަށް ވަނީ އެހެނިހެން އާމްދަނީގެ ގޮތުގައި 1.8 ބިލިއަން ރުފިޔާ ރެކޯޑުކޮށްފަ އެވެ. މި ވަރަށް އެހެނިހެން އާމްދަނީ އިތުރުވީ، ކްރިކެޓު ސްޓޭޑިއަމް އަޅަން ކަނޑައަޅާފައި އޮތް ބިން ހިމެނޭ ގޮތަށް އަގު ނުލިބޭ ގޮތަށް އޮތް ބިންތަކެއް އިންވެސްޓްމަންޓް ޕްރޮޕަޓީތަކަކަށް ބަދަލުކުރަން އެޗްޑީސީގެ ބޯޑުން ފާސްކުރުމާ ގުޅިގެންނެވެ.  މި ގޮތަށް އަގު ލިބޭނެ ކަމަށް ބަދަލުކުރި ބިންތަކުގެ އަގު 1.3 ބިލިއަން ރުފިޔާއަށް އަރަ އެވެ. 

އެޗްޑީސީއަށް ވަނީ 2024 ގައި ފައިނޭންސިން އާމްދަނީގެ ގޮތުގައި ވެސް އޭގެ ކުރީ އަހަރަށް ވުަރެ ރަނގަޅު އަދަދެއް ލިބިފަ އެވެ. މި އާމްދަނީގެ ބޮޑު ހިއްސާއަކީ އިންޓްރެސްޓު އަރާ ގޮތަށް ހުންނަ ލޯނުތަކާއި ލިބެން ޖެހޭ ފައިސާ (ރިސީވަބަލްސް) ގެ އިންޓްރެސްޓް އާމްދަނީ އެވެ.

މި ގޮތުން ލިބުނު 728 މިލިއަން ރުފިޔާއާއެކީ ފައިނޭންސިން އާމްދަނީގެ ޖުމްލަ ވަނީ ބިލިއަން ރުފިޔާއަށް ވުރެ އިތުރުވެފަ އެވެ. މި އެއް ބިލިއަން ރުފިޔާގެ ތެރެއިން ލޯނުތަކާއި ބޭންކުތަކުގެ އެހެނިހެން ފައިނޭންސިން ފެސިލިޓީތަކާއި ކުއްޔަށް ނަގާފައިވާ ތަންތަނަށް ދައްކަން ޖެހުނުު 747 މިލިއަން ރުފިޔާއަށް ކަނޑާފައި، އެޗްޑީސީއަށް ވަނީ ފައިނޭންސިން ހަރަކާތްތަކުން 323 މިލިއަން ރުފިޔާ ބާކީކޮށްފަ އެވެ. 

އެޗްޑީސީގެ ހަރަދުތަކަށް ބަލާއިރު، އެ ކުންފުނީގެ އެންމެ ބޮޑު ހަރަދެއް ހިނގަނީ ވިޔަފާރި ކުރުމުގެ ހަރަދަށެވެ. މި ކަމަށް 2.5 ބިލިއަން ރުފިޔާ ހަރަދުކޮށްފައިވާއިރު، އިދާރީ ހަރަދުތަކަށް އެ ކުންފުނިން ވަނީ 710 މިލިއަން ރުފިޔާ ހަރަދުކޮށްފަ އެވެ. މީގެ ތެރެއިން މުވައްޒަފުންނަށް ހަރަދު ކުރީ 500 މިލިއަން ރުފިޔާ އެވެ. އިތުރު 214 މިލިއަން ރުފިޔާ މެއިންޓެނަންސް ކަންކަމަށް ހަރަދުކުރިއިރު، މާކެޓިން އާއި ޕްރޮމޯޝަންތަކަށް 21 މިލިއަން ރުފިޔާ ހަރަދުކުރި އެވެ. 

އެޗްޑީސީން ފައިދާ ނެރެމުން ދިޔަ ނަމަވެސް އެ ކުންފުންޏަށް ލޯނުތަކުން ލިބެން ޖެހޭ ފައިސާ އާއި ލިބެން ޖެހި ނުލިބިވާ ފައިސާތަކުގެ އަދަދު ހުރީ ކަންބޮޑުވާ މިންވަރަކަށް މަތީގަ އެވެ. އޮޑިޓު ރިޕޯޓުން ދައްކާ ގޮތުގައި 2024 ނިމުނުއިރު އެ އަދަދު ހުރީ 12.1 ބިލިއަން ރުފިޔާގަ އެވެ. މިއީ އޭގެ ކުރީ އަހަރަށް ވުރެ ދެ ބިލިއަން ރުފިޔާ އިތުރު އަދަދެކެވެ. 

މި އަދަދު މައްޗަށް ދިޔަ ނަމަވެސް އެޗްޑީސީން ދައްކަން ޖެހޭ ދަރަނި ވަނީ 10.2 ބިލިއަން ރުފިޔާއިން 9.4 ބިލިއަން ރުފިޔާއަށް ތިރިވެފަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

ގޫގަލް ޕިކްސެލް އަށް އުރީދޫ 5ޖީ

ގޫގުލް ޕިކްސެލް ފޯނުތަކަށް ރާއްޖޭގައި 5ޖީގެ ޚިދުމަތް ފޯރުކޮށްދޭ ފުރަތަމަ ނެޓްވޯކަކަށް އުރީދޫ މޯލްޑިވްސް ވެއްޖެއެވެ. ނޮވެންބަރު މަހުގެ ސޮފްޓްވެއާ އަޕްޑޭޓާއެކު ޕިކްސެލްގެ އެކި މޮޑެލްތަކަށް 5ޖީ އާއި ވީއޯއެލްޓީއީގެ ޚިދުމަތް މިހާރު ލިބޭނެއެވެ.

ޓޫރިޒަމް ފަހަތަށް، މާލީ ދާއިރާ އާއި އިމާރާތް ކުރުން ކުރިއަށް

މާލީ ދާއިރާ އާއި އިމާރާތްކުރުމުގެ ދާއިރާއަށް އައި ބޮޑު ކުރިއެރުމާއެކު، ރާއްޖޭގެ އިގުތިސޯދު ވަނީ ހަތަރެއް ޕަސެންޓަށް ކުރިއަރާފަ. ޓޫރިޒަމްގެ އިތުރުން މަސްވެރިކަމުގެ ދާއިރާވެސް ވަނީ މި މުއްދަތުގައި ވަރަށް ބޮޑަށް ދަށަށް ގޮސްފަ.

ޑީއެމްއާރްއާރްގައި ޕްލާސްޓިކް ބޭނުން ނުކުރުމަށް ދިރާގު އިލްތިމާސް

މި މަހުގެ 20 ގައި ބާއްވާ "ދިރާގު މޯލްޑިވްސް ރޯޑް ރޭސް" ގައި އެއްފަހަރު ބޭނުންކޮށްފައި އުކާލާ ޕްލާސްޓިކް ބޭނުން ނުކުރުމަށް ދިރާގުން އިލްތިމާސްކޮށްފިއެވެ. ތިމާވެށި ހިމާޔަތްކުރުމުގެ މަގުސަދުގައި ކުރިއަށްގެންދާ މި ހަރަކާތުގައި ފެން ފޯރުކޮށްދޭނީ ކަރުދާސް ތަށީގައި ކަމަށާއި، ދުވުންތެރިން އަމިއްލަ ފުޅި ގެންގުޅުމަށް އެ ކުންފުނިން ބާރުއަޅައެވެ. މި އިސްނެގުމުގެ ސަބަބުން ކޮންމެ އަހަރަކު ގާތްގަނޑަކަށް 18،000 ޕްލާސްޓިކް ފުޅި މަދުކުރެވޭނެ ކަމަށް ދިރާގުން ލަފާކުރެއެވެ.

ކުޑަ ސަރަހައްދަކުން އުދުއްސާލެވޭ އާދަޔާ ހިލާފު ބޯޓެއް

އެމެރިކާގެ އިލެކްޓްރާ ކުންފުނިން ދަނީ ރަންވޭއެއް ނެތް ކުޑަ ސަރަހައްދުތަކުން އުދުއްސާލެވޭ ފަދަ ހައިބްރިޑް-އިލެކްޓްރިކް މަތިންދާބޯޓެއް އުފައްދަމުންނެވެ. މި ބޯޓުގެ ސަބަބުން ކައިރި މަންޒިލްތަކަށް ކުރާ ދަތުރުތަކުގެ ޚަރަދު ކުޑަވެ، އެއާޕޯޓުތަކަށް ބަރޯސާނުވެ ސީދާ އެއް ތަނުން އަނެއް ތަނަށް އަވަހަށް ދަތުރުކުރުމުގެ ފުރުސަތު ލިބިގެންދާނެއެވެ.

އިސްލާމިކް ބޭންކިންގެ ކްރެޑިޓް ކާޑު ޕޯޓްފޯލިއޯ ތައާރަފުކޮށްފި

މޯލްޑިވްސް އިސްލާމިކް ބޭންކް (އެމްއައިބީ) އިން ޝަރީއާގެ ހަމަތަކަށް ފެތޭ ގޮތަށް ފަރުދުންނާއި ވިޔަފާރިތަކަށް ހާއްސަ ހަތަރު ކެޓަގަރީއެއްގެ އައު ކްރެޑިޓް ކާޑު ޕޯޓްފޯލިއޯއެއް ވަނީ ތައާރަފުކޮށްފައި. މި ކާޑުތަކަށް 12,000ރ. އާއި 300,000ރ. އާ ދެމެދުގެ ކްރެޑިޓް ލިމިޓެއް ކަނޑައަޅާފައި.

ސިނެޓެކްސްގެ ވެބްސައިޓް އަލުން ފަރުމާކޮށްފި

ދިވެހި ތިން ޒުވާނުން އުފެއްދި "ސިނެޓެކްސް" ކުންފުނިން ބައިނަލްއަގުވާމީ ބާޒާރަށް އަމާޒުކޮށް އެ ކުންފުނީގެ ވެބްސައިޓް އަލުން ފަރުމާކޮށްފިއެވެ. މި ކުންފުނީގެ މައިގަނޑު މަގުސަދަކީ ދިވެހިބަހާ އެއްގޮތަށް ޑިޖިޓަލް ވަސީލަތްތައް މަދު ބަސްތަކަށް އޭއައި މޮޑެލްތަކާއި ސައިބަރ ސެކިއުރިޓީ ހައްލުތައް ފޯރުކޮށްދިނުމެވެ. އެގޮތުން 'ތާނަ އޭއައި' މެދުވެރިކޮށް ލިބޭ ހިދުމަތްތައް ފުޅާކޮށް، ކުރިއަށް އޮތް "ސްލަޝް 2026" ކޮންފަރެންސްގައި ދުނިޔޭގެ ފެންވަރުގައި މި ޓެކްނޮލޮޖީ ތައާރަފުކުރުމަށް އެ ކުންފުނިން ދަނީ ތައްޔާރުވަމުންނެވެ.

Newsletter

Get the latest news delivered straight to your inbox