ސިމްޑީ ޓެކުން ކުރިއަށް ގެންދިޔަ ލެނޯވޯ ފީފާ ވޯލްޑް ކަޕް 2026ގެ ޕްރެޑިކްޓް އެންޑް ވިން ކެމްޕޭނުގެ ނަސީބުވެރިޔާ އެ ކުންފުނިން މިއަދު އިޢުލާނުކޮށްފި އެވެ.
ފޯރިގަދަ ފުޓުބޯޅަ މެޗުތަކަކަށްފަހު ނިމިގެންދިޔަ މި މުބާރާތުގެ ނަސީބުވެރިޔަކަށް ހޮވިފައިވަނީ އިބްރާހީމް މުނައްވަރެވެ. އޭނާއަށް އިނާމެއްގެ ގޮތުގައި ލިބިފައިވަނީ ލެނޯވޯ އައިޑިއާ ޕެޑް 14 އިންޗީގެ ލެޕްޓޮޕެކެވެ.
މި ކެމްޕޭނަކީ ވޯލްޑް ކަޕްގެ ގަދަ 16 ވަނަ ބުރުން ފެށިގެން ފައިނަލް މެޗާ ހަމައަށް ކުޅެވުނު ކޮންމެ މެޗެއްގެ ނަތީޖާ ދިމާކުރުމަށް ހުޅުވާލި ފުރުސަތެކެވެ. ސިމްޑީ ޓެކުގެ ސޯޝަލް މީޑިއާ މެދުވެރިކޮށް ކުރިއަށް ގެންދިޔަ މި ހަރަކާތުގައި ބައިވެރިންނަށް ކޮންމެ ރަނގަޅު ލަފާކުރުމަކަށް ޕޮއިންޓް ދެމުން ގޮސްފައިވެ އެވެ. މުޅި މުބާރާތުގެ ތެރޭގައި ލީޑަބޯޑަށް އަންނަ ބަދަލުތައް އާންމުކޮށް ހިއްސާކުރަމުން ދިޔައިރު، އިބްރާހީމް މުނައްވަރު އެއްވަނަ ހޯދީ އެންމެ ގިނަ ޕޮއިންޓް ކާމިޔާބުކޮށްގެންނެވެ.
ސިމްޑީ ޓެކުން ވަނީ މި ކެމްޕޭނުގެ ނަސީބުވެރިޔާއަށް މަރުހަބާ ކިޔައި، މި ހަރަކާތުގައި ބައިވެރިވި ހުރިހާ ފަރާތްތަކަށް ޝުކުރު އަދާކޮށްފައެވެ. އެ ކުންފުނިން ފާހަގަކުރި ގޮތުގައި މި ކެމްޕޭނަށް ލިބުނު ބޮޑު ތަރުހީބުން ދިވެހިންގެ މެދުގައި ފުޓުބޯޅައަށް އޮތް ލޯތްބާއި، ޑިޖިޓަލް ވަސީލަތްތައް މެދުވެރިކޮށް ހިންގާ މިފަދަ ހަރަކާތްތަކަށް އޮތް ޝައުގުވެރިކަން ހާމަވެގެން ގޮސްފައިވެއެވެ. މި ޕްރެޑިކްޓް އެންޑް ވިން ކެމްޕޭނަކީ ޖުލައި މަހުގެ ތެރޭގައި ލެނޯވޯގެ އުފެއްދުންތަކަށް ހާއްސަކޮށްގެން ސިމްޑީން ކުރިއަށް ގެންދިޔަ ޕްރޮމޯޝަނުގެ ބައެކެވެ.
މި ހަރަކާތުގެ މައިގަނޑު މަގުސަދަކީ ކަސްޓަމަރުންނާ ގާތުން މުއާމަލާތްކޮށް، ދުނިޔޭގެ އެންމެ ބޮޑު ފުޓުބޯޅަ މުބާރާތުގެ ފޯރިއާއެކު ޓެކްނޮލޮޖީގެ ފައިދާ ކަސްޓަމަރުންނަށް ފޯރުކޮށްދިނުމެވެ. ސިމްޑީ ޓެކުން އަބަދުވެސް މަސައްކަތް ކުރަނީ ކަސްޓަމަރުންނަށް އާދަޔާޚިލާފު ތަޖުރިބާތަކެއް ފޯރުކޮށްދީ، ދުނިޔޭގެ ފެންވަރުގެ ޓެކްނޮލޮޖީގެ ޙައްލުތައް ރާއްޖެއަށް ތަޢާރަފުކުރުމަށެވެ. ކުރިއަށް އޮތް ތަނުގައިވެސް މިފަދަ އިތުރު ޕްރޮމޯޝަންތަކާއި އާ އުފެއްދުންތަކުގެ މައުލޫމާތު ހޯދުމަށް އެ ކުންފުނީގެ ސޯޝަލް މީޑިއާ އެކައުންޓުތަކަށް ފޮލޯ ކުރުމަށް ސިމްޑީން އިލްތިމާސްކުރެއެވެ.
ސިމްޑީ ޓެކަކީ ރާއްޖޭގައި ފުޅާ ދާއިރާއެއްގައި ޓެކްނޮލޮޖީގެ ސާމާނު ފޯރުކޮށްދޭ ކުންފުންޏެކެވެ. އެ ކުންފުންޏަކީ ކެނަން، ގޮޑޮކްސް، ލެނޯވޯ، މައިލްސްޓޯން އަދި ޖޭބީއެލް ފަދަ ދުނިޔޭގެ މަޝްހޫރު ބްރޭންޑްތަކުގެ ރާއްޖޭގެ ރަސްމީ އެޖެންޓެވެ.
ދެ ޝޯރޫމާއި ސާވިސް ސެންޓަރެއްގެ އެހީގައި ސިމްޑީން ދަނީ ސަރުކާރުގެ އިދާރާތަކަށާއި، ފަތުރުވެރިކަމުގެ ދާއިރާއަށާއި، އާންމު ރައްޔިތުންނަށް ފެންވަރު ރަނގަޅު ހިދުމަތްތަކެއް ފޯރުކޮށްދެމުންނެވެ. ވޭތުވެދިޔަ ވިހި އަހަރަށްވުރެ ގިނަ ދުވަހު ސިމްޑީން ވަނީ ރާއްޖޭގެ ޓެކްނޮލޮޖީގެ ދާއިރާގައި އިތުބާރު ހޯދާފަ އެވެ.
