ސްޕެއިނުން ފްރާންސް ދެކެ ޖެހިލުމެއް ނުވެ ކެރިގެން ނުކުންނަން ޖެހޭ: ޔަމާލް

Jul 11, 2026, 7:54 AM
ފީފާ ވޯލްޑް ކަޕް ފުޓްބޯޅަ މުބާރާތުގެ ތެރެއިން ޔަމާލް: އޭނާ ވަނީ ފްރާންސާ ކުޅޭ މެޗުގައި ޖެހިލުންނުވާނެ ކަމަށް ބުނެފައި.

ފީފާ ވޯލްޑް ކަޕް ފުޓްބޯޅަ މުބާރާތުގެ ތެރެއިން ޔަމާލް: އޭނާ ވަނީ ފްރާންސާ ކުޅޭ މެޗުގައި ޖެހިލުންނުވާނެ ކަމަށް ބުނެފައި.

ލޮސް އެންޖެލްސް، ޔުނައިޓެޑް ސްޓޭޓްސް (ޖުލައި 11) - މި ފަހަރުގެ ފީފާ ވޯލްޑް ކަޕްގެ ސެމީ ފައިނަލުގައި ސްޕެއިނުން ފްރާންސާ ދެކޮޅަށް ކުޅެން ޖެހިފައިވާއިރު، އެ މެޗަށް ޖެހިލުންނުވެ، ކެރިގެން ސްޕެއިނުން ކުރިމަތިލާން ޖެހޭ ކަމަށް އެ ޓީމުގެ ތަރި، ލަމީން ޔަމާލް ބުނެފި އެވެ. 

ސޯޅަ އަހަރަށް ފަހު، ސްޕެއިނުން ވޯލްޑް ކަޕްގެ ސެމީ ފައިނަލުގެ ޖާގަ ހޯދީ ރޭ ކުޅުނު ކުއާޓާ ފައިނަލް މެޗުގައި 2-1 އިން ބެލްޖިއަމް ބަލިކޮށްފަ އެވެ. ސްޕެއިނުން އަންގާރަ ދުވަހުގެރޭ، ސެމީ ފައިނަލުގައި ފްރާންސާ ކުޅޭއިރު، މިއީ، ފްރާންސް އިން ވޯލްޑް ކަޕް ފައިނަލުގައި ޖެހިޖެހިގެން ކުޅޭ ތިން ވަނަ ފަހަރެވެ. ފްރާންސް އިން ވަނީ، 2018 ގެ ވޯލްޑް ކަޕް ކާމިޔާބުކޮށް، 2022 ގެ ފައިނަލުން ބަލިވެފަ އެވެ. 

ސްޕެއިނުން ބެލްޖިއަމް ކައިރިން ލީޑުނެގި ފަބިއަން ރުއީޒް ޖެހި ގޯލުންނެވެ. ބެލްޖިއަމްގެ ޗާލްސް ޑ ކަޓަލާރޭގެ ލަނޑުން އެ ޓީމުން އެއްވަރުކުރިއިރު، މެޗު ނިމެން ދެ މިނިޓަށް ވެފައިވަނިކޮށް، ސްޕެއިން މޮޅުކޮށްދިން ލަނޑު ޖެހީ ބެންޗުން އެރި މިކޭލް މެރީނޯ އެވެ. މިއީ، ބެންޗުން އަރައި މެރީނޯ، ސްޕެއިން މޮުޅުކޮށްދިން ދެ ވަނަ މެޗެވެ. 

ބެލްޖިއަމް ކަޓުވާލައި ސްޕެއިން ވޯލްޑް ކަޕް ސެމީގައި ފްރާންސާ ދެކޮޅަށް

މިކޭލް މެރީނޯ ފަހު ވަގުތު ޖެހި ލަނޑާއެކު 2-1 އިން ބެލްޖިއަމް ބަލިކޮށް، ސްޕެއިން ވަނީ ވޯލްޑް ކަޕްގެ ސެމީ ފައިނަލަށް ދަތުރުކޮށްފައެވެ. ފޯރިގަދަ ކުޅުމެއް ފެނިގެންދިޔަ މި މެޗުގެ ސެމީ ފައިނަލުގައި ސްޕެއިން ބައްދަލުކުރަން ޖެހޭނީ ފްރާންސާއެވެ.

ބެލްޖިއަމާ ދެކޮޅަށް ރޭ ސްޕެއިން ކުޅުނު މެޗަށް ފަހު، ދިން އިންޓަވިއުއެއްގައި ޔަމާލް ބުނެފައިވަނީ، ސެމީގައި ފްރާންސާ ދެކޮޅަށް ކުޅެން ޖެހުމަކީ ލިބިގެންދިޔަ ބޮޑު ހިތްހަމަޖެހުމެއް ކަމަށާއި ވޯލްޑް ކަޕްގެ ލެވަލްގެ މުބާރާތެއްގައި އެންމެ ވަރުގަދަ ޓީމުތަކާ ކުޅެން ޖެހޭނެ ކަމަށެވެ.

"ވަރަށް އުފަލުން މި ހުރީ ސެމީ ފައިނަލަށް ދިޔައީމަ. އަހަރެެމެން މި ދަނީ ކުރިއަށް. އަހަންނަށް އަސްލު ކުޅުން އަދިވެސް ދައްކަން މި އުނދަގޫވަނީ ކުޅުންތެރިން ވަރަށް ރަނގަޅަށް ޖާގަތައް ބަންދައިގެން މި ކުޅެނީ،" ޔަމާލް ބުންޏެވެ. 

"ސެމީ ފައިނަލުގައި ބިރެއް ނެތް. އަހަރެމެން އެންމެ ފަހުން ކުޅުނު ދެ މެޗުގައި ވެސް ފްރާންސް އަތުން ވާނީ މޮޅުވެފައި،" 

މިއީ، މި ފަހަރުގެ ވޯލްޑް ކަޕްގެ ތެރެއިން، އިންޓަވިއުއެއްގައި ޔަމާލް، ފްރާންސާ ބެހޭގޮތުން ވާހަކަ ދެއްކި ދެ ވަނަ ފަހަރެވެ. އެ ގޮތުން، މީގެ ކުރިން، ޔަމާލް ވަނީ، ފްރާންސް އަކީ ސްޕެއިނަށް ވުރެން މޮޅު ޓީމެއް ނޫން ކަމަށް ބުނެފަ އެވެ.  ޔަމާލް މި ގޮތަށް ބުނެފައިވަނީ، ފީފާ ވޯލްޑް ކަޕް ފުޓްބޯޅަ މުބާރާތް ކާމިޔާބުކުރާނެ ކަމަށް ފޭވަރިޓެއްގެ ގޮތުގައި ގިނަ ބަޔަކު ބުރަވަނީ ފްރާންސް ކަމަށް ބުނެ އަމާޒުވި ސުވާލަަކަށް ދިން ޖަވާބުގަ އެވެ. 

ކޮމެންޓް

ފަހުގެ ޚަބަރު

ނެޓްބޯޅަ ކޮމްޕްލެކްސް އިން ކުޅިވަރުގެ ދުރުރާސްތާ ޕްލޭނަށް ފައިދާ

ސަރުކާރުގެ ކުޅިވަރުގެ ދުރުރާސްތާ ޕްލޭންގެ ދަށުން ހުޅުމާލޭގައި ބިނާކުރާ ނެޓްބޯޅަ ކޮމްޕްލެކްސްގެ ބިންގާ އަޅައިފި. މި ކޮމްޕްލެކްސްގައި ފަސް ޕިޗު ހިމެނޭއިރު، މިއީ ނެޓްބޯޅައިގެ އިތުރުން އެހެނިހެން އިންޑޯ ކުޅިވަރުތަކާއި ބައިނަލްއަގުވާމީ މުބާރާތްތައް ބޭއްވޭނެހެން ފަރުމާކުރެވިފައިވާ ތަނެއް.

އެފްއޭއެމް ވިމެންސް ލީގު: މާޒިޔާ އާއި ނިއު ފެށީ ބޮޑު މޮޅަކުން

އެފްއޭއެމް ވިމެންސް ލީގުގެ ފުރަތަމަ މެޗުތަކުން މާޒިޔާ އާއި ނިއު ރޭޑިއަންޓް ބޮޑު ތަފާތަކުން މޮޅުވެއްޖެ. މާޒިޔާއިން އެމްއެސް މޭޓްސް އަތުން 8-0 އިން މޮޅުވިއިރު، ނިއު ރޭޑިއަންޓުން ވަނީ ދަ ގްރާންޑޭ އަތުން 15-0 އިން ކުރިހޯދާފައެވެ. ހަތަރު ޓީމު ވާދަކުރާ މި މުބާރާތުގެ ދެވަނަ މެޗުތައް ކުޅުމަށް ހަމަޖެހިފައިވަނީ އަންނަ ބުދަ ދުވަހު.

ޖޭޖޭ ސްޕޯޓްސް ކްލަބުން ކޮޅުނބު ފުޓްސަލް ކަޕް ތަށި ދިފާއުކޮށްފި

ސްރީ ލަންކާގައި ބޭއްވި ކޮޅުނބު ފުޓްސަލް ކަޕްގެ ފައިނަލުގައި ލާސްޓް ވޯނިން އެފްސީ 3-0 އިން ބަލިކޮށް، ޖޭޖޭ ސްޕޯޓްސް ކްލަބުން މުބާރާތުގެ ތަށި ދިފާއުކޮށްފި. މި މުބާރާތުގައި ކުޅުނު ހުރިހާ މެޗަކުން ޖޭޖޭ މޮޅުވެފައިވާއިރު، މުބާރާތުގެ އެންމެ މޮޅު ފަސް ކުޅުންތެރިންގެ ތެރޭގައި އެ ޓީމުގެ ތިން ކުޅުންތެރިއަކު ހިމެނޭ

އިޓަލީ ކަޓުވާލައި ބެލްޖިއަމުން ނޭޝަންސް ލީގު ކުއާޓާ އަށް

ޔުއެފާ ނޭޝަންސް ލީގުގައި ރޭ ކުޅުނު މެޗުން 4-1 ގެ ބޮޑު ތަފާތަކުން އިޓަލީ ބަލިކޮށް، ބެލްޖިއަމުން މުބާރާތުގެ ކުއާޓާ ފައިނަލުން ޖާގަ ހޯދައިފި. އިޓަލީން ފުރަތަމަ ލަނޑު ޖަހައި ކުރިހޯދާފައިވަނިކޮށް، ބެލްޖިއަމުން ފަހަތުން އަރައި ފަސް ލަނޑު ޖެހިއިރު، މި ނަތީޖާއާއެކު އިޓަލީ ވަނީ މުބާރާތުން ކަޓާފައި

އިންގްލެންޑް އަތްދަށުވެ ސްޕެއިންގެ ބަލިނުވުމުގެ ރެކޯޑް ނިމިއްޖެ

ޔުއެފާ ނޭޝަންސް ލީގުގައި ރޭ އިންގްލެންޑް އަތުން 3-2 އިން ބަލިވެ، ސްޕެއިން މެޗަކުން ބަލިނުވެ ދަމަހައްޓަމުން އައި 43 މެޗުގެ ރެކޯޑް ނިމުމަކަށް އަތުވެއްޖެ. މި މެޗުގައި އިންގްލެންޑުން ތިން ލަނޑުގެ ލީޑެއް ނަގާފައިވަނިކޮށް، ސްޕެއިނުން ދެ ލަނޑު ޖެހި ނަމަވެސް މެޗުން މޮޅުވެވޭ ގޮތެއް ނުވި

އުންމީދަކީ 18 މަސް ދުވަސް ތެރޭ ފުޓްސަލް އެރީނާ ނިންމުން: ރާފިއު

ހުޅުމާލޭގައި ބިނާކުރާ ފުޓްސަލް އެރީނާގެ މަސައްކަތް 18 މަސްދުވަހުގެ ތެރޭގައި ނިންމުމަކީ އުންމީދެއް ކަމަށް ސްޕޯޓްސް މިނިސްޓަރު އަބްދުﷲ ރާފިއު (ރާއްޕެ) ވިދާޅުވެއްޖެ. ލިއޯ ޓްރޭޑިންއާ ހަވާލުކޮށްގެން ކުރިއަށްގެންދާ މި މަޝްރޫއަކީ ފުޓްސަލް ކުޅުންތެރިންނަށް ބޭނުންވާ އިންޑޯ ވަސީލަތްތައް ގާއިމުކުރުމަށް ފެށި މުހިންމު މަސައްކަތެއް

ނެޝަނަލް ފުޓްސަލް އެރީނާގެ އަމަލީ މަސައްކަތް ފަށައިފި

ހުޅުމާލޭގެ ތިންވަނަ ފިޔަވަހީގައި ބައިނަލްއަގުވާމީ ފެންވަރުގެ ނެޝަނަލް ފުޓްސަލް އެރީނާ އެޅުމުގެ އަމަލީ މަސައްކަތް ލިއޯ ޓްރޭޑިންއާ ހަވާލުކޮށްގެން ވަނީ ފަށާފައި. ދެ އަހަރު ދުވަހުގެ ތެރޭގައި ނިންމުމަށް ހަމަޖެހިފައިވާ މި މަލްޓި-ލެވެލް އެރީނާގައި ފަސް ކޯޓާއި، ކުޅުންތެރިންނަށް ބޭނުންވާ ޒަމާނީ ވަސީލަތްތައް ގާއިމުކުރަން ވަނީ ހަމަޖެހިފައި.

Newsletter

Get the latest news delivered straight to your inbox