އިޒްރޭލުގެ ހަމަލާއެއްގައި ފަލަސްތީނުގައި ވޯލްޑް ކަޕް މެޗުތައް ސްރީންކޮށްދޭ މީހާ މަރުވެއްޖެ

Jul 11, 2026, 7:25 AM
ލަސްތީނުގެ އާއިލާތަކަށް ފީފާ ވޯލްޑް ކަޕްގެ މެޗުތައް ސްކްރީންގައި އަޅުވައިދިނުމުގެ އިންތިޒާމްގައި އިސްކޮށް ހަރަކާތްރިވާ، މަޝްހޫރު އެއިޑް ވޯކަރު، މުހައްމަދު އަލް ވަހީދީ

ލަސްތީނުގެ އާއިލާތަކަށް ފީފާ ވޯލްޑް ކަޕްގެ މެޗުތައް ސްކްރީންގައި އަޅުވައިދިނުމުގެ އިންތިޒާމްގައި އިސްކޮށް ހަރަކާތްރިވާ، މަޝްހޫރު އެއިޑް ވޯކަރު، މުހައްމަދު އަލް ވަހީދީ

ގާޒާ، ފަލަސްތީން (ޖުލައި 11) - ފަލަސްތީނުގެ އާއިލާތަކަށް ފީފާ ވޯލްޑް ކަޕްގެ މެޗުތައް ސްކްރީންގައި އަޅުވައިދިނުމުގެ އިންތިޒާމްގައި އިސްކޮށް ހަރަކާތްރިވާ، މަޝްހޫރު އެއިޑް ވޯކަރު، މުހައްމަދު އަލް ވަހީދީ، އިޒްރޭލުގެ ހަމަލާއެއްގައި މަރުވެއްޖެ އެވެ. 

ރިޕޯޓްތައް ބުނާގޮތުން، މިދިޔަ އަންގާރަ ދުވަހު، އުމުރުން 65 އަހަރުގެ އަލް ވަހީދީ މަރުވެފައިވަނީ، އިޒްރޭލުގެ އެއާސްޓްރައިކެއްގަ އެވެ.

އަލް ވަހީދީގެ މަރުވެފައި މި ވަނީ، އެމެރިކާ އާއި ކެނަޑާ އަދި މެކްސިކޯގައި މިހާރު ކުރިއަށްދާ ފީފާ ވޯލްޑް ކަޕްގެ މެޗުތައް، ގާޒާގެ ރައްޔިތުންނަށް ވަގުތުން ދައްކައިދިނުމުގައި މަސައްކަތްކުރުމުގައި އޭނާ ހަރަކާތްތެރިވެ އުޅެމުންދިޔަ ދުވަސްވަރެއްގަ އެވެ. 

ބީބީސީން ރިޕޯޓްކުރާގޮތުގައި، މަރުވިއިރު، އަލް ވަހީދީ ދަތުުރުކުރަމުންދިޔައީ، ގާޒާ ސިޓީ ތެރެއިން ޓެކްސީއެއްގަ އެވެ. އަދި، ސްބަރާ ނަމަކަށް ކިޔާ ސަރަހައްދެއްގައި، ޓެކްސީއެއްގައި ދުއްވާފައި ދަނިކޮށް އިޒްރޭލުގެ މިސައިލެއް އަމާޒުވީ އެ ޓެކްސީ އަށެވެ. ރިޕޯޓްތައް ބުނާގޮތުގައި، މިއީ، އިޒްރޭލުން ސީދާ ވަހީދީ މަރާލުމަށް ދިން ހަމަލާއެކެވެ. 

މި ހަމަލާގައި އަލް ވަހީދީގެ އިތުރުން ތިން މީހަކު ވަނީ މަރުވެފަ އެެވެ. އޭގެ ތެރޭގައި، އަލް ވަހީދީގެ އާއިލާ ދެ މެމްބަރުން ވެސް ހިމެނެ އެވެ. 

ފާއިތުވި ހަފްތާތަކުގައި، އަލް ވަހީދީ އަށް ސޯޝަލް މީޑިއާގައި ގިނަ ބަޔެއްގެ ސަމާލުކަން ހުއްޓިގެން ގޮސްފައިވަނީ، ގާޒާގެ ދެއީރް އަލް ބާލަ އާއި އަލް މަސާވީ ސަރަަހައްދުތަކުގައި ސްކްރީން ބަހައްޓައިގެން، އާންމުންނަށް ވޯލްޑް ކަޕްގެ މެޗުތައް ދައްކައިދޭ މީހެއްގެ ގޮތުގަ އެވެ. ބޮޑެތި ސްކްރީންތަކުގައި ފަލަސްތީނުގެ ރައްޔިތުން ވޯލްޑް ކަޕްގެ މެޗުތައް ވަގުތުން ބަލަމުންދިޔަ މަންޒަރުތައް އަލް ވަހީދީގެ ސޯޝަލް މީޑިއާ އިން ވެސް ވަނީ ދައްކައިފަ އެވެ. 

ރިޕޯޓްތައް ބުނާގޮތުން، އަލް ވަހީދީ މަރުވެފައިވަނީ، ވޯލްޑް ކަޕްގެ ގަދަ 16 ބުރުގައި، މިސްރާއި އާޖެންޓީނާ ކުޅުނު މެޗު ދައްކަން އިތުރު ސްކްރީންތަކެއްގެ އިންތިޒާމް ހަމަޖެއްސުމުގެ ތެރޭގައި އުޅެމުންދަނިކޮށެެވެ. 

ކޮމެންޓް

ފަހުގެ ޚަބަރު

ނެޓްބޯޅަ ކޮމްޕްލެކްސް އިން ކުޅިވަރުގެ ދުރުރާސްތާ ޕްލޭނަށް ފައިދާ

ސަރުކާރުގެ ކުޅިވަރުގެ ދުރުރާސްތާ ޕްލޭންގެ ދަށުން ހުޅުމާލޭގައި ބިނާކުރާ ނެޓްބޯޅަ ކޮމްޕްލެކްސްގެ ބިންގާ އަޅައިފި. މި ކޮމްޕްލެކްސްގައި ފަސް ޕިޗު ހިމެނޭއިރު، މިއީ ނެޓްބޯޅައިގެ އިތުރުން އެހެނިހެން އިންޑޯ ކުޅިވަރުތަކާއި ބައިނަލްއަގުވާމީ މުބާރާތްތައް ބޭއްވޭނެހެން ފަރުމާކުރެވިފައިވާ ތަނެއް.

އެފްއޭއެމް ވިމެންސް ލީގު: މާޒިޔާ އާއި ނިއު ފެށީ ބޮޑު މޮޅަކުން

އެފްއޭއެމް ވިމެންސް ލީގުގެ ފުރަތަމަ މެޗުތަކުން މާޒިޔާ އާއި ނިއު ރޭޑިއަންޓް ބޮޑު ތަފާތަކުން މޮޅުވެއްޖެ. މާޒިޔާއިން އެމްއެސް މޭޓްސް އަތުން 8-0 އިން މޮޅުވިއިރު، ނިއު ރޭޑިއަންޓުން ވަނީ ދަ ގްރާންޑޭ އަތުން 15-0 އިން ކުރިހޯދާފައެވެ. ހަތަރު ޓީމު ވާދަކުރާ މި މުބާރާތުގެ ދެވަނަ މެޗުތައް ކުޅުމަށް ހަމަޖެހިފައިވަނީ އަންނަ ބުދަ ދުވަހު.

ޖޭޖޭ ސްޕޯޓްސް ކްލަބުން ކޮޅުނބު ފުޓްސަލް ކަޕް ތަށި ދިފާއުކޮށްފި

ސްރީ ލަންކާގައި ބޭއްވި ކޮޅުނބު ފުޓްސަލް ކަޕްގެ ފައިނަލުގައި ލާސްޓް ވޯނިން އެފްސީ 3-0 އިން ބަލިކޮށް، ޖޭޖޭ ސްޕޯޓްސް ކްލަބުން މުބާރާތުގެ ތަށި ދިފާއުކޮށްފި. މި މުބާރާތުގައި ކުޅުނު ހުރިހާ މެޗަކުން ޖޭޖޭ މޮޅުވެފައިވާއިރު، މުބާރާތުގެ އެންމެ މޮޅު ފަސް ކުޅުންތެރިންގެ ތެރޭގައި އެ ޓީމުގެ ތިން ކުޅުންތެރިއަކު ހިމެނޭ

އިޓަލީ ކަޓުވާލައި ބެލްޖިއަމުން ނޭޝަންސް ލީގު ކުއާޓާ އަށް

ޔުއެފާ ނޭޝަންސް ލީގުގައި ރޭ ކުޅުނު މެޗުން 4-1 ގެ ބޮޑު ތަފާތަކުން އިޓަލީ ބަލިކޮށް، ބެލްޖިއަމުން މުބާރާތުގެ ކުއާޓާ ފައިނަލުން ޖާގަ ހޯދައިފި. އިޓަލީން ފުރަތަމަ ލަނޑު ޖަހައި ކުރިހޯދާފައިވަނިކޮށް، ބެލްޖިއަމުން ފަހަތުން އަރައި ފަސް ލަނޑު ޖެހިއިރު، މި ނަތީޖާއާއެކު އިޓަލީ ވަނީ މުބާރާތުން ކަޓާފައި

އިންގްލެންޑް އަތްދަށުވެ ސްޕެއިންގެ ބަލިނުވުމުގެ ރެކޯޑް ނިމިއްޖެ

ޔުއެފާ ނޭޝަންސް ލީގުގައި ރޭ އިންގްލެންޑް އަތުން 3-2 އިން ބަލިވެ، ސްޕެއިން މެޗަކުން ބަލިނުވެ ދަމަހައްޓަމުން އައި 43 މެޗުގެ ރެކޯޑް ނިމުމަކަށް އަތުވެއްޖެ. މި މެޗުގައި އިންގްލެންޑުން ތިން ލަނޑުގެ ލީޑެއް ނަގާފައިވަނިކޮށް، ސްޕެއިނުން ދެ ލަނޑު ޖެހި ނަމަވެސް މެޗުން މޮޅުވެވޭ ގޮތެއް ނުވި

އުންމީދަކީ 18 މަސް ދުވަސް ތެރޭ ފުޓްސަލް އެރީނާ ނިންމުން: ރާފިއު

ހުޅުމާލޭގައި ބިނާކުރާ ފުޓްސަލް އެރީނާގެ މަސައްކަތް 18 މަސްދުވަހުގެ ތެރޭގައި ނިންމުމަކީ އުންމީދެއް ކަމަށް ސްޕޯޓްސް މިނިސްޓަރު އަބްދުﷲ ރާފިއު (ރާއްޕެ) ވިދާޅުވެއްޖެ. ލިއޯ ޓްރޭޑިންއާ ހަވާލުކޮށްގެން ކުރިއަށްގެންދާ މި މަޝްރޫއަކީ ފުޓްސަލް ކުޅުންތެރިންނަށް ބޭނުންވާ އިންޑޯ ވަސީލަތްތައް ގާއިމުކުރުމަށް ފެށި މުހިންމު މަސައްކަތެއް

ނެޝަނަލް ފުޓްސަލް އެރީނާގެ އަމަލީ މަސައްކަތް ފަށައިފި

ހުޅުމާލޭގެ ތިންވަނަ ފިޔަވަހީގައި ބައިނަލްއަގުވާމީ ފެންވަރުގެ ނެޝަނަލް ފުޓްސަލް އެރީނާ އެޅުމުގެ އަމަލީ މަސައްކަތް ލިއޯ ޓްރޭޑިންއާ ހަވާލުކޮށްގެން ވަނީ ފަށާފައި. ދެ އަހަރު ދުވަހުގެ ތެރޭގައި ނިންމުމަށް ހަމަޖެހިފައިވާ މި މަލްޓި-ލެވެލް އެރީނާގައި ފަސް ކޯޓާއި، ކުޅުންތެރިންނަށް ބޭނުންވާ ޒަމާނީ ވަސީލަތްތައް ގާއިމުކުރަން ވަނީ ހަމަޖެހިފައި.

Newsletter

Get the latest news delivered straight to your inbox